Արխիվային լուսանկար

«Փաշինյանի կողմից մուրճի ցուցադրումը բռնություն չէ». դատախազության ներկայացուցիչ

84
(Թարմացված է 16:16 12.07.2021)
Կարեն Բիշարյանը վստահեցնում է, որ մուրճը ցույց տալու համատեքստն ամենևին էլ բռնությանը չի վերաբերում, միգուցե կարող է վերաբերել հարկադրանքին։

ԵՐԵՎԱՆ, 12 հուլիսի – Sputnik. ՀՀ վարչապետի պաշտոնակատար Նիկոլ Փաշինյանի կողմից նախընտրական քարոզարշավի ժամանակ մուրճի ցուցադրումը բռնություն չէ։ Քաղաքական 4 ուժերի` ընտրությունների արդյունքները վիճարկելու վերաբերյալ ՍԴ նիստի ժամանակ նման կարծիք հայտնեց դատախազության ներկայացուցիչ Կարեն Բիշարյանը։

«Պողպատե մանդատ» և հաշտության մեկնած ձեռք. կհաջողվի՞ Փաշինյանին համախմբել ընդդիմադիրներին

Արդեն 4-րդ օրն է՝ Սահմանադրական դատարանում քննվում է ԱԺ արտահերթ ընտրությունների արդյունքների վիճարկման գործը:

«Նախընտրական քարոզարշավի ընթացքում «Քաղաքացիական պայմանագիր» կուսակցության ղեկավարի կողմից հնչած հայտարարություններում «կարմիր թելի» նման անցել է հետևյալ գաղափարը՝ մուրճի դիտարկումը սիմվոլ է, և այս ամենը հետապնդում է օրենքի դիկտատուրա հաստատելու նպատակ»,–ասաց Բիշարյանը։

Նրա խոսքով` այդ պայմաններում ակներև է, որ խոսքի համատեքստն ամենևին էլ բռնությանը չի վերաբերում, միգուցե կարող է վերաբերել հարկադրանքին, բայց ամեն հարկադրանք բռնություն չէ։

Բիշարյանը հավելեց, որ հարկադրանքը կարող է լինել օրինական, կարող է լինել իրավական, և եթե Փաշինյանի խոսքի համատեքստը արդարացի գնահատվեր ՍԴ դիմումատուների կողմից, կարող էին եզրահանգել, որ խոսքի համատեքստը բացառապես վերաբերել է անօրինական դրսևորումներին իրավական գնահատական տալուն։

Բիշարյանը նշեց նաև, որ այլ հարց է, որ դա ձևակերպվել է համապատասխան դարձվածքներով, ինչը քաղաքական խոսքի դրսևորում է։

Հիշեցնենք, որ Փաշինյանը մարզային հանդիպումերի ժամանակ մի մուրճ էր ցույց տալիս` ասելով, որ եկել է պողպատյա հեղափոխություն անելու ժամանակը կամ էլ դրա միջոցով են լուծելու մի շարք հարցեր հետագայում։

ՀՀ մարդու իրավունքների պաշտպանն արձագանքել էր այս երևույթին` ասելով, որ անթույլատրելի է մուրճի անընդհատ ցուցադրությունը։

84
թեգերը:
քարոզարշավ, Սահմանադրական դատարան, մուրճ, Նիկոլ Փաշինյան
Ըստ թեմայի
Չագուճ և բիզնեսի վրա հարձակումներ. Նիկոլ Փաշինյանի հռետորաբանության հետքերով
Մի «չագուճի» պատմություն, կամ ինչպե՞ս են այլ երկրներում վերաբերվում առաջին դեմքի սխալներին
«Չագուճն առաջինը ձեր գլխին է ջարդվելու». Փաշինյանը կրկին սպառնացել է Զանգեզուրի կոմբինատին
Արմեն Սարգսյանը Տոկիոյում

«Վաղը նավթ չենք վաճառելու, այլ...». ՀՀ նախագահը պատմել է` ում հետ ինչ է խոսել Տոկիոյում

10
(Թարմացված է 12:46 24.07.2021)
Տոկիոյում հայաստանյան լրատվամիջոցներին տված հարցազրույցում ՀՀ նախագահ Արմեն Սարգսյանը հետաքրքիր համեմատություն է արել` նշելով, որ քաղաքականությունն ու բիզնեսը ինչ–որ իմաստով նաև սպորտի էլեմենտներ ունեն։

ԵՐԵՎԱՆ, 24 հուլիսի – Sputnik.  ՀՀ նախագահ Արմեն Սարգսյանը, որը Ճապոնիա է մեկնել աշխատանքային այցով, հարցազրույց է տվել տեղում աշխատող հայաստանյան լրատվամիջոցներին, այդ թվում` Sputnik Արմենիային։

Արմեն Սարգսյանը շեշտել է, որ Տոկիո է մեկնել ոչ միայն հայ մարզիկների կողքին լինելու, այլև Ճապոնիայի ղեկավարների հետ հանդիպելու նպատակով։

«Երեկ հանդիպեցի Ճապոնիայի կայսեր հետ, և բավական հետաքրքիր զրույց ունեցանք, թե ինչպես կարող են երկու երկրներն իրար հետ ավելի սերտ համագործակցեն և՛ քաղաքականության, և՛ մշակույթի ու կրթության ոլորտում։ Այսօր շատ հաջող հանդիպում ունեցա Ճապոնիայի վարչապետի հետ, որի ընթացքում առնվազն 5 կոնկրետ ծրագրերի մասին խոսեցինք, որոնք կապված են ճապոնական Հայաստանում ճապոնական բիզնեսի կամ ներդրումների հետ»,– ասաց Սարգսյանը` հավելելով, որ Ճապոնիան աշխարհի տեխնոլոգիական ամենաառաջատար երկրներից մեկն է, որի հետ համագործակցությունը, նախագահի բնորոշմամբ, մեծ արժեք ունի։

Առաջիկա երկու օրերին Արմեն Սարգսյանը հանդիպումներ է ունենալու նաև Ճապոնիայի առաջատար տեխնոլոգիական ընկերությունների ղեկավարների հետ։

«Մեր երկրի ապագան մեր ամենամեծ ռեսուրսի` մարդկային ռեսուրսի ճիշտ օգտագործման մեջ է։ Մեր ապագան գիտությունն է, նոր տեխնոլոգիաները։ Մենք վաղը նավթ չենք վաճառելու, այլ գաղափարներ, մտքեր, տեխնոլոգիական հաջողություններ։ Իսկ դրա համար պետք է այսօր սովորեն աշխարհի լավագույններից, իրենց հետ աշխատենք, որպեսզի վաղը կարողանանք աշխարհում դեր ունենալ»,– ասաց ՀՀ նախագահը։

Սարգսյանը հետաքրքիր համեմատություն արեց` նշելով, որ քաղաքականությունը, բիզնեսը ինչ–որ իմաստով նաև սպորտի էլեմենտներ ունեն։

«Երբ ես թենիս էի խաղում, միշտ փորձում էի խաղալ ինձնից ավելի ուժեղի հետ, որովհետև այդկերպ ես անընդհատ աճում էի։ Երբ խաղում էի ավելի թույլի հետ, իմ որակն իջնում էր։ Սա կյանքի օրենքներից մեկն է։ Եթե ուզում եմ երկրում լավագույն տնտեսությունն ու տեխնոլոգիան ունենալ, պետք է աշխատեմ և մրցեմ աշխարհի լավագույնների հետ»,– ասաց նա։

Ինչ վերաբերում է սպորտին, Արմեն Սարգսյանը ցավով հայտնեց, որ այսօր այլևս ժամանակ չունի նախկինի պես մարզվելու ու թենիս խաղալու, բայց որոշել է անպայման վերադառնալ կորտ։ Նա բոլորին հորդորեց ժամանակ գտնել նաև սպորտի ու մարզվելու համար։ Ըստ ՀՀ նախագահի` դա նաև կորոնավիրուսի հետևանքների դեմ պայքարելու լավագույն միջոցն է։

Հիշեցնենք` Արմեն Սարգսյան երեկ ներկա է եղել ամառային օլիմպիական խաղերի բացման արարողությանը, իսկ այսօր հետևել է մարմնամարզիկ Արթուր Դավթյանի ելույթներին։

10
թեգերը:
սպորտ, Արմեն Սարգսյան, Հայաստան
Արթուր Դավթյան

Արթուր Դավթյանն իր լավագույն գնահատականը ստացավ ու ավարտեց նժույգթափերի որակավորման փուլը

35
(Թարմացված է 12:27 24.07.2021)
Հայ մարմնամարզիկի արդյունքն ամենայն հավանականությամբ բավարար չի լինի եզրափակիչ դուրս գալու համար։ Sputnik Արմենիան ներկայացնում է Արթուր Դավթյանի ելույթի ամենավառ կադրերը։

ԵՐԵՎԱՆ, 24 հուլիսի – Sputnik. Մարմնամարզիկ Արթուր Դավթյանը ելույթ ունեցավ Ճապոնիայի մայրաքաղաք Տոկիոյում ընթացող 32-րդ ամառային օլիմպիական խաղերի սպորտային մարմնամարզության մրցաշարի նժույգթափեր վարժության որակավորման փուլում և 14.566 գնահատական ստացավ, որը նրա կարիերայի լավագույն արդյունքն է նժույգթափերում:

Այս տարվա ապրիլին նա շվեյցարական Բազել քաղաքում կայացած Եվրոպայի մարմնամարզության առաջնությունում ոսկե մեդալ էր նվաճել նժույգթափեր վարժությունում՝ վաստակելով 14.266 միավոր։

Տոկիո-2020-ում, սակայն, Դավթյանի այս արդյունքն ամենայն հավանականությամբ բավարար չի լինի եզրափակիչ դուրս գալու համար: Նա 9-րդ տեղում է, իսկ եզրափակիչի ուղեգիր են նվաճում 1-8-րդ տեղ գրաված մարմնամարզիկները:

  • Արթուր Դավթյան
    Արթուր Դավթյան
    © Sputnik / Asatur Yesayants
  • Արթուր Դավթյան
    Արթուր Դավթյան
    © Sputnik / Asatur Yesayants
  • Արթուր Դավթյան
    Արթուր Դավթյան
    © Sputnik / Asatur Yesayants
  • Արթուր Դավթյան
    Արթուր Դավթյան
    © Sputnik / Asatur Yesayants
1 / 4
© Sputnik / Asatur Yesayants
Արթուր Դավթյան

Դավթյանն արդեն մասնակցել է նաև հենացատկի որակավորման փուլին, և 14.866 միավորով նա ընթացիկ առաջին տեղում է: Հենացատկի մրցաշարի եզրափակիչը տեղի կունենա օգոստոսի 3-ին:

Հիշեցնենք` ամառային օլիմպիական խաղերի բացման արարողությունը տեղի ունեցավ երեկ։

Տոկիոյում վառվել է օլիմպիական կրակը. ամենավառ կադրերը՝ Sputnik-ի աչքերով

Հայաստանն օլիմպիական խաղերում ներկայացնում են 17 մարզիկ` հունահռոմեական ոճի ըմբիշներ Արմեն Մելիքյանը (60 կգ), Կարեն Ասլանյանը (67 կգ), Կարապետ Չալյանը (77 կգ), Արթուր Ալեքսանյանը (97 կգ), ազատ ոճայիններ Արսեն Հարությունյանը (57 կգ) Վազգեն Թևանյանը (65 կգ), բռնցքամարտիկներ Կորյուն Սողոմոնյանը (52 կգ), Հովհաննես Բաչկովը (63 կգ), Արման  Դարչինյանը (75 կգ), սպորտային մարմնամարզիկ Արթուր Դավթյանը, հրաձգուհի Էլմիրա Կարապետյանը, ծանրորդներ Իզաբելա Յայլյանը  (59 կգ), Սիմոն Մարտիրոսյանը (109 կգ), ձյուդոիստ Ֆերդինանդ Կարապետյանը (73 կգ), եռացատկորդ Լևոն Աղասյանը, լողորդներ Արթուր Բարսեղյանը և Վարսենիկ Մանուչարյանը:

Օլիմպիական խաղերը կավարտվեն օգոստոսի 8-ին: 

Դրոնների խաղը` 32-րդ ամառային օլիմպիական խաղերում. շլացնող տեսանյութ

35
թեգերը:
Արթուր Դավթյան, Տոկիո, Հայաստան
Ըստ թեմայի
Մորիս Բոլեյանի և Ազիզհան Չորշանբիևի մենամարտն իսկապես դիտարժան էր. տեսանյութ
Հայտնի է Հայաստանի օլիմպիական հավաքականի ժամանակացույցը
Հայկ Մարտիրոսյանը դուրս եկավ աշխարհի գավաթի 1/8 եզրափակիչ