Լևոն Տեր–Պետրոսյան

Ղարաբաղի հարցում Հայաստանը դաշնակից չունի. Տեր-Պետրոսյան

187
(Թարմացված է 18:05 07.06.2021)
Առաջին նախագահի դիտարկմամբ` Հայաստանը մի անգամ սխալվել է 100 տարի առաջ, և եթե այսօր կրկնի նույն սխալը, կդառնա ամենախղճահարության արժանի, ամենաարհամարհված պետությունը:

ԵՐԵՎԱՆ, 7 հունիսի - Sputnik. Ղարաբաղի հարցում Հայաստանը դաշնակից չունի: Այսօր ՀԱԿ ընտրական հավաքի ժամանակ ասաց ՀՀ առաջին նախագահ, ՀԱԿ նախագահ, վարչապետի թեկնածու Լևոն Տեր-Պետրոսյանը՝ հիշեցնելով, որ այդ մասին ինքն ասել է դեռ 25-30 տարի առաջ: Բայց այդ պարզ ճշմարտությունը, նրա խոսքով, այդպես էլ մնացել է չհասկացված:

«Հիմա նորից կրկնում են` դե, ոչինչ, եթե Ռուսաստանը չէ դաշնակիցը, Եվրոպան կլինի, Ամերիկան կլինի, Իրանը կլինի: Իսկ սա ի՞նչ է նշանակում: Սա նշանակում է, որ մենք ոչ թե մեր հին պատմության, այլև մեր օրերի, վերջին 3 տասնյակ տարիների դառը փորձից չենք ուզում դասեր քաղել»,- ասաց Տեր-Պետրոսյանը:

Նրա խոսքով` Հայաստանը մի անգամ սխալվել է 100 տարի առաջ, և եթե այսօր կրկնի նույն սխալը, կդառնա աշխարհի ամենախղճահարության արժանի, ամենաարհամարհված պետությունը՝ Սոմալիի, Եմենի հետ մեկ շարքում:

Հիշեցնենք` Հայաստանում արտահերթ խորհրդարանական ընտրությունները կկայանան հունիսի 20–ին։ Մասնակցության հայտ է ներկայացրել 26 կուսակցություն ու դաշինք։ Նախընտրական քարոզարշավը մեկնարկել է այսօր`հունիսի 7–ին։

«Ամենախայտառակ ու վտանգավոր ընտրություններն են լինելու». Տեր-Պետրոսյանը բացատրեց` ինչու

187
թեգերը:
Եվրոպա, ԱՄՆ, Ռուսաստան, Լևոն Տեր–Պետրոսյան, Հայաստան
Ըստ թեմայի
«Սա էժանագին սադրանք է». Իվետա Տոնոյանը մեկնաբանել է սկանդալային տեսանյութը
Հատուկ գործողություն՝ ուղղված պետության փրկությանը. ՀԱԿ-ը ներկայացրեց նախընտրական ծրագիրը
ՌԴ-ի հետ հարաբերությունների խորացում, Ադրբեջանի հետ հակամարտության դադար. ՀԱԿ-ի ծրագրից
«5165»-ը քարոզարշավը սկսեց Աղձքից`արքաների դամբարանի մոտից և ներկայացրեց իրենց նպատակը
Սերժ Սարգսյան

Հանուն հասարակության հաշտեցման. Սերժ Սարգսյանը կատարեց իր ընտրությունը

10
(Թարմացված է 13:33 20.06.2021)
Սերժ Սարգսյանը չպատասխանեց հնարավոր դաշինքների մասին հարցին. այդ մասին կխոսեն ընտրություններից հետո։

ԵՐԵՎԱՆ, 20 հունիսի – Sputnik. Առանց հասարակության համերաշխության հնարավոր չէ հասնել ո՛չ անվտանգության, ո՛չ տնտեսական զարգացման։ Այսօր ընտրատեղամասից դուրս գալուց հետո լրագրողների հետ զրույցում հայտնեց ՀՀ երրորդ նախագահ Սերժ Սարգսյանը։

«Ես քվեարկել եմ հանուն անվտանգ, ինքնիշխան, տնտեսապես զարգացած Հայաստանի և Արցախի հանրապետությունների, հանուն հզոր հայկական բանակի, հանուն մեր սահմանների անձեռնմխելիության և հանուն մեր հասարակության հաշտեցման»,– ասաց Սարգսյանը։

Նա նշեց, որ քարոզարշավի ողջ ընթացքում իրավապահ համակարգը քաղաքական ճնշումների է ենթարկել «Պատիվ ունեմ» դաշինքի անդամներին ու համակիրներին։

Սարգսյանը նշեց, որ իրենք ուշադիր հետևում են ընտրության արդյունքներին, և օրվա երկրորդ կեսին «Պատիվ ունեմ» դաշինքը հանդես կգա միջանկյալ հայտարարությամբ, իսկ քվեարկության ավարտից հետո` վերջնական։

Սարգսյանը չպատասխանեց հնարավոր դաշինքների մասին հարցին. այդ մասին կխոսեն ընտրություններից հետո։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

10
թեգերը:
քվեարկություն, Սերժ Սարգսյան, Հայաստան
թեմա:
ԱԺ արտահերթ ընտրություններ 2021
Ըստ թեմայի
Նիկոլ Փաշինյանը սպասում է ընտրելու իր հերթին. լուսանկարներ և տեսանյութ
Թաց ընտրաթերթիկներ, ընտրողի անվան բացակայություն. Գյումրիում ևս ընտրական ակտիվություն է
Հայաստանում քվեարկության առաջին 3 ժամերին ընտրությանը մասնակցել է ընտրողների 12.2 տոկոսը
Վահե Հակոբյան

Սյունիքում իշխանությունը ջախջախիչ պարտություն է տանելու. Վահե Հակոբյան

10
(Թարմացված է 13:32 20.06.2021)
Վահե Հակոբյանը նա չի բացառում, որ անելանելի վիճակից իշխանությունը կփորձի բախումների գնալ։

ԵՐԵՎԱՆ, 20 հունիսի – Sputnik. Գործող իշխանությունը պատրաստ է ամեն տեղ պարտվել, բայց ոչ Սյունիքում։ Լրագրողների հետ զրույցում հայտնեց «Հայաստան» դաշինքի անդամ Վահե Հակոբյանը` արտահերթ խորհրդարանական ընտրություններին կատարելով իր քվեարկությունը։

«Սյունիքում իրենք ջախջախիչ պարտություն են տանելու։ Սյունիքում զինվորականներին ուղղորդում են ընտրելու «Քաղաքացիական պայմանագիր» կուսակցությանը, բայց բոլոր խախտումներն արձանագրվում են, ու դաշինքի իրավաբանները արդեն զբաղվում են այդ հարցերով»,–ասաց Հակոբյանը։

Նրա խոսքով` «Հայաստան» դաշինքի հաղթանակը լինելու է շատ համոզիչ ու տպավորիչ, սակայն նա չի բացառում, որ անելանելի վիճակից իշխանությունը կփորձի բախումների գնալ, բայց իրենք սադրանքների չեն գնալու:

Հակոբյանը նշեց նաև, որ Սիսիանում անհիմն խուզարկություններ են կատարվել «Հայաստան» դաշինքի՝ Սիսիանի գրեթե բոլոր շտաբներում, և 4 շտաբների ղեկավարներ հրավիրվել են Երևան բացատրություն տալու:

© Sputnik
Վահե Հակոբյանը ընտրատեղամասում ընտրելու իր հերթին է սպասում

Հիշեցնենք, որ «Հայաստան» դաշինքի շտաբի ղեկավարը ՀՀ մարդու իրավունքների պաշտպանին բողոք է ներկայացրել, որ Երևանի ընդհանուր իրավասության դատարանը տվել է խուզարկություններ կատարելու որևէ հիմնավորում չունեցող թույլտվություն: Արման Թաթոյանը խումբ է ուղարկել Սիսիան` տեղում ստուգելու բողոքի հետ կապված բոլոր հանգամանքները:

10
թեգերը:
Ընտրություններ, Պարտություն, Իշխանություն, Սյունիք, Վահե Հակոբյան, «Հայաստան» դաշինք, Հայաստան
թեմա:
ԱԺ արտահերթ ընտրություններ 2021
Ըստ թեմայի
Ծառուկյանի վրա ո՞վ կարող է ազդել. ԲՀԿ առաջնորդը քվեարկեց հանուն անվտանգ հայրենիքի
Հայաստանում քվեարկության առաջին 3 ժամերին ընտրությանը մասնակցել է ընտրողների 12.2 տոկոսը
Ի՞նչ խախտումների մասին են ահազանգում քաղաքացիները. ոստիկանությունը տվյալներ հայտնեց