Արխիվային լուսանկար

Երկու հրամանատարների նկատմամբ ծառայողական քննություն է նշանակվել. ՀՀ ՊՆ

123
(Թարմացված է 23:36 08.06.2021)
Մամուլում լուրեր էին շրջանառվում, որ քաղաքական հայացքների պատճառով աշխատանքից ազատվել են Մեղրիի և Մեհրաբի հրամանատարները։

ԵՐԵՎԱՆ, 8 հունիսի - Sputnik. ՀՀ պաշտպանության նախարարությունը տեղեկացնում է, որ ՀՀ զինված ուժերի երկու հրամանատարների պարտականությունները ժամանակավորապես կասեցվել են։ 

Նշենք, որ ավելի վաղ լուրեր էին շրջանառվում, որ Մեղրիի գնդի հրամանատար Արգամ Գևորգյանը և Մեհրաբի գնդի հրամանատար Արտակ Թադևոսյանն ազատվել են պաշտոնից քաղաքական հայացքների պաշտաճով։

«ՀՀ ԶՈՒ N զորամասի հրամանատար, գնդապետ Ա. Թադևոսյանի և N զորամասի հրամանատար, գնդապետ Ա. Գևորգյանի նկատմամբ նշանակվել է ծառայողական քննություն»,–նշված է ՊՆ հաղորդագրության մեջ։

ՊՆ–ն հայտնում է նաև, որ երկու հրամանատարների ծառայողական պարտականությունների կատարումը ծառայողական քննության ժամանակահատվածում կասեցվել է` համաձայն «Զինվորական ծառայության և զինծառայողի կարգավիճակի մասին» օրենքի համաձայն։

Կիրականացվի ծառայողական քննություն․ ՀՀ ՊՆ խոսնակը՝ սպա Ալավերդյանի մոլորվելու մասին

123
թեգերը:
ՀՀ Պաշտպանության նախարարություն (ՊՆ), Քննություն, հրամանատար
Ըստ թեմայի
Ադրբեջանական կողմի տարածած տեղեկությունները սուտ են. ՀՀ ՊՆ–ն` Նախիջևանում կրակոցների մասին
ՀՀ զինված ուժերը Ադրբեջանի սահմանը չեն հատել. ՊՆ–ն պատասխանել է Ադրբեջանին
Գերեվարված հայ զինծառայողները գտնվել են ՀՀ տարածքում. ՊՆ-ն քարտեզ է ներկայացրել
Արխիվային լուսանկար

Աղիքային վարակով Մարտունու ԲԿ տեղափոխվածների մոտ հայտնաբերվել են նաև Norovirus-ներ

1
Բուժկենտրոնում նաև ներհիվանդանոցային վարակ է արձանագրվել, ինչի կապակցությամբ իրականացվել է սանիտարահամաճարակային ռեժիմի ուսումնասիրություն։

ԵՐԵՎԱՆ, 16 հունիսի – Sputnik. Օրերս աղիքային վարակով Մարտունու ԲԿ տեղափոխված պացիենտների նկատմամբ իրականացված ՊՇՌ հետազոտության արդյունքում հայտնաբերվել են նաև Norovirus-ներ: Տեղեկությունը հայտնում է ՀՀ առողջապահության նախարարությունը:

Ինչպես տեղեկացրել էինք, հունիսի 12-13-ն ընկած ժամանակահատվածում Մարտունու ԲԿ-ից «Ինֆեկցիոն հիվանդությունների ազգային կենտրոն» է տեղափոխվել աղիքային վարակին բնորոշ ախտանշաններով (ընդհանուր թուլություն, փսխում, լուծ) 14 պացիենտ (13-ը՝ 1-4 տարեկան երեխա, 1-ը՝ մեծահասակ):

«Հունիսի 16-ի դրությամբ` «Ինֆեկցիոն հիվանդությունների ազգային կենտրոն» ընդունված 14 պացիենտից 3-ը դուրս է գրվել, 11-ը հիվանդանոցում են»,–նշված է ԱՆ–ի հաղորդագրության մեջ։

Նշվում է նաև, որ պացիենտներն ընդունվել են Մարտունու ԲԿ «օբստրուկտիվ բրոնխիտ» և «բրոնխոպնևմոնիա» ախտորոշմամբ, սակայն վերջիններիս մոտ սկսվել են աղիքային վարակին բնորոշ ախտանշաններ, ինչը վկայում է ներհիվանդանոցային վարակի արձանագրման մասին։

Ներհիվանդանոցային վարակի արձանագրման կապակցությամբ ԲԿ-ում իրականացվել է սանիտարահամաճարակային ռեժիմի, ինչպես նաև վարակի հսկողության գործընթացների ներդրման ուսումնասիրություն:

1
Գավառ

Սնունդ` քվեի դիմաց. Գավառում ընտրակաշառքի գործով ևս 8 անձի մեղադրանք է առաջադրվել

1
(Թարմացված է 18:35 16.06.2021)
Խուզարկությունների ընթացքում հայտնաբերվել են ընտրողների նախապես կազմված ցուցակները, որոնց համաձայն ավելի քան երեք տասնյակ քաղաքացիներ 7000-ական դրամի սննդամթերք են ստացել։

ԵՐԵՎԱՆ, 16 հունիսի – Sputnik. Գավառում ընտրողներին որպես կաշառք սննդամթերք տալու դեպքով ՀՀ հատուկ քննչական ծառայությունում քննվող քրեական գործի շրջանակներում մեղադրանք է առաջադրվել ևս 8 անձի:

Ինչպես հայտնում է Հատուկ քննչական կոմիտեն, 2021թ. հունիսի 20-ին կայանալիք ԱԺ արտահերթ ընտրություններին մասնակցող կուսակցություններից մեկի ներկայացուցիչ Ս. Զ.- ն Գավառի ընտրողներին սննդամթերքի տեսքով կաշառք է տվել նշված կուսակցության օգտին քվեարկելու համար:

Ս. Զ.-ն տվյալ կուսակցության Գավառի տարածքային գրասենյակի քարտուղարն է։

Ըստ մեղադրանքի, նա առաջնորդվել է գրասենյակի ղեկավարի հետ նախապես կազմված ընտրողների ցուցակով, և հունիսի 9-ին մի շարք ընտրողների 7000-ական դրամի սննդամթերք վճարել։

Կատարված խուզարկությունների ընթացքում հայտնաբերվել են նախապես կազմված ընտրողների ցուցակները, որոնց համաձայն` ավելի քան երեք տասնյակ քաղաքացիներ 7000-ական դրամի սննդամթերք են ստացել։ Նրանք հարցաքննվել են ու հաստատել ընտրակաշառք ստանալու հանգամանքը:

Ս.Զ.–ից բացի մեղադրանք է առաջադրվել նաև 7 այլ անձանց։ Նրանց նկատմամբ որպես խափանման միջոց է ընտրվել չհեռանալու մասին ստորագրությունը:

Նշենք, որ նույն քրեական գործով ավելի վաղ մեղադրանք էր առաջադրվել 1 անձի` տվյալ կուսակցության Գավառի տարածքային գրասենյակի ղեկավար, պատգամավորի թեկնածու Ա. Ա.-ին։ Նրա նկատմամբ որպես խափանման միջոց էր ընտրվել կալանավորումը:

Ընտրական իրավախախտումների փաստերով 6 քրգործ է հարուցվել. ահազանգերը շատ ավելին են

Քրեական գործի նախաքննության այս փուլում 9 անձ ունի մեղադրյալի կարգավիճակ:

Նախաքննությունը շարունակվում է:

1
թեգերը:
Մեղադրանք, Ազգային ժողովի ընտրություններ, ընտրակաշառք, Հայաստան, Գավառ
Ըստ թեմայի
«Ընտրակաշառք տվողներին լցնելու ենք ծակերը». Նիկոլ Փաշինյան
«Երկու բևեռները փորձում են ժողովրդին մտցնել փակուղի». Կարին Տոնոյանը` ընտրապայքարի մասին
ՀՀ Ընտրական օրենսգիրքը համապատասխանում է միջազգային նորմերին. ԱՊՀ դիտորդական խմբի ղեկավար