ԵՐԵՎԱՆ, 26 օգոստոսի-Sputnik. Այցելելով հայ հրշեջ-փրկարարների ճամբար՝ Վրաստանի վարչապետ Գիորգի Կվիրիկաշվիլին ընդգծել է, որ նրանք ժամանել են Վրաստան ամենածանր օրերին և մեծ ներդրում ունեցել աղետի դեմ մղվող պայքարում:
Այս մասին Sputnik Արմենիան տեղեկանում է Վրաստանի վարչապետի ֆեյսբուքյան պաշտոնական էջից:
«Մենք միասին կռիվ ենք տվել կրակի դեմ: Ամեն ջանք ներդրել ենք ու հաջողություն գրանցել: Ես ցանկանում եմ շնորհակալություն հայտնել օգնության համար: Մենք գնահատում ենք այն ամենն, ինչ դուք արել եք»,-մասնավորապես նշել է Վրաստանի վարչապետը:
Գիորգի Կվիրիկաշվիլին շնորհակալություն է հայտնել նաև Հայաստանի նախագահին ու վարչապետին:
