Ընտրատեղամաս

Տարեցները հիմնականում չգիտեն քվեարկության նոր կանոնները. մարդիկ շտապում են ընտրությունների

41
(Թարմացված է 11:45 20.06.2021)
Երևանի թիվ 9/18 ընտրատեղամասի բացման առաջին րոպեներից մեծ թվով ընտրողներ են գալիս քվեարկության։

ԵՐԵՎԱՆ, 20 հունիսի - Sputnik. Ընտրությունների օրը Երևանի Ս. Սպանդարյանի անվան դպրոցում սովորաբար ընտրատեղամաս է տեղակայվում։ Այսօրվա խորհրդարանական ընտրություններում այդ ընտրական տեղամասին 9/18 համարն է տրվել։ Հենց այստեղ են ավանդաբար քվեարկում նախկին նախագահները։ Այս տարի այստեղ է քվեարկելու Հայաստանի առաջին նախագահ Լևոն Տեր-Պետրոսյանը։

Տեղամասում 1627 ընտրող է գրանցված, և գրեթե բոլորը ճանաչում են իրար։

Утро на одном из избирательных участков  во время внеочередных парламентских выборов в Армении (20 июня 2021). Еревaн
© Sputnik / Andranik Ghazaryan
Ընտրատեղամասում

Ընտրատեղամասը դեռ չէր բացվել, բայց դռների մոտ արդեն մոտ մեկ տասնյակ քաղաքացիներ էին հավաքվել։ Մորուքով երիտասարդը խնդրեց իրեն առաջ թողնել. ուզում էր առաջինն ընտրել այդ ընտրատեղամասում։ Նրան սիրով զիջեցին։

Պարզվեց՝ երիտասարդ տղամարդու անունը Ալեքսանդր Գրիգորյան է։

«Եկել եմ, որ առաջինը քվեարկեմ ու ներդրում ունենամ երկրի փոփոխությունների մեջ։ Յուրաքանչյուրիս ձայնը կարևոր է, բոլորը պետք է շտապեն ընտրությունների», – ասաց Ալեքսանդրը:

Նա քվեարկեց ու հեռացավ։ Նրա հետևից փոքր հերթ գոյացավ։ Ավագ սերնդի ընտրողների համար մի քիչ դժվար էր. քվեարկության նոր կանոնները չգիտեն։ Նրանց բացատրում են, որ պետք է անպայման վերցնել բոլոր կուսակցությունների քվեաթերթիկները, բայց ծրարի մեջ դնել միայն մեկ քվեաթերթիկ։

«Նշումներ ու խաչեր անել չի՞ կարելի»,- հարցնում են ընտրողները։

Որոշ ընտրողների զարմացրել է «22» համարի քվեաթերթիկի բացակայությունը

Բացասական պատասխան ստանալուց հետո երկրորդ հարցն են տալիս․ «Բա մնացած քվեաթերթիկներն ի՞նչ անենք»։

Հանկարծ տարեց զույգ է հայտնվում, նրանք ձեռք-ձեռքի բռնած են գալիս, քվեարկում են, դուրս գալու պահին տղամարդը նկատում է, որ մոռացել է անձնագիրը։ Վերադառնում է, կինն անհամբերությամբ սպասում է, մինչև արձանագրություն կազմվի։

Утро на одном из избирательных участков  во время внеочередных парламентских выборов в Армении (20 июня 2021). Еревaн
© Sputnik / Andranik Ghazaryan
Ընտրատեղամասում

Կինը Sputnik Արմենիային պատմում է, որ իրենք արդեն 60 տարի միասին են և միշտ մասնակցել են ընտրություններին։

«Սա մեր քաղաքացիական պարտքն է։ Միշտ առավոտ շուտ ենք քվեարկության գալիս, իսկ հետո մեր գործերով ենք զբաղվում», - ասում է տարեց կինը։

Աստիճանաբար ակտիվությունը նվազում է։ Ընտրական հանձնաժողովի նախագահ Մարինե Գալստյանն ասում է, որ ընդամենը մեկ ժամվա ընթացքում մոտ հարյուր ընտրող է քվեարկել: Նրա խոսքով՝ նորմալ ցուցանիշ է, բայց նախորդ ընտրությունների համեմատ ավելի մեծ ակտիվություն է նկատվում։ Ի դեպ, ակտիվ են ոչ միայն ընտրողները, այլև դիտորդները․ մեկ ժամվա ընթացքում երեք խումբ է եղել ընտրատեղամասում։

Սիսիանում «քվեաթերթիկ տպելու սարք են որոնում». «Հայաստան» դաշինքի արձագանքը

41
թեգերը:
Հայաստան, Ընտրություններ
թեմա:
ԱԺ արտահերթ ընտրություններ 2021 (314)
Շտապօգնություն

Արարատում ավտոմեքենան դուրս է եկել երթևեկելի գոտուց և գլխիվայր շրջվել. կա վիրավոր

20
Վթարի հետևանքով վարորդը մարմնական վնասվածքներով տեղափոխվել է «Էրեբունի» բժշկական կենտրոն։

ԵՐԵՎԱՆ, 31 հուլիսի - Sputnik. Արարատի մարզում ավտոմեքենան դուրս է եկել ճանապարհի երթևեկելի գոտուց և, մի քանի պտույտ կատարելով, գլխիվայր շրջվել, կա վիրավոր։ Տեղեկությունը հայտնում է Shamshyan.com–ը։

Դեպքը տեղի է ունեցել հուլիսի 30-ին, ժամը 21։40-ի սահմաններում։

«Արարատի մարզի բնակիչ 42-ամյա Գրիգոր Գրիգորյանն իր վարած ВАЗ 2106 մակնիշի ավտոմեքենայով Գառնի-Լանջազատ ավտոճանապարհին դուրս է եկել ճանապարհի երթևեկելի գոտուց և գլխիվայր շրջվել»,–գրում է կայքը։

Վթարի հետևանքով վարորդը մարմնական վնասվածքներով տեղափոխվել է «Էրեբունի» բժշկական կենտրոն։

Դեպքի վայր են ժամանել Արտակարգ իրավիճակների նախարարության Փրկարար ծառայության հրշեջ-փրկարարական ջոկատը 1 մարտական հաշվարկ։ Փաստի առթիվ նյութեր են նախապատրաստվում։

20
թեգերը:
Արարատի մարզ, ավտովթար, Վիրավոր
Ըստ թեմայի
Երևանում վիճաբանությունն ավարտվել է կրակոցով. 30–ամյա տղամարդու ոտքն ամպուտացրել են
Գեղարքունիքում ծանր վիրավորված զինծառայողի վիճակը բավարար է. նա տեղափոխվել է հիվանդասենյակ
Սոֆի Դևոյանները

«Հանգստություն է պակասում ինձ...». Սոֆի Դևոյանը ծովից լուսանկարներ է հրապարակել

40
(Թարմացված է 17:04 31.07.2021)
Կադրերում պարուհին ծովափին գտնվող սրճարաններից մեկում է։ Իսկ «Սթորի» բաժնում մանրամասն պատմում է իր հանգստի մասին։

ԵՐԵՎԱՆ, 31 հուլիսի - Sputnik. Պարուհի, դերասանուհի Սոֆի Դևոյան կրտսերն իր հանգիստն է վայելում Եգիպտոսում։ Նա Instagram–ի իր էջում գեղեցիկ լուսանկարներ է հրապարակել ծովց։

«Հանգստություն է պակասում ինձ, քեզ, բոլորիս...»,–հրապարակմանը կից գրել է Սոֆին։

Կադրերում պարուհին ծովափին գտնվող սրճարաններից մեկում է։ Իսկ «Սթորի» բաժնում մանրամասն պատմում է իր հանգստի մասին։

Սոֆի Դևոյան կրտսերը ուսումը կշարունակի Ռուսաստանում

Նրա էջի հետևորդներին դուր է եկել լուսանկարները։ Նրանք բազմաթիվ դրական մեկնաբանություններ են գրել ու բարի հանգիստ մաղթել Սոֆիին։

40
թեգերը:
Սոֆի Դևոյան, Եգիպտոս, Ծով
Ըստ թեմայի
Միշտ զգալու ենք քո կարիքը. Սոֆի Դևոյանը հուզիչ գրառում է արել Գեորգի Պողոսյանի մահից հետո
Ինչպես է Սոֆի Դևոյանը նշել իր 72-ամյակը. տեսանյութեր
Անկրկնելի Սոֆի Մարսոն ու մյուսները. «Ամեն ինչ լավ անցավ» Կաննում
Երեմ Սարգսյան

Սյունիքի համայնքապետների բողոքների քննության հարցում կիրառվում է ընտրովի արդարադատություն

0
(Թարմացված է 18:20 31.07.2021)
Փաստաբան Երեմ Սարգսյանի խոսքով`Վերաքննիչ դատարանում ամեն ինչ հատուկ է արվում, որ հանրային հետաքրքրություն ունեցող գործերի մակագրումները դատարանի նախագահի ձեռքով տակով անցնեն։
«Այո՛, պետք է ազատ արձակվեն». փաստաբանը` մանդատ ստացած Սյունիքի համայնքապետերի մասին

Օգոստոսի 2-ին «Հայաստան» դաշինքի պատգամավորներից առնվազն երկուսը չեն մասնակցի 8-րդ գումարման ԱԺ առաջին նիստին. Մեղրիի նախկին քաղաքապետ Մխիթար Զաքարյանն ու Քաջարանի համայնքապետ Մանվել Փարամազյանը, չնայած Կենտրոնական ընտրական հանձնաժողովից ստացել են իրենց մանդատները, սակայն շարունակում են կալանավորված մնալ։

Նրանց կալանավորելու մասին որոշումը խորհրդարանի աշխատանքների մեկնարկից սկսած կորցնո՞ւմ է ուժը, արդյո՞ք նրանք ձեռք չեն բերում պատգամավորական անձեռնմխելիություն` հետաքրքրվեցինք Մխիթար Զաքարյանի փաստաբան Երեմ Սարգսյանից։ Սարգսյանը, գործի քննության շահերից ելնելով, նախընտրեց ձեռնպահ մնալ։ Խոստացավ հարցին անդրադառնալ Վերաքննիչ դատարանում իր վստահորդի կալանավորման դեմ բողոքի քննությունից հետո։

«Ճիշտ չեմ համարում բացահայտել այն հիմնավորումները, որոնք ես պատրաստվում եմ ներկայացնել, բայց պնդում եմ` այո՛, պետք է նրանք ազատ արձակվեն»,- Sputnik Արմենիայի հետ զրույցում ասաց Սարգսյանը։

Փաստաբանը, սակայն ուշադրություն է հրավիրում Սյունիքի համայնքապետների բողոքների քննության հարցում կիրառվող ընտրովի արդարադատության վրա։ Ասում է` տպավորություն է, որ մինչև տվյալ դատավորից երաշխիք չեն ստանում ցանկալի որոշում կայացնելու համար, գործը նրան չեն մակագրում։

«Մխիթար Զաքարյանի գործը մակագրված է Ռուզաննա Բարսեղյանին։ Դատավորի մասով այս պահին ոչինչ չեմ ասի։ Բայց, եթե վիճակագրությունը նայենք, կտեսնենք, որ ընդհանարապես այն դատավորները, որոնք աչքի են ընկնում ակնհայտ անկախությամբ, նրանց որևէ նման գործ չի մակագրվում»,- նշեց Սարգսյանը։

Վերաքննիչ քրեական դատարանում հուլիսի 22-ից բոլոր բողոքները ձեռագիր են մակագրվում. ԱԱԾ աշխատակիցները` ի թիվս այլ համակարգիչների, առգրավել են նաև համակարգիչը, որով գործերն ավտոմատ համակարգի միջոցով մակագրվում էին դատավորներին։

Փաշինյանը Մեղրիի համայնքապետի ԺՊ է նշանակել ՔՊ–ականի

Նշենք, որ 8-րդ գումարման ԱԺ առաջին նիստը նախատեսված է օգոստոսի 2-ին. նույն օրը` ժամը 16։30, Վերաքննիչ դատարանը կքննարկի Մխիթար Զաքարյանի կալանավորման դեմ բողոքը։

Հիշեցնենք, որ հուլիսի 11-ին ՀՀ ԿԸՀ–ն բավարարել էր դատախազության միջնորդությունը՝ Մեղրի համայնքի նախկին քաղաքապետ, «Հայաստան» դաշինքի պատգամավորության թեկնածու Մխիթար Զաքարյանի նկատմամբ քրեական հետապնդում հարուցելու ու նրան կալանավորելու թույլտվություն տալու մասին:

Հուլիսի 9–ին Մխիթար Զաքարյանը հրաժարվել էր համայնքի ղեկավարի պաշտոնից և նշել, որ ամենայն հավանականությամբ կգնա խորհրդարան։

Նշենք, որ Քաջարանի քաղաքապետ Մանվել Փարամազյանը կալանավորվել է հուլիսի 10-ին՝ երկու ամիս ժամկետով։ Նրան մեղադրանք է առաջադրվել ՀՀ քրեական օրենսգրքի 38-178-րդ հոդվածի (խարդախության օժանդակելը կամ կազմակերպելը), 311-րդ հոդվածի (կաշառք ստանալը) և 154.2-րդ հոդվածի (ընտրողներին կաշառք տալը, կաշառք ստանալը, ընտրությունների ժամանակ բարեգործության արգելքի խախտումը կամ ընտրողի ազատ կամքի իրականացմանը խոչընդոտելը) հատկանիշներով։

Փարամազյանն առաջադրված մեղադրանքները չի ընդունում. գտնում է, որ այս ամենն իր նկատմամբ սանձազերծված քաղաքական հետապնդման շղթայի մի մասն է:

 

0
թեգերը:
Սյունիք, Մեղրի, Քաջարան, Երեմ Սարգսյան, Մխիթար Զաքարյան, Մանվել Փարամազյան
Ըստ թեմայի
Բոլոր նորմերն անցել են. փաստաբանը` Մեղրիի նախկին համայնքապետին բերման ենթարկելու մասին
Ստանդարտ սցենարով. Մեղրիի նախկին համայնքապետն էլ կալանավորվեց
Ինչո՞ւ է կալանավորվել Մեղրիի նախկին համայնքապետը. ՔԿ–ն հաղորդագրություն է տարածել