Առուշ Առուշանյան

Առուշ Առուշանյանն ազատ է արձակվել. նա հրաժարվել է ցուցմունք տալ

123
(Թարմացված է 19:40 07.07.2021)
Առուշ Առուշանյանը բերման էր ենթարկվել ընտրակաշառք բաժանելու փաստի առթիվ հարուցված քրգործի շրջանակում։

ԵՐԵՎԱՆ, 7 հուլիսի – Sputnik. Գորիսի համայնքապետ Առուշ Առուշանյանն ազատ է արձակվել։ Տեղեկությունը Sputnik Արմենիային հայտնեց նրա փաստաբան Էրիկ Ալեքսանյանը։

«Առուշանյանը չէր ձերբակալվել, նա բերման էր ենթարկվել։ Նրան հարցաքննել են վկայի կարգավիճակով, սակայն փաստացի գտնվում է կասկածյալի կարգավիճակում։ Այսինքն` հարցաքննել են կասկածի շրջանակներում»,–ասաց փաստաբանը։ Նա տեղեկացրեց, որ Առուշանյանը հրաժարվել է ցուցմունք տալ։

Ալեքսանյանն իրավական մարմինների այս քայլը որակեց Առուշանյանի նկատմամբ քաղաքական հետապնդում։

Փաստաբանը հավելեց նաև, որ Առուշանյանը բերման է ենթարկվել  ընտրակաշառք բաժանելու փաստի առթիվ հարուցված քրգործի շրջանակում։

Նշենք, որ փաստաբան Ռոբերտ Հայրապետյանը ժամեր առաջ Facebook–ում գրել էր, որ Առուշ Առուշանյանին ձերբակալել են։

Հիշեցնենք` Առուշանյանը հայտարարել էր, որ Հայաստանի քաղաքական ղեկավարությունը ճնշում է գործադրում իր վրա, որպեսզի ինքը չխանգարի Սյունիքով անցնող Մեղրիի միջանցքի կառուցմանը, որով Ադրբեջանը կապվելու է Նախիջևանի հետ:

Առուշանյանը խորհրդարանական ընտրություններին առաջադրվել էր «Հայաստան» դաշինքի ցուցակով: Նա այսօր լրագրողների հետ զրույցում հավաստիացնում էր, որ եթե անգամ իրեն ձերբակալեն, դա որևէ կերպ չի կարող անդրադառնալ իր սկզբունքների ու հայաստանյան ներքաղաքական իրավիճակի մասին ունեցած տեսակետների վրա:

Ավելի վաղ ՀՔԾ-ն Քարահունջի վարչական ղեկավարին մեղադրանք էր առաջադրել մի քանի բնակիչների ընտրակաշառք բաժանելու և նրանց հարկադրաբար «Հայաստան» դաշինքի հանրահավաքին տանելու, իսկ ընտրությունների ժամանակ «Հայաստան» դաշինքի օգտին քվեարկելու համար։

123
թեգերը:
ցուցմունք, Հայաստան, Առուշ Առուշանյան
Ըստ թեմայի
Սահմանին հայ զինվորի վիրավորումը հաջորդել է վեճին. հայտնի են մանրամասները
Ալիևն Ադրբեջանը բաժանել է տնտեսական շրջանների․ «հաշվել» է նաև Ստեփանակերտը
ՀՀ զինված ուժերը չեն գնդակոծել Տավուշի սահմանի ադրբեջանական դիրքերը. ՊՆ
Военные каски

ՊՆ–ն հրապարակել է ադրբեջանական կրակոցներից զոհված զինծառայողների անունները

87
(Թարմացված է 12:00 28.07.2021)
Մարտական գործողությունների ընթացքում հրազենային վիրավորում է ստացել ՀՀ ԶՈՒ երեք զինծառայող։

ԵՐԵՎԱՆ, 28 հուլիսի – Sputnik. Հուլիսի 28-ի գիշերը ադրբեջանական զինված ուժերի կողմից իրականացված սադրանքին դիմակայելու ընթացքում զոհվել են ավագ լեյտենանտ Հայկ Հովհաննեսի Գևորգյանը, շարքային Կորյուն Արայիկի Հարությունյանը և շարքային Դավիթ Գառնիկի Քոչարյանը։

Հայաստանի Հանրապետության պաշտպանության նախարարությունը կիսում է կորստյան ծանր վիշտը և զորակցություն հայտնում զոհված զինծառայողների ընտանիքների անդամներին, հարազատներին և ծառայակիցներին։

Մարտական գործողությունների ընթացքում հրազենային վիրավորում է ստացել ՀՀ ԶՈՒ երեք զինծառայող։ Նրանց առողջական վիճակի մասին տեղեկատվություն կտրամադրվի քիչ ավելի ուշ։

 

87
Ականանետ

Կիրառվել են ականանետներ, շփման գծի փոփոխություն չի եղել. ՊՆ–ի նոր հաղորդագրությունը

174
(Թարմացված է 11:53 28.07.2021)
ՊՆ–ն վստահեցնում է, որ սահմանային իրադրությունը գտնվում է ՀՀ ԶՈւ ստորաբաժանումների վերահսկողության ներքո։

ԵՐԵՎԱՆ, 28 հուլիսի – Sputnik. ՌԴ խաղաղապահ զորքերի հրամանատարության միջնորդությամբ ձեռք է բերվել պայմանավորվածություն հյուսիսարևելյան ուղղությամբ հայ-ադրբեջանական զորքերի շփման գծում հրադադարի ռեժիմը վերականգնելու վերաբերյալ։ Տեղեկությունը հայտնում է ՀՀ պաշտպանության նախարարությունը:

«Այս պահին նշված պայմանավորվածությունը հիմնականում կատարվում է»,– նշված է հաղորդագրության մեջ։

Ադրբեջանական սադրանքի հետևանքով սկսված մարտական գործողությունների ընթացքում երկուստեք կիրառվել են հրաձգային զինատեսակներ և ականանետեր։ Ընդ որում` ՀՀ ԶՈւ ստորաբաժանումների կողմից ականանետային կրակ է բացվել ի պատասխան հակառակորդի կողմից ականանետների կիրառման։

Ըստ ՊՆ–ի` շփման գծի փոփոխություն տեղի չի ունեցել, սահմանային իրադրությունը գտնվում է ՀՀ ԶՈւ ստորաբաժանումների վերահսկողության ներքո։

Հիշեցնենք` հուլիսի 28-ին, ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Փոխհրաձգությունների հետևանքով հայկական կողմն ունի 3 զոհ, 2 վիրավոր։ Հայաստանն ու Ադրբեջանը համաձայնել են Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

174
թեգերը:
Սահման, Ադրբեջան, Դժբախտ պատահար, Հայաստան
Ըստ թեմայի
Ի պատասխան Ադրբեջանի քայլերի`ՀՀ–ն գործի կդնի իր ռազմաքաղաքական ողջ գործիքակազմը. ՀՀ ԱԳՆ
Ժամը 10:30-ի դրությամբ կրակում են Գեղարքունիքի գյուղերի ուղղությամբ. ՄԻՊ
Սոթքի ոսկու հանքի աշխատանքը կանգնեցվել է, աշխատակիցները տարհանվել են