Ատոմ Ջանջուղազյան

Վարակն ու պատերազմը անկառավարելի իրավիճակ չառաջացրին. ԱԺ–ն քննարկեց բյուջեի կատարողականը

29
(Թարմացված է 18:43 30.06.2021)
Խորհրդարանն ավարտեց հաշվետվության քննարկումը, իսկ նախարարի պաշտոնակատարի ակնարկած «վերաբերմունքը» կարտահայտվի արդեն հուլիսի 1-ի նիստում կայանալիք քվեարկության արդյունքում։

ԵՐԵՎԱՆ, 30 հունիսի – Sputnik. ՀՀ ֆինանսների նախարարի պաշտոնակատար Ատոմ Ջանջուղազյանն այսօր ԱԺ–ում 2020թ–ի բյուջեի կատարողականի քննարկման ժամանակ հայտարարեց, որ 2020թ–ի տարեվերջին ՀՀ պետական բյուջեի մնացորդը կազմել է 37 մլրդ դրամ։

Նրա խոսքով` այդ ցուցանիշը վկայում է, որ համավարակի ու պատերազմի տարում Հայաստանի ֆինանսական համակարգին հաջողվել է խուսափել ֆինանսական միջոցների համատարած բաշխումից ու որպես դրա հետևանք` անկառավարելի իրավիճակից ու մակրոկայունության հիմքերի խարխլումից։

«Դա տեղի չի ունեցել։ Մենք դա արձանագրել ենք ու կարծում ենք, որ ճիշտ քաղաքականություն է իրականացվել, այդ թվում նաև հակաճգնաժամային միջոցառումների իմաստով»,– ասաց Ջանջուղազյանը` միաժամանակ ԱԺ–ին շնորհակալություն հայտնելով բյուջեի կատարողականի քննարկման համար ժամանակ գտնելու ու հանգամանալից քննարկման համար։

Հիշեցնենք` 2020 թվականի պետական բյուջեի կատարման տարեկան հաշվետվությունը կառավարությունը հաստատել էր դեռ շուրջ 2 ամիս առաջ` ապրիլի 22-ին։ Հունիսի 1-ից այն քննարկման դրվեց ԱԺ մշտական հանձնաժողովներում։ Իսկ հունիսի 15-ին ներառվեց ԱԺ հերթական նիստերի օրակարգում։

Բայց արտահերթ ընտրությունների քարոզարշավի մեկնարկով բյուջեի կատարողականը մոռացության մատնվեց։

Անկախ Հայաստանի 30-ամյա պատմության մեջ առաջին անգամ խորհրդարանը բյուջեի քննարկումից հետո չհաստատեց կատարողականը։

Այդ նպատակով հունիսի 15-17-ին գումարվող ԱԺ–ի նիստերը 3 օր շարունակ տեղի չէին ունենում քվորումի բացակայության պատճառով։ Պատգամավորները 3 օր շարունակ ԱԺ գալու ժամանակ չէին գտնում։

Եվ միայն ընտրությունների ավարտից հետո կես ամիս ուշացումով ԱԺ–ն այսօր հրավիրված արտահերթ նիստում ի վերջո քննարկեց 2020թ–ի բյուջեի կատարողականը։

Ինչպես նիստում հայտարարեց ՀՀ ֆինանսների նախարարի պաշտոնակատարը, բյուջետային գործընթացը համարվում է ավարտված այն պահին, երբ ԱԺ–ն իր վերաբերմունքն է արտահայտում բյուջեի կատարման տարեկան հաշվետվության վերաբերյալ։

Փաստորեն խորհրդարանն այսօր ավարտեց հաշվետվության քննարկումը, իսկ նախարարի պաշտոնակատարի ակնարկած «վերաբերմունքը», թեևս կարտահայտվի արդեն ԱԺ–ի վաղվա նիստում կայանալիք քվեարկության արդյունքում։

Հարկային եկամուտների հավաքագրումներն իրականացվում են առաջանցիկ տեմպերով. Փաշինյան

29
թեգերը:
բյուջե, Ատոմ Ջանջուղազյան, համավարակ, Պատերազմ, Հայաստան
Ըստ թեմայի
2021թ․–ի առաջին եռամսյակի 10 խոշոր հարկատուները
Ներդրվել է էլեկտրոնային ՀԴՄ-ների համակարգը. օնլայն առևուրը կզարգանա
Ինչ պետք է անի կառավարությունը արտագաղթը կանխելու համար. Քերոբյանը` ընտրությունների մասին
Կովն ու հովիվը

Հայաստանում քանի՞ մարդ է սիբիրյան խոցով վարակվել. նախարարության պատասխանը

4
Վարակման դեպքեր հայտնաբերվել են Շիրակի ու Գեղարքունիքի մարզերում։ Մահվան դեպքեր չեն գրանցվել։

ԵՐԵՎԱՆ, 28 հուլիսի - Sputnik. Հայաստանում այս տարվա հունիս-հուլիս ամիսներին արձանագրվել է սիբիրյան խոցով վարակվելու 15 դեպք։ Տեղեկությունը Sputnik Արմենիայի գրավոր հարցմանն ի պատասխան հայտնեցին առողջապահության նախարարությունից։

«Վարակվելու 8 դեպք գրանցվել է Գեղարքունիքի մարզում՝ 3-ը` հունիսին ու 5-ը` հուլիսին։ Եվս 7 դեպք՝ Շիրակում հուլիսին։ 2020 թվականի ընթացքում վարակման դեպքեր չեն եղել», - նշեցին գերատեսչությունում՝ ընդգծելով, որ դեպքերից ոչ մեկը մահվան ելքով չի եղել։

Հիշեցնենք՝ Իսահակյան գյուղում սիբիրախտ հիվանդության պատճառով խոշոր և մանր եղջերավոր կենդանիների անկումներ էին արձանագրվել: Հունիսի 30-ին և հուլիսի 1-ին սիբիրյան խոց նախնական ախտորոշմամբ Գյումրու ինֆեկցիոն հիվանդանոց էին տեղափոխվել Իսահակյան գյուղի 7 բնակիչ: Նույն ախտորոշմամբ հուլիսի 4-ին ևս  մեկ հիվանդ էր տեղափոխվել հիվանդանոց:

Կենդանիների մոտ սիբիրյան խոցի նոր դեպքեր չկան. ՀՀ ամենամեծ անասնաշուկան վերահսկվում է

Սիբիրյան խոցը վարակիչ հիվանդություն է, որը, որպես կանոն, լինում է խոտակեր կենդանիների (կովեր, ոչխարներ, այծեր) մոտ: Մարդիկ կարող են վարակվել վարակված կենդանիներից կամ վարակված կենդանական ծագում ունեցող մթերքներից։ Սիբիրյան խոցի հիմնական կլինիկական արտահայտումները մաշկային են, քիթ-կոկորդի, աղիքային, թոքային։

4
թեգերը:
ՀՀ Առողջապահության նախարարություն, կով, Հայաստան, սիբիրյան խոց
Ըստ թեմայի
Իսահակյան գյուղում արձանագրվել են սիբիրյան խոցի դեպքեր. կան հոսպիտալացվածներ
Իսահակյան գյուղի անասնաբույժն ինքնասպան է եղել. այդտեղ սիբիրյան խոց էր հայտնաբերվել
Անասունին մորթել և վաճառել են գյուղում` չկասկածելով, որ սիբիրյան խոց է. մանրամասներ
Գազալցակայան. արխիվային լուսանկար

Պայթյուն` Լուսաձոր գյուղի գազալցակայանում. մեկ մարդ է տուժել

55
(Թարմացված է 10:23 28.07.2021)
«ZIL» մակնիշի բեռնատար ավտոմեքենայի գազաբալոնի լիցքավորման ժամանակ պայթյուն է հնչել գազալցակայանում։

ԵՐԵՎԱՆ, 28 հուլիսի – Sputnik. Այսօր առավոտյան Տավուշի մարզի Լուսաձոր գյուղի գազալցակայանում տեղի է ունեցել պայթյուն։ Տեղեկությունը հայտնում է ՀՀ արտակարգ իրավիճակների նախարարությունը` հավելելով, որ ահազանգը ստացվել է հուլիսի 28-ին, ժամը 09:24-ին։

Դեպքի վայր է մեկնել մարզային փրկարարական վարչության հրշեջ-փրկարարական ջոկատից երկու մարտական հաշվարկ։

«Պարզվել է, որ պայթյունը տեղի է ունեցել «ZIL» մակնիշի բեռնատար ավտոմեքենայի գազաբալոնի լիցքավորման ժամանակ»,–նշված է հաղորդագրության մեջ։

Ըստ նախնական տվյալների` կա մեկ տուժած։

55
թեգերը:
Տուժածներ, Տավուշ, գազալցակայան, պայթյուն