Էդվարդ Հովհաննիսյան

ՊԵԿ նախագահը ժողով է արել ու ասել, որ հեռանում է․ «Հրապարակ»

364
(Թարմացված է 18:23 15.07.2021)
Թերթի տեղեկություններով՝ Հովհաննիսյանն իր ազատման մասին իմացել է կառավարության նիստից առաջ։

ԵՐԵՎԱՆ, 15 հուլիսի – Sputnik․ Պետական եկամուտների նախագահ Էդվարդ Հովհաննիսյանը հրաժարականի դիմում է ներկայացրել: Տեղեկությունը հայտնում է «Հրապարակ» թերթը` հղում անելով իր աղբյուրներին։

Ըստ պարբերականի` Հովհաննիսյանն իր ազատման մասին իմացել է այսօր առավոտյան, կառավարության նիստից առաջ, նրա համար անակնկալ է եղել, որ պիտի ազատվի պաշտոնից: Նիստից հետո Հովհաննիսյանը գնացել է ՊԵԿ, ժամը 3-ին հավաքել աշխատակիցներին, ժողով արել ու հայտնել, որ հեռանում է:

Թերթի տեղեկություններով՝ Հովհաննիսյանն իր հրաժարականի դիմումն արդեն գրել, ներկայացրել է ՀՀ վարչապետի պաշտոնակատար Նիկոլ Փաշինյանին:

Էդվարդ Հովհաննիսյանը 2020-ի հունիսին է նշանակվել այդ պաշտոնում։

Ինչու Փաշինյանը Գրիգորյանին տեղափոխեց ԱԳՆ. Հակոբյանը` աղմկահարույց նշանակման մասին

364
թեգերը:
պաշտոն, Հրաժարական, Էդվարդ Հովհաննիսյան (ՊԵԿ նախագահ), Պետական եկամուտների կոմիտե (ՊԵԿ), Հայաստան
Ըստ թեմայի
Ինչո՞ւ հենց Քյարամյանը. իրավապաշտպանը մեկնաբանում է Փաշինյանի նոր որոշումը
Կարիք կա քաղաքական նշանակման. Ավինյանը հաստատեց ԱԳ նախարարի անձի շուրջ լուրերը
Նիկոլ Փաշինյանը կրկին կհանդիպի արտախորհրդարանական ուժերի հետ. ԶԼՄ
Պարգևավճար մարտին են ստացել. հավելյալ 200 000 դրամը պատգամավորների համար ի՞նչ խնդիր կլուծի
Երասխ

Երասխում այս պահին իրավիճակը հանգիստ է

25
(Թարմացված է 14:46 28.07.2021)
Արարատի մարզպետի օգնականը հերքեց շրջանառվող լուրերը, թե Երասխում հայկական կողմը զոհ ունի։

ԵՐԵՎԱՆ, 28 հուլիսի – Sputnik. Իրավիճակը հայ–ադրբեջանական սահմանի Երասխի հատվածում այս պահին հանգիստ է։ Տեղեկությունը Spսtnik Արմենիային հայտնեց Արարատի մարզպետի օգնական Քրիստինե Պողոսյանը։

Նշենք, որ առավոտյան Գեղարքունիքում ընթացող մարտերից հետո սոցցանցերում լուրեր էին շրջանառվում, որ Երասխում նույնպես իրավիճակը լարված է, անգամ` զոհ ունենք։

«Իրավիճակը հանգիստ է Երասխի ուղղությամբ։ Բացի այդ, ՊՆ հայտարարության մեջ կոնկրետ նշված էր` որ ուղղությամբ է թշնամին մարտեր սկսել, և այնտեղ նշված չէր Երասխի անունը»,–ասաց նա։

Պողոսյանը հերքեց նաև զոհ ունենալու մասին լուրերը` ևս մեկ անգամ շեշտելով, որ Երասխում այս պահին իրավիճակը լարված չէ։

Հիշեցնենք` հուլիսի 28-ին, ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել են Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, չորս վիրավոր։

25
թեգերը:
կրակոց, Ադրբեջան, Սահման, Հայաստան, Երասխ
թեմա:
Սահմանային խախտումներ. իրադրությունը Սյունիքում և Գեղարքունիքում
Ըստ թեմայի
Ադրբեջանում 2 հայ զինծառայողի 15 տարվա ազատազրկման են դատապարտել
Ֆրանսիան Հայաստանին և Ադրբեջանին քաղաքական գործընթացների վերսկսման կոչ է անում. Լաքոտ
Անհետ կորած զինծառայողը գտնվել է. նրան տեղափոխել են Երևան, վիճակը ծայրահեղ ծանր է
«Մուրացան» հոսպիտալ

Անհետ կորած զինծառայողը գտնվել է. նրան տեղափոխել են Երևան, վիճակը ծայրահեղ ծանր է

130
(Թարմացված է 14:31 28.07.2021)
Հայկական կողմն ունի երեք զոհ և չորս վիրավոր` ներառյալ անհետ կորած զինծառայողը։ Վիրավորները ժամկետային զինծառայողներ են։

ԵՐԵՎԱՆ, 28 հուլիսի – Sputnik. Գեղարքունիքում հակառակորդի հետ փոխհրաձգության հետևանքով անհետ կորած զինծառայողը գտնվել է։ Տեղեկությունը Sputnik Արմենիայի հետ զրույցում հայտնեց Գեղարքունիքի մարզպետ Գնել Սանոսյանը։

«Ծայրահեղ ծանր վիճակում է, նոր տեղափոխվել է Երևան», – ասաց Սանոսյանը։

Մարզպետի խոսքով՝ վիրավոր զինծառայողը եղել է դիրքի շրջակայքում, այդ պատճառով էլ սկզբում կարծել են, թե նա անհետ կորած է։

ՊՆ–ն քիչ առաջ հայտնեց, որ ճշտված տեղեկություններով` հուլիսի 28-ին ադրբեջանական ԶՈւ–ի իրականացրած սադրանքի հետևանքով հայկական կողմի վիրավորների ճշգրիտ թիվը 4-ն է։

Սանոսյանը տեղեկացրեց, որ մյուս երեք զինծառայողների վիճակը բավարար է, նրանք բոլորը բուժում են ստանում այժմ Երևանի Կենտրոնական զինվորական հոսպիտալում (Մուրացան)։ Բոլոր զինծառայողներն էլ ժամկետային են և շարքային։

Հիշեցնենք` հուլիսի 28-ին, ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել են Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

130
թեգերը:
Գնել Սանոսյան (Գեղարքունիքի մարզպետ), Սահման, անհետ կորած, Ադրբեջան, Հայաստան
Ըստ թեմայի
«Գրավել են, հետո հետ շպրտվել». ՊՆ–ում ընդունել են ռազմական կցորդներին
Ադրբեջանը պատասխանատվություն է կրում 3 հայ զինծառայողի սպանության համար. ՄԻՊ
Կիրառվել են ականանետներ, շփման գծի փոփոխություն չի եղել. ՊՆ–ի նոր հաղորդագրությունը