Զինծառայողներ

Հայտնի են դարձել 26 հայ գերիների անունները, որոնց մեղադրանք է առաջադրվել Ադրբեջանում

451
(Թարմացված է 17:23 11.06.2021)
Ադրբեջանական լրատվամիջոցները հրապարակել են այն հայերի անունները, որոնց գործերը քննվելու են Բաքվի ծանր հանցագործությունների դատարանում։

ԵՐԵՎԱՆ, 11 հունիսի - Sputnik. Հայտնի են 26 հայ ռազմագերիների անունները, որոնց Բաքուն ներկայացրել է որպես դիվերսանտներ և համապատասխան մեղադրանք առաջադրել։ Ինչպես հաղորդում Է Sputnik Ադրբեջանի Telegram-ալիքը, 26 հայ քաղաքացիների գործերը երեկ ուղարկվել են վարույթ և քննվելու են Բաքվի ծանր հանցագործությունների դատարանում:

Ըստ աղբյուրի` քրեական գործեր են հարուցվել Եղիշ Աստանյանի, Կարեն Արամյանի, Տիգրան Ավագյանի, Հովսեփ Գևորգյանի, Հովսեփ Մանուկյանի, Գևորգ Մարտիրոսյանի, Ռոբերտ Գևորգյանի, Վաղարշակ Ավետիսյանի, Վոլոդյա Հակոբյանի, Անդրանիկ Սուքիասյանի, Անդրանիկ Մանուկյանի , Գրիգոր Սաղաթերյանի, Էդուարդ Գիրագուսյանի, Ռաֆիկ Կարապետյանի, Գուրգեն Ղոլյանի, Հրայր Թադևոսյանի, Վաղարշակ Մալոյանի, Սասուն Եղիազարյանի, Արսեն Վարդանյանի, Վահագն Բեհրեկյանի, Սեդրակ Սողոմոնյանի, Արման Դիլանյանի, Մանուկ Մարտոյանի, Վելս Անբարդանյանի, Անդրանիկ Միքայելյանի և Ֆելիքս Գրիգորյանի նկատմամբ:

Ադրբեջանում հայ գերիներին դատելը միջազգային իրավունքի խախտում է. Թաթոյան

Նշենք, որ ղարաբաղյան հակամարտության գոտում հրադադարի հաստատումից հետո Ադրբեջանում պահվող գերիների և պատանդների վերադարձի հարցը վերջնականապես չի լուծվում։ Ադրբեջանը չի շտապում վերադարձնել բոլոր գերիներին։ Անցած ժամանակահատվածում փոխանակման ընդամենը մի քանի դեպք է եղել, և հայրենիք են վերադարձել 69 հայ զինվորականներ և քաղաքացիական անձինք: Ըստ իրավապաշտպանների` Ադրբեջանում ավելի քան 200 հայ գերի կա։

Հենց գերիների թեման բարձրանում է՝ ռուսների գրպանն են գցում. Քոչարյան

 

451
թեգերը:
Մեղադրանք, հայ, գերի, Ադրբեջան
Ըստ թեմայի
Արտակ Զեյնալյանը հավանական գերիների վերաբերյալ տեսանյութ է հրապարակել. 16+
Ինչո՞ւ գերիների շուրջ բանակցություններն արդյունք չեն տալիս. Կապրիելյանի տեսակետը
«Պաշտոնապես հայտնում եմ` պատրաստ եմ որդուս տալ բոլոր գերիների դիմաց». Նիկոլ Փաշինյան
Եկատերինա Տիկարաձե

Վրաստանի առողջապահության նախարարը պատվաստումից հետո հիվանդացել է կորոնավիրուսով

631
(Թարմացված է 15:15 01.06.2021)
Վերջին ժամանակաշրջանում Վրաստանում կորոնավիրուսով են վարակվել և՛ մեկ դեղաչափով, և՛ երկու դեղաչափով պատվաստված անձինք։

ԵՐԵՎԱՆ, 1 հունիսի - Sputnik. Վրաստանի առողջապահության նախարար Եկատերինա Տիկարաձեն վարակվել է կորոնավիրուսով։ Տեղեկությունը հայտնում է «Նովոստի–Գրուզիա» գործակալությունը։

Տիկարաձեն մարտի 23–ին էր պատվաստվել «AstraZeneca» բրիտանա-շվեդական պատվաստանյութով:

Նա հեռուստալրագրողների ներկայությամբ պատվաստվել էր «Սաչխերե» բժշկական կենտրոնում։ Տիկարաձեն մի քանի տարի շարունակ եղել է այդ կենտրոնի տնօրենը։ Նախարարն իր արարքով ցանկացել է մոտիվացնել կլինիկայի բուժանձնակազմին։

Կայքի տվյալներով՝ նախարարը հասցրել է ստանալ պատվաստանյութի միայն մեկ չափաբաժին, երկրորդը պետք է ստանար հունիսին: Թեստի դրական պատասխանը ստանալուց հետո Տիկարաձեն և նրա հետ շփված մի քանի պաշտոնյաներ ինքնամեկուսացել են։

Հիվանդությունների վերահսկման և հանրային առողջության ազգային կենտրոնի ղեկավար Ամիրան Գամկրելիձեն ավելի վաղ հայտնել էր, որ վերջին ժամանակաշրջանում Վրաստանում կորոնավիրուսով են վարակվել և՛ մեկ դեղաչափով, և՛ երկու դեղաչափով պատվաստված անձինք։

Նուբար Աֆեյանը միլիարդատեր Է դարձել կորոնավիրուսի դեմ պատվաստանյութի արտադրության շնորհիվ

Գամկրելիձեն կարծում է, որ պատվաստումից հետո կորոնավիրուսով վարակվելը նորմալ է, քանի որ պատվաստանյութն առաջին հերթին պաշտպանում է հիվանդության ծանր ընթացքից և մահացու ելքից:

Վերջին տվյալներով՝ Վրաստանում ավելի քան 344 հազար մարդ է վարակվել կորոնավիրուսով։

Կորոնավիրուսի դեմ պատվաստումը երկրում սկսվել է մարտի կեսերին։

Ռուսական «Սպուտնիկ V» պատվաստանյութը կարող է մինչև հունիսի վերջ գրանցվել Եվրոպայում

631
թեգերը:
պատվաստումներ, պատվաստանյութ, կորոնավիրուս, Նախարար, Վրաստանի Հանրապետություն
թեմա:
Կորոնավիրուսը աշխարհում
Զբոսաշրջիկներ, Թբիլիսի

Վրաստանը նախատեսում է բացել ցամաքային սահմանը. Տուրնավան նախնական ժամկետ է ասել

168
(Թարմացված է 16:40 13.05.2021)
Վրաստանի ցամաքային ու ծովային սահմանները փակ են 2020 թվականի մարտից: Ցամաքային սահմանի բացումը կապված է համավարակի երրորդ ալիքի ավարտի հետ։

ԵՐԵՎԱՆ, 13 մայիսի - Sputnik. Վրաստանի իշխանությունը մտադիր է ցամաքային սահմանները բացել առաջիկա մի քանի շաբաթների ընթացքում։ Այդ մասին հայտարարել է Վրաստանի Էկոնոմիկայի և կայուն զարգացման նախարար Նատիա Տուրնավան։

Հայաստանի կայունությունը և զարգացումը մեծ նշանակություն ունի Վրաստանի համար. Ղարիբաշվիլի

«Ընդհանուր առմամբ նախատեսվում է բացել ցամաքային սահմանները, բայց դա պետք է լինի համավարակի երրորդ ալիքի ավարտից հետո։ Ամենայն հավանականությամբ, մի քանի շաբաթվա հարց է», - ասել է Տուրնավան։

Առևտրային և տնտեսական կապեր․ ի՞նչ են պայմանավորվել Հայաստանի և Վրաստանի վարչապետները

Վրաստանի ցամաքային ու ծովային սահմանները փակ են 2020 թվականի մարտից: Օդային ճանապարհով հարևան երկիր կարելի է հասնել այս տարվա փետրվարի 1-ից։

Ոչ պատահական այցելություն, կամ ինչպես է Թուրքիան զբոսաշրջիկ «բերում» Հայաստան

168
թեգերը:
կորոնավիրուս, Սահման, Վրաստանի Հանրապետություն
Ըստ թեմայի
Արմեն Սարգսյանը շնորհակալական նամակ է հղել Վրաստանի նախագահ Սալոմե Զուրաբիշվիլիին
Ողջույնից մինչև հրաժեշտ․ Արմեն Սարգսյանի՝ Վրաստան կատարած այցի ֆոտոհաշվետվությունը
Հայաստանն ու Վրաստանը մայիսին կլուծեն «Կախեթի» հարցը. էկոնոմիկայի փոխնախարար
Խորհրդարանի դահլիճը

Հացթուխ, փականագործ, դիմահարդար ու լոգոպեդ. ովքեր են պայքարում պատգամավորի մանդատի համար

31
(Թարմացված է 21:53 13.06.2021)
Sputnik Արմենիան ուսումնասիրել է արտահերթ խորհրդարանական ընտրություններին մասնակցող քաղաքական ուժերի ընտրական ցուցակներն ու բավական ուշագրավ փաստեր հայտնաբերել դրանցում ներառված թեկնածուների մասին։

2.5 մլն ընտրող ու 2 500 պատգամավորի թեկնածու. հունիսի 20-ին նախանշված արտահերթ խորհրդարանական ընտրություններին, փաստորեն Հայաստանի յուրաքանչյուր 1000 չափահաս քաղաքացիներից 1-ն իրեն տեսնում է պոտենցիալ ազգընտիրի դերում։

Վատ աշխատանք չէ։ 661 400 դրամ աշխատավարձ, ծառայողական ավտոմեքենա, աշխատանքային թեթև գրաֆիկ, գործուղումներ, էլ չենք խոսում հանրային ճանաչման ու կարիերայի մասին։ Հայաստանյան իրականության համար բավական ցանկալի աշխատանք է։

Թերևս հենց այս հանգամանքով է պայմանավորված, որ պատգամավոր դառնալու ցանկություն ունեցողների մեջ բավական լուրջ թիվ են կազմում չաշխատողները։ Այսպես, 2 539 թեկնածուներից 786–ը ներկա պահին չեն աշխատում, գործազուրկ են կամ անաշխատունակ, 27–ը` թոշակառու։

Չաշխատող թեկնածուների թվով առաջատարը Դավիթ Սանասարյանի գլխավորած «Ինքնիշխան Հայաստան» կուսակցությունն է։ Ըստ հրապարակված ցուցակի, այս քաղաքական ուժի 85 թեկնածուներից 52-ը կամ շուրջ 60 տոկսը չի աշխատում։

Ինչ վերաբերում է աշխատանքով ապահովված թեկնածուներին, ապա ինչպես բոլոր, այնպես էլ այս ընտրություններում մեծ թիվ են կազմում գործարար–ձեռներեցները, հասարակական կազմակերպությունների ու տարբեր հիմնադրամների նախագահները, իրավաբանները, գիտաշխատողները, ուսուցիչները, բժիշկները։ Բավական նկատելի է նաև հոգեբանների առկայությունը որոշ քաղաքական ուժերի ցուցակներում։

Քննությունը կպարզի ՔՊ-ի քարոզարշավին խոչընդոտելու դեպքի հանգամանքները

Թե ինչ անելիք ունի խորհրդարանում հոգեբանը, կարելի է ենթադրել, բայց թե ինչ անելիք ունեն այնտեղ պահնորդները, վարսահարդարները, դիմահարդարներն ու անգամ լոգոպեդները, մնում է միայն ենթադրել։ Եվ սա կատակ չէ։ Այս մասնագիտությունների տեր մարդիկ ևս ընտրացուցակներում կան։

Կա նաև 1 դաշնակահարուհի, մի քանի անասնաբույժներ, վարորդներ ու վարորդ–առաքիչներ, տարբեր առևտրի կենտրոնների վաճառողներ ու վաճառքի խորհրդատուներ, մի քանի մարզիչներ ու դպրոցների զինղեկներ, մանկապարտեզի ֆիզկուլտուրայի 1 դաստիարակ, անգամ` կահույքի արտադրամասի 1 վարպետ, 2 փականագործ, էլեկտրամեխանիկ, ճաշարանի վարիչ, բանվորներ, հացթուխ, խաղատան օպերատոր ու գազալցակայանի լիցքավորող։

Թե նրանցից ով որ քաղաքական ուժի ցուցակում է, միտումնավոր չենք նշում` քարոզչությունից ու հակաքարոզից ձեռնպահ մնալու համար, հատկապես, որ ցանկության դեպքում ընտրողներն իրենք կարող են ծանոթանալ թենածուների ցանկին ԿԸՀ պաշտոնական կայքում։ 

Իսկ թե ինչպես է ստացվել, որ օրինաստեղծ գործունեության հետ կապ չունեցող մասնագիտությունների տեր անձինք հայտ են ներկայացրել լինելու օրենսդիր ու գործադիր իշխանություններում, Sputnik Արմենիան որոշեց ճշտել Հանրային կառավարման հարցերի փորձագետ Հովհաննես Ավետիսյանից։

«Քաղաքական տեսանկյունից դաշտն այնքան նոսրացած է որակների առումով, որ մարդիկ ընտրում են իրենց հավատարիմ  անձանց` առանց խորանալու մասնագիտական որակների ու օգտակարության մեջ»,– ասաց նա` հավելելով, որ նույն կերպ 2018-ին Փաշինյանը ձևավորել էր նաև այսօրվա խորհրդարանական մեծամասնությունն ու կառավարությունը, թերևս բացառությամբ մի քանի իրոք որակյալ մասնագետների։

Իսկ այդ ամենի հիմքում, Ավետիսյանի խոսքով, Հայաստանում կայացած քաղաքական կուսակցությունների, այդ համակարգում ձևավորված քաղաքական կադրերի բացակայությունն է։

Դրանում համոզվելու համար Հովհաննես Ավետիսյանն առաջարկում է հայաստանյան կուսակցություններից հանել դրանց լիդերներին, համոզվելու համար, որ այդ կուսակցությունն ուղղակի կդադարի գոյություն ունենալ։

«Կա անհատ, կան նրա շուրջ հավաքված անձինք, որոնք հավաքվում են բարիդրացիական հարաբերությունների, բիզնեսի, նվիրվածության չափորոշիչներով»,– ասաց փորձագետը։

Ո՞ւմ օգտին կքվեարկեիք, եթե ընտրությունը տեղի ունենար այս պահին. Gallup–ի հարցման արդյունքը

Իսկ եթե ընտրությունների արդյունքում իշխանության գա այս հիմքով ձևավորված քաղաքական ուժ, որը չի ապահովի երկրի առջև ծառացած խնդիրները գիտակցելու ու դրանք լուծելու մասնագիտական ներուժ, ապա Հովհաննես Ավետիսյանի խոսքով, առկա խնդիրներն էլ ավելի են խորանալու։

31
թեգերը:
մասնագիտություն, թեկնածու, Պատգամավոր, Հայաստան
Ըստ թեմայի
«2008 թ.–ից հետո իշխանությունների հետ որևէ առնչություն չեմ ունեցել, հասկացա՞ք». Քոչարյան
Փաշինյանի հետ համագործակցությունը բացառվում է, իսկ Քոչարյանի՞. Արման Աբովյանի պատասխանը
Ծեծկռտուք քարոզարշավի ժամանակ. մասնակիցների մեջ են եղել Հակոբ Արշակյանը և ՔՊ–ի 4 անդամներ