Արմեն Սարգսյանն ու Նիկոլ Փաշինյանը. արխիվային լուսանկար

Հայաստանը պետք է վերադառնա նախագահական կառավարմանը. Արմեն Սարգսյան

351
(Թարմացված է 19:18 21.06.2021)
Հայաստանը պետք է ձեռնամուխ լինի այնպիսի բարեփոխումների, որոնք կենտրոնանալու են ապագայի վրա՝ երկիր բերելով նոր տեխնոլոգիաներ և դուռ բացելով հսկայական սփյուռքի համար, ընդգծել է Սարգսյանը:

ԵՐԵՎԱՆ, 21 հունիսի – Sputnik. Հայաստանը պետք է փոխի Սահմանադրությունը, որպեսզի վերադառնա նախագահական կառավարմանը և դառնա բոլորի համար ավելի կանխատեսելի երկիր։ Այս մասին հայտարարել է Հայաստանի նախագահ Արմեն Սարգսյանը՝ տեսակապով ելույթ ունենալով Կատարի տնտեսական համաժողովի ժամանակ, հաղորդում է ՌԻԱ Նովոստին։

2015-ին Հայաստանը Սահմանադրության փոփոխությունների ընդունումից հետո նախագահականից անցում կատարեց կառավարման խորհրդարանական համակարգի։

«Վստահ եմ, որ մենք զարգացման մեծ ներուժ ունենք առաջին հերթին ՏՏ-տեխնոլոգիաների, բայց դրանից առաջ մենք պետք է փոխենք Սահմանադրությունը, հետ վերադարձնենք նախագահական կառավարումը, քանի որ ընթացիկ Սահմանադրությամբ Հայաստանը ո՛չ նախագահական, ո՛չ խորհրդարանական հանրապետություն չէ, այն ղեկավարում է վարչապետը։ Եվ ստացվեց այնպես, որ մարդիկ մեծ իշխանություն ունեն, բայց պատասխանատվություն չկա», - ասել է Սարգսյանը։

Նախագահի կարծիքով՝ Հայաստանը պետք է ձեռնամուխ լինի այնպիսի բարեփոխումների, որոնք «կենտրոնանալու են ապագայի վրա»՝ երկիր պետք է բերվեն արհեստական ինտելեկտի վրա հիմնված նոր տեխնոլոգիաներ, դուռ պետք է բացվի հսկայական հայկական սփյուռքի համար, որպեսզի երկիրն ավելի կանխատեսելի և դեպի ապագա կողմնորոշված լինի։

Հիշեցնենք` հունիսի 20–ին, ժամը 08։00–20։00–ը Հայաստանում քվեարկություն անցկացվեց 2008 ընտրատեղամասերում։ Ընտրողների ցուցակներում ընդգրկված 2 593 572 քաղաքացուց ընտրությանը մասնակցել են 1 281 174–ը կամ 49.4 տոկոսը։

«Քաղաքագետները չարաչար սխալվում են». ԲՀԿ–ն գնահատական կտա ընտրությունների վերաբերյալ

ԿԸՀ–ն արդեն ամփոփել է բոլոր 2008 ընտրատեղամասերի նախնական արդյունքները, որոնց համաձայն` «Քաղաքացիական պայմանագիր» կուսակցությունը ստացել է 687 251 քվե (53.92%), «Հայաստան» դաշինքը՝ 268 165 (21.04%), «Պատիվ ունեմ» դաշինքը՝ 66 633 (5.23%), «Բարգավաճ Հայաստան» կուսակցությունը՝ 50 419 (3.95), «Հանրապետություն» կուսակցությունը՝ 38 713 (3,04), «Հայ ազգային կոնգրես» կուսակցությունը՝ 19 674 (1.54), «Լուսավոր Հայաստան» կուսակցությունը` 15 557 (1.22)։

351
թեգերը:
Արմեն Սարգսյան, Նախագահ, Նիկոլ Փաշինյան
Ըստ թեմայի
Նախագահ Արմեն Սարգսյանը կատարեց իր ընտրությունը. տեսանյութ
«Հաշվետու եղեք միա՛յն ձեր խղճին». ՀՀ նախագահ Արմեն Սարգսյանն ուղերձ է հղել
Ընտրական գործընթացներ և սահմանների անվտանգություն. Սարգսյանը զանգել է Հարությունյանին
Նիկոլ Փաշինյանը ներկայացրել է պաշտպանության նորանշանակ նախարար Արշակ Կարապետյանին

«Խաղաղությունը, ցավոք, միայն մեզնից չի կախված». Փաշինյանը` նախընտրական խոստման մասին

12
(Թարմացված է 21:50 03.08.2021)
Փաշինյանի խոսքով` ժամանակը ցույց կտա, թե ՀՀ–ի և միջազգային հանրության ջանքերով ինչքանով հնարավոր կլինի տարածաշրջանի խաղաղությանը սպառնալիք հանդիսացող երկրներին բերել կառուցողական դաշտ, բայց մյուս կողմից ՀՀ–ն իր հերթին պետք է լինենք մաքսիմալ կառուցողական։

ԵՐԵՎԱՆ, 3 օգոստոսի – Sputnik. Ունենալ դեմարկացված և դելիմիտացված սահմաններ, մոտավորապես նույնն է, թե ունենալ պարիսպ սեփական երկրի շուրջ: ՀՀ վարչապետ Նիկոլ Փաշինյանը նման հայտարարություն է արել Պաշտպանության նախարարության աշխատակազմի և Զինված ուժերի բարձրագույն սպայակազմին հետ հանդիպման ժամանակ, որոնց ներկայացրել է նորանշանակ նախարար Արշակ Կարապետյանին, տեղեկացնում են կառավարության մամուլի ծառայությունից:

Փաշինյանի խոսքով` անընդունելի է ադրբեջանական զորքերի ներկայությունը ՀՀ տարածքում և այդ պայմաններում դեմարկացիայի ու դելիմիտացիայի պրոցես իրականացնելը:

«Հայաստանի դիրքորոշումները, կարծում եմ, համահունչ են և արտահայտված են միջազգային հանրության դիրքորոշումների հետ, որն արտահայտվել է ԵԱՀԿ Մինսկի խմբի համանախագահության նոյեմբերից հետո հրապարակված մի քանի հայտարարություններով: Շատ կարևոր է նաև արձանագրել, որ ԵԱՀԿ Մինսկի խմբի համանախագահները, մասնավորապես ապրիլի 13-ի հայտարարությամբ, արձանագրել են կարգավորման անհրաժեշտությունը կողմերին հայտնի սկզբունքների և տարրերի հիման վրա: Այսինքն՝ ինչի՞ համար եմ սա ասում, որպեսզի հստակ արձանագրենք, որ միջազգային հանրությունն ինքն է արձանագրում կոնֆլիկտի լուծման անհրաժեշտությունը, հետևաբար արձանագրում է կոնֆլիկտի գոյությունը»,–ասել է նա:

Փաշինյանը անդրադարձել է նաև նախընտրական շրջանում տրված այն խոստմանը, որ տարածաշրջանի համար խաղաղ զարգացման դարաշրջան է բացվելու։

«Մենք վճռական ենք այս ճանապարհով գնալու համար, բայց պիտի արձանագրենք, որ ցավոք դա միայն Հայաստանի Հանրապետությունից չի կախված: Սա է ամբողջ խնդիրը: Այն կախված է նրանից, թե մեր և միջազգային հանրության ջանքերով ինչքանով կկարողանանք տարածաշրջանի խաղաղությանը սպառնալիք հանդիսացող երկրներին բերել կառուցողական դաշտ, բայց մյուս կողմից մենք պետք է ընդունենք նաև այդ օրակարգը, որ մենք էլ մեր հերթին պետք է լինենք մաքսիմալ կառուցողական, որպեսզի ժողովրդից ստացած մանդատը կարողանանք իրացնել, իհարկե ոչ երբեք Հայաստանի Հանրապետության ազգային և պետական շահերի հաշվին»,- ասել է Փաշինյանը:

Փաշինյանն ասել է` ինչու ՀՀ–ն սահմանային իրադրությունը լուծելու միջոցներ չի ձեռնարկում

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։ Չնայած դրան, վերջնական խաղաղությունը տարածաշրջանում հաստատված չէ, Ադրբեջանը հիմա էլ մտնում է ՀՀ սուվերեն տարածք և բախումներ հրահրում Հայաստանի տարածքում։

12
թեգերը:
Հայաստան, տարածաշրջան, Սահման, Դեմարկացիա, Դելիմիտացիա, Նիկոլ Փաշինյան, Ադրբեջան
Ըստ թեմայի
Տպավորություն է` ինչքան խնդիր կա, իշխող ուժի մեղքն է. Արշակյանը` սահմանի իրավիճակի մասին
ՀՀ-ում Իրանի դեսպանն այցելել է Վերին Շորժայի հատվածի սահմանագիծ
Մակրոնը կարևորել է Հայաստանի և Ադրբեջանի միջև սահմանագծումը. նա խոսել է Փաշինյանի հետ
Նիկոլ Փաշինյանը ներկայացրել է պաշտպանության նորանշանակ նախարար Արշակ Կարապետյանին

Կոմունիկացիաների բացումն իրականում մեր օրակարգն է, ոչ թե Ադրբեջանի. Փաշինյան

29
(Թարմացված է 21:36 03.08.2021)
Նիկոլ Փաշինյանի խոսքով` հայտարարություններին կից ինչ-որ գաղտնի արձանագրություններ, գաղտնի պայմանավորվածություններ չկան։

ԵՐԵՎԱՆ, 3 օգոստոսի – Sputnik. Տարածաշրջանային կոմունիկացիաների բացումը Հայաստանի Հանրապետության կառավարության առաջնահերթություններից է։ ՀՀ վարչապետ Նիկոլ Փաշինյանը նման հայտարարություն է արել Պաշտպանության նախարարության աշխատակազմի և Զինված ուժերի բարձրագույն սպայակազմին հետ հանդիպման ժամանակ, որոնց ներկայացրել է նորանշանակ նախարար Արշակ Կարապետյանին, տեղեկացնում են կառավարության մամուլի ծառայությունից:

«Ուզում եմ շատ հստակ լինի և կարծում եմ հրապարակային հայտարարություններից էլ բոլորդ այդ եզրակացություններն արել եք, որ տարածաշրջանային կոմունիկացիաների բացումը Հայաստանի Հանրապետության կառավարության առաջնահերթություններից է: Եվ ի՞նչ է անում Ադրբեջանը. փորձում է այս թեմային ավելացնել կոմպոնենտներ, որոնք իրենց բովանդակությամբ անընդունելի են Հայաստանի Հանրապետության համար»,–ասել է վարչապետը:

Նա նշել է, որ նկատի ունի, մասնավորապես, միջանցքի մասին խոսակցությունները: Փաշինյանի խոսքով` բոլորը պետք է իմանան, որ ՀՀ տարածքով միջանցքի վերաբերյալ երբեք որևէ պայմանավորվածություն չի եղել:

«Հայաստանի Հանրապետությունը ո՛չ բանավոր, ո՛չ գրավոր այդ թեմայի վերաբերյալ ոչ միայն որևէ պարտավորություն չի ստանձնել, այլև մենք բոլոր դեպքերում, երբ այդպիսի նախադասություններ հնչել են, հստակ մեր դիրքորոշումներն արտահայտել ենք: Եվ այն պայմանավորվածությունները, որ ունենք, ըստ էության, արտահայտված են նոյեմբերի 9-ի և հունվարի 11-ի հայտարարությունների մեջ»,–ասել է նա:

Նա շեշտել է, որ շատ է խոսվում այն մասին, նաև քաղաքական դաշտում շահարկումներ են տեղի ունենում, թե կան հայտարարություններին կից ինչ-որ գաղտնի արձանագրություններ, գաղտնի պայմանավորվածություններ:

«Բացարձակապես որևէ նման բան չկա: Կա՞ արդյոք պայմանավորվածություն կոմունիկացիաների բացման վերաբերյալ: Այո՛, կա այդպիսի պայմանավորվածություն: Եվ դա հստակ արձանագրված, ձևակերպված է հունվարի 11-ի հայտարարության մեջ»,–ասել է նա։

Փաշինյանը շեշտել է, որ այդ հայտարարության մեջ գրված է, որ Հայաստանի Հանրապետությունը պիտի հնարավորություն ունենա Ադրբեջանի տարածքով տարանցել բեռներ: Ադրբեջանը պիտի հնարավորություն ունենա Հայաստանի տարածքով տարանցել բեռներ:

Նրա խոսքով` հարց է առաջանու, թե ինչո՞ւ ենք ընդունել այդ օրակարգը:

«Որովհետև Ադրբեջանի վերջին՝ համարյա 30 տարվա քաղաքականությունը եղել է Հայաստանի շրջափակումը: Այսինքն՝ կոմունիկացիաների բացումն իրականում մեր օրակարգն է, ոչ թե Ադրբեջանի: Որովհետև մենք համարում ենք, որ կոմունիկացիաների բացումով հաղթահարում ենք Հայաստանի Հանրապետությունը շրջափակելու Ադրբեջանի քաղաքականությունը: Եվ Ադրբեջանը միջանցքային տրամաբանությունը հենց դրա համար է առաջ բերում՝ իմանալով, որ դա մեզ համար անընդունելի է: Նա ուզում է, որ իրադարձություններն այնպես զարգանան, որպեսզի կոմունիկացիաների բացում տեղի չունենա»,–ասել է նա։

Հիշեցնենք, որ 2021 թվականի հունվարի 11-ին Մոսկվայում կայացավ Հայաստանի վարչապետ Նիկոլ Փաշինյանի, Ռուսաստանի նախագահ Վլադիմիր Պուտինի, Ադրբեջանի նախագահ Իլհամ Ալիևի հանդիպումը։

Գրեթե 4 ժամ տևած բանակցությունների արդյունքում ընդունվեց եռակողմ հայտարարություն, որը հիմնականում վերաբերում էր 2020-ի նոյեմբերի 9-ի հայտարարության 9-րդ՝ տարածաշրջանում բոլոր տնտեսական և տրանսպորտային կապերն ապաշրջափակելու վերաբերյալ կետի իրագործմանը։

Եռակողմ նոր հայտարարության մեջ նշվում է, որ 3 երկրների փոխվարչապետների համանախագահությամբ ստեղծվում է աշխատանքային խումբ։

Հանդիպման արդյունքների հիման վրա կկազմվի 9-րդ կետի կիրառումից բխող աշխատանքների հիմնական ուղղությունների ցանկը՝ որպես գերակայություններ ընդունելով երկաթուղային և ճանապարհային հաղորդակցությունները, ինչպես նաև կսահմանի Հայաստանի, Ադրբեջանի ու Ռուսաստանի միջև համաձայնեցված այլ ուղղություններ:

29
թեգերը:
Հայաստան, Սահման, Դեմարկացիա, սահմանապահ, Դելիմիտացիա, Նիկոլ Փաշինյան, Ադրբեջան