Tbilisi JAM! Fest

Հոգևորականները խափանեցին Tbilisi JAM! Fest–ը` բարձր երաժշտության պատճառով

21
(Թարմացված է 11:44 05.06.2016)
Tbilisi JAM! Fest փառատոնին մասնակցում են խմբեր Հայաստանից, Շվեդիայից, Իսրայելից, Ուկրաինայից, Ադրբեջանից

ԵՐԵՎԱՆ, 5 հունիսի — Sputnik. Նախօրեին Թբիլիսիում մեկնարկած ռոք փառատոնն ընդհատվեց հարևանությամբ գտնվող եկեղեցու հոգևորականների բողոքից հետո, հայտնել է փառատոնի կազմակերպիչներից մեկը։

Նախօրեին համերգի ժամանակ ելույթ ունեցան մի քանի ռոք խմբեր, իսկ երբ հերթը հասավ ուկրաինական Jinjer խմբին, համերգի վայր եկան մի խումբ մարդիկ` պնդելով, որ համերգը պետք է դադարեցնել։ Պարզվեց, որ հնչած բարձր երաժշտությունը դուր չէր եկել մի քանի կիլոմետր հեռավորության վրա գտնվող եկեղեցու սպասավորներին:

Չնայած կազմակերպիչներն ունեին համերգը տվյալ վայրում անցկացնելու իրավունքները ներկայացնող բոլոր փաստաթղթերը` փառատոնն, այնուամենայնիվ, դադարեցվեց, քանի որ անջատվեց էլեկտրականությունը:

Այս պահին համերգի կազմակերպիչները փորձում են համերգն անցկացնելու ավելի հարմար վայր գտնել:

Նշենք, որ երկօրյա փառատոնին մասնակցում են խմբեր Հայաստանից, Շվեդիայից, Իսրայելից, Ուկրաինայից, Ադրբեջանից։

 

 

21