Հայաստան, Վրաստան, թմրանյութ, փոստ, ՊԵԿ, vrastan, tmranyut, pek, novosti armenii
Հայփոստ

Փորձել են Հայաստանից Վրաստան թմրանյութ ուղարկել փոստով. ՊԵԿ-ը հայտնաբերել է

35
(Թարմացված է 12:37 05.06.2021)
Երկու երկրի իրավապահ մարմինների հսկողության ներքո փոստային առաքանին Հայաստանից ուղարկվել է Վրաստան։ Թմրանյութ ուղարկողն ու ստացողը հայտնաբերվել են։

ԵՐԵՎԱՆ, 5 հունիսի – Sputnik. Պետական եկամուտների կոմիտեի մաքսանենգության դեմ պայքարի վարչությունը Հայաստանից Վրաստան արտահանվող փաթեթում թմրանյութ է հայտնաբերել։ Տեղեկությունը հայտնում է ՊԵԿ մամուլի ծառայությունը։

Նշվում է, որ ՊԵԿ մաքսանենգության դեմ պայքարի վարչության աշխատակիցները, արևմտյան մաքսատուն-վարչության աշխատակիցների հետ համատեղ «Հայփոստ» ընկերության փոստի փոխանակման և տեսակավորման կենտրոնի մաքսային հսկողության գոտում մաքսային զննման են ենթարկել Հայաստանի Հանրապետությունից Վրաստան արտահանվող միջազգային փոստային առաքանին:

«Զննման արդյունքում հայտնաբերվել է 137.85 գրամ ընդհանուր քաշով «α-PVP» տեսակի թմրամիջոց, որը թաքցված է եղել առաքանում առկա սպորտային ձեռնաթաթի սպունգանման ներդրանքի մեջ նախապես պատրաստված թաքստոցներում»,–նշված է հաղորդագրության մեջ:

ՊԵԿ մաքսանենգության դեմ պայքարի վարչության կողմից որոշում է կայացվել է անցկացնել Հայաստանի Հանրապետության համար աննախադեպ` թմրամիջոցների միջազգային վերահսկելի մատակարարում միջոցառումը։ Միջոցառման իրականացման նպատակով պայմանավորվածություններ են ձեռքբերվել ինչպես Վրաստանի ներքին գործերի նախարարության քրեական ոստիկանության կենտրոնական դեպարտամենտի հետ, այնպես էլ երկու երկրների գլխավոր դատախազությունների միջև:

Երկու կողմերի իրավապահ մարմինների հսկողության ներքո փոստային առաքանին ուղարկվել է Հայաստանից Վրաստան։ «Վրաստանի Փոստ» ընկերության` Թբիլիսի քաղաքի փոստային բաժանմունքից ծանրոցը ստանալուց հետո Վրաստանի ներքին գործերի նախարարության քրեական ոստիկանության կենտրոնական դեպարտամենտի աշխատակիցների կողմից բերման է ենթարկվել և ձերբակալվել Վրաստանի քաղաքացի Մ.Կ.-ն:

Միաժամանակ ՊԵԿ մաքսանենգության դեմ պայքարի վարչության աշխատակիցների կողմից ք. Երևանի Զվարթնոց օդանավակայանի ուղևորների մեկնման սրահից հայտնաբերվել և ՊԵԿ քննչական վարչություն բերման է ենթարկվել հիշյալ առաքանու ուղարկողը` ՀՀ քաղաքացի Հ․Դ․-ն: Նրա նկատմամբ որպես խափանման միջոց ընտրվել է կալանքը:

ՊԵԿ քննչական վարչությունում իրականացվում է նախաքննություն: ՊԵԿ քննչական վարչությունում հարուցվել է քրեական գործ ՀՀ քրեական օրենսգրքի 267.1 հոդվածի 4-րդ մասի 1-ին կետի (խոշոր չափերի թմրամիջոցների, հոգեմետ (հոգեներգործուն) նյութերի և (կամ) դրանց պրեկուրսորների մաքսանենգությունը) և 266 հոդվածի 3-րդ մասի 2-րդ կետի (առանձնապես խոշոր չափերով թմրամիջոցների, հոգեմետ (հոգեներգործուն) նյութերի և դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելը) հատկանիշներով:

https://www.petekamutner.am/mdNews.aspx?sid=src&nid=8033

35
թեգերը:
Պետական եկամուտների կոմիտե (ՊԵԿ), Վրաստանի Հանրապետություն, թմրանյութ, Հայաստան
Ըստ թեմայի
Թմրամիջոցների վաճառք Telegram-ում. կալանավորվել է 6 անձ
Կոտայքի ոստիկանները շուրջ 2 կգ թմրանյութ են հայտնաբերել
Արթիկում 45֊ամյա գյումրեցու մոտ թմրամիջոց են հայտնաբերել
Նախընտրական պաստառներ Երևանի կենտրոնում

Ե՞րբ կհանեն «թեկնածուական» գովազդները. պարզաբանում են պատասխանատուները

2
(Թարմացված է 12:54 24.06.2021)
Ընտրություններն անցյալում են։ Որքան կարող են Երևանի փողոցներում կախված մնալ նախընտրական պաստառները։

 

ԵՐԵՎԱՆ, 25 հունիսի – Sputnik, Նանա Մարտիրոսյան. Այս խորհրդարանական ընտրությունները նախորդներից տարբերվեցին ոչ միայն մասնակցող քաղաքական ուժերի առատությամբ, այլև քարոզարշավի համար ծախսած միջոցներով ու նախընտրական գովազդի քանակով։ Քաղաքական ուժերը նախընտրական արշավի համար գումար չխնայեցին` բոլորից շատ ծախսել էր «Քաղաքացիական պայմանագիր» կուսակցությունը` 373 մլն դրամ, իսկ «Ազատական» կուսակցությունը չէր ծախսել և ոչ մի լումա։

ՀՀ պատմության ամենաանկանխատեսելի ընտրություններն էին. Փաշինյան

ԿԸՀ–ն Հայաստանի ողջ տարածքում հաստատել էր 495 գովազդային վահանակի տեղադրում։ Բնականաբար, դրանց մեծ մասը կենտրոնացած է Երևանում։ Արտաքին գովազդի արժեքը` կախված տեղից և չափերից, տատանվում էր 5.000-2.000.000 դրամի սահմաններում։

Агитационный баннер партии Гражданский договор в Ванадзоре
© Sputnik / Aram Nersesyan
Նիկոլ Փաշինյանի նախընտրական պաստառը

Ընտրություններն անցան, եթերում այլևս քաղաքական գովազդներ չկան, սակայն քաղաքի փողոցներում գովազդային վահանակների, ստենդերի և կանգառում տեղադրված բաներների վրա շարունակում են կախված մնալ այս կամ այն ուժի համար քվեարկելու կոչերը։ Քաղաքացիներից շատերը բողոքում են`գովազդը աչք է ծակում։

Sputnik Արմենիայի թղթակիցը ԿԸՀ քարտուղար Արմեն Սմբատյանից հետաքրքրվել է, թե որքան ժամանակ կարող է  կախված մնալ թեկնածուների և կուսակցությունների գովազդը։ Սմբատյանն ասաց, որ ընտրություններից հետո իրենց գերատեսչության լիազորությունները գովազդի ծավալի նկատմամբ սպառվում են։

Агитационный баннер партии Просвещенная Армения в Еревaне
© Sputnik / Aram Nersesyan
Էդմոն Մարուքյանի նախընտրական պաստառը

Արտաքին գովազդով զբաղվող գործակալություններից մեկում ասացին, որ քաղաքական ուժերի հետ պայմանագրերը հիմնականում կնքվել են մեկ ամսով` քարոզարշավի մեկնարկի օրվանից սկսած, կամ երկու շաբաթով` միայն նախընտրական քարոզարշավի ժամանակահատվածի համար։ Դեռ շուրջ երկու շաբաթ գովազդային վահանակները կարող են մնալ, բայց հետո դրանք կհանվեն, քանի որ այժմ արտաքին գովազդի համար ամենապիկ սեզոնն է։

Քաղաքացիների ծայրահեղ հակադիր կարծիքները ընտրությունների արդյունքների մասին. տեսանյութ

«Ամառն ինքներս ենք շահագրգռված բաներները և վահանակները պայմանագրերի ավարտից հետո անմիջապես հանել, քանի որ, որպես կանոն, գները բարձրանում են և նույն տեղը կարելի է ավելի թանկ վաճառել», – նշեցին գործակալությունում։

Агитационный баннер блока Честь имею в Еревaне
© Sputnik / Aram Nersesyan
«Պատիվ ունեմ» դաշինքի նախընտրական պաստառը

Մեկ այլ գործակալությունում էլ պատմեցին, որ քաղաքական որոշ ուժեր արդեն իսկ դիմել են նախընտրական գովազդները հանելու համար, սակայն գործընթացը կարող է մեկ շաբաթից ավելի տևել` վահանակները շատ են, աշխատակիցները` քիչ։ Սակայն կան նաև այնպիսի կուսակցություններ, որոնք խնդրում են նախընտրական գովազդը փոխարինել «ամենօրյայով»։

«Քաղաքական ուժ կա, որը պահանջում է, որ գովազդը մնա մինչև պայմանագրում նշված վերջին օրը։ Նրանք դրա համար գումար են վճարել, և մենք պետք է կատարենք պայմանագրային պարտավորությունները», – ասացին գործակալությունից։

Рекламный баннер благотворительного фонда Тиграна Арзаканцяна на трассе M-4
© Sputnik / Aram Nersesyan
Տիգրան Արզաքանցյանի նախընտրական պաստառը

Միևնույն ժամանակ քաղաքապետարանի մամուլի ծառայությունից հայտնեցին, որ գովազդային բաներների և վահանակների վերահսկումն իրականացվում է առկա չափանիշների և մի շարք օրենքների համաձայն, և հնարավոր չէ պարտադրել, որ դրանք հանվեն։ Պայմանագրային պարտավորություններ են գործում գովազդի պատվիրատուի և գործակալության միջև, որոնք պետք է պահպանեն գովազդի տեղադրման ժամկետները։ Բայց քաղաքապետարանից խոստացան վերահսկել, որ քաղաքական գովազդը պայմանագրում նշված ժամկետից ավելի չմնա։

Агитационный баннер Демократической партии Армении в Еревaне
© Sputnik / Aram Nersesyan
Հայաստանի Դեմոկրատական կուսակցության նախընտրական պաստառը

«Գործակալություններն արդեն նախազգուշացված են, նախընտրական գովազդը (պայմանագրի ժամկետն ավարտված) հանելու գործընթացը մեկնարկել է երկուշաբթի օրվանից», – ասել են քաղաքապետարանի մամուլի ծառայությունում։

Агитационный баннер партии Процветающая Армении в Ванадзоре
© Sputnik / Aram Nersesyan
ԲՀԿ–ի նախընտրական պաստառը

Հիշեցնենք, որ հունիսի 20-ին կայացած խորհրդարանական արտահերթ ընտրություններում անցողիկ շեմը հաղթահարել են ՔՊ-ն (53.92%) ու «Հայաստան» դաշինքը (21.04%)։ «Պատիվ ունեմ» դաշինքն էլ (5.23%) խորհրդարան կանցնի իրավունքի ուժով՝ որպես երրորդ ամենաշատ ձայներ ստացած քաղաքական ուժ։

2
թեգերը:
գովազդ, Ազգային ժողովի ընտրություններ, Հայաստան, Երևան
Ըստ թեմայի
Իշխանությունն ընտրություններում կիրառեց «նորերն ընդդեմ հների» ռազմավարությունը. Մարկեդոնով
«Էշեր». ընտրողի քվեարկությունը զարմացրեց հանձնաժողովականներին. տեսանյութ
Ընտրության արդյունքներն անկանխատեսելի էին. Փաշինյանը շարունակում է խորհրդակցությունները
Երևան

Հայաստանի ո՞ր հատվածներում +41 աստիճան կգրանցվի. եղանակի տեսություն

25
(Թարմացված է 15:53 24.06.2021)
Մասնագետները հորդորում են ժամը 11։00-ից մինչև 17։00-ն ընկած ժամանակահատվածում խուսափել արևի ուղիղ ճառագայթներից։

ԵՐԵՎԱՆ, 25 հունիսի – Sputnik. Արաբական անապատներից արևադարձային տաք օդային հոսանքների ներթափանցման պատճառով մինչև հունիսի 28-ը Հայաստանի ամբողջ տարածքում սպասվում է խիստ բարձր ջերմային ֆոն։ Արարատյան դաշտում և նախալեռներում, Վայոց Ձորի նախալեռներում, Սյունիքի հովտային գոտում և Երևանում սպասվում է նաև բարձր կարգի հրդեհավտանգ իրավիճակ: Տեղեկությունը հայտնում է ՀՀ արտակարգ իրավիճակների նախարարությունը։

Ըստ գերատեսչության հրապարակած աղյուսակի` այսօր +41 աստիճան կգրանցվի Արարատի, Արմավիրի, Վայոց Ձորի մարզերում։

 Եղանակի կանխատեսում
Եղանակի կանխատեսում

Երևանում ցերեկային ժամերին օդի ջերմաստիճանը կտատանվի +40-ից +41–ի սահմանում, գիշերը կնվազի մինչև +23-ից +25։

Ի՞նչ է պետք անել +41 աստիճան շոգից չտուժելու համար. ԱԱՏՄ-ն դիմել է հորդորով

Ուլտրամանուշակագույն ճառագայթման ինտենսիվությունը սպասվում է նորմայից բարձր։ Խորհուրդ է տրվում ժամը 11։00-ից մինչև 17։00-ն ընկած ժամանակահատվածում խուսափել արևի ուղիղ ճառագայթներից։

Ինչպես օրգանիզմը պաշտպանել ամառային շոգից. խորհուրդ է տալիս մասնագետը

25
թեգերը:
շոգ, եղանակ, Երևան, Հայաստան
թեմա:
Եղանակը Հայաստանում
Ըստ թեմայի
Ինչ չի կարելի ուտել և խմել ամռանը. խորհուրդներ սննդաբանից
Սննդաբանը խոսել է ամենաօգտակար սառնանուշի մասին, որը միաժամանակ նաև ամենահինն է
Սննդաբանը խոսել է շոգ եղանակին տաք թեյ խմելու օգտակարության ու վնասի մասին