Վահե Գրիգորյան. արխիվային լուսանկար

Լեզվակռիվ եղավ ՍԴ դատավորներ Վահե Գրիգորյանի և Արևիկ Պետրոսյանի միջև

252
(Թարմացված է 14:25 10.07.2021)
ՍԴ դատավոր Էդգար Շաթիրյանը կողմերին հորդորեց անհապաղ ավարտել բանավեճն ու անցնել գործի քննությանը, որովհետև հանրությունն արդեն տևական ժամանակ դիտում է իրենց ներքին բանավեճը:

ԵՐԵՎԱՆ, 10 հուլիսի – Sputnik. Այսօր` հուլիսի 10–ին, Սահմանադրական դատարանում արտահերթ ընտրությունների վիճարկման գործի քննության ընթացքում լեզվակռիվ տեղի ունեցավ ՍԴ դատավորներ Վահե Գրիգորյանի և Արևիկ Պետրոսյանի միջև:

Ընդհուպ` մուրճի ցուցադրում. «Հայաստան» դաշինքի ներկայացուցիչը փաստեր ներկայացրեց ՍԴ–ին

Մասնավորապես, իր ելույթի ժամանակ դատավոր Արևիկ Պետրոսյանը նշեց, որ դատարանը չի պահպանում ընթացակարգերը և դա անընդունելի է։ Իսկ երբ ՍԴ նախագահ Արման Դիլանյանը նրան հիշեցրեց դատավորների վարքագծային նորմերի մասին, Պետրոսյանը հակադարձեց, թե դատավորներից մեկը մեկ տարուց ավելի չի կատարել իր պարտավորությունները, սակայն ոչ ոք նրան չի հիշեցրել նշված նորմերի մասին։ Այդ ժամանակ խոսք խնդրեց դատավոր Վահե Գրիգորյանը՝ Պետրոսյանի խոսքերը համարելով ակնարկ իր հասցեին։

«Հարգելի՛ նախագահ, թեկուզև դատավոր Պետրոսյանի խոսքը քողարկված ակնարկներ էր պարունակում իմ վարքի վերաբերյալ, ես ուզում եմ ՀՀ բոլոր քաղաքացիներից և կողմերից ներողություն խնդրել այն ամենի համար, ինչը որ դուք լսում եք, ինչին որ դուք էստեղ ականատես եք։ Ես վստահ եմ, որ Հայաստանի Հանրապետությունը արժանի է շատ այլ վարք դրսևորող Սահմանադրական դատարանի, ես խնդրում եմ անտեսել այդ ամենը, թեկուզև դա դատավորի հասցեին է արված, և ի վերջո անցնել գործի քննությանը: Ողջ հանրապետությունը սպասում է այս գործով որոշմանը, ինչպիսին էլ այդ որոշումը լինի»,-ասաց ՍԴ դատավոր Վահե Գրիգորյանը:

Ի պատասխան Վահե Գրիգորյանի` Արևիկ Պետրոսյանը դիմեց ՍԴ նախագահին` ասելով, որ սպասում է նրա արձագանքին։

«Որպեսզի վկայակոչեք հնչեցված մտքի վերաբերյալ Սահմանադրական դատարանի մասին օրենքի 14 հոդվածի 7-րդ կետը` ուղիղ վարկաբեկում էր դատական իշխանությանը և Սահմանադրական դատարանին (զերծ մնալ այնպիսի հայտարարություն անելուց կամ վարքագիծ դրսևորելուց, որը վտանգում կամ կասկածի տակ է դնում դատավորի կամ դատարանի անկախությունը և անաչառությունը,–խմբ.)»,–ասաց Պետրոսյանը։

ՍԴ դատավոր Էդգար Շաթիրյանն էլ կողմերին հորդորեց անհապաղ ավարտել այս բանավեճն ու անցնել գործի քննությանը, հակառակ պարագայում հանրությունը արդեն տևական ժամանակ դիտում է իրենց ներքին բանավեճը:

Հրայր Թովմասյանը պահանջում է, որ ՀՀ նախագահը ՍԴ–ում հարցաքննվի որպես վկա

Հիշեցնենք, որ հունիսի 20-ին կայացած խորհրդարանական արտահերթ ընտրություններում անցողիկ շեմը հաղթահարել են ՔՊ-ն (53.92%) ու «Հայաստան» դաշինքը (21.04%)։ «Պատիվ ունեմ» դաշինքն էլ (5.23%) խորհրդարան կանցնի իրավունքի ուժով՝ որպես երրորդ ամենաշատ ձայներ ստացած քաղաքական ուժ։

«Հայաստան» դաշինքը, «Զարթոնք» ազգային քրիստոնեական կուսակցությունը, «Հայոց հայրենիք» կուսակցությունը և «Պատիվ ունեմ» կուսակցությունների դաշինքն ԱԺ արտահերթ ընտրությունների արդյունքները վիճարկել են հուլիսի 2-ին ՍԴ ներկայացված դիմումներով։

Նրանք պահանջում են կա՛մ ընտրությունների արդյունքներն անվավեր ճանաչել, կա՛մ անվավեր ճանաչել և սահմանել մանդատների ճանաչման նոր կարգ, կա՛մ անվավեր ճանաչել և նշանակել ընտրությունների երկրորդ փուլ։

«Հայաստան» դաշինքը միջնորդել է, որ Վահե Գրիգորյանն իրենց գործի քննությանը չմասնակցի

252
թեգերը:
Սահմանադրական դատարան, Վահե Գրիգորյան
Ըստ թեմայի
«Հայոց հայրենիքը» ևս դիմել է ՍԴ` ընտրությունների արդյունքները անվավեր ճանաչելու պահանջով
«Զարթոնքը» դիմել է ՍԴ` ընտրության արդյունքները վիճարկելու համար
Հրայր Թովմասյանը պնդեց` հարցը ուշ է բարձրացվել. Վահե Գրիգորյանը կմասնակցի ՍԴ նիստին
Ընտրության արդյունքների հարցով ՍԴ նիստը սկսվել է. միջնորդեցին, որ Գրիգորյանը չմասնակցի
Արխիվային  լուսանկար

Օդի ջերմաստիճանը կբարձրանա, ապա կրկին կիջնի. եղանակի տեսություն

6
(Թարմացված է 19:03 24.07.2021)
Օդի ջերմաստիճանը 25-26-ի ցերեկն աստիճանաբար կբարձրանա 2-4 աստիճանով, 28-29-ը կնվազի 3-5 աստիճանով։

ԵՐԵՎԱՆ, 25 հուլիսի - Sputnik. Այսօր Հայաստանի տարածքում սպասվում է առանց տեղումների եղանակ: Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։

Եղանակի կանխատեսում
Եղանակի կանխատեսում

Քամին՝ հարավ-արևմտյան՝ 5-10 մ/վ, ամպրոպի ժամանակ սպասվում է քամու ուժգնացում՝ 18-23 մ/վ արագությամբ։

Օդի ջերմաստիճանը 25-26-ի ցերեկն աստիճանաբար կբարձրանա 2-4 աստիճանով, 28-29-ը կնվազի 3-5 աստիճանով։

Անոմալ շոգեր են. ի՞նչ կանչեր է ստանում Շտապօգնությունը

Երևանում հուլիսի 25-27-ը սպասվում է առանց տեղումների եղանակ: Հուլիսի 28-ին ժամանակ առ ժամանակ սպասվում է կարճատև անձրև և ամպրոպ, ամպրոպի ժամանակ հնարավոր է քամու ուժգնացում՝ 18-20 մ/վ արագությամբ։

6
թեգերը:
օդի ջերմաստիճան, Հայաստան, եղանակ
թեմա:
Եղանակը Հայաստանում
Ըստ թեմայի
Կանադայում շոգից ավելի քան հարյուր մարդ է մահացել
Երկիր մոլորակի վրա կարող է անտանելի շոգ լինել. գիտնականներ
Սննդաբանն ասել է՝ ինչ չի կարելի ուտել նախաճաշին շոգ եղանակին
Ջանիբեկյան զույգը

Պաշտում եմ ձեր հայկականությունը. Էլինա Ջանիբեկյանը պատմել է Մատենադարանի մասին

378
Ձեռագրերի թանգարան այցելելու համար Էլինան ընտրել է բաց ուսերով նրբագեղ սև բլուզը, որի վրա ասեղնագործած են հայկական այբուբենի տառերը։

Հայտնի ռուսաստանցի պրոդյուսեր, Comedy Club Production–ի հիմնադիր Արթուր Ջանիբեկյանի կինը` Էլինա Ջանիբեկյանը Instagram–ի իր էջում գեղեցիկ կարճ տեսանյութ է հրապարակել Երևանի Հին ձեռագրերի ինստիտուտի ֆոնին և հետևորդներին պատմել` ինչ է Մատենադարանը։

«Մատենադարանը հայկական մշակույթի հպարտությունն է, հին ձեռագրերի աշխարհի խոշորագույն պահոց։ Գրաբարով «Մատենադարան» նշանակում է «ձեռագրերի պահոց»», – հրապարակմանը կից գրել է նա։

Հետաքրքիր է, որ Էլինայի` բաց ուսերով սև բլուզի վրա ասեղնագործած են հայկական այբուբենի տառերը։

Էլինա Ջանիբեկյանը պատմել է Մատենադարանի մասին

Դանդաղեցված տեսանյութն ուղեկցվում է հայտնի երգչուհի Սիրուշոյի «Ես ու դու» նոր երգով։

Էլինայի բազմաթիվ բաժանորդներն անմիջապես արձագանքել են գրառմանը, իսկ Սիրուշոն կարմիր սրտիկի տեսքով էմոջի է թողել մեկնաբանություններում։

«Պաշտում եմ ձեր հայկականությունը», «Ինչպես միշտ հիասքանչ», «Գեղեցկություն», «Լավագույնն ես», – գրել են համացանցի օգտատերերը։

Մյուս լուսանկարում պրոդյուսերի կինը Մատենադարանի դռների ֆոնին է։

Նրա կերպարը հիանալի համադրվում է դռների նախշերի հետ։

Публикация Элины Джанибекян
Մյուս լուսանկարում պրոդյուսերի կինը Մատենադարանի դռների ֆոնին է։

Էլինա Ջանիբեկյանը մեծ հայրենասեր է և մեծ հաճույքով ժամանակ է անցկացնում պատմական հայրենիքում։ Միևնույն ժամանակ նա հաճախ ուրախացնում է բաժանորդներին ոչ միայն գեղեցիկ, այլև հետաքրքիր և ճանաչողական հրապարակումներով։

Վերջերս Ջանիբեկյան զույգն իրենց կրտսեր որդուն` Արեգին մկրտել էր Վարդենիսի Սուրբ Հակոբ Մծբինեցու եկեղեցում։

378
թեգերը:
Էլինա Ջանիբեկյան, Մատենադարան
Ըստ թեմայի
Իմ մեջ արթնացավ հայը. Գալուստյանը պատմել է իր ու Արթուր Ջանիբեկյանի առաջին հանդիպման մասին
Արթուր Ջանիբեկյանի կինը` Էլինան, նորածին որդու հետ լուսանկար է հրապարակել
Էլինա Ջանիբեկյանը Երևանի ֆոնին ռոմանտիկ տեսանյութ է հրապարակել