Կութ

Ռուսների տեղակայվելուց հետո գեղարքունիքցին կկարողանա օգտվել խոտհարքներից ու արոտներից

79
(Թարմացված է 12:58 09.07.2021)
Գեղարքունիքի մարզպետի խոսքով` ադրբեջանցիները դեռ չեն վերադարձրել ՀՀ տարածքից գողացած անասունները։ Բանակցությունները շարունակվում են։

ԵՐԵՎԱՆ, 7 հուլիսի - Sputnik. Գեղարքունիքի մարզպետ Գնել Սանոսյանն այսօր հրավիրված ասուլիսի ժամանակ հայտնեց, որ ադրբեջանցիները դեռ չեն վերադարձրել Գեղարքունիքի մարզի Կութ գյուղի արոտավայրից հափշտակած 81 գլուխ խոշոր եղջերավոր անասունները։

«Այդ ուղղությամբ մենք դեռ չունենք որևէ վերջնական լուծում։ Կա որոշակի աշխատանք, բանակցություններ»,– ասաց Սանոսյանը։

Նա նաև տեղեկացրեց, որ 81 անասունները պատկանում են համայնքի 5 ընտանիքների, որոնք մարզի ղեկավարության կողմից որոշակի ֆինանսական աջակցություն են ստացել։

«Հիմա սպասենք, տեսնենք` պրոցեսն ինչպես կզարգանա, մինչև կհասկանանք այս ընդհանուր պրոցեսի մեջ անասունները կվերադարձվեն, թե չէ։ Եթե ոչ, պետությունը ինչ–որ բան կնախաձեռնի»,– ասաց նա։

Հիշեցնենք` հունիսի 5-ին հայտնի Գեղարքունիքի մարզի սահմանապահ Կութ գյուղում ադրբեջանցի զինվորականները կրակել էին հայ հովվի ուղղությամբ։

Հովիվը փորձել էր նախիրը արոտավայրից գյուղ քշել, երբ թշնամին կրակել էր նրա ուղղությամբ։

Հովիվը չէր տուժել, իսկ թշնամին տարել էր անասունները։

Սանոսյանն արձանագրեց, որ 44–օրյա պատերազմից ու հատկապես մայիսի 13-ից հետո մարզում ոչ միայն արոտավայրերը, այլև խոտհարքներն օգտագործելու խնդիր է առաջացել։

«Բայց նաև ունենք վայրեր, որտեղ երբ մեր բնակիչները պետք է խոտը հավաքելով զբաղվեն, մեր բանակային կորպուսը որոշակի լրացուցիչ ուժեր է դնում, որպեսզի մեր բնակիչներն իրենց ավելի ապահով զգան և այդ վայրերում կարողանան իրենց աշխատանքներն անել»,– ասաց Սանոսյանը։

Մարզպետը հայտնեց, որ մարզի առավել բարձրադիր վայրերում խոտը հավաքելու պրոցեսը դեռ չի սկսվել, նա միաժամանակ հույս հայտնեց, որ ռուս սահմանապահների տեղակայման արդյունքում նաև այս խնդիրը կկարգավորվի, ու մարզի բնակիչները կկարողանան օգտվել այդ տարածքներից։

Ռուս սահմանապահներն արդեն Գեղարքունիքի մարզում են. Գնել Սանոսյան

Հիշեցնենք նաև, որ ադրբեջանցի զինվորականները մայիսի 12-ից Հայաստանի Սյունիքի մարզում գտնվող Սև լճի տարածքում են և փորձում են ամրապնդվել այնտեղ։ Նմանատիպ իրավիճակ է նաև Գեղարքունիքի մարզի Կութ, Վերին Շորժա և Նորաբակ գյուղերի հատվածում։

ՀՀ վարչապետի պաշտոնակատար Նիկոլ Փաշինյանը մայիսի 27-ին ԱԽ նիստում առաջարկեց Ադրբեջանի հետ սահմանին տեղակայել միջազգային դիտորդների, որոնք կներկայացնեն Ռուսաստանը կամ Մինսկի խմբի համանախագահ մեկ այլ երկիր։

Մոտ օրերս ռուս զինվորականները կհաստատվեն Գեղարքունիքից մինչև Սյունիք. Գնել Սանոսյան

79
թեգերը:
Հայաստան, Գեղարքունիքի մարզ, Գնել Սանոսյան (Գեղարքունիքի մարզպետ), սահմանապահ
Ըստ թեմայի
Սա սահմանային միջադեպ չէ, միջադեպը չի կարող տևել 2 ամիս. ԱԽ քարտուղարը հակադարձել է Զասին
Հայաստանի ու Ադրբեջանի սահմանին ռուս խաղաղապահներ չեն լինի. Կրեմլ
Արփի Վանյան

Պատկերացնում եմ՝ ինչպես եմ Հադրութ մտնում, գերեզման վազում․ արցախցիների կյանքը կռվից հետո

15
(Թարմացված է 09:04 02.08.2021)
Պատերազմից հետո հայրենազրկված հադրութցիները բազմաթիվ խնդիրների առաջ են հայտնվել՝ սոցիալական, իրավական, հոգեբանական։ Նոր միջավայրում ինտեգրումն էլ հեշտ չի ստացվում։

Գրող, սցենարիստ Արփի Վանյանը ծնունդով Հադրութից է, սակայն արդեն երկար տարիներ Երևանում է ապրում։ Ասում է` տարին տարի չէր լինի, եթե ընտանիքի հետ գոնե երկու անգամ հարազատ Հադրութ չգնային...

Արցախյան 44–օրյա պատերազմից հետո Արփին հիմնադրել է «Հադրութի դեօկուպացիա» ՀԿ-ն, որը զբաղվում է բռնի տեղահանված հադրութցիների սոցիալական, իրավական, նաև Հադրութի մշակութային ժառանգության հարցերով։

Իսկ խնդիրները շատ են ու բազմապիսի։ Նոյեմբերի եռակողմ հայտարարությունից հետո Արցախի նախագահը որոշակի օգնություն է ցուցաբերել, որով ՀԿ–ն կարողացել է մի քանի ամսով լուծել 25 ընտանիքի կեցության հարցը։

Իսկ ներկայում, Արփիի խոսքով, սոցիալական խնդիրը բավականին սուր է հատկապես տղամարդկանց դեպքում։ Կանայք և երեխաները պետությունից 68 հազար դրամի չափով աջակցություն են ստանում, իսկ տղամարդիկ՝ ոչ։

«Անհասկանալի տրամաբանություն է։ Տղամարդիկ մի քանի անգամ դիմել են և՛ ՀՀ ղեկավարությանը, և՛ Արցախի, ամեն անգամ ասել են՝ այո՛, ճիշտ եք, կվերանայենք այդ հարցը, բայց մինչև այսօր չեն վերանայել։ Ստացվում է, որ տղամարդիկ (պատերազմ անցած կամ չանցած) այսօր գրպանում մի կոպեկ փող չունեն` աշխատանք են փնտրում, գտնել չեն կարողանում»,- շեշտում է Արփին։

Ըստ էության՝ անգամ պատերազմի դժոխքով անցած տղամարդիկ, որոնք չեն վիրավորվել և հաշմանդամության կարգ չունեն, որևէ աջակցություն չեն ստանում։

Արփին ընդգծում է՝ աշխատանք գտնելու համար տղամարդիկ տարբեր դռներ են թակում։ Նրանց խոստանում են՝ «կզանգենք», բայց զանգ այդպես էլ չի ստացվում։

«Հադրութի դեօկուպացիա» ՀԿ-ն հայթայթած ֆինանսական միջոցների հաշվին կարողանում է ժամանակ առ ժամանակ աջակցության ծրագրեր իրականացնել։ Դրանցից մեկն, օրինակ, «Նախշուն Հադրութ» ծրագիրն է։

«Կանանց տվել ենք թելեր և շյուղեր, պլեդներ են գործում, հետո մենք իրենցից գնում ենք այդ պլեդները, փորձում վաճառել՝ այդպիսով օգնելով կանանց գումար վաստակելու հարցում»,–պատմում է Արփին։

Այսօր հադրութցիների առջև ծառացած ամենամեծ խնդիրներից մեկն էլ իրավական աջակցություն ու խորհրդատվություն ստանալն է։ Մարդիկ Հադրութում թողել են իրենց տունն ու ունեցվածքը. անհրաժեշտ է գույքագրել ամբողջը, ներկայացնել միջազգային կառույցներին։ ՀԿ–ն ունի մեծ ծրագիր՝ հավերժացնելու հադրութցիների պատմությունները։

Պապին, Ծիտը, Գևորգը... մոռանալ չի կարելի. կապիտանը պատմում է հերոսների ու չհերոսների մասին

«15 թվի եղեռնից հետո չկային տեխնիկական հնարավորություններ՝ արձանագրելու ցեղասպանությունը վերապրածների պատմությունները։ Հիմա այդ մարդիկ այլևս ողջ չեն, շատ պատմություններ կորսված են։ Բայց այսօր տեխնոլոգիաները թույլ են տալիս վավերագրել այս ամենը։ Ուզում ենք հադրութցիների պատմությունը՝ իրենց հետ բերած լուսանկարներով, նյութերով ներկայացնել»,- ասում է Արփին` նշելով, որ ներկայում այս ծավալուն ծրագրի իրականացման համար են ֆինանսավորում փնտրում։

Ի թիվս առկա մի շարք խնդիրների՝ Արփին ընդգծում է նաև ինտեգրման խնդիրը։ Միշտ չէ, որ դա հարթ է ստացվում, հատկապես, երբ մարդիկ տարբեր բարբառներով են խոսում։ Այս ամենի կողքին Արփին կարևորում է իրենց՝ Հադրութի բարբառի պահպանումը, պարբերաբար հադրութցիների հանդիպումների կազմակերպումը, որ հավաքվեն ու հարազատ բարբառով զրույցի բռնվեն։

Իսկ բոլոր ծրագրերի հիմքում, անշուշտ, Հադրութ վերադառնալու երազանքն է։ Արփին նշում է՝ առանց այդ հավատի ամեն բան անիմաստ է դառնում, կյանքի գույներն են կորչում։

«Ես մի վայրկյան անգամ չեմ կասկածում, որ վերադառնալու եմ։ Ես անընդհատ պատկերացնում եմ՝ ինչպես եմ մտնում Հադրութ, ինչպես եմ նկարում, ինչպես եմ վազում գերեզմաններ, չխենթանալու համար՝ մամայիս հետ երկնքում եմ խոսում, ասում եմ՝ գիտեմ, որ դու վերևում ես, ոչ թե այնտեղ...»։

Արցախցի կանայք սկսում են զրոյից․ երբ պետությունը լուռ է, անհատն է գործի անցնում

Ծաղկուն քաղաքը թշնամին քարուքանդ արեց, google maps-ի օգնությամբ տեսել են՝ հարազատ փողոցներն ու տներն այրված են։ Ցավը մեծ է, բայց հույսն ու հավատն ավելի մեծ են։ Հենց դրանք են օգնում հաղթահարել առկա բազմաթիվ խնդիրները, ուժ տալիս պայքարել հայրենի տուն վերադառնալու համար։

15
թեգերը:
Հադրութ, Պատերազմ
Ըստ թեմայի
Կառավարությունում քննարկել են քաշաթաղցիների և հադրութցիների բնակապահովման հարցը
Շնորհակալություն, Երևան. հադրութցիները ծառեր են տնկել Նոր Նորքում
Ստեփանակերտում կառուցվող շենքի բնակարանները կտան Շուշիից ու Հադրութից տեղահանվածներին
Արթուր Ալեքսանյանը ֆին ըմբիշ Արվի Մարտին Սավոլայնենի հետ մարտից հետո

Արթուր Ալեքսանյանը երկրորդ հաղթանակը տոնեց օլիմպիական խաղերում

114
(Թարմացված է 09:16 02.08.2021)
«Սպիտակ արջը» հաղթելով դուրս եկավ կիսաեզրափակիչ, որտեղ մրցելու է Իրանի Իսլամական Հանրապետության ներկայացուցիչ Մոհամադհադի Սարավիի հետ։

ԵՐԵՎԱՆ, 2 օգոստոսի - Sputnik. Օլիմպիական խաղերի չեմպիոն Արթուր Ալեքսանյանը Տոկիոյի օլիպիական խաղերի քառորդ եզրափակչում 5։1 հաշվով առավելության հասավ ֆին ըմբիշ Արվի Մարտին Սավոլայնենի նկատմամբ։

«Սպիտակ արջի» համար շատ ծանր սկիզբ ունեցավ գոտեմարտը Սավոլայնենի հետ։ Առաջին մրցափուլում մրցավարները պասիվություն տվեցին մեր ըմբիշին ու մեկ միավոր Սավոլայնենին։ Բայց  Ալեքսանյանին պարտերից գլորել ֆինը չկարողացավ, սակայն նվազագույն առավելությամբ հաղթեց առաջին մրցափուլը։

Երկրորդ մրցափուլում Արթուր հաստատեց իր բարձր կարգը ու, ինչպես ասում են, ամեն ինչ իր տեղը դրեց։ Նախ Արթուրը վաստակեց մեկ միավոր ու պարտերում աշխատելու հնարավորություն։ Եվ հետո, երկու անգամ գլորելով մրցակցին, առաջ անցավ հաշվի մեջ 5։1 հաշվով։

Սավոլայնենը ստիպված էր հարմարվել պարտության հետ, իսկ Արթուրը հաղթելով դուրս եկավ կիսաեզրափակիչ, որտեղ մրցելու է Իրանի Իսլամական Հանրապետության ներկայացուցիչ Մոհամադհադի Սարավիի հետ։

  • Արթուր Ալեքսանյանի ու Արվի Մարտին Սավոլայնենի 1/4 եզրափակիչ գոտեմարտը
    Արթուր Ալեքսանյանի ու Արվի Մարտին Սավոլայնենի 1/4 եզրափակիչ գոտեմարտը
    © Sputnik / Asatur Yesayants
  • Արթուր Ալեքսանյանի ու Արվի Մարտին Սավոլայնենի 1/4 եզրափակիչ գոտեմարտը
    Արթուր Ալեքսանյանի ու Արվի Մարտին Սավոլայնենի 1/4 եզրափակիչ գոտեմարտը
    © Sputnik / Asatur Yesayants
  • Արթուր Ալեքսանյանի ու Արվի Մարտին Սավոլայնենի 1/4 եզրափակիչ գոտեմարտը
    Արթուր Ալեքսանյանի ու Արվի Մարտին Սավոլայնենի 1/4 եզրափակիչ գոտեմարտը
    © Sputnik / Asatur Yesayants
  • Արթուր Ալեքսանյանի ու Արվի Մարտին Սավոլայնենի 1/4 եզրափակիչ գոտեմարտը
    Արթուր Ալեքսանյանի ու Արվի Մարտին Սավոլայնենի 1/4 եզրափակիչ գոտեմարտը
    © Sputnik / Asatur Yesayants
  • Արթուր Ալեքսանյանի ու Արվի Մարտին Սավոլայնենի 1/4 եզրափակիչ գոտեմարտը
    Արթուր Ալեքսանյանի ու Արվի Մարտին Սավոլայնենի 1/4 եզրափակիչ գոտեմարտը
    © Sputnik / Asatur Yesayants
  • Արթուր Ալեքսանյանի ու Արվի Մարտին Սավոլայնենի 1/4 եզրափակիչ գոտեմարտը
    Արթուր Ալեքսանյանի ու Արվի Մարտին Սավոլայնենի 1/4 եզրափակիչ գոտեմարտը
    © Sputnik / Asatur Yesayants
  • Արթուր Ալեքսանյանի ու Արվի Մարտին Սավոլայնենի 1/4 եզրափակիչ գոտեմարտը
    Արթուր Ալեքսանյանի ու Արվի Մարտին Սավոլայնենի 1/4 եզրափակիչ գոտեմարտը
    © Sputnik / Asatur Yesayants
  • Արթուր Ալեքսանյանի ու Արվի Մարտին Սավոլայնենի 1/4 եզրափակիչ գոտեմարտը
    Արթուր Ալեքսանյանի ու Արվի Մարտին Սավոլայնենի 1/4 եզրափակիչ գոտեմարտը
    © Sputnik / Asatur Yesayants
  • Արթուր Ալեքսանյանի ու Արվի Մարտին Սավոլայնենի 1/4 եզրափակիչ գոտեմարտը
    Արթուր Ալեքսանյանի ու Արվի Մարտին Սավոլայնենի 1/4 եզրափակիչ գոտեմարտը
    © Sputnik / Asatur Yesayants
1 / 9
© Sputnik / Asatur Yesayants
Արթուր Ալեքսանյանի ու Արվի Մարտին Սավոլայնենի 1/4 եզրափակիչ գոտեմարտը

Նշենք, որ դրանից առաջ Արթուր Ալեքսանյանն իր առաջին գոտեմարտում 4։1 հաշվով պարտության մատնելով Ղրղզստանի ներկայացուցիչ Ուզուր Դժուզուպբեկովին՝ դուրս էր եկել քառորդ եզրափակիչ։

114
թեգերը:
Արթուր Ալեքսանյան, օլիմպիադա, Ճապոնիա, ըմբշամարտիկ, հաղթանակ