Սևանա լիճ

Սևանա լիճը փորձադաշտ չէ. մասնագետները գիտեն` ինչպես կարելի է մաքրել ջուրը

68
(Թարմացված է 14:51 12.07.2021)
Մասնագետները նշում են` Սևանա լճում պետք է ունենանք ռազմավարական ձկան պաշար, ինչպես նաև պետք է լուծվի մաքրման կայանների հարցը։

ԵՐԵՎԱՆ, 12 հուլիսի – Sputnik. Այսօր Սևանա լճում մասսայական ծաղկում չկա, ինչպես նախորդ տարիներին էր, սակայն լիճը որոշ չափով կծաղկի առաջիկայում։ Այսօր հրավիրված ասուլիսի ժամանակ նման կարծիք հայտնեց ԳԱԱ Կենդանաբանության և հիդրոէկոլոգիայի գիտական կենտրոնի տնօրեն Բարդուխ Գաբրիելյանը։

«Մենք մինչ այսօր չունենք հստակ տեսլական` ինչ ենք ուզում Սևանից, ջրի ինչ որակ ենք ակնկալում։ Բացի այդ, Սևանի ձկնային պահանջները չպետք է դիտարկենք որպես մեր բնակչության համար սնունդ, այն պետք է դիտարկվի որպես էկոհամակարգի սննդային շերտի վերին օղակ։ Սա, ի դեպ, կարելի է օգտագործել որպես հնարավորություն Սևանա լճից օրգանական հումքի արտահանման համար»,–ասաց Գաբրիելյանը` հավելելով, որ դեռ պարզ չէ` լճի ծաղկումն ինչ աստիճանի կլինի։

6 ամսով կարգելվի այցելուների մուտքը «Սևան» ազգային պարկի Նորաշենի արգելոց ու արգելավայր

Նրա խոսքով` պետք է ունենանք ռազմավարական ձկան պաշար, այսինքն` այս իրավիճակում` պատերազմ, շրջափակում, Սևանա լիճն ավտոնոմ համակարգ է իրենից ներկայացնում, և կարող է լինել մեր փրկությունը։ Գաբրիելյանը նշեց, որ Սևանի ձկնային պաշարը կարող է նաև զորքի համար սնունդ դառնալ։ Նա հավելեց` որսը կառավարելի չէ. կառավարությունը պետք է որոշի, թե այսքան պաշար մշտապես պետք է լինի լճում։

Ջրառի դեպքում պետք է պահպանվի Սևանի էկոլոգիական դրական հաշվեկշիռը. Գաբրիելյան

Ըստ մասնագետի` ձկնապաշարի նվազեցում է նկատվում նախորդ տարիների համեմատ, իսկ թվային տվյալներ տարեվերջին կտրամադրեն։

Ջրի մաքրման կայանների հիմնադիր Մանվել Գաբրիելյանն էլ հայտնեց, որ Սևանի մաքրման համար ԵՄ–ն 5.7 մլն եվրո է հատկացրել։ Արդեն իսկ մրցույթ է կայացել, և մինչև տարեվերջ ծրագրի տեսական մասը կավարտվի։

«Ես զրուցեցի մրցույթին մասնակցած մի ընկերության ներկայացուցչի հետ, որն ասաց` առաջարկում են եղեգների միջոցով ջուրն ինքնամաքրման տանել։ Սակայն հարցն այն է, որ Սևանի դեպքում դա մի փոքր բարդ է` մինչև -30 աստիճան ցուրտ է լինում, 1.5 մետր սառեցման շերտ կարող է ունենալ։ Բացի այդ, այս փորձը զանգվածային տարածում չունի աշխարհում, և Սևանը փորձադաշտ չէ»,–ասաց Գաբրիելյանը։

Նրա խոսքով` իրենք էլ 2 առաջարկ ունեն` ստեղծել դասական մաքրման կայաններ, որոնցից յուրաքանչյուրը 800 000-1 մլն եվրո կարժենա, և կեղտաջրի նստեցում կատարել։ Գաբրիելյանը նշեց` Գեղամասարում կա բիոգազի կայան, որը հիմա կանգնած է, չի աշխատում. պետք է գոմաղբի միջոցով ստանային բիոգազ, սակայն չաշխատեց այդ տարբերակը։ Հիմա իրենք առաջարկում են, որպեսզի նստեցնեն կեղտաջուրը, որը կհավաքվի հատուկ կայանների մեջ, և հետո դրանցից կարող են բիոգազ ստանալ։

6 օրում Սևանա լճի մակարդակն իջել է 2 սմ-ով. ՇՄՆ

68
թեգերը:
Հայաստան, Սևանա լիճ
Սյունիք

Ադրբեջանցի զինծառայողները Ճակատեն և Դավիթ Բեկ գյուղերից գողացել են 8 կով և 1 ցուլ. ՄԻՊ

81
(Թարմացված է 00:17 04.08.2021)
ՀՀ ՄԻՊ–ը ևս մեկ անգամ վերահաստատել է, որ ՀՀ բնակչության պաշտպանության, իրավունքների երաշխավորման համար Սյունիքի և Գեղարքունիքի շուրջ անհրաժեշտ է ստեղծել անվտանգության գոտի:

ԵՐԵՎԱՆ, 4 օգոստոսի – Sputnik. Հայաստանի մարդու իրավունքների պաշտպան Արման Թաթոյանը ֆեյսբուքյան իր էջում ներկայացրել է, թե վերջին օրերին ինչ ահազանգեր է ստացել ադրբեջանական զինծառայողների` Սյունիքի հատվածից անասուններ գողանալու վերաբերյալ։

«Ադրբեջանական զինծառայողները գողացել են ՀՀ Սյունիքի մարզի Կապանի Ճակատեն և Դավիթ Բեկ գյուղերի 3 ընտանիքի պատկանող 8 կով և 1 ցուլ»,–գրել է նա:

Մասնավորապես, ՀՀ մարդու իրավունքների պաշտպանի աշխատակազմը 2021 թվականի օգոստոսի 3-ի ահազանգերով պարզել է, որ Սյունիքի մարզի Կապան համայնքի Ճակատեն գյուղի վարչական տարածքում՝ անմիջապես գյուղից մոտ 1 կմ հեռավորության վրա գտնվող արոտավայրում 2021 թվականի հուլիսի 26-ին արածացնելու են տարել գյուղի երկու ընտանիքին պատկանող 4 կովեր:

Կենդանիներն, արածելով, հասել են գյուղի վարչական տարածքում գտնվող «Յուրդեր» անվամբ արոտավայրը և մոտեցել ադրբեջանական զինված ուժերի վերահսկողության տակ գտնվող տարածքին: Ըստ ահազանգերի՝ դրանից հետո ադրբեջանական զինծառայողները կենդանիներին կապել են իրենց հատվածում, թույլ չեն տվել վերադառնալ և, բնակիչները շուրջ 5 օր իրենց բնակելի տան դիմացի սարից հեռադիտակով տեսել են, որ կենդանիները գտնվում են «Ջամբար» կոչվող տարածքում, իսկ օգոստոսի 1-ի դրությամբ կենդանիներն արդեն անհետացել են:

Նշված դեպքից բացի, 2021 թվականի օգոստոսի 2-ին Մարդու իրավունքների պաշտպանի աշխատակազմը ևս մեկ ահազանգ է ստացել այն մասին, որ ՀՀ Սյունիքի մարզի Կապան համայնքի Դավիթ Բեկ գյուղի բնակիչը գյուղի 3 ընտանիքի պատկանող 6 խոշոր եղջերավոր կենդանիների (1 ցուլ, 5 կով) 2021 թվականի հուլիսի 14-ին արածացնելու է տարել գյուղին պատկանող՝ շուրջ 1.5 կմ հեռավորության վրա գտնվող արոտավայր:

Վերին Շորժայում մարդիկ ադրբեջանական նշանառության տակ են. Թաթոյանը լուսանկար է հրապարակել

Գյուղի բնակիչը, կարճ ժամանակ հեռացել է արոտավայրից և վերադառնալուն պես հայտնաբերել, որ կենդանիներից 5-ը չկան, իսկ կովերից մեկը ադրբեջանական զինված ուժերի վերահսկողության տակ գտնվող կողմից վերադառնում է՝ պարանը գլխին կապած (ինքը կենդանիներին առանց պարան է արածացնելու տարել):

Հեռվում նկատել է, թե ինչպես են ադրբեջանական զինծառայողները դեպի իրենց խորքը քշում կենդանիներին:

Նշված երկու դեպքերում էլ տեղի ունեցածի մասին բնակիչները տեղեկացրել են գյուղերի վարչական շրջանների ղեկավարներին:

Դեպքերի մասին տեղյակ են պահվել նաև ՀՀ Զինված ուժերի ներկայացուցիչները և ՌԴ սահմանապահները: Կենդանիների վերադարձման ուղղությամբ տարվող բանակցությունները օգոստոսի 3-ի դրությամբ արդյունք չեն տվել:

Ադրբեջանական զինծառայողները հրաժարվում են վերադարձնել կենդանիներին՝ պատճառաբանելով, թե նրանք իրենց մոտ չեն:

Այս տվյալները Մարդու իրավունքների պաշտպանի աշխատակազմը հաստատել է Ճակատեն և Դավիթ Բեկ գյուղերի նշված բնակիչների, նրանց համագյուղացիների հետ առանձնազրույցներով, ինչպես նաև դա հաստատել են համայնքային մարմինները:

«Ադրբեջանական զինծառայողների կողմից ՀՀ սահմանային բնակիչների պատկանող կենդանիների գողությունները, նրանց վնաս պատճառելն ունի պարբերական բնույթ: Նրանց անօրինական արարքները խախտում են ՀՀ բնակիչների սեփականության իրավունքը, այդ արարքներն ուղղված են անասնապահությամբ զբաղվելու և ընտանիքի եկամուտը վաստակելու հնարավորությունից զրկելուն»,– նշել է Թաթոյանը:

Նա ընդգծել է, որ այս ամենն իր հերթին անվտանգությունից բացի, առաջացնում է սոցիալական բնույթի խնդիրներ, այդ թվում` լուրջ վնասներ է հասցնում ՀՀ սահմանային բնակչությանը:

ՌԴ սահմանապահները մասնակիորեն տեղակայվել են Սյունիքում. Կոպիրկին

ՀՀ ՄԻՊ–ը ևս մեկ անգամ վերահաստատել է, որ ՀՀ բնակչության պաշտպանության, իրավունքների երաշխավորման համար Սյունիքի և Գեղարքունիքի շուրջ անհրաժեշտ է ստեղծել անվտանգության գոտի:

Դա պահանջում է նրանց հեռացում ՀՀ սահմանային գյուղերի հարևանությունից և Սյունիքի համայնքների միջև ճանապարհներից:

81
թեգերը:
ՀՀ ՄԻՊ, Արման Թաթոյան, Հայաստան, Սյունիք, կով, ադրբեջանցի, զինծառայող
Ըստ թեմայի
«Խաղաղությունը, ցավոք, միայն մեզնից չի կախված». Փաշինյանը` նախընտրական խոստման մասին
Փաշինյանն ասել է` ինչու ՀՀ–ն սահմանային իրադրությունը լուծելու միջոցներ չի ձեռնարկում
Ռուսաստանի աջակցությամբ Հայաստան է վերադարձել 81 գերի. ՀՀ–ում ՌԴ դեսպան
Արման Թաթոյան

ՄԻՊ–ը կուսումնասիրի խորհրդարանում լրագրողների աշխատանքի սահմանափակումների հարցը

21
(Թարմացված է 23:44 03.08.2021)
Լրագրողների մասնագիտական աշխատանքի սահմանափակումների առնչությամբ ՄԻՊ–ը նախաձեռնել է ուսումնասիրություն՝ հրատապության սկզբունքով։

ԵՐԵՎԱՆ, 3 օգոստոսի – Sputnik. ՀՀ Մարդու իրավունքների պաշտպանը կուսումնասիրի ԱԺ-ում լրագրողների աշխատանքի սահմանափակումների հարցը։ Տեղեկությունը հայտնում է ՀՀ ՄԻՊ Արման Թաթոյանը` ֆեյսբուքյան իր էջում։

Նշվում է, որ Ազգային ժողովում լրագրողների մասնագիտական աշխատանքի սահմանափակումների առնչությամբ Մարդու իրավունքների պաշտպանը երեկվանից նախաձեռնել է ուսումնասիրություն՝ հրատապության սկզբունքով:

«Իրականացվում է լրագրողների ահազանգերի, դիմումների, պաշտոնական հրապարակային պարզաբանումների, ինչպես նաև միջազգային փորձի ու չափանիշների ուսումնասիրություն: Ահազանգերը քննարկվել են լրագրողների հետ, պաշտոնական պարզաբանումներ են հայցվել Ազգային ժողովից»,–նշված է հաղորդագրության մեջ:

Ուսումնասիրության արդյունքներով Մարդու իրավունքների պաշտպանի դիրքորոշումը կհրապարակվի առաջնահերթության սկզբունքով:

Հիշեցնենք, որ Աժ 8-րդ գումարման նստաշրջանը մեկնարկել է խորհրդարանում լրագրողների ազատ տեղաշարժի սահմանափակումներով։

Ինչի՞ կհանգեցնի իշխանության և ընդդիմության լարումը ԱԺ–ում, կամ բոլոր կամուրջներն այրված են

Նրանց տեղաշարժը հսկում են Պետական պահպանության ծառայության աշխատակիցները, առաջիկայում նախատեսվում է ընդհանրապես արգելել լրագրողներին մուտք գործել խորհրդարանի շենք, լինել միջանցքներում, հարցազրույցներ իրականացնել հայրենի օրենսդիրների հետ:

Նշենք, որ խորհրդարանում հավատարմագրված լրագրողները ստորագրահավաք են նախաձեռնել՝ պահանջելով չեղարկել լրագրողների տեղաշարժի հետ կապված սահմանափակումները: Նրանք պատրաստվում են նաև Աժ խոսնակի հետ քննարկել հարցը։

21
թեգերը:
ԱԺ, Հայաստան, խորհրդարան, Ալեն Սիմոնյան, Լրագրող, ԶԼՄ, Արման Թաթոյան, ՀՀ ՄԻՊ
Ըստ թեմայի
Ադրբեջանական ԶՈւ-ի պատճառով Գեղարքունիքի որոշ գյուղեր զրկվել են խմելու և ոռոգման ջրից. ՄԻՊ
Ինքնահրկիզման դեպքը ՄԻՊ–ի հետ առնչություն չունի. քաղաքացին ավելի քան 50 տոկոս այրվածք ունի
Ազատազրկվածներին պահելու խցերում անմարդկային պայմաններ են․ ՄԻՊ–ը լուսանկարներ է հրապարակել