Նարեկ Ավետիսյան

Հայ ավանգարդիստի «հակասթրեսը», կամ Պիկասո չդառնալու 33 փորձ

286
(Թարմացված է 11:44 05.05.2018)
Հայրն իր արվեստի միջոցով հանդես է եկել խորհրդային իշխանության դեմ, որդին գովերգում է հանրապետության անկախությունն ու արվեստի ազատությունը։ Sputnik Արմենիայի թղթակիցը զրուցել է հանրահայտ Մինասի որդու՝ ավանգարդիստ Նարեկ Ավետիսյանի հետ։

Նշանավոր Մինասի և նրա որդու՝ Նարեկ Ավետիսյանի ստեղծագործությունները գրեթե ոչ մի ընդհանրություն չունեն։ Հոր գեղանկարչությունն ավելի շատ արտացոլում է ազգային արժեքները, որդին հավատարիմ է միջազգային արվեստին։ Այդուհանդերձ, այդ տարբերությունները չեն խանգարել, որ նրանց ստեղծագործությունները ներկայացվեն համատեղ ցուցահանդեսում։ 2014թ-ին Գերմանիայում անցկացվել է «Մինաս և Նարեկ Ավետիսյան․ մոդեռն և ավանգարդ» ցուցահանդեսը։

  • «Մինաս և Նարեկ Ավետիսյան. մոդեռն և ավանգարդ»
    «Մինաս և Նարեկ Ավետիսյան. մոդեռն և ավանգարդ»
    © Photo : provided by Narek Avetisyan
  • Նարեկ Ավետիսյան
    Նարեկ Ավետիսյան
    © Photo : provided by Narek Avetisyan
  • Նարեկ Ավետիսյան
    Նարեկ Ավետիսյան
    © Photo : provided by Narek Avetisyan
1 / 3
© Photo : provided by Narek Avetisyan
«Մինաս և Նարեկ Ավետիսյան. մոդեռն և ավանգարդ»

Նարեկ Ավետիսյանը սովորաբար ինքն է ձևավորում իր ցուցահանդեսները, բայց այս անգամ ցուցադրությամբ զբաղվել է թանգարանի աշխատողը։

«Ինձ շատ դուր եկավ նրա գաղափարը՝ իմ նկարները ցուցադրել Մինասի նկարներով շրջապատված։ Ստացվում է, որ հայրը պաշտպանում և գրկում է որդուն», — պատմում է նկարիչը։

Նարեկն ասում է, որ մանուկ հասակում իր տեխնիկան շատ է հիշեցրել հոր ոճը։ Մինասը եղել է նրա առաջին ուսուցիչը, որը միշտ խրախուսել է տղայի արվեստը։ Մինասը որդուն նվիրել է առաջին մոլբերտը։ Հիմա Նարեկի արվեստանոցում, որտեղ նախկինում աշխատել է Մինասը, ասեղ գցելու տեղ չկա. ամենուրեք նկարներ են՝ գետնին, հաստոցներին, պատուհանագոգերին։

Որոշ կտավներում իրար նման կերպարներ կան։ Նկարիչը խոստովանում է, որ ծագած գաղափարի հիման վրա կարող է ստեղծել մի քանի տարբերակներ, կարող է նկարել նկարների մի ամբողջ շարք։

«Չի եղել այնպես, որ ինչ-որ բան նկարեմ ու միանգամից վերջակետ դնեմ», — նշում է նկարիչը։

Նարեկը ցույց է տալիս տղամարդկանց դիմանկարներ, որոնք հիշեցնում են Հիսուսին կամ հայ քահանայի կերպարը։ Շարքը կոչվում է «Ի խորոց սրտի», որը միանգամից ասոցիացիաներ է առաջացնում Գրիգոր Նարեկացու «Մատյան ողբերգության» հետ։ Այս պոեմում տաղերից յուրաքանչյուրը սկսվում է «Ի խորոց սրտի խոսք Աստծո հետ» խոսքերով։

Սակայն այդ շարքի նկարները Նարեկացու ստեղծագործության նկարազարդումները չեն և ոչ էլ բանաստեղծի դիմանկարները։ Դրանք մարմնավորում են իրեն և աստծուն գտնելու նկարչի փորձերը։ Նարեկ Ավետիսյանն այս շարքում հարուստ գունապնակ և բազմազան երկրաչափական ֆիգուրներ է օգտագործում։ Նկարիչը վերաիմաստավորում է իր կյանքը և շտկում իր մասին պատկերացումները։ Այս շարքում ընդամենը 33 նկար կա, ինչն ուղիղ կապ ունի Քրիստոսի տարիքի հետ։

Նկարների վրա դրված է «Պիկասո չէ» դրոշմը։ Ավետիսյանը խոստովանում է, որ երբ փոքր է եղել, իր ամենասիրելի նկարիչը եղել է Պաբլո Պիկասոն։ Նրա արվեստը նույնիսկ ավելի բարձր է դասել, քան Մինասինը։

Картины художника Нарека Аветисяна из серии Антистресс
© Photo : provided by Narek Avetisyan
Նարեկ Ավետիսյանի ստեղծագործություններից

«Մեր տանը Պիկասոյի նկարներով ալբոմ կար։ Ես ոչինչ չէի հասկանում, բայց ժամերով թերթում էի այն», — հիշում է Նարեկը։

Նա նշում է, որ իր «Հակասթրես» շարքի գաղափարի հիմքում ընկած են հայտնի նկարչի հայեցակարգերը, բայց էությունն այն է, որ սա Պիկասոյի կրկնօրինակում չէ։

Նարեկ Ավետիսյանի նկարների մյուս շարքը կոչվում է «Հակասթրես»։ Արդեն նկարված են մի քանի տասնյակ նկարներ, բայց շարքը դեռ ավարտված չէ։ «Սթրեսը հավերժ է», —կատակում է նկարիչը։

Կտավների վրա մանր տառերով արտահայտություններ են գրված։ Նույնիսկ կտավի բնութագրերը, որոնք նկարիչներն ավանդաբար գրում են նկարի հակառակ կողմում, այս շարքում տեղադրված են դիմերեսին։

Նա խորհուրդ է տալիս չհավատալ այն նկարիչներին, որոնք պնդում են, թե գեղանկարչությունն ընդամենը ծանր աշխատանք է։

Իհարկե, գաղափարը կյանքի կոչելը, նկարների վրա ժամերով աշխատելը հեշտ չէ, բայց Նարեկ Ավետիսյանի կարծիքով՝ հենց դրա մեջ է նկարչի երջանկությունը։

«Առօրյա կյանքում ոչինչ ինձ այդպես չի ազատում սթրեսից, ինչպես արվեստը», — ասում է Մինասի որդին։

Նարեկը Հայաստանում առաջիններից է սկսել զբաղվել ֆրակտալ գեղանկարչությամբ, որը թվային արվեստի ուղղություն է։ Նա նաև ժամանակ առ ժամանակ պատվերով է նկարում։ Բայց Ավետիսյանը հանգամանալից է մոտենում այս հարցին, նրա համար լուրջ նշանակություն ունի պատվերի տեսակը և հենց պատվիատուի անձը։

«Ոչ ոք և ոչինչ չի ստիպի ինձ նկարել այն, ինչ ինձ դուր չի գալիս», — բացատրում է Նարեկը։ Արվեստից դուրս Նարեկը ամուսին է և հայր։ Երկու որդի ունի։ Ավագ որդին նշանավոր պապի անունն է կրում` Մինաս, իսկ կրտսերին Վաղարշակ են կոչել։ Որդիները հիմա գեղանկարչությամբ չեն զբաղվում, թեև մանուկ հասակում սիրել են նկարել։

Տարիներ առաջ Մինասն ասել է Նարեկին․ «Տղաս, դու փոփ արտ ես նկարում։ Կմեծանաս, կհասկանաս, թե դա ինչ է»։

Նարեկի խոսքով՝ հայրը գուշակել է, որ որդին կընտրի նկարչի ուղին։ Մի անգամ հայտնի գեղանկարիչը Նարեկի նկարը ցույց է տվել արվեստանոցում հավաքված իր ընկերներին և ասել․ «Չգիտեմ՝ կտեսնեմ դա, թե ոչ, բայց հիշեք՝ այս երեխան նկարիչ կդառնա»։

Նա իրավացի էր։ Այսօր Նարեկ Ավետիսյանը հայտնի նկարիչ է, նրա արվեստը բարձր են գնահատում արվեստի գիտակները և փորձագետները, ցուցահանդեսները հաջողված են, նկարիչն իր գործերը ցուցադրում է ոչ միայն հայրենիքում, այլ նաև արտասահմանում։

Հոդվածի բնօրինակը։

286
Նիկոլ Փաշինյան. արխիվային լուսանկար

Դուք միգուցե պարտություն կկրեք, բայց կհաղթանակեն ձեր դավանած սկզբունքները

289
(Թարմացված է 21:59 14.07.2020)
​Եկեք անկեղծ լինենք: Երբ Կարլ Մարքսը մոտ մեկուկես դար առաջ ասում էր, որ հեղափոխությունները պատմության լոկոմոտիվներն են, դրա մեջ ճշմարտության հատիկ կար:
Դուք միգուցե պարտություն կկրեք, բայց կհաղթանակեն ձեր դավանած սկզբունքները

Բայց, միևնույն ժամանակ, երբ ֆրանսիացի սոցիալիստ Ժան Ժորեսը պնդում էր, թե հեղափոխությունը առաջադիմության բարբարոսական ուղին է, դրանում էլ ճշմարտության հատիկ կար:

Այսօր ֆրանսիացիները նշում են Բաստիլի գրավման, այսինքն` Ֆրանսիական մեծ հեղափոխության տարեդարձը: Գրեթե բոլոր մասնագետները միակարծիք են, որ այդ հեղափոխությունը մարդկության պատմության կարևորագույն իրադարձություններից մեկն էր, որը հսկայական ազդեցություն գործեց քաղաքակրթության հետագա զարգացման ողջ ընթացքի վրա:

Փաստորեն ավարտվեց միապետությունների դարը, սկսվեց հանրապետությունների դարաշրջանը: Վերջնականապես վերացվեցին ֆեոդալական կարգերը, ազնվական ծագման հետ կապված արտոնությունները, ստրկությունը, աշխարհով մեկ սկսեցին տարածվել ազատականության, աշխարհիկության, ֆեմինիզմի գաղափարները, օրինականացվեց ապահարզանը:

Հեռու չգնանք՝ մեր Սահմանադրությամբ ամրագրված դրույթն այն մասին, որ իշխանությունը պատկանում է ժողովրդին, նույնպես վերցված է Ֆրանսիական հեղափոխության ժամանակ ընդունված Մարդու և քաղաքացու իրավունքների հռչակագրից: էլ չեմ ասում ֆրանսիացի հեղափոխականների հանրահայտ երեք սկզբունքների մասին՝ «Ազատություն, հավասարություն, եղբայրություն»՝ ում սրտով չէ այդ հրաշալի կարգախոսը:

Ինչ պետք է անեք ջահել ժամանակ, որ հասուն տարիքում վատ չզգաք. գիտնականների 10 խորհուրդները

Բայց ախր հարց է ծագում՝ բա եթե հեղափոխությունը այդքան լավ բաներ է բերում իր հետ, ինչո՞ւ ենք տարբեր գործիչներից ամեն քայլափոխի լսում՝ «ես հեղափոխական ուղու կողմնակից չեմ, էվոլյուցիոն զարգացման կողմնակից եմ»:

Իսկապես, որոշ պատմաբաններ համոզված են՝ եթե 1789 թվականին սկսված հեղափոխությունը չլիներ, Ֆրանսիան, միևնույն է, մի 50 տարի հետո կունենար նույն արդյունքները, բայց առանց այն ահավոր բռնությունների, որոնք դարձան հեղափոխության անքակտելի մասը:

Հիշենք, որ Բաստիլի գրավմանն ի վերջո հաջորդեց տեռորը՝ տարբեր գնահատումներով մահապատժի ենթարկվեց շուրջ 40 հազար մարդ: Հեղափոխականները հռչակեցին ազատ ընտրություններ, հետո սկսեցին ամեն ինչ անել, որպեսզի այդ ընտրությունները տան իրենց համար շահեկան արդյունքը: Նաև մամուլի ու խոսքի ազատություն հռչակեցին, բայց քիչ անց սկսեցին հետապնդել այլախոհներին, պատճառաբանելով, թե նրանք խարխլում են պետության հիմքերը և սպառնում հասարակության անվտանգությանը:

​Համաձայնեք՝ սա շատ բարդ հարց է: Կարող եք ասել՝ բայց չէ՞ որ եղել են հեղափոխություններ, որոնք բռնություններով չեն ուղեկցվել՝ հենց մեր «թավշյա հեղափոխությունը», Չեխոսլովակյան թավշյա հեղափոխությունը, Վրաստանի «վարդերի հեղափոխությունը»։

Արդյո՞ք Լավրենտի Բերիան է սպանել Աղասի Խանջյանին

Չեմ առարկի և որպես հակափաստարկ չեմ բերի Ռուսաստանյան սոցիալիստական հեղափոխությունը և դրան հետևած ռեպրեսիաները,  նույնիսկ չեմ հիշեցնի, թե գունավոր հեղափոխությունների ժամանակ քանի զոհ եղավ Ղրղզստանում, Կահիրեի Թահրիրի հրապարակում և Կիևի Մայդանում: Ավելին` Ամերիկյան հեղափոխությունը, որը սկսվեց ֆրանսիականից ավելի վաղ՝ 1776 թվականին, և, փաստորեն, նույնքան՝ մոտ տասը տարի տևեց, այնուամենայնիվ, տեռորով չուղեկցվեց: Զոհեր եղան, բայց դրանք պատերազմական զոհեր էին:

էստեղ սկզբունքային մի նրբություն կա: Այս հարցը՝ հեղափոխությունը և բռնությունը, մոտ 20 տարի առաջ լույս տեսած իր շատ հետաքրքիր գրքում  մանրամասն վերլուծել է ֆրանսիացի պատմաբան Պատրիս Գենիֆեն: Նա հարց է տալիս՝ ուրեմն ի՞նչ՝ ցանկացած քաղաքական փոփոխություն պետք է անպայման բռնությամբ ուղեկցվի՞: Իհարկե ոչ:

Կարևորն այն է, որ հեղափոխականը, որը քարոզում է ազատության, արդարության և հավասարության սկզբունքները, մինչև վերջ հավատարիմ մնա դրանց, երբեք չշեղվի դրանցից՝ նույնիսկ այն դեպքում, երբ քաջ գիտակցում է, որ այդ սկզբունքների կենսագործումը կարող է վնասել իրեն, զրկել իրեն որոշակի արտոնություններից, բարիքներից, իշխանությունի՞ց:

Այսինքն՝ ժողովրդավարության և արդարության սկզբունքներն այնքան խորը արմատներ են ձգել ձեր մարդկային էության մեջ, որ նույնիսկ իմանալով, որ հանրությունը առաջիկա ընտրություններում այնքան էլ հակված չէ իր ձայնը տալու այն ուժին, որը դուք ներկայացնում եք, ընտրակեղծիքների չե՞ք դիմի, առավել ևս, չե՞ք հանձնարարի, ասենք, փողերի լվացման մեղադրանքով գործ հարուցել ձեր ընդդիմախոսի նկատմամբ, չե՞ք փորձի վերահսկել լրատվամիջոցները, որոնք ձեզ քննադատում են, չե՞ք անջատի ընդդիմության ներկայացուցչի խոսափողը խորհրդարանում, իսկ ընտրություններից հետո երբեք զինված ոստիկաններ դուրս չե՞ք բերի բողոքող ցուցարարների դեմ:

«Ազնիվ մարդկանց կուսակցություն»` կաշառակեր անդամներով, կամ երբ մեր քաղաքական դաշտը կմաքրվի

Դուք, միգուցե, պարտություն կկրեք ու կզրկվեք իշխանական լծակներից և արտոնություններից, բայց հաղթանակ կտանեն ձեր դավանած սկզբունքները:

Եթե, իհարկե, իսկապես հավատարիմ եք այդ սկզբունքներին։

289
թեգերը:
Եկեք անկեղծ լինենք, ԽՍՀՄ, «Թավշյա հեղափոխություն», Արմեն Դուլյան
թեմա:
5 րոպե Դուլյանի հետ
Ըստ թեմայի
«Մահափորձեր» մահվանից հետո. Լենինին նաև դամբարանում էին ուզում «սպանել»
Եթե Քանյե Ուեսթը նախագահ դառնա, կշահենք մենք ու Չինաստանը
Թող այդ ամենի մասին մեր երեխաներն ու թոռները մտածեն, մեզ մեր խնդիրներն էլ բավարար են
Երիտասարդներ, արխիվային լուսանկար

Թող այդ ամենի մասին մեր երեխաներն ու թոռները մտածեն, մեզ մեր խնդիրներն էլ բավարար են

401
(Թարմացված է 21:48 13.07.2020)
Եկեք անկեղծ լինենք։ Այսօրվա կորոնավիրուսային իրավիճակը այնքան լուրջ խնդիր է, որ բոլորովին չի տրամադրում մտածելու այլ խնդիրների մասին, որոնք ծառանալու են ամբողջ մարդկության առջև, ասենք՝ այս դարի կեսերին։

Այնինչ այդ խնդիրները հետզհետե սկսում են ուրվագծվել հենց այսօր, բոլորիս աչքի առջև ու BBC-ին ներկայացրել է այն 10 գլխավոր մարտահրավերները, որոնց հետ մարդկությունը ստիպված է լինելու գործ ունենալ 30 տարի հետո՝ 2050 թվականին։ Թույլ տվեք հնարավորինս հակիրճ անդրադառնալ դրանց, իսկ առաջիկայում հաստատ դեռ առիթներ կլինեն շատ ավելի մանրամասն խոսելու այդ դրանց մասին՝ առանձին-առանձին։

Եվ այսպես՝ առաջին։ Մարդու գենային մոդիֆիկացումը։ Խոսքը, ինչպես մասնագետներն են ասում, մարդու ԴՆԹ-ի խմբագրման մասին է։ Սա մի կողմից՝ հսկայական օգուտներ կարող է բերել շատ որոշակի հիվանդությունների դեմ պայքարում, մյուս կողմից՝ էթիկական բնույթի նուրբ հարցեր է առաջացնում՝ արդյոք մենք իրավունք ունենք արհեստականորեն կատարելագործել մարդու օրգանիզմը և, ի վերջո, ստեղծել իդեալական մարդ արարած։

Երկրորդ։ Տարեցների թվի ավելացում։ Համաձայնեք՝ Հայաստանը այն երկրներից է, որտեղ այս խնդիրը առավել, քան հրատապ է։ Իսկ գլոբալ առումով մասնագետներն այսպիսի կանխատեսումներ են անում՝ հարյուր տարին բոլորած մարդկանց թիվն այսօր աշխարհում ընդամենը մոտ կես միլիոն է, 2050 թվականին այն գերազանցելու է 25 միլիոնը, այսինքն` աճելու է 50 անգամ։ Իհարկե, հրաշալի է, որ մարդիկ ավելի երկար են ապրելու, բայց… Անցնենք հաջորդ խնդրին։

Ինչ-որ բան այն չէ ժողովրդավարության նախկին «կղզյակներում»

Կլիմայական փոփոխություններ։ Երբևէ լսե՞լ եք կլիմայական փախստականների մասին։ Իսկ մասնագետներն արդեն կանխատեսում են, որ եթե գլոբալ տաքացումը շարունակվի, որոշ տարածքներ լիովին կանցնեն ջրի տակ և դրանց բնակիչները ստիպված կլինեն տեղափոխվել այլ բնակավայրեր, այլ երկրներ, այսինքն՝ կդառնան կլիմայական փախստականներ։

Անցնենք սոցիալական ցանցերին։ Սկզբում մեծ ոգևորություն էին առաջացնում, որովհետև շփվելու անսահման հնարավորություններ էին ընձեռում, հիմա կամաց-կամաց հասկանում ենք, թե որքան խոցելի ենք դառնում՝ ով ասես կարող է կեղծ անվան տակ գրանցվել ու հանգիստ հայհոյել քեզ։ էլ չեմ ասում սուտ տեղեկության տարածման մասին։ Լավ՝ քանի անգամ կարող է մեռնել Միխայիլ Գորբաչովը՝ մի հիսուն անգամ թաղեցին խեղճ մարդուն։ Ու այս խնդիրը գնալով խորանալու է։

«Մահափորձեր» մահվանից հետո. Լենինին նաև դամբարանում էին ուզում «սպանել»

Հաջորդը։ Քաղաքային տրանսպորտի երթևեկությունը։ Հիշում եմ՝ մի ժամանակ Ֆուրմանովի փողոցում, երբ բակի տղաներով երթևեկելի հատվածում ֆուտբոլ էինք խաղում՝ հատ ու կենտ մեքենաներ էին անցնում։ Հիմա երեկոյան վերադառնում ես աշխատանքից, հաստատ, 100 տոկոսով գիտես, որ քաղաքի այսինչ հատվածում անպայման խցանում է լինելու։ Իսկ ավտոմեքենաների թիվը տարեցտարի ավելանում ու ավելանում է։ Դուք գոնե պատկերացնո՞ւմ եք, թե 2050 թվականին Երևանում ինչ է կատարվելու։ Անկեղծ ասեմ՝ ես չեմ պատկերացնում։

Անցնենք առաջ։ Ինչ է լինելու, երբ Երկրի բնական պաշարները, որոնք մենք անխնա օգտագործում ենք, սկսեն սպառվել։ Մասնագետները փաստում են՝ սովորական բջջային հեռախոսում կա մոտ 60 բաղադրիչ, որոնցից առնվազն մի քանիսը՝ հազվադեպ հանդիպող մետաղներ են։ Ճիշտ եք։ Այդ մետաղները այլ նյութերով փոխարինելու եղանակներն առաջիկա տասնամյակներում երևի այնուամենայնիվ կգտնվեն։ Բայց վերցրեք մեր հայաստանյան հանքարդյունաբերությունը՝ ախր մեր արտահանման, մանավանդ եվրոպական արտահանման մի զգալի մասը՝ բնական պաշարներն են, որոնք անսահման չեն։ Բա 2050-ին ինչ է լինելու։

Սուրբ Սոֆիան ուզում են մզկիթ դարձնել. հայ ճարտարապետի վերականգնած գմբեթի տակ նամազ կհնչի՞

Եվ վերջապես։ Որոշ մասնագետներ համոզված են, որ անխուսափելիորեն գալու է այն օրը, երբ արհեստական բանականությունը գերազանցելու է մարդկային բանականությանը և սկսելու է ինքնուրույն կատարելագործվել ահռելի արագությամբ։ Եվ այստեղ ծագում է ամենագլխավոր հարցը՝ իսկ արդյոք առանց մարդու միջամտության զարգացող այդ բանականությունը բարյացակամ կլինի մեր՝ մարդկանց նկատմամբ։ Բա, որ հանկարծ որոշի, որ մարդկությունը խոչընդոտում է իր կատարելագործմանը։ Բայց շատ ճիշտ եք՝ թող այս ամենի մասին մեր երեխաներն ու թոռները մտածեն, մեզ մեր առօրյա խնդիրներն էլ բավարար են։

401
թեգերը:
խցանում, կորոնավիրուս, երեխա, թոռ, տարեց, Տրանսպորտ, Երևան, արհեստական բանականություն
թեմա:
5 րոպե Դուլյանի հետ
Ըստ թեմայի
Ո՞ր խավին ենք պատկանում հայերս․ սոցիալիզմի ու կապիտալիզմի արանքում
Եթե Քանյե Ուեսթը նախագահ դառնա, կշահենք մենք ու Չինաստանը
Թեժ վիճաբանություն «հայու գենի» շուրջ, կամ մենք ու Ամերիկան
Արժե՞ վստահել վարկանիշներին. ինչ անել, որ հայկական բուհերն էլ լավագույնների շարքին դասվեն
Մամիկոն Ասլանյան

Բացասական եզրակացության դեպքում չեն վճարվի. Վանաձորում գոհ չեն ասֆալտապատման աշխատանքներից

0
Վանաձորի համայնքապետ Մամիկոն Ասլանյանը Sputnik Արմենիայի եթերում անդրադարձել է ճանապարհաշինարարության անորակ աշխատանքներին: 
Ասլանյան. «Ճանապարհաշինարարական աշխատանքներում եղել են ժամկետների հետ կապված բացթողումներ»

Վանաձորում դժգոհ են ճանապարհաշինարարության աշխատանքների ընթացքից: Խոսքը ոչ այնքան իրականացվող աշխատանքների որակի մասին է, որքան դրանց ձգձգման: Ընկերությունը խոստացել է դրանք ավարտել մինչև օգոստոսի 1-ը, իսկ մարզպետարանն ու համայնքապետարանը կարող են գնահատականներ տալ աշխատանքների ամբողջական ավարտից հետո: Վանաձորի համայնքապետ Մամիկոն Ասլանյանի փոխանցմամբ՝ ինքը և Լոռու մարզպետ Անդրեյ Ղուկասյանը շրջել են և ծանոթացել սուբվենցիոն ծրագրերով իրականացվող աշխատանքների ընթացքին:

Անդրադառնալով այն հանգամանքին, որ Լոռու մարզպետը դիմել է դատախազություն՝ երկու լաբորատորիաներից ներկայացրած եզրակացության առթիվ, Ասլանյանը նշեց, որ դեռ անցած տարվանից ճանապարհաշինարարական կազմակերպության աշխատանքների որակի վերաբերյալ լաբորատորիաներից մեկը ներկայացրել էր դրական եզրակացության, մինչդեռ ՏԿԵ նախարարության ենթակայությամբ գործող ՊՈԱԿ-ի լաբորատոր փորձաքննության արդյունքում դրական եզրակացության է արժանացել փողոցներից մեկը, մյուս երեքի վերաբերյալ առկա է բացասական եզրակացություն:

«Լոռու Մարզպետը դիմել է դատախազություն՝ պարզելու, թե ինչպես է ստացվել, որ մի տեղից ստացվել է դրական, իսկ մյուս տեղից՝ բացասական եզրակացություն: Ի դեպ, մեզ անցյալ տարվա վերջին ներկայացրել էին 4-5 փողոցի վերաբերյալ եզրակացություն, մենք կրկնակի եզրակացությամբ վճարել ենք միայն մեկ փողոցի համար, որի առթիվ երկու լաբորատորիաներն էլ տվել են դրական եզրակացություն»,- Sputnik Արմենիայի հետ զրույցում հայտնեց Վանաձորի համայնքապետը: 

Ի՞նչ վիճակում է Վանաձորից Վրաստանի սահման տանող ճանապարհը

Ասլանյանի տեղեկացմամբ՝ իրենք իրականացնում են աշխատանքների կազմակերպման վերահսկողություն, իսկ աշխատանքներն, ըստ նրա, ընթացել են ոչ թե թերություններով, այլ կազմակերպության կողմից եղել են բացթողումներ, որոնք արձանագրված են և առնչվում են ժամկետներին, աշխատանքների կազմակերպման ինտենսիվությանը: Սակայն, երբ համայնքապետարանը սկսել է խզման գործընթաց, կազմակերպությունը խոստացել է 4-5 օրում մոտ 5-6 հազար քառակուսի մետր տարածքի աշխատանքներին տեմպ հաղորդել: 

«Ընդամենը մնում էր երեք փողոց և մեկ կիսատ փողոց, որպեսզի ամբողջությամբ ասֆալտապատվեին: Ըստ այդմ՝ աշխատանքների ընդունման կարգը կորոշվի լաբորատոր փորձաքնության դրական եզրակացության պարագայում, իսկ բացասական եզրակացության դեպքում ճանապարհաշինարակական աշխատանքները չեն վճարվի»,- ասաց նա:

Ազատության հրապարակը կբարեկարգվի. քաղաքապետարանն առաջարկում է ասֆալտը հանել ու սալիկապատել

Շրջանառվող տեղեկատվության համաձայն՝ Վանաձորում «Մ. Բուատ» ճանապարհաշինարարական ընկերությունը ստիպված կլինի անցած տարի հիմնանորոգած փողոցներից մեկը նորից ասֆալտապատել, քանի որ կառավարության և համայնքի համատեղ ֆինանսավորմամբ կատարված աշխատանքը չի ընդունվել պատվիրատուի կողմից. լաբորատոր փորձաքննությամբ հաստատվել է, որ ասֆալտն անորակ է:

0
թեգերը:
Արկադի Ղուկասյան, Լոռի, եզրակացություն, ասֆալտ, Վանաձոր
Ըստ թեմայի
Դիտավորյալ անորակ ասֆալտ անողները կպատժվե՞ն քրեորեն. Փաշինյանը բարկացել է
Ոչ թե մոխրագույն ասֆալտ, այլ սթրիթբոլի դաշտ. Երևանը հետ չի մնում Նյու Յորքից. տեսանյութ
Ասֆալտանախշումը Երևանում թափ է հավաքում. ներկ վաճառողն ու ակտիվիստը պարապ չեն մնա
«Ասֆալտ անողներին ասֆալտին փռելու» խնդիր չկա. Շիրակի մարզպետն ամփոփեց 100 օրը