Անահիտ Ավանեսյան

Պետությունը շուրջ 26.5 մլրդ դրամ է ծախսել կորոնավիրուսի կանխարգելման ու բուժման նպատակով

28
(Թարմացված է 12:40 08.06.2021)
Անահիտ Ավանեսյանի խոսքով` անգամ աշխարհի մեծ ֆինանսավորում ունեցող առողջապահական համակարգերն են կոլապսի ենթարկվել:

ԵՐԵՎԱՆ, 8 հունիսի – Sputnik. 2020թ–ին կորոնավիրուսի համավարակով պայմանավորված պետական ծախսը կազմել է շուրջ 26.5 մլրդ դրամ։ Այսօր ԱԺ–ում անցյալ տարվա բյուջեի կատարման հաշվետվության քննարկման ժամանակ ասաց ՀՀ առողջապահության նախարարի պաշտոնակատար Անահիտ Ավանեսյանը։

«2020-ին 26 մլրդ 491 մլն 923 հազար դրամ ծախսվել է Covid-19-ի կանխարգելման միջոցառումների, բուժման ծախսերն ապահովելու համար»,- նշեց նա։

Ավանեսյանը շեշտեց, որ կորոնավիրուսը շատ մեծ մարտահրավեր է։ Նրա խոսքով` անգամ աշխարհի մեծ ֆինանսավորում ունեցող առողջապահական համակարգերն են կոլապսի ենթարկվել:

Հայաստանում քանի՞ մարդ է պատվաստվել կորոնավիրուսի դեմ, և ի՞նչ է պետք անել պատվաստվելու համար

Նախարարի պաշտոնակատարը հայտնեց, որ Հայաստանի կառավարությունն արագ արձագանքել է առողջապահության նախարարության բոլոր կարիքներին, որի շնորհիվ 2020թ–ին վերազինվել ու վերակառուցվել են մարզային ու Երևան քաղաքի բուժհիմնարկները։

73 նոր դեպք և ոչ մի մահ` մեկ օրում. կորոնավիրուսային հիվանդության ընթացքը Հայաստանում

28
թեգերը:
Անահիտ Ավանեսյան, կորոնավիրուս, Հայաստան
թեմա:
Կորոնավիրուսը Հայաստանում և Արցախում (1895)
Ըստ թեմայի
Եթե աշխատակիցների 70% պատվաստված է Covid 19-ի դեմ, ընկերությունը հատուկ տարբերանշան կստանա
ՌԴ–ն դիտարկում է Հայաստանին պատվաստանյութերով օգնելու հարցը. Լավրով
«Ձեզ համար եմ պատվաստվել, որ ձեզ չվարակեմ». Գալուստ Սահակյանն ընտրել է «Սպուտնիկ V»-ն
Село Коти

Ինչո՞ւ են որոշ գյուղացիներ խուսափում անասուններին պատվաստելուց․ 2 մլն կենդանի պատվաստվել է

10
(Թարմացված է 21:04 13.06.2021)
ՀՀ էկոնոմիկայի նախախարության «Գյուղատնտեսական ծառայությունների կենտրոն» ՊՈԱԿ–ի անասնապահության և բուսասանիտարիայի բաժնի պետ Լևոն Եղոյանն ու նրա տեղակալ Նորիկ Բարսեղյանը Sputnik Արմենիայի հետ զրույցում խոսել են ոլորտում իրականացվող ծրագրերի մասին։

ԵՐԵՎԱՆ, 13 հունիսի - Sputnik․ Հայաստանում մեկնարկել են խոշոր եղջերավոր կենդանիների՝ հանգուցավոր մաշկաբորբի դեմ պատվաստումները և տուբերկուլինիզացիայի ախտորոշիչ միջոցառումը։ Այս տեղեկությունը Sputnik Արմենիայի հետ զրույցում հայտնեց Լևոն Եղոյանը։

 Մարզերում մայիս ամսվա ընթացքում իրականացվել են ընթացիկ տարվա առաջին կիսամյակի տարբեր ամիսներին ծնված հորթերի պատվաստումներ՝ սիբիրախտ և խշխշան պալար հիվանդությունների դեմ, ինչպես նաև ախտորոշիչ միջոցառումներ՝ բրուցելյոզ և լեյկոզ հիվանդությունների հետ կապված, իսկ հունիսի սկզբից մեկնարկել են խոշոր եղջերավոր կենդանիների՝ հանգուցավոր մաշկաբորբի դեմ պատվաստումները հանրապետության այն տարածաշրջաններում, որտեղ առկա է հանգուցավոր մաշկաբորբի հետ կապված ռիսկայնություն:

«Մայիսի դրությամբ` ավելի քան 2 մլն անասուն պատվաստվել է, պատվաստումները մեր հանրապետության համար ունեն ռազմավարական նշանակություն և խթանելու են անասնապահությունը։ Պետք է անդրադառնամ մի մտահոգիչ երևույթի, որ որոշ գյուղացիներ խուսափում են իրենց անասուններին պատվաստելուց, որպեսզի կենդանիների առկայությունը չբացահայտվի և իրենք չզրկվեն սոցիալական նպաստներից։ Սակայն մյուս կողմից նման քայլի դիմելով` նրանք մեծացնում են հիվանդությունների ռիսկայնությունը, և արդյունքում հնարավոր է, որ սպառողների սեղանին հայտնվի անառողջ մսամթերք, հետևաբար բոլոր կենդանիների պատվաստումը բխում է ազգաբնակչության շահերից»,– ասաց Լևոն Եղոյանը։

Նորիկ Բարսեղյանն իր հերթին նշեց, որ ՀՀ բոլոր մարզերում կատարվել է 108 հազար 310 հա տարածքի մոնիթորինգ: Մկնանման կրծողներով վարակվածության աստիճանը որոշելու նպատակով մոնիթորինգ է իրականացվել է 67 հազար 50 հա վարելահողերում և բազմամյա տնկարներում, իսկ մորեխով վարակվածության աստիճանը որոշելու համար մոնիթորինգ կիրականացի 42 հազար 455 հա տարածքում:

«Մկնանման կրծողների դեմ պայքարի նպատակով 2020-ին բաշխվել է շուրջ 2 հազար 213 կգ «Բրոմադիալոն» մկնասպան պրեպարատ, որն ավելի արդյունավետ է գործում` ի տարբերություն նախկինում կիրառված ցինկֆոսֆիտների»,– նշեց Նորիկ Բարսեղյանը։   

Նա հավելեց, որ հիվանդությունների և վնասատուների դեմ մոնիթորինգ է իրականացվել նաև պտղատու ծառերի և խաղողի այգիներում, բանջարաբոստանային և հացահատիկային մշակաբույսերի տարածքներում:

10
թեգերը:
Հայաստան, պատվաստումներ, գյուղացի, կենդանի, անասուն
Արման Թաթոյան

Տպավորություն է, թե հայտարարված է մրցույթ՝ ով ում որքան շատ կվիրավորի ու կհայհոյի․ ՄԻՊ

11
(Թարմացված է 20:44 13.06.2021)
Իրական խնդիրները բարձրաձայնելու ու լուծումները քննարկելու փոխարեն վիրավորանքն ու հայհոյանքը խանգարում են մարդկանց հասկանալ, թե ում օգտին քվեարկել։

ԵՐԵՎԱՆ, 13 հունիսի – Sputnik․ Նախընտրական քարոզարշավի մասնակից քաղաքական ուժերի՝ վիրավորանք ու հայհոյանք պարունակող բառապաշարը մարդկանց մոտ ստանում է խիստ մտահոգիչ տարածում․ նրանք էլ են սկսում այս հռետորաբանությունն օգտագործել։

Հայաստանի Մարդու իրավունքների պաշտպանի գրասենյակը տարածել է Արման Թաթոյանի հայտարարությունը։ ՄԻՊ-ը նշում է, որ նաև տարածվում են վիրավորանք ու ատելություն պարունակող խիստ դատապարտելի հոլովակներ քաղաքական հակառակորդ տարբեր ուժերի մասին:

«Տպավորություն է` ողջ երկրով մեկ հայտարարված է մրցույթ, և միավորներն ավելանում են` կախված նրանից, թե ով ում որքան շատ կվիրավորի ու կհայհոյի: Ստացվել է այնպես, որ նախընտրական քարոզարշավը նրա համար է, որ ապահովվեն փոխադարձ մեղադրանքների, վիրավորանքի ու հայհոյանքի հանրային տեսարաններ, իսկ հանրային քննարկմանը տիրույթն էլ լցվի միայն իշխանավեճի օրակարգով՝ լի վիրավորանքով ու հայհոյանքով»,- նշված է հայտարարության մեջ։

Պաշտպանի կարծիքով՝ քաղաքական ուժերը հաշվի չեն առնում, որ իրենց հռետորաբանությունը մարդիկ տարածում են նաև սոցցանցերում և անգամ դրանցից դուրս հակառակ կարծիք ունեցողների նկատմամբ։ Այդպիսով, ոչ միայն մթնոլորտն է լարված մնում, այլև երկարաժամկետ հեռանկարով խորանում է բեևեռացումն ու անհանդուրժողականությունը:
ՄԻՊ-ը զգուշացնում է՝ արժանապատվությունը վիրավորող հռետորաբանությունը սադրիչ է և կարող է իրական կյանքում փոխակերպվել բռնության:

ԿԸՀ-ն մերժեց․ Փաշինյանն ու «Քաղաքացիական պայմանագիրը» կմասնակցեն ընտրություններին

«Անհրաժեշտ է դադարեցնել, ուղղակի բացառել հանրային տիրույթում փոխադարձ վիրավորանքի ու հայհոյանքի օրակարգի անհեռատես զարգացումն ու բացահայտ խրախուսումը:
Քաղաքական ուժերն ու հատկապես հանրային գործիչները պետք է բոլորին հորդորեն հարգել մարդու յուրաքանչյուր իրավունք, հատկապես՝ արժանապատվությունն ու կարծիքի արտահայտման ազատությունը: Պետք է սեփական օրինակով նպաստել երկրում համերաշխության վերականգնմանն ու փոխադարձ հարգանքի երաշխավորմանը»,- նշված է ՄԻՊ հայտարարության մեջ։

Փաշինյանի կուսակցությանը զրկել ընտրություններին մասնակցելուց․ Արա Զոհրաբյանի առաջարկը

Թաթոյանը կարծում է, որ երբ իրական խնդիրները բարձրաձայնելու և լուծումներ քննարկելու փոխարեն շարունակվում է հայհոյանքի ու վիրավորանքի օրակարգը, մարդիկ այդպես էլ չեն կարողանալու հստակ պատկերացում կազմել, թե իրենց կենսական խնդիրները լուծելու համար ում օգտին պետք է քվեարկել, որ հետո էլ կարողանան վերահսկողություն իրականացնել հանրային իշխանություն ձևավորած քաղաքական ուժի նկատմամբ:

11
թեգերը:
քարոզարշավ, Ազգային ժողովի ընտրություններ, Հայաստան, ՀՀ ՄԻՊ, Արման Թաթոյան
թեմա:
ԱԺ արտահերթ ընտրություններ 2021
Ըստ թեմայի
Չէին հասկանում, որ Արցախ պահող զինվորը նաև ՀՀ սահմանն է պաշտպանում․ Սերժ Սարգսյան
ԿԸՀ-ն մերժեց․ Փաշինյանն ու «Քաղաքացիական պայմանագիրը» կմասնակցեն ընտրություններին
Քոչարյանը նշել է բանակի մարտունակության բարձրացման և սպառազինության համալրման ժամկետները