Ռոբերտ Քոչարյան․ արխիվային լուսանկար

Քոչարյանը ավտոմատը ձեռքին մասնակցել է Շուշիի ազատագրմանը․ Սեյրան Օհանյան

403
(Թարմացված է 12:54 13.06.2021)
Պաշտպանության նախկին նախարարի խոսքով՝ պատերազմի երկրորդ օրն արդեն Ստեփանակերտից մեծ թվով բնակիչներ էին դուրս եկել։ Դրա պատճառը նա չի հասկանում։

ԵՐԵՎԱՆ, 13 հունիսի – Sputnik․ Պաշտպանության նախկին նախարար Սեյրան Օհանյանը վստահ է, որ հունիսի 20-ից հետո իշխանության է գալու «Հայաստան» դաշինքը։ Նոյեմբերյանում ընտրողների հետ հանդիպման ժամանակ նա նշեց, որ իրենց թիմի առաջնորդ Ռոբերտ Քոչարյանը լավ գիտի, թե ինչպես է պետք երկիրը դեպի հաղթանակ տանել։

«Ես նրան ճանաչում եմ Արցախից, երբ Արցախի զգալի մասը գտնվում էր ադրբեջանցիների տիրապետության տակ։ Պետական պաշտպանության կոմիտե ստեղծվեց և անձնական օրինակով, ամենօրյա քրտնաջան աշխատանքով հակագրոհներ կազմակերպվեցին, և ոչ միայն վերականգնվեց Արցախը, այլև անվտանգության գոտին։ Ռոբերտ Քոչարյանը միայն ղեկավար չէր, նա նաև իր գործի զինվորն էր։ Նույն Շուշիի ազատագրման ժամանակ նա ավտոմատը ձեռքին գնաց ուղղություններից մեկում պայքարեց, և մենք այդ ուղղությունում հասանք հաջողությունների»,- նշեց Օհանյանը։

Նրա խոսքով՝ պատերազմի ծանրությունը ոչ միայն Քոչարյանն էր կրում, այլ՝ նրա ընտանիքը։ Նրա ցուցումով՝ Արցախից ղեկավարներից ոչ մեկի ընտանիքը դուրս չեկավ։

«Այս պատերազմի ժամանակ սեպտեմբերի 28-ի լույս 29-ի գիշերը ես եղել եմ Ստեփանակերտում, ընտանիքների զգալի մասն արդեն դուրս էր եկել։ Ես չգիտեմ, թե ինչու, այդ հարցի պատասխանը մինչև հիմա ես չունեմ»,- ընդգծեց պաշտպանական գերատեսչության նախկին ղեկավարը։

Պատերազմ չի սկսվի․ Յուրի Խաչատուրովն ասաց՝ ինչու

Նշենք, որ ԱԺ արտահերթ ընտրությունները Հայաստանում նախատեսված են հունիսի 20-ին։ Դրանց մասնակցում է 21 կուսակցություն և 4 դաշինք։

403
թեգերը:
Հայաստան, Ազգային ժողովի ընտրություններ, Ռոբերտ Քոչարյան, Արցախյան պատերազմ, Արցախ, Սեյրան Օհանյան
Ըստ թեմայի
Տեղ գյուղի 2 բնակիչ հայտնվել են ադրբեջանական տարածքում․ հաջողվել է նրանց հետ բերել
«Ադրբեջանին վերադարձվել են ոչ բոլոր քարտեզները»․ Նիկոլ Փաշինյան
Անվտանգության ոլորտում Ռուսաստանի հետ հարաբերությունների խորացումն առաջնահերթ է․Փաշինյան
Артур Далалоян в финале соревнований по опорному прыжку среди мужчин на чемпионате мира по спортивной гимнастике (3 ноября 2018). Доха

«Չի փոշոտվի». Արթուր Դալալոյանը պատմել է՝ ինչ է անելու օլիմպիական մեդալի հետ

1
Օլիմպիական խաղերում թիմային մրցաշարում հաղթել են ռուս մարմնամարզիկներ Նիկիտա Նագորնին, Արթուր Դալալոյանը, Դավիթ Բելյավսկին և Դենիս Աբլյազինը:

ԵՐԵՎԱՆ, 27 հուլիսի – Sputnik. Ռուսաստանը ներկայացնող հայազգի մարմնամարզիկ Արթուր Դալալոյանը վստահ է, որ Տոկիոյում նվաճած իր օլիմպիական մեդալը տանը չի փոշոտվի: Այս մասին մարզիկը պատմել է լրագրողներին:

«Ես ապակե պահարան ունեմ: Կինս՝ Օլգան, մի ֆետիշ ունի, մեդալները սիրում է դասավորել, աքրել, սրբել։ Ցանկացած մեդալ մեր տանը լավ վերաբերմունքի է արժանանում», - լրագրողներին կատակով ասել է Դալալոյանը:

Ռուս մարմնամարզիկներից Նիկիտա Նագորնին, Արթուր Դալալոյանը, Դավիթ Բելյավսկին և Դենիս Աբլյազինը 262,500 միավորով հաղթեցին օլիմպիական խաղերի թիմային մրցաշարում։

Ռուսաստանի ազգային հավաքականը 1996 թվականից ի վեր առաջին անգամ դարձավ այս մրցաշարում լավագույնը:

1
Президент Армен Саркисян встретилкся с представителями армянской диаспоры в Японии (26 июля 2021). Токио

Արմեն Սարգսյանը հանդիպել է Ճապոնիայի միջուկային կարգավորման գործակալության նախագահի հետ

7
(Թարմացված է 11:59 27.07.2021)
ՀՀ նախագահ Արմեն Սարգսյանն ու Ֆուկեթա Տոյոշին քննարկել են միջուկային անվտանգության ապահովման ոլորտում փոխգործակցությանը վերաբերող հարցեր:

ԵՐԵՎԱՆ, 27 հուլիսի – Sputnik. Աշխատանքային այցով Ճապոնիայում գտնվող` Հայաստանի Հանրապետության նախագահ Արմեն Սարգսյանն այցելել է Ճապոնիայի Միջուկային կարգավորման գործակալություն (Nuclear Regulation Authority), հանդիպում ունեցել գործակալության նախագահ Ֆուկեթա Տոյոշիի հետ։ Տեղեկությունը հայտնում է ՀՀ նախագահի մամուլի ծառայությունը։

Նախագահ Սարգսյանն ու Ֆուկեթա Տոյոշին քննարկել են միջուկային անվտանգության ապահովման ոլորտում փոխգործակցությանը վերաբերող հարցեր:

Ճապոնիայի միջուկային կարգավորման գործակալության ղեկավարը Հայաստանի հետ համագործակցության պատրաստակամություն է հայտնել՝ նշելով, որ իրենք մշտապես վերազինում են ատոմակայանները և սարքավորումները՝ համապատասխանեցնելով դրանք ռիսկերին, և այս ոլորտում իրենց փորձառությունը կարող է ուսանելի ու օգտակար լինել գործընկերների համար։

Անդրադառնալով համագործակցության ուղղություններին՝ կողմերը մասնավորապես առանձնացրել են միջուկային անվտանգության կարգավորումների, միջուկային վառելիքի և միջուկային թափոնների կառավարման ոլորտները, ինչպես նաև համատեղ հետազոտական աշխատանքների իրականացումը միջուկային ֆիզիկայի բնագավառում: Փոխգործակցության զարգացման նպատակով կարևորվել են ոլորտի մասնագետների փոխայցելություններն ու փոխանակման ծրագրերը:

Տեխնոլոգիապես կհամագործակցենք․ նախագահ Սարգսյանը հանդիպել է Ճապոնիայի հայ համայնքին

Նշենք, որ Ճապոնիայի միջուկային կարգավորման գործակալությունը պետական մարմին է, որը հիմնվել է Ֆուկուսիմա Դաիչի ատոմակայանում տեղի ունեցած վթարից հետո՝ 2012 թվականին՝ երկրում միջուկային անվտանգության ապահովման նպատակով:

Հիշեցնենք, որ հուլիսի 20-ին հայտնի դարձավ` Արմեն Սարգսյանն աշխատանքային այցով մեկնում է Ճապոնիա:

Սարգսյանը, ի թիվս մի շարք պետությունների ղեկավարների, ներկա է գտնվել Տոկիոյում կայանալիք ամառային օլիմպիական խաղերի բացման պաշտոնական արարողությանը:

Այցի ընթացքում նախատեսվում էր հանդիպումներ տեխնոլոգիական մի շարք հայտնի ընկերությունների ղեկավարների և գործարարների հետ` հայ-ճապոնական փոխգործակցության հնարավորությունները քննարկելու նպատակով, ինչպես նաև այցելություն գիտակրթական հաստատություններ:

Արհեստական բանականություն. Սարգսյանը Տոկիոյում հանդիպել է YAMAHA–ի ներկայացուցիչների հետ

7