Միհրան Պողոսյան

ԴԱՀԿ նախկին պետ Միհրան Պողոսյանը հեռացվեց «Պատիվ ունեմ» դաշինքի ցուցակից

173
(Թարմացված է 14:13 08.06.2021)
ԿԸՀ–ն հաստատեց նաև այլ քաղաքական ուժերի 6 այլ թեկնածուների ինքնաբացարկի դիմումները։

ԵՐԵՎԱՆ, 8 հունիսի – Sputnik. «Պատիվ ունեմ» դաշինքի պատգամավորի թեկնածու, ընտրական ցուցակի 11-րդ համար, ԴԱՀԿ նախկին պետ Միհրան Պողոսյանի գրանցումը ԿԸՀ այսօրվա որոշմամբ համարվեց անվավեր։

Մինչ որոշման ընդունումը ԿԸՀ նախագահ Տիգրան Մուկուչյանը մանրամասն ներկայացրեց դրա հիմքերը։ ԿԸՀ քարտուղար Արմեն Սմբատյանն էլ տեղեկացրեց, որ Միհրան Պողոսյանն ամբողջ գործընթացն իրականացրել է փաստաբանի միջոցով։

Հիշեցնենք` մայիսի 18-ին ՀՀ ոստիկանության անձնագրային և վիզաների վարչություն էր դիմել Միհրան Պողոսյանի լիազորված անձ Նորայր Հարությունյանը՝ Պողոսյանին վերջին 4 տարում միայն ՀՀ քաղաքացի հանդիսանալու և ՀՀ–ում մշտապես բնակվելու մասին տեղեկանք ստանալու խնդրով: Դիմումին կից ներկայացվել էր Մոսկվայի պոլիտեխնիկական համալսարանից ստացված տեղեկանքը, որի համաձայն` Պողոսյանը հանդիսանում է համալսարանի առաջին կուրսի ուսանող և ՀՀ–ից բացակայում է հարգելի պատճառով։

Բայց քանի որ օրենքով նախատեսված ժամկետը 22 օրով խախտված է եղել, ոստիկանությունը մերժել է Պողոսյանի ներկայացուցչին, վերջինն էլ այն բողոքարկել է վարչական դատարանում։

Սակայն մինչ վարչական դատարանը որոշում կկայացներ, Պողոսյանը նույն բուհից երկրորդ տեղեկանքն է ներկայացրել վիզաների վարչություն, թե իբր նա համալսարանի նախապատրաստական դասընթացներում է ընդգրկված եղել, ինչի համար էլ բացակայել է երկրից։ Բուհը, սակայն, այդ երկրորդ տեղեկանքի իսկությունը չի հաստատել։

Ուշագրավ է այն հանգամանքը, որ այդ ընթացքում Պողոսյանը նաև երրորդ դիմումն է ներկայացրել վիզաների վարչություն, այս անգամ` Բելգորոդի պետական ազգային հետազոտությունների ինստիտուտից։ Այստեղ էլ, ըստ փաստաթղթի, Պողոսյանը նախապատրաստական ինչ–որ դասընթացի է մասնակցել։ Այս փաստաթղթի իսկությունը ևս հերքվել է։

Ոստիկանության պետի տեղակալ Արա Ֆիդանյանը հունիսի 1-ին հայտնել էր, որ վարչություն ներկայացրած փաստաթղթի առնչությամբ նյութեր են նախապատրաստվում։

Հավելենք, որ ԱԺ պատգամավոր դառնալու համար թեկնածուն պետք է վերջին 4 տարում ՀՀ-ում բնակվի։ «ՀՀ ընտրական օրենսգիրք» օրենքի 80-րդ հոդվածի 2-րդ մասով սահմանվել է, որ քաղաքացին վերջին 4 տարում ՀՀ-ում մշտապես բնակվող չի համարվում, եթե լիազոր մարմնին դիմում տալու օրվան նախորդող 1461 օրերի ընթացքում նա առնվազն 731 օր բացակայել է ՀՀ-ից:

Նույն նորմով սահմանվել է ՀՀ-ից բացակայությունը հարգելի համարելու երկու հիմք, որոնցից է արտերկրում բարձրագույն ուսումնական հաստատություններում ուսումնառությունը։

Միհրան Պողոսյանին նոր ծանր մեղադրանքներ կառաջադրվեն. գլխավոր դատախազ

ԿԸՀ–ն այսօրվա նիստում հաստատեց նաև «Ազգային ժողովրդական բևեռի» 3, ՀԴԿ 1, «Միասնական հայրենիք» կուսակցության 2 պատգամավորի թեկնածուի ինքնաբացարկի դիմումները։ Իսկ «Քաղաքացու որոշում» սոցիալ–դեմոկրատական կուսակցության 1 թեկնածուի դիմումը մերժեց, քանի որ թեկնածուն ո՛չ անձամբ էր ներկայացել նիստին, ո՛չ էլ ներկայացրած դիմումն էր հաստատել նոտարական կարգով, ինչը օրենքի պարտադիր պահանջ է թեկնածուի ինքնաբացարկն ընդունելու դեպքում։

Միհրան Պողոսյանի ոտքի օղակը հանել են. իրավական գործընթացը շարունակվում է

173
թեգերը:
«Պատիվ ունեմ» դաշինք, Միհրան Պողոսյան, Հայաստան

Շաբաթը թեժ էր ոչ միայն քաղաքական կյանքում, այլև Երևանի ամենամեծ աղբավայրում. լուսանկարներ

11
(Թարմացված է 21:34 13.06.2021)
  • Հրշեջ մեքենան՝ Նուբարաշենի աղբավայրում՝ մայրամուտի ֆոնին
ԱԻՆ աշխատակիցը՝ Նուբարաշենի աղբավայրում
  • ԱԻՆ աշխատակիցը՝ Նուբարաշենի աղբավայրում
  • Հայկական և ադրբեջանական դիրքերը Սոթքում
  • Սոթքում դիրքի ավագ, սերժանտ Վարուժան Թումանյանը
  • ՀՅԴ երիտասարդների նետած կոնֆետները, մրգերն ու կիսավարտիքները կառավարության շենքի մոտ՝ 2021թ. հունիսի 10-ին տեղի ունեցած անհնազանդության ակցիայի ժամանակ
  • Վանաձորում լեռնային հեծանիվների այգու այցելուներից մեկը
  • Boo Mountain Bike Park նախագծի համահիմնադիրներ Վաղինակ Կարապետյանն ու Էմմա Պետրոսյանը՝ Վանաձորի լեռնային հեծանիվների այգում
  • Փարիզահայ դերասան Սիփան Մուրադյանը
  • Երուսաղեմից եկած երաժիշտ Ափո Սահակյանը
  • Երևան ժամանած ռուսական արտադրության նոր մարդատար վագոնները
  • Ռուսական արտադրության նոր մարդատար վագոնների բորտուղեկցորդուհին
Sputnik Արմենիան առանձնացրել է լուսանկարներ, որոնք պատմում են շաբաթվա՝ աչքի ընկած իրադարձությունների մասին։

Շաբաթը սկսվեց նախընտրական քարոզարշավով․ ներքաղաքական՝ առանց այն էլ սրված կյանքն էլ ավելի թեժացավ։ Փորձագետները նշում են՝ ատելության խոսքի ու բռնության կոչերի այսպիսի առատություն դեռ երբեք չէր եղել։

Մայրաքաղաքում վիճակը թեժ էր ոչ միայն փոխաբերական, այլև՝ ուղիղ իմաստով։ Օրեր շարունակ հրշեջներին չի հաջողվում մարել Երևանի ամենամեծ աղբավայրում բռնկված հրդեհը։

Այս շաբաթվա ու թերևս վերջին ամիսների լավագույն լուրը 15 հայ ռազմագերիների վերադարձն էր․ նրանց դիմաց հայկական կողմն Ադրբեջանին փոխանցեց Ակնայի (Աղդամի) ականապատ դաշտերի քարտեզը։

Sputnik Արմենիան առանձնացրել է լուսանկարներ, որոնք պատմում են շաբաթվա այս և մյուս աչքի ընկած իրադարձությունների մասին։

11
  • Հրշեջ մեքենան՝ Նուբարաշենի աղբավայրում՝ մայրամուտի ֆոնին
ԱԻՆ աշխատակիցը՝ Նուբարաշենի աղբավայրում
    © Sputnik / Aram Nersesyan

    Հրշեջ մեքենան՝ Նուբարաշենի աղբավայրում՝ մայրամուտի ֆոնին

  • ԱԻՆ աշխատակիցը՝ Նուբարաշենի աղբավայրում
    © Sputnik / Aram Nersesyan

    ԱԻՆ աշխատակիցը՝ Նուբարաշենի աղբավայրում

  • Հայկական և ադրբեջանական դիրքերը Սոթքում
    © Sputnik / Asatur Yesayants

    Հայկական և ադրբեջանական դիրքերը Սոթքում

  • Սոթքում դիրքի ավագ, սերժանտ Վարուժան Թումանյանը
    © Sputnik / Asatur Yesayants

    Սոթքում դիրքի ավագ, սերժանտ Վարուժան Թումանյանը

  • ՀՅԴ երիտասարդների նետած կոնֆետները, մրգերն ու կիսավարտիքները կառավարության շենքի մոտ՝ 2021թ. հունիսի 10-ին տեղի ունեցած անհնազանդության ակցիայի ժամանակ
    © Sputnik / Asatur Yesayants

    ՀՅԴ երիտասարդների նետած կոնֆետները, մրգերն ու կիսավարտիքները կառավարության շենքի մոտ՝ 2021թ. հունիսի 10-ին տեղի ունեցած անհնազանդության ակցիայի ժամանակ

  • Վանաձորում լեռնային հեծանիվների այգու այցելուներից մեկը
    © Sputnik / Aram Nersesyan

    Վանաձորում լեռնային հեծանիվների այգու այցելուներից մեկը

  • Boo Mountain Bike Park նախագծի համահիմնադիրներ Վաղինակ Կարապետյանն ու Էմմա Պետրոսյանը՝ Վանաձորի լեռնային հեծանիվների այգում
    © Sputnik / Aram Nersesyan

    Boo Mountain Bike Park նախագծի համահիմնադիրներ Վաղինակ Կարապետյանն ու Էմմա Պետրոսյանը՝ Վանաձորի լեռնային հեծանիվների այգում

  • Փարիզահայ դերասան Սիփան Մուրադյանը
    © Sputnik / Aram Nersesyan

    Փարիզահայ դերասան Սիփան Մուրադյանը

  • Երուսաղեմից եկած երաժիշտ Ափո Սահակյանը
    © Sputnik / Aram Nersesyan

    Երուսաղեմից եկած երաժիշտ Ափո Սահակյանը

  • Երևան ժամանած ռուսական արտադրության նոր մարդատար վագոնները
    © Sputnik / Asatur Yesayants

    Երևան ժամանած ռուսական արտադրության նոր մարդատար վագոնները

  • Ռուսական արտադրության նոր մարդատար վագոնների բորտուղեկցորդուհին
    © Sputnik / Asatur Yesayants

    Ռուսական արտադրության նոր մարդատար վագոնների բորտուղեկցորդուհին

թեգերը:
Լուսանկար, հրդեհ, Նուբարաշենի աղբավայր, Սահման, Սոթք, գերի, Հայաստան
Սերժ Սարգսյան

«Ալիևի հետ պաս տալով խաղու՞մ են»․ Սերժ Սարգսյանը՝ գերիների վերադարձի և քարտեզների մասին

69
(Թարմացված է 21:19 13.06.2021)
ՀՀ երկրորդ նախագահի խոսքով՝ չէր կարելի Ադրբեջանին Մոնթեի մահվան օրը հանձնել քարտեզները, այդ թվում այն հատվածի, որտեղ նա էր զոհվել։

ԵՐԵՎԱՆ, 13 հունիսի – Sputnik․ Բաքվի բանտերում հայ գերիների նկատմամբ վերաբերմունքն անմարդկային է, նրանք դժոխքի միջով են անցել։ Գեղարքունիքում «Պատիվ ունեմ» դաշինքի քարոզարշավի ժամանակ նշեց ՀՀ երրորդ նախագահ Սերժ Սարգսյանը՝ անդրադառնալով 15 գերիների հայրենիք վերադարձին։ Նա մաղթեց, որ տղաներն արագ վերականգնվեն ու կազդուրվեն։

«Մենք նույնիսկ չգիտենք, թե քանի գերի ունենք և գերության մեջ քանի հայ զինվոր ու սպա են սպանվել, իսկ որ այդպիսի դեպքեր կան, դա միանշանակ է»,-ասաց նա:

Սերժ Սարգսյանի խոսքով՝ այս իշխանությունների ամենամեծ թերություններից մեկն էլ այն է, որ գերիներին վերաբերող ամբողջ տեղեկատվությունը նրանք փակ են պահում: Նա նշեց՝ ինչ իմացել են, իրավապաշտպան կառույցների աշխատանքի արդյունք է:

«Բանից պարզվում է, որ մենք ունենք Ադրբեջանի կողմից պաշտոնապես ճանաչված 60 հայ գերի, մենք ունենք տեսագրություններ՝ 30 հոգու, ունենք ինդետիֆիկացված ևս 47 մարդ: Այսինքն՝ մենք չգիտենք՝ քանի գերի ունենք: Այս իշխանությունների առաջին խնդիրը դա պետք է լիներ և ութ ամիս է՝ ի՞նչ են արել: Ուզում եմ բոլոր քաղաքական ուժերին կոչ անել, որ չշահարկեն այդ մարդկանց անունները։ Նրանք դժոխքի միջով են անցել և այս նախընտրական պրոցեսներին չպետք է մասնակցեն»,- նշեց ՀՀ երկրորդ նախագահը։

Նա նաև անդրադարձավ 15 հայ գերիների վերադարձի դիմաց Ադրբեջանին փոխանցված ականապատ տարածքների քարտեզներին։

«30 տարի այդ տարածքներն ականապատվել են։ Պատկերացնո՞ւմ եք՝ այդ քարտեզները իրենցից ինչ արժեք են ներկայացնում։ Սա մի քանի հարց է առաջացնում, ինչու՞ 15 հոգի»,- հայտարարեց Սերժ Սարգսյանը։

Նրա կարծիքով՝ այդ քարտեզները շատ ավելի մեծ հնարավորություն էին տալիս, քան միայն 15 հայ զինվորների վերադարձն էր։ Նշում է՝ դրա պատճառն այն է, որ այս իշխանություններն ի վիճակի չեն բանակցել։

Հետո էլ մեկ ուրիշ հարց է բարձրացնում․ «Բա եթե հնարավոր էր քարտեզների դիմաց գերիներ վերադարձնել, ինչու՞ այս 8 ամսում չեն արել, պահել են, որ նախընտրական շոու՞ անեն, այսինքն՝ Ալիևի հետ պաս տալով խաղու՞մ են»,-ասաց նա։

ՀՀ երկրորդ նախագահի խոսքով՝ հիմա Ադրբեջանում քեֆ-ուրախություն է, որովհետև վերջապես ստացել են այդ քարտեզները։ Պնդում է՝ ցանկացած դեպքում չէր կարելի քարտեզներն Ադրբեջանին հանձնել հունիսի 12-ին։

Նշում է՝ Քարվաճառը մենք առանց կրակոցի տվեցինք Ադրբեջանին Մոնթեի ծննդյան օրը, այս անգամ էլ Մոնթեի մահվան օրը՝ հունիսի 12-ին, հանձնեցինք այդ քարտեզները։ Ընդգծում է՝ նաև այն հատվածի քարտեզը, որտեղ հենց Մոնթեն էր զոհվել։

Հիշեցնենք` հունիսի 12-ին հայտնի դարձավ, որ Բաքուն Ակնայի (Աղդամ) ականապատ տարածքների քարտեզի դիմաց Հայաստանին է փոխանցել 15 հայ ռազմագերի։ Այդ տեղեկությունը հաստատեց ՀՀ վարչապետի պաշտոնակատար Նիկոլ Փաշինյանը, ավելին` լուսանկար հրապարակեց, որում 15 տղաներն են, ապա նաև հայտնեց Հայաստան վերադարձածների անունները։

Հավելենք` ղարաբաղյան հակամարտության գոտում հրադադարի հաստատումից հետո Ադրբեջանում պահվող գերիների և պատանդների վերադարձի հարցը վերջնականապես չի լուծվում։ Ադրբեջանը չի շտապում վերադարձնել բոլոր գերիներին։

Գերիներին վերադարձնելու պայմանավորվածության հարցում վճռորոշ դեր է ունեցել Մուրադովը

Ավելին` 26 հայ ռազմագերիների ներկայացրել է որպես դիվերսանտներ և համապատասխան մեղադրանք առաջադրել։

Անցած ժամանակահատվածում փոխանակման ընդամենը մի քանի դեպք է եղել, և բացի այս, հայրենիք են վերադարձել 69 հայ զինվորականներ և քաղաքացիական անձինք: Ըստ իրավապաշտպանների` Ադրբեջանում ավելի քան 200 հայ գերի կա։

69
թեգերը:
Ադրբեջան, Աղդամ, քարտեզ, ռազմագերի, գերի, Սերժ Սարգսյան, Նիկոլ Փաշինյան, Իլհամ Ալիև
Ըստ թեմայի
15 հայ գերիներն արդեն Հայաստան են հասել. Նիկոլ Փաշինյանը մանրամասներ հայտնեց
Նիկոլ Փաշինյանը հրապարակեց Ադրբեջանից Հայաստան վերադարձած գերիների անունները
Վստահության այս միջոցները կօգնեն բանակցություններին․ ԵԱՀԿ-ն՝ 15 գերիների վերադարձի մասին

Հնդկաստանում մուսոնային անձրևները ավտոմեքենաներ են խորտակում․ տեսանյութ

0
(Թարմացված է 21:59 13.06.2021)
Սոցիալական ցանցերը լի են տեսանյութերով, որոնք ներկայացնում են անձրևների հետևանքով գրանցված արտակարգ դեպքերը։

Հնդկաստանում մուսոնային անձրևների այս շրջանը մեծ խնդիրներ ու դժվարություններ է առաջացնում երկրում։

Սոցիալական ցանցերը լի են տեսանյութերով, որոնք ներկայացնում են անձրևների հետևանքով գրանցված արտակարգ դեպքերը։

Դրանցից մեկում երևում է, թե ինչպես է հողը, բառիս բուն իմաստով, «փախչում ոտքերի տակից»։

Տեսանյութում բակում կայանված մեքենայի անիվների տակ գետինը, կարծես, քանդվում է, հստակ փոս է առաջանում, և մեքենան աստիճանաբար ու ամբողջությամբ «սուզվում է» ջրափոսի մեջ։

0
թեգերը:
ավտոմեքենա, Անձրև, Հնդկաստան
Ըստ թեմայի
Հնդկաստանում նոր հակառեկորդ է սահմանվել. կորոնավիրուսից մեկ օրում մահացել է 3689 մարդ
Հնդկաստանում հզոր ցիկլոն է մոլեգնում, զոհեր կան. տեսանյութ
Չինաստանը զիջում է դիրքերը Հնդկաստանին, բայց մասնագետները պնդում են՝ չկա չարիք առանց բարիք