ՀՀ ԿԸՀ

Բացառել վիրավորանքը, ատելությունը, թշնամանքի սերմանումը. ԿԸՀ–ն հայտարարություն է տարածել

42
(Թարմացված է 12:44 07.06.2021)
Հայաստանում հունիսի 20–ին կայանալիք արտահերթ ընտրությունների նախընտրական քարոզչությունն արդեն մեկնարկել է։

ԵՐԵՎԱՆ, 7 հունիսի - Sputnik. ՀՀ Կենտրոնական ընտրական հանձնաժողովը բոլոր կուսակցություններին (կուսակցությունների դաշինքներին), ընտրողներին և ընտրական գործընթացների բոլոր մասնակիցներին կոչ է անում խստագույնս պահպանել ՀՀ ընտրական օրենսգրքի պահանջները: Այս մասին հայտարարություն է տարածել ԿԸՀ մամուլի ծառայությունը։

«Հրապարակային ելույթներում և ցանկացած խոսքում, սոցիալական ցանցերում, քաղաքական և քարոզչական միջոցառումներին բացառել վիրավորանքը, ատելությունը, թշնամանքի սերմանումը, բռնության կամ ատելության խոսքն ու քարոզը»,–ասվում է ԿԸՀ հայտարարության մեջ: 

Հիշեցնենք` այսօրվանից` 2021 թվականի հունիսի 7-ից, մեկնարկում է Հայաստանի Հանրապետության Ազգային ժողովի հունիսի 20-ի արտահերթ ընտրությունների նախընտրական քարոզչությունը:

Հայաստանում պաշտոնապես մեկնարկեց նախընտրական քարոզարշավը

42
թեգերը:
քարոզարշավ, Ընտրություններ, Հայաստան, Կենտրոնական ընտրական հանձնաժողով (ԿԸՀ)
թեմա:
ԱԺ արտահերթ ընտրություններ 2021 (204)
Ըստ թեմայի
27 կուսակցություն ու դաշինք ցանկանում է մասնակցել խորհրդարանական ընտրություններին
Մի խումբ անձինք ոչնչացրել են «Հայաստան» դաշինքի պաստառները. Վարդևանյանը զգուշացնում է
Փաշինյանի առաջարկը Հայաստանի համար նոր վտանգներ է պարունակում․ «Պատիվ ունեմ» դաշինք
Արմեն Չարչյան․ արխիվային լուսանկար

Արմեն Չարչյանին կազատեն․ փաստաբան

30
(Թարմացված է 08:19 20.06.2021)
Տեղեկացվում է, որ դատավորը Շահվերդյանը բավարարել է փաստաբանների բողոքը։

ԵՐԵՎԱՆ, 20 հունիսի - Sputnik. «Իզմիրլյան» բժշկական կենտրոնի տնօրեն Արմեն Չարչյանին ազատ կարձակեն։ Տեղեկությունը ֆեյսբուքյան իր էջում հրապարակել է նրա պաշտպան Արամ Վարդևանյանը։ Նա հայտնել է, որ Երևան քաղաքի Ավան և Նոր Նորք վարչական շրջանների ընդհանուր իրավասության դատարանի դատավոր Շահվերդյանը բավարարել է իր և  Էրիկ Ալեքսանյանի բողոքը:

«Պրոֆեսոր Չարչյանը րոպեներ անց կլինի ազատության մեջ»,-գրել է Վարդևանյանը:

Հիշեցնենք՝ օրեր առաջհամացանցում հրապարակվեց մի ձայնագրություն, որում Չարչյանն ասում է տնօրինությունը շատ կոշտ, խիստ համարժեք վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։

Ավելի ուշ հայտնի դարձավ, որ ԱԺ արտահերթ ընտրություններին մասնակցող կուսակցությունների դաշինքի պատգամավորության թեկնածուների ցուցակում ընդգրկված Չարչյանը ձերբակալվել է իր ղեկավարած կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՀ ՀՔԾ-ում քննվող քրեական գործի շրջանակում։

Մայր աթոռը կոչ է անում ազատ արձակել Արմեն Չարչյանին

30
թեգերը:
Արամ Վարդևանյան, կալանք, Ընտրություններ, Արմեն Չարչյան, Հայաստան
թեմա:
ԱԺ արտահերթ ընտրություններ 2021 (204)
Ըստ թեմայի
Ընդդիմադիր երկու դաշինք ահազանգում են` իրենց քվեաթերթիկները «փչացնում» են
Քվեարկության մեկնարկը տրված է. ընտրատեղամասերը բացվել են 08։00–ին
Ընտրություններ

Քվեարկության մեկնարկը տրված է. ընտրատեղամասերը բացվել են 08։00–ին

17
(Թարմացված է 08:12 20.06.2021)
Հայաստանում ընտրելու իրավունք ունեն 2 միլիոն 583 հազար 823 քաղաքացիներ։ Ամենամեծ թվով ընտրողներ ունի Երևանը, ամենափոքրը` Վայոց Ձորի մարզը։

ԵՐԵՎԱՆ, 20 հունիսի – Sputnik. Այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը։ Այս պահին եղած տեղեկություններով` հանրապետության բոլոր 2008 ընտրատեղամասերն անխոչընդոտ բացվել են օրենքով նախատեսված ժամին։

Նշենք, որ տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Հիշեցնենք` արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Պաշտոնական տվյալներով` Հայաստանում ընտրելու իրավունք ունեցող քաղաքացիների ընդհանուր թիվը 2 միլիոն 578 հազար 678 է։

Ամենամեծ թվով ընտրողներ ունի Երևանը՝ 855.631, ամենափոքրը` Վայոց Ձորի մարզը՝ 45.791:

Քվեների հաշվարկը կհեռարձակվի համացանցում. ԿԸՀ–ն որոշում ընդունեց

Էլեկտրոնային եղանակով ընտրելու իրավունք ունի 363 քաղաքացի։

Դրանք են ՀՀ դիվանագիտական ներկայացուցչություններում աշխատող քաղաքացիներն ու նրանց հետ արտերկրում բնակվող ընտանիքի չափահաս անդամները։

Ստորև ներկայացնում ենք, թե որ քաղաքական ուժերն են մասնակցում այսօրվա արտահերթ խորհրդարանական ընտրություններին և որ համարի ներքո։ 

Ո՞ր քաղաքական ուժերն են մասնակցում արտահերթ խորհրդարանական ընտրություններին
© Sputnik / Shushanik Avdalyan
Ո՞ր քաղաքական ուժերն են մասնակցում արտահերթ խորհրդարանական ընտրություններին
17
թեգերը:
ԱԺ, քվեարկություն, Ընտրություններ
Ըստ թեմայի
ԿԸՀ նախագահը հայտնեց` ինչպես է պետք քվեարկել առաջիկա ընտրություններում
Արտահերթ ընտրությունները կանցկացվեն առանց գրիչների. ԿԸՀ–ն հաստատեց նոր քվեաթերթիկի ձևը