Здание МИД Грузии

Թբիլիսին կրկին հավատացնում է, որ իր տարածքով ռազմական բեռներ չեն անցնում

107
(Թարմացված է 16:33 13.10.2020)
Վրաստանը ավիափոխադրողներին պատասխանատվության կենթարկի, եթե հանկարծ բացահայտվի և ապացուցվի մարդասիրական միջանցքը չարաշահելու փաստը։

ԵՐԵՎԱՆ, 13 հոկտեմբերի – Sputnik. Վրաստանի արտաքին գործերի փոխնախարար Լաշա Դարսալիան հայտարարել է, որ արցախա–ադրբեջանական հակամարտության սրման սկզբից Վրաստանը դադարեցրել է ռազմական բեռների տարանցումը ցամաքային և օդային ճանապարհներով։ Տեղեկությունը հայտնում է Վրաստանի ԱԳՆ մամուլի ծառայությունը։

«Եվս մեկ անգամ հայտարարում ենք, որ Վրաստանի տարածքով ռազմական բեռների տարանցում չի կատարվում։ Համաձայն Վրաստանի տրամադրության տակ եղած փաստաթղթերի՝ Վրաստանի օդային տարածքով իրականացվում են միայն մարդասիրական և քաղաքացիական բնույթի չվերթեր»,-ասել է Դարսալիան։

Նա նշել է, որ ԶԼՄ-ներում ակտիվացել են շահարկումները, թե իբր Վրաստանի տարածքով քաղաքացիական թռիչքների պատրվակով ռազմական նշանակության բեռների մատակարարումներ են իրականացվում։ Դարսալիայի խոսքով՝ Վրաստանը շարունակում է կատարել հումանիտար և քաղաքացիական, այդ թվում՝ կոմերցիոն բեռների հետ կապված միջազգային պարտավորությունները։

Եվ դա արվում է միջազգային իրավունքին համապատասխան, պահպանվում են նաև Քաղաքացիական ավիացիայի միջազգային կազմակերպության (ICAO) չափորոշիչները։

Փոխնախարարն ընդգծել է, որ խախտումների հայտնաբերման և ծանրակշիռ ապացույցների առկայության դեպքում Վրաստանը կարձագանքի համապատասխան ձևով, խախտողները պատասխանատվության կենթարկվեն միջազգային իրավունքին համապատասխան, պատասխան կտան նաև ICAO-ի առաջ:

Հիշեցնենք, որ արցախա–ադրբեջանական հակամարտության գոտում ծավալված ռազմական գործողությունների ընթացքում Վրաստանը ժամանակավորապես արգելել է ռազմական նշանակության բեռների տարանցումը դեպի Հայաստան և Ադրբեջան։

Վարչապետ Գեորգի Գախարիան նույնպես հերքել է սոցցանցերում և ԶԼՄ-ներում շրջանառվող տեղեկությունները, թե իբր Վրաստանի տարածքով ռազմական նշանակության բեռներ են մատակարարվում Ադրբեջան։

Հայաստան եկող բեռնատարում ռազմական բեռ չի հայտնաբերվել. Վրաստանը հերքել է Ադրբեջանի սուտը

107
թեգերը:
Զենք, Արցախ, Վրաստանի Հանրապետություն, Ադրբեջան, Հայաստան
Ըստ թեմայի
Վրաստանը ժամանակավոր արգելք է մտցրել Հայաստան ու Ադրբեջան ուղարկվող ռազմական բեռների վրա
Ավտոբուսներով Վրաստանի տարածքով զինյալներ տեղափոխելու լուրերը կեղծ են. դեսպանություն
Թբիլիսին հերքում է Վրաստանի տարածքով Ադրբեջանին զենք մատակարարելու տեղեկությունը
Ոստիկաններ

Կրակոցներ Թբիլիսիում. տղամարդուն սպանել են սեփական մեքենայում

179
(Թարմացված է 16:48 23.10.2020)
Մարդասպանին հաջողվել է անմիջապես փախչել: Դեպքի վայրում այս պահին աշխատում են քննիչները։

ԵՐԵՎԱՆ, 23 հոկտեմբերի - Sputnik. Թբիլիսիի Սարաջիշվիլիի փողոցում սեփական մեքենայում նստած միջին տարիքի տղամարդու վրա մի քանի անգամ կրակել են ու սպանել։ Տեղեկությունը հայտնում է Sputnik Գրուզիան։

Ականատեսների խոսքով՝ լսվել է 5-6 կրակոց: Մարդասպանին հաջողվել է անմիջապես փախչել:

Վրաստանի ներքին գործերի նախարարությունը հաստատել է տեղեկությունը: Հարուցվել է քրեական գործ Վրաստանի քրեական օրենսգրքի երկու հոդվածով ՝ սպանություն և ապօրինի զենք-զինամթերքի կրում:

Դեպքի վայրում աշխատում են քննիչները։

Հարձակում Վրաստանում. զինված տղամարդը խոշոր գումար է գողացել ինկասացիայի մեքենայից

179
թեգերը:
Թբիլիսի, Վրաստանի Հանրապետություն
Կողոպուտ բանկում

Հարձակում Վրաստանում. զինված տղամարդը խոշոր գումար է գողացել ինկասացիայի մեքենայից

132
(Թարմացված է 14:24 22.10.2020)
Արդեն երկրորդ օրն է` Վրաստանում բանկեր են թալանում։ Կողոպտիչները տղամարդիկ են։ Գործի են անցել իրավապահները։

ԵՐԵՎԱՆ, 22 հոկտեմբերի - Sputnik. Վրաստանի հարավ-արևմուտքում գտնվող Քոբուլեթի քաղաքում այսօր զինված հարձակում է տեղի ունեցել «Վրաստանի բանկի» մասնաճյուղի վրա։ Անհայտ անձը հարձակվել է ինկասատորների մեքենայի վրա։ Տեղեկությունը հայտնում է «Ռուսթավի 2» հեռուստաալիքը:

Նշվում է, որ անհայտ տղամարդը մոտ 60 հազար լարի է գողացել (մոտավորապես 18 հազար 750 դոլար): Իրավապահ մարմիններն արդեն զբաղվում են միջադեպով։ Կատարվում է քննություն, տարածքը շրջափակված է։

Բանկ թալանելու մեկ այլ դեպք էլ տեղի էր ունեցել երեկ Վրաստանի Զուգդիդ քաղաքում։ Անհայտ տղամարդը դիմակով, նռնակով և ինքնաձիգով ներխուժել Էր բանկի շենք ու պատանդ վերցրել ավելի քան 40 մարդու (ֆինանսական հաստատության աշխատակիցներ, հաճախորդներ): Նա իշխանություններից պահանջել էր 500 հազար դոլար, ավտոմեքենա կամ ուղղաթիռ, ինչպես նաև բանկի տարածքից անվտանգ հեռանալու երաշխիքներ:

Կողոպտել ու առևանգել են մարդկանց. հրապարակվել է հանցավոր խմբի ձերբակալման տեսագրությունը

Պատանդներին ազատ արձակելու հատուկ գործողությունը տևել էր ավելի քան 7 ժամ։ Անհայտ անձը ստացել էր գումարը և պատանդների հետ լքել բանկի շենքը: Զինված հանցագործը պատանդներին ազատ էր արձակել անտառում և փախել։

Կրասնոյարսկում կողոպտիչները կրակել են ինկասատորների ուղղությամբ. տեսանյութ

132
թեգերը:
գողություն, Բանկ, Վրաստանի Հանրապետություն
Ըստ թեմայի
Չստացված գողություն Ալավերդիում․ դիմակավորված ու զինված հարձակվել են զարդերի խանութի վրա
Կողոպուտ Դավթաշենի դեղատներից մեկում․ ոստիկանները բերման են ենթարկել կասկածվողին
Ովքե՞ր են կողոպտել Հայաստան եկած նորվեգացի զբոսաշրջիկին. տեսանյութ

«Իմ էրեխեքը խաղաղություն կբերեն». արցախցի կինը զույգ տղաներ է լույս աշխարհ բերել Երևանում

0
(Թարմացված է 23:11 30.10.2020)
26-ամյա Մարիաննա Թևոսյանը երրորդ անգամ է ծննդաբերում։ Մայրն ու փոքրիկներն իրենց լավ են զգում։

Երկնագույն փուչիկներ` «Տղա է» գրությամբ, ծաղիկներով կանայք, որոնք Երևանի Մոր և մանկան առողջության պահպանման գիտահետազոտական կենտրոնում սպասում են երկվորյակների հետ հանդիպմանը․ այս իրանցման «հեղինակները» երկու նորածին արցախցիներն են։

Տղաները լույս աշխարհ են եկել հոկտեմբերի 27-ին կեսարյան հատման ճանապարհով։ 26-ամյա մոր՝ Արցախի Մարտակերտի շրջանի Արջաձոր գյուղի բնակիչ Մարիաննա Թևոսյանի համար սա երրորդ հղիությունն էր։ Նա նաև 6 տարեկան որդի ու 5 տարեկան դուստր ունի։

«Մեկի անունը Դենի է, մյուսինը` Դանիել։ Պապայի խնդրանք է»,– Sputnik Արմենիայի հետ զրույցում ասում է Մարիաննան ու հերթով գրկում նորածիններին։

Տղաները հյուրերի մոտ իրենց «լավ են պահում»․ գրեթե չեն լացում ու արագ քնում են։ Մարիաննան խոստովանում է` սկզբում մտավախություն ուներ, որ չի կարողանա տարբերել փոքրիկներին, բայց մոր սիրտը երբեք չի սխալվում...

–Դենին կարծես թե ավելի ակտիվ է, - ասում եմ ես։ Մարիաննան հաստատում է` ճիշտ եմ նկատել։

Երիտասարդ մայրը պատմում է, որ ընտանիքի հայրը պատերազմի առաջին իսկ օրվանից առաջնագիծ է մեկնել, բայց ուրախալի լուրը կարողացել է հայտնել նրան։ Մարիաննայի խոսքով՝ երբ մարտական գործողությունները սկսվեցին, նրանք մտածում էին, որ ամեն ինչ 2016 թվականի քառօրյա ապրիլյան պատերազմի պես կլինի։ Սակայն հոկտեմբերի 1-ին պարզ դարձավ, որ էսկալացիան մեկ–երկու օրում չի ավարտվի, նրանք որոշեցին ժամանակավորապես տեղափոխվել Հայաստան։ Կինն ու երեխաները ապաստանեցին ազգականների տանը՝ Այգեշատ գյուղում։

Բազմազավակ մայրը վստահ է, որ նորածիններն Արցախին խաղաղություն կբերեն։

«Շատ ենք ուզում վերադառնալ տուն՝ Արցախ։ Ես միշտ ասում էի` իմ էրեխեքը կծնվեն ու Արցախին խաղաղություն կբերեն։ Մինչև հիմա էլ այդ հույսով եմ», - արցունքն աչքերին խոստովանում է Մարիաննան։

Փոքրիկների տատը՝ Լաուրա Մարկոսյանը, ասում է, որ երկվորյակների պապը ղարաբաղյան առաջին պատերազմի ժամանակ է մահացել՝ 1992 թվականի հոկտեմբերի վերջին։ Այն ժամանակ տղաների ապագա հայրը յոթ տարեկան է եղել։

«Փոքրիկները պապը մահացավ հոկտեմբերի վերջին, նրանք ծնվեցին հոկտեմբերի վերջին», - նշում է Մարկոսյանն ու ավելացնում` դրա մեջ խորհրդանշական բան կա։

Մոր և մանկան առողջության պահպանման գիտահետազոտական կենտրոնի փոխտնօրեն Արմեն Գասպարյանն էլ Sputnik Արմենիայի հետ զրույցում ասում է, որ Մարիաննան հղիության 35-րդ շաբաթում է առաջին անգամ իրենց մոտ եկել։

«Մենք անցկացրինք անհրաժեշտ բոլոր հետազոտությունները։ Քանի որ տղաները պետք է մինչև 39-րդ շաբաթը ծնվեին, 37-րդ շաբաթվա ընթացքում նրան պառկեցրինք մեզ մոտ, կեսարյան հատում արեցինք», - նշում է նա։

Գասպարյանի խոսքով՝ մոր և երեխաների վիճակը լավ է։

Սեպտեմբերի 27-ին սկսված պատերազմից ի վեր նրանց հիվանդանոցում արդեն 16 արցախցի է ծնվել։

0