Լուսինե Ավետյան

«Էս ի՞նչ թատրոն է». Առուշանյանի դեմ ցուցմունք է տվել Քարահունջի ղեկավարը

498
(Թարմացված է 15:09 16.07.2021)
Դատարանի որոշումը պաշտպանը պատրաստվում է բողոքարկել Վերաքննիչ դատարան, քանի որ Վերաքննիչից մի քիչ հույսեր ունի։

ԵՐԵՎԱՆ, 16 հուլիսի – Sputnik․ Գորիսի համայնքապետ Առուշ Առուշանյանի դեմ ցուցմունք է տվել Գորիս համայնքի Քարահունջ բնակավայրի ղեկավար Լուսինե Ավետյանը։ Տեղեկությունը լրագրողներին հայտնեց Առուշանյանի պաշտպան Արման Մելքոնյանը։

Արդեն հայտնել ենք, որ Կենտրոն և Նորք-Մարաշ վարչական շրջանների ընդհանուր իրավասության դատարանը՝ նախագահությամբ Կարեն Ֆարխոյանի, որոշում կայացրեց կալանավորել Գորիսի քաղաքապետ Առուշ Առուշանյանին։

«Կալանավորված անձ, տարեց կին, որը սկզբից հերքել է ամբողջովին, որ Առուշանյանն ընդհանրապես որևէ բան է ասել, հետագայում` օրեր անց, հարցաքննել են, մի ցուցմունքում աել է. «Այո՛, Առուշանյանն ասել է, որ «Հայաստան» դաշինքի օգտին քվեարկեք»։

Մելքոնյանի տեղեկություններով` Ավետյանի մի փեսան մի իրավապահ համակարգից է, մյուսը` մեկ այլ. դատախազ է։

«Բայց այստեղ դատարանի խնդիրն է, որ ես ցավում եմ։ Քննիչի գրածից մի բան չի եղել, որ մենք թողենք քարը քարի վրա, և դատարանը գլխով համաձայնության նշան էր անում։ Բա էս ի՞նչ թատրոն է։ Բա միանգամից կցեք ՀՔԾ–ին, պրծնենք, էլի»,– ասաց նա։

Դատարանի որոշումը պաշտպանը պատրաստվում է բողոքարկել Վերաքննիչ դատարան, քանի որ իր խոսքով, Վերաքննիչից մի քիչ հույսեր ունի։

Նշենք, որ Գորիսի համայնքապետին մեղադրանք է առաջադրվել ՀՀ քրեական օրենսգրքի 35-154.2-րդ հոդվածի 4-րդ մասի 2-րդ կետով, 38-149-րդ հոդվածի 2-րդ մասի 4-րդ կետով և 38-154.2-րդ հոդվածի 3-րդ մասով (քվեարկության գաղտնիությունը խախտելը, ընտրական իրավունքի իրականացմանը խոչընդոտելը)։

Հիշեցնենք` ԱԺ արտահերթ ընտրություններից հետո Սյունիքի նախկին և ներկա որոշ պաշտոնյաների դեմ քրեական գործեր են հարուցվել։ Կալանավորվել են Քաջարանի համայնքի ղեկավար Մանվել Փարամազյանը, Մեղրիի նախկին համայնքապետ Մխիթար Զաքարյանը, Որոտանի համայնքապետ Սուրիկ Օհանջանյանը, Գորիսի մշակութային կենտրոնի տնօրեն Հայկ Խաչատրյանը։ Կալանավորվել է Քարահունջի համայնքապետ Լուսինե Ավետյանը։ Գլխավոր դատախազությունը ԿԸՀ-ին միջնորդություն էր ներկայացրել Առուշ Առուշանյանի և Սիսիանի համայնքապետ Արթուր Սարգսյանի նկատմամբ քրեական հետապնդում հարուցելու և ազատությունից զրկելու թույլտվության համար։

498
թեգերը:
ցուցմունք, Առուշ Առուշանյան, Քարահունջ, Թատրոն, Լուսինե Ավետյան
Ըստ թեմայի
Գորիսի քաղաքապետ Առուշ Առուշանյանն ազատ է արձակվել
ԿԸՀ–ն բավարարեց Առուշ Առուշանյանի նկատմամբ քրեական հետապնդում հարուցելու միջնորդությունը
Առուշ Առուշանյանը չի կալանավորվի. դատարանը մերժեց քննիչի միջնորդությունը
Առուշ Առուշանյանն ազատ է արձակվել. նա հրաժարվել է ցուցմունք տալ
«Արարատ» -«Շլենսկ» հանդիպում

«Արարատ» -«Շլենսկն» ավարտվեց ոչ ոքի, բայց հայկական թիմը դուրս մնաց Կոնֆերենցիաների լիգայից

30
(Թարմացված է 00:07 30.07.2021)
ՈւԵՖԱ-ի հովանու ներքո առաջին անգամ անցկացվող Կոնֆերենցիաների լիգայի խաղարկությունում հայկական ակումբներն ավարտեցին իրենց ելույթները։ Վերջին հույսը «Արարատն» էր, որն էլ պայքարը թողեց որակավորման երկրորդ փուլից հետո։

ԵՐԵՎԱՆ, 27 հուլիսի - Sputnik, Խաչիկ Չախոյան. Հայաստանի գավաթակիր Երևանի «Արարատը» Կոնֆերենցիաների լիգայի խաղարկության որակավորման փուլի պատասխան խաղում ոչ ոքի` 3։3-ով ավարտեց հանդիպումը լեհական «Շլենսկի» հետ։ Բայց Գյումրիում տարած հաղթանակից հետո երկու խաղերի արդյունքում հաղթեցին լեհերը։

Առաջին խաղը, որը կայացավ թիմերի միջև մեկ շաբաթ առաջ Գյումրիում, ավարտվեց լեհական ակումբի հաղթանակով՝ 4։2 հաշվով։ Բայց այնպես չէ, որ «Արարատը» զիջել էր մրցակցին խաղով։ Կարելի է ասել, որ Գյումրիում գրանցված հաշիվը ինչ-որ տեղ չէր արտացոլում խաղադաշտում տեղի ունեցածը։ Հետևաբար` պատասխան խաղում հավանականությունը մեծ էր, որ «Արարատը» կարող է և անակնկալ մատուցել մրցակցին։ Բայց խաղը Վրոցլավի «Մեյսկի» ստադիոնում անհաջող սկսվեց մեր թիմի համար։ Արդեն երկրորդ րոպեին դաշտի տերերը բացեցին հաշիվը, աչքի ընկավ Ռոբերտ Պիխը։

Իհարկե նույնիսկ նվազագույն առավելությունն էր ապահովում էր «Շլենսկին» հաջորդ փուլի ուղեգիրը։ Բայց մինչև ընդմիջում, օգտագործելով մրցակցի կոնցենտրացիայի կորուստը, մերոնք երկու րոպեի ընթացքում նոր հույս պարգևեցին հայ երկրպագուներին։ Մորի Կոնեն, դառնալով դուբլի հեղինակ, դիմակայությունում ընդհանուր հաշիվը հավասարեցնելու շատ լավ հնարավորություն տվեց «Արարատին»։ Բայց ընդմիջումից հետո Շիմոն Լևկոտը, ապա Ռոբերտ Պիխը նորից նվազագույն առավելություն ապահովեցին լեհական թիմին։ Ճիշտ է, հույսը մեռնում է վերջում, բայց արդեն հասկանալի էր, որ նույնիսկ դիմակայությունում հաշիվը հավասարեցնելու շանսեր այլևս չկային։ «Արարատը» մինչև խաղավերջ պետք է խփեր երեք գնդակ։

Բայց նման հրաշք տեղի չունեցավ։ Ճիշտ է, Դինիմանի Սիլում «Արարատի» կազմում խփեց պատասխան երրորդ գնդակը, սակայն դա բավական չէր երկու խաղերի արդյունքների հանրագումարում հաղթելու համար։ «Արարատը» պարտվեց դիմակայությունում, սակայն, եթե Գյումրիում մերոնք օգտագործեին իրենց ստեղծած գոլային պահերը, հաստատ այլ արդյունք կարող էր լինել դիմակայությունում։

Տհաճ միջադեպ Պեպեի և Մխիթարյանի միջև. խաղը քիչ էր մնում` վերածվեր ծեծկռտուքի

Այսպիսով «Արարատը», «Նոան» և «Ուրարտուն» չկարողացան աչքի ընկնել Կոնֆերենցիաների լիգայի խաղարկությունում։ Միայն «Արարատը» կարողացավ հաղթահարել որակավորման առաջին փուլը, իսկ մյուս երկու թիմերն առաջին իսկ փուլում պարտվեցին իրենց մրցակիցներին։ Հիմա Եվրոգավաթների խաղարկություններում մնացել է հայկական մեկ թիմ՝ «Ալաշկերտը», որը Չեմպիոնների լիգայում պարտվելուց հետո արդեն կխաղա Եվրոպայի լիգայում։ Այս մրցաշարում «Ալաշկերտն» իր առաջին հանդիպումը կանցկացնի օգոստոսի 5-ին։ Այդ օրը մեր չեմպիոնն արտագնա խաղում կմրցի Կամո Հովհաննիսյանի «Կայրաթի» դեմ։

30
թեգերը:
ՈւԵՖԱ, հաղթանակ, գոլ, «Արարատ» ՖԱ, ֆուտբոլ
Ըստ թեմայի
Գոլառատ ֆուտբոլ Գյումրիում. «Արարատը» զիջեց «Շլյոնսկին»
«Նոր էջ ենք բացել»․ Մխիթարյանը՝ Ժոզե Մոուրինյոյի և «Ռոմայում» իր մնալու մասին
«Ալաշկերտը» չկարողացավ հաղթահարել ՈւԵՖԱ–ի Չեմպիոնների լիգայի երկրորդ փուլը
Ոստիկանությունը Ամիրյան 7/35 հասցեում

Երևանում նռնակով հարձակում կատարած տղամարդիկ եղբայրներ են․ նրանց բերման են ենթարկել

100
(Թարմացված է 02:14 30.07.2021)
Տեղում ոստիկաններն ու քննիչները հայտնաբերել են հանցագործության գործիք հանդիսացող մարտական նռնակը և բժշկական դիմակ:

ԵՐԵՎԱՆ, 29 հուլիսի – Sputnik. Ոստիկանությունը պարզել է, որ այսօր Երևան քաղաքի Ամիրյան 7/35 հասցեում գտնվող վարկային կազմակերպությունում դիմակավորված և նռնակով զինված ավազակային հարձակում կատարողները եղբայրներ էին: Այս մասին գրում է Shamshyan.com-ը։

Հիշեցնենք՝ ժամը 13:20-ի սահմաններում դիմակավորված 2 անձ մտել են նշված հասցե և նռնակի սպառնալիքով աշխատակցից պահանջել են գումար: Աշխատակիցները չեն համաձայնել կատարել նրանց պահանջը, մի դիմակավորը հասցրել է փախչել, մյուսին բռնել են։

Դեպքի վայր ժամանած ոստիկանության կենտրոնական բաժնի ծառայողները տեղում պարզել են, որ բռնվածը Արմավիրի մարզի բնակիչ, 24-ամյա Դավիթ Բ.-ն է, որը բերման է ենթարկվել ոստիկանությսն կետրոնական բաժին: Տեղում ոստիկաններն ու քննիչերը հայտնաբերել են հանցագործության գործիք հանդիսացող մարտական նռնակը և բժշկական դիմակ:

Ոստիկանները պարզել են, որ Դավիթ. Բ.-ի հետ ավազակային հարձակմանը մասնակցել են Արմավիր մարզի բնակիչներ, 27-ամյա Իսահակ Հ.-ն և 32-ամյա Արթուր Բ.-ն: Վերջիններս ոստիկանների կողմից իրականացված օպերացիայի շրջանակում Մաշտոցի պողոտայում հայտնաբերվել և բերման են ենթարկվել ոստիկանության կետնրոնական բաժին։

100
թեգերը:
ավազակային հարձակում, Երևան, ՀՀ Ոստիկանություն
Ըստ թեմայի
Համարանիշներ գողացած ու մեքենայատերերից փող շորթած անձը կալանավորվել է. տեսանյութ
Ձյուն

Բրազիլիայում և Արգենտինայում ձյուն է տեղացել

0
(Թարմացված է 00:08 30.07.2021)
Շատ տարածաշրջաններում այս ամռաննը անոմալ շոգ է եղել, իսկ շոգ երկրներում ցածր ջերմաստիճաններ են գրանցվել։

ԵՐԵՎԱՆ, 30 հուլիսի – Sputnik. Բրազիլիայի հարավում ձյուն է տեղացել։ Տեղումները գրանցվել են Ռիու Գրանդի դու Սուլ նահանգի 13 քաղաքներում, հաղորդում են բրազիլական լրատվականները։

Նահանգի որոշ շրջաններում նաև կարկուտ է տեղացել։ Օդերևութաբանները նախազգուշացնում են, որ հուլիսի 30-ին Բրազիլիայում կարող են սահմանվել 2021 թվականի նվազագույն ջերմաստիճանների ռեկորդներ: Այսպես, Պորտու Ալեգրիում, Ֆլորիանոպոլիսում, Կուրիտիբում, Սան Պաուլոյում և Կամպու Գրանդիում կանխատեսվում է 5 աստիճանից ցածր եղանակ։

Ձյուն է տեղացել նաև Արգենտինայի որոշ շրջաններում, այդ թվում՝ Կորդովա քաղաքում, որում 14 տարվա ընթացքում առաջին անգամ է ձյուն եկել։ Ջերմաստիճանի բացասական արժեքները գրանցվել են 18 բնակավայրերում, որոնցից մի քանիսում ջերմաչափերի սյուները իջել են 2-3 աստիճանից:

0
թեգերը:
ձյուն, Արգենտինա, Բրազիլիա