Գերիների վերադարձ․ արխիվային լուսանկար

ՄԻՊ ներկայացուցիչները զրուցել են Հայաստան վերադարձած 15 ռազմագերիների հետ

263
(Թարմացված է 15:24 13.06.2021)
Իրականացվել է հայրենիք վերադարձած գերիների առողջական վիճակի ուսումնասիրություն:

ԵՐԵՎԱՆ, 13 հունիսի – Sputnik․ ՀՀ Մարդու իրավունքների պաշտպանի ներկայացուցիչներն արդեն հանդիպել ու առանձնազրույց են ունեցել երեկ՝ հունիսի 12-ին, հայրենիք վերադարձած 15 ռազմագերիների հետ։ Տեղեկությունը հայտնում է ՄԻՊ մամուլի ծառայությունը։

«Մարդու իրավունքների պաշտպանի հանձնարարությամբ՝ պաշտպանի ներկայացուցիչներն առանձնազրույցներ են ունեցել Ադրբեջանում գերությունից ազատ արձակված և Հայաստան վերադարձած 15 անձանց հետ»,- նշված է հաղորդագրության հետ։

Հանդիպման ընթացքում իրականացվել է նրանց առողջական վիճակի ուսումնասիրություն:
ՄԻՊ գրասենյակից տեղեկացնում են, որ այցի արդյունքներով ձեռնարկվելու են անհրաժեշտ գործողություններ:

Հիշեցնենք` հունիսի 12-ին հայտնի դարձավ, որ Բաքուն Ակնայի (Աղդամ) ականապատ տարածքների քարտեզի դիմաց Հայաստանին է փոխանցել 15 հայ ռազմագերի։ Այդ տեղեկությունը հաստատեց ՀՀ վարչապետի պաշտոնակատար Նիկոլ Փաշինյանը, ավելին` լուսանկար հրապարակեց, որում 15 տղաներն են, ապա նաև հայտնեց Հայաստան վերադարձածների անունները։

Հավելենք` ղարաբաղյան հակամարտության գոտում հրադադարի հաստատումից հետո Ադրբեջանում պահվող գերիների և պատանդների վերադարձի հարցը վերջնականապես չի լուծվում։ Ադրբեջանը չի շտապում վերադարձնել բոլոր գերիներին։

Գերիներին վերադարձնելու պայմանավորվածության հարցում վճռորոշ դեր է ունեցել Մուրադովը

Ավելին` 26 հայ ռազմագերիների ներկայացրել է որպես դիվերսանտներ և համապատասխան մեղադրանք առաջադրել։

Անցած ժամանակահատվածում փոխանակման ընդամենը մի քանի դեպք է եղել, և բացի այս, հայրենիք են վերադարձել 69 հայ զինվորականներ և քաղաքացիական անձինք: Ըստ իրավապաշտպանների` Ադրբեջանում ավելի քան 200 հայ գերի կա։

263
թեգերը:
Հայաստան, Ադրբեջան, ռազմագերի, գերի, ՀՀ ՄԻՊ
Ըստ թեմայի
Նիկոլ Փաշինյանը հրապարակեց Ադրբեջանից Հայաստան վերադարձած գերիների անունները
Բլինկենը ողջունել է 15 գերիներին Հայաստանին փոխանցելը և շնորհակալություն հայտնել Վրաստանին
Վստահության այս միջոցները կօգնեն բանակցություններին․ ԵԱՀԿ-ն՝ 15 գերիների վերադարձի մասին
«Ալաշկերտի» դարպասապահ Դավիթ Յուրչենկոն

«Ալաշկերտը» չկարողացավ հաղթահարել ՈւԵՖԱ–ի Չեմպիոնների լիգայի երկրորդ փուլը

34
(Թարմացված է 23:46 28.07.2021)
«Շերիֆը» հայկական ակումբների համար դժվար մրցակից է։ Նրանցից որևէ մեկին դեռ չի հաջողվել հաղթանակ տանել Տիրասպոլի ակումբի նկատմամբ։

ԵՐԵՎԱՆ, 28 հուլիսի – Sputnik. Հայաստանի չեմպիոն երևանյան «Ալաշկերտը» ՈւԵՖԱ–ի Չեմպիոնների լիգայում չկարողացավ հաղթահարել մոլդովական խոչընդոտն ի դեմս «Շերիֆի»։

Հայկական ակումբը զիջեց նաև երկրորդ խաղում, որն անցկացվում էր Տիրասպոլում։ Ընդ որում, «Ալաշկերտն» առաջինը բացեց հաշիվը` մրցակցի դարպասը 10-րդ րոպեին գրավեց սերբ լեգիոներ Գլիշիչը։

Սակայն 5 րոպե անց տանտերերին հաջողվեց հավասարեցնել հաշիվը. աչքի ընկավ Գուստավո Դուլանտոն, դե, իսկ 23-րդ րոպեին երևանցիների դարպասապահ Չանչարևիչին տխրեցրեց Լուվանորը։ Խաղում հաղթական վերջակետը դրեց Սեբաստիան Տիլը` 87-րդ րոպեին իրացնելով 11 մետրանոց հարված։

3:1` հօգուտ դաշտի տերերի։

Չեմպիոնների լիգա. «Ալաշկերտը» հաղթեց ու դուրս եկավ 2-րդ փուլ. տեսանյութ

Առաջին խաղում, Երևանում, «Ալաշկերտը» զիջեց նվազագույն` 0:1 հաշվով։ Այսօրվա խաղի արդյունքում Հայաստանի չեմպիոնը լքեց Չեմպիոնների լիգան։ Նշենք, որ «Շերիֆը» հայկական ակումբների համար դժվար մրցակից է։ Նրանցից որևէ մեկին դեռ չի հաջողվել հաղթանակ տանել Տիրասպոլի ակումբի նկատմամբ։

Վաղը` հուլիսի 29–ին, Կոնֆերանսների լիգայում պատասխան խաղ կանցկացնի Երևանի «Արարատը»։  Մայրաքաղաքի ակումբը Վրոցլավում կխաղա «Շլյոնսկի» հետ։

Առաջին խաղում, որն անցկացվեց Գյումրիում, 4:2 հաշվով հաղթանակը տոնեցին լեհերը։

«Ալաշկերտը» 5 նոր ֆուտբոլիստ ունի. ովքեր են նրանք

34
թեգերը:
չեմպիոն, ֆուտբոլ, «Ալաշկերտ» ֆուտբոլային ակումբ
Ըստ թեմայի
Բախտները չի բերում. «Ալաշկերտը» պարտվեց մակեդոնացիներին
Մելիքյանը վերադարձել է Հայաստան. նա կգլխավորի «Ալաշկերտը»
«Ալաշկերտն» էլ հետևեց «Նոային»․ Երևանում ավելի ուժեղ գտնվեց Մակեդոնիայի «Ռենովան»
«Էրեբունի» ԲԿ

Որդու գերեզմանից Երևան վերադառնալիս վթարի է ենթարկվել Արցախում զոհված Դավիթ Այդոևի մայրը

280
(Թարմացված է 23:49 28.07.2021)
Հերոս զինվորի մոր վիճակը ծանր է, նրան սպասում է բարդ վիրահատական միջամտություն։ Դավիթը տիկին Լալիի միակ զավակն էր։

ԵՐԵՎԱՆ, 28 հուլիսի – Sputnik. Այսօր որդու գերեզմանից Երևան վերադառնալիս Ապարան քաղաքի տարածքում վթարի է ենթարկվել Արցախում նահատակված հերոս Դավիթ Այդոևի մայրը` տիկին Լալին: Այս մասին Facebook–ի իր էջում տեղեկացնում է «Եզդիների տուն» նախաձեռնության ղեկավար Այսեր Իսայանը:

Նրա խոսքով`տիկին Լալին ծանր վիճակում` ողնաշարի բազմաթիվ կոտրվածքներով, Էրեբունի ԲԿ Է տեղափոխվել։

«Տիկին Լալիին սպասում է բարդ վիրահատական միջամտություն։ Նշեմ, որ Դավիթը տիկին Լալիի միակ զավակն էր»,– հայտնում է Իսայանը:

Հիշեցնենք, որ Դավիթ Այդոևն ազգությամբ եզդի էր։ Ծնվել է 2000թ–ի օգոստոսի 10–ին Սպիտակ քաղաքում, բայց մանկուց ապրել է Երևանում։ Սովորել է Հայ–մերիկյան բժշկական քոլեջում։ Զբաղվել է թեթև աթլետիկայով։ Ծառայության էր անցել Ջաբրայիլում։

«Մամ, մինչև չգնամ, կռիվը չի վերջանա». Եռաբլուրում հետմահու պարգևատրեցին Հայկազ Մկրտչյանին

Արցախյան 44–օրյա պատերազմի օրերին հրամանատարի վիրավորվելուց հետո Դավիթն է ստանձնել պատասխանատուի դերը, կարողացել ճիշտ կողմնորոշվելու շնորհիվ գրագետ գործողություններ կազմակերպել ու գրավել հակառակորդի երկու դիրք: Այդ դիրքերից մեկն էլ իր պատվին է կոչվել՝ Այդոևի բլուր։ Դավիթը զոհվել է 2020 թվականի հոկտեմբերի 5–ին։

ՊԲ N պաշտպանական շրջանի 7-րդ հրաձգային վաշտի ողջ կազմը հետմահու պարգևների է արժանացել

280
թեգերը:
Զոհ, Արցախ, վթար, մայր, Զինվոր
Ըստ թեմայի
Հետմահու բարձրագույն կոչում ստացած զինծառայողների ընտանիքները պարգևավճար կստանան
Արժանացել են «Արցախի հերոս» բարձրագույն կոչման՝ հետմահու
Դավիթ Գրիգորյանը ոչնչացրել է 12 տանկ, 1 ՏՕՍ համակարգ. նա պարգևատրվեց հետմահու
Արցախի ԱԺ նախագահը հետմահու շնորհված պարգևներ է հանձնել զոհված զինծառայողների հարազատներին
Ֆրենկ Փալոնե

ԱՄՆ-ն դադարեցնում է ռազմական օգնությունը Բաքվին. Կոնգրեսն ընդունել է Փալոնեի ուղղումը

297
(Թարմացված է 00:30 29.07.2021)
Ինչպես հաղորդում է ANCA-ի պաշտոնական կայքը, այդ ուղղումին ակտիվորեն աջակցել է ԱՄՆ-ի հայկական սփյուռքը:

ԵՐԵՎԱՆ, 29 հուլիսի – Sputnik. Ամերիկացի իրավաբան և քաղաքական գործիչ, Դեմոկրատական կուսակցության անդամ Ֆրենկ Փալոնեն Կոնգրեսի նիստերի դահլիճում ներկայացրել է Ադրբեջանին հատկացվող ֆինանսական օգնությունը դադարեցնելու վերաբերյալ իր առաջարկը:

Իր ելույթում կոնգրեսականը ներկայացրել է Փալոնեի (#PalloneAmendment) ուղղումը և հայտարարել Արցախին օգնություն տրամադրելու և ականազերծման ծրագրին 2 մլն դոլար հատկացնելու անհրաժեշտության մասին:

«Տիկնայք և պարոնայք, այս ուղղման ընդունումը կօգնի ցույց տալ, որ Վաշինգտոնը վճռականորեն դատապարտում է բռնապետական ռեժիմը, որը սպառնում է տարածաշրջանի անվտանգությանը, հատկապես, երբ ագրեսիան ուղղված է երիտասարդ ժողովրդավարության դեմ», - ընթերցել է Փալոնեն:

Եթե չդադարեք աջակցել, կճանաչենք Ցեղասպանությունը. Իսրայելը գտել է Էրդողանի թույլ տեղը

Ինչպես հաղորդում է ANCA-ի պաշտոնական կայքը, այդ ուղղումին ակտիվորեն աջակցել է ԱՄՆ-ի հայկական սփյուռքը:

Ի դեպ, ինչպես գրել է քաղաքագետ Սուրեն Սարգսյանը, վերջին երեք տարիների ընթացքում Բաքուն Վաշինգտոնից մոտ 100 մլն դոլարի ռազմական օգնություն է ստացել։

Միշտ էլ նժարը թեքվում է ուժեղի կողմը. ինչպե՞ս պետք է պատասխանի Հայաստանն Ալիևին

297
թեգերը:
օգնություն, Արցախ, Ադրբեջան, ԱՄՆ
Ըստ թեմայի
Վաշինգտոնը կքննարկի Բաքվին ռազմական օգնություն տալու որոշումը վերանայելու հարցը. Բլինկեն
ԱՄՆ նախագահը թույլատրել է Ադրբեջանին ռազմական օգնություն ցուցաբերել
Նիկոլ Փաշինյանը դիմել է Վլադիմիր Պուտինին ռազմական օգնության հարցով. Ալեն Սիմոնյան
Ինչո՞ւ Ջո Բայդենը որոշեց Ադրբեջանին ռազմական օգնություն ցուցաբերել