հակակոռուպցիոն կոմիտե, պատգամավոր, կին, հանձնաժողով, հաայաստան, hakakorupcion komite, handznazoxov, andam, qvearkutyun
Արխիվային լուսանկար

Կոռուպցիայի կանխարգելման հանձնաժողովի անդամի թեկնածուն իմքայլական պատգամավորի կինն է

69
(Թարմացված է 14:08 04.06.2021)
«Իմ քայլը» խմբակցության պատգամավորը հայտարարեց, որ չի մասնակցի Կոռուպցիայի կանխարգելման հանձնաժողովի անդամի ընտրության քվեարկությանը, քանի որ շահերի բախում կա։

ԵՐԵՎԱՆ, 4 հունիսի - Sputnik. Կոռուպցիայի կանխարգելման հանձնաժողովի անդամի թեկնածու Տաթևիկ Բարսեղյանը, պարզվեց, իմքայլական պատգամավորի կին է։ ԱԺ արտահերթ նիստի ժամանակ քննարկվում է հանձնաժողովի թափուր տեղում Տաթևիկ Բարսեղյանի թեկնածությունը հաստատելու հարցը։

Քննարկման ժամանակ «Իմ քայլը» խմբակցության պատգամավոր Սոս Ավետիսյանը հայտնեց, որ քվեարկությանը չի մասնակցի, քանի որ շահերի բախում կա։

Իսկ երբ պատգամավորները հետաքրքրվեցին, թե ինչի մասին է խոսքը` Ավեստիսյանը հայտնեց` Տաթևիկ Բարսեղյանն իր կինն է։

Նշենք, որ Բարսեղյանի թեկնածությունն առաջադրվել է մրցութային խորհրդի որոշմամբ։

Արցախյան պատերազմի վերաբերյալ հարուցվել է 1580 քրեական գործ. դատախազություն

Բարսեղյանը 1992-ին է ծնվել, ավարտել է ԵՊՀ–ի արևելագիտության ֆակուլտետը։ 2012-ից աշխատում է Transparency International հակակոռուպցիոն կառույցում։

Մանր խուլիգաններ` լրտեսների փոխարեն, կամ ինչպես ԱԱԾ–ն վերածեցին ոստիկանական բաժանմունքի

69
թեգերը:
ԱԺ, Կին, Պատգամավոր, Հակակոռուպցիոն կոմիտե, կոռուպցիա
Ըստ թեմայի
Պայքար է իրապես անկախ դատական իշխանություն ձևավորելու և դիմադրություն` դրա դեմ. Բադասյան
«Իմ քայլի» պատգամավոր Հայկ Սարգսյանի դեմ հաղորդում է ներկայացվել դատախազություն
Բիզնեսով զբաղվող պաշտոնյաներ, գույքի հայտարարագրում. կոռուպցիայի դեմ քայլեր են արվում
«Հանել Նաիրա Զոհրաբյան...». Փաշինյանը հաստատել է Հակակոռուպցիոն խորհրդի նոր կազմը
Արխիվային լուսանկար

Ալիևը պնդում է, որ Հայաստանի հետ հաշտության պայմանագիր է պետք կնքել

7
Հայաստանի հետ հաշտության պայմանագրի բացակայությունը, ըստ Ալիևի, Հարավային Կովկասում խաղաղության բացակայություն է նշանակում։

ԵՐԵՎԱՆ, 25 հունիսի – Sputnik. Ադրբեջանի նախագահ Իլհամ Ալիևը կարծում է, որ Հայաստանի հետ հաշտության պայմանագրի բացակայությունը Հարավային Կովկասում խաղաղության բացակայություն է նշանակում։

Այսօր Ալիևը հանդիպել է ԵՄ արտաքին գործերի և անվտանգության քաղաքականության հարցերով գերագույն ներկայացուցիչ Ժոզեպ Բորելի մանդատի հիման վրա Ադրբեջան այցելած ԵՄ մի շարք երկրների դեսպանների հետ։

«Եթե Հայաստանի հետ հաշտության պայմանագիր չունենք, նշանակում է, խաղաղություն չկա։ Խաղաղություն չկա ոչ միայն երկու երկրների միջև, այլև Հարավային Կովկասում։ Մեզ խաղաղություն և կայուն զարգացում է պետք, կանխատեսում, պատերազմի զրոյական ռիսկ, մեզ պատերազմ պետք չէ։ Մեզ նախկինում էլ պատերազմ պետք չէր», – ասել է հանդիպման ժամանակ Ալիևը։

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։

2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցինլ ռազմական գործողությունների դադարեցման վերաբերյալ։ Հայաստանն ու Ադրբեջանը պայմանավորվեցին փոխանակել գերիներին ու զոհերի մարմինները։ Բացի դա, Ադրբեջանի վերահսկողության տակ անցան Քարվաճառի (Քելբաջար), Քաշաթաղի (Լաչին) ու Ակնայի (Աղդամ) շրջանները։

Լեռնային Ղարաբաղի շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորակազմը:

7
Քարահունջ

Հայկական աստղագիտական արժեքները կընդգրկվեն նշանավոր աստագիտական ժառանգության ցանկում

6
(Թարմացված է 17:37 25.06.2021)
Հայկական ժայռապատկերները, Զորաց Քարերը, Մեծամորի բլրի աստղագիտական հարթակը, Անանիա Շիրակացու աստղագիտական ժառանգությունն ու Բյուրականի աստղադիտարանը կարող են ճանաչվել որպես համաշխարհային աստղագիտական ժառանգություն:

ԵՐԵՎԱՆ, 25 հունիսի - Sputnik. Բյուրականի աստղադիտարանի (ԲԱ) տնօրեն Արեգ Միքայելյանը վերընտրվել է։ Միջազգային աստղագիտական միության Համաշխարհային ժառանգության և աստղագիտության հանձնաժողովի նախագահ՝ մինչև 2024թ-ը: Այս մասին տեղեկացնում է Facebook-ում Բյուրականի աստադիտարանի պաշտոնական էջը:

Նշվում է, որ այդ հանձնաժողովը մշակում է «Նշանավոր աստղագիտական ժառանգություն» ցանկը, որի մեջ ընդգրկելու են առավել մեծ արժեք ներկայացնող աստղագիտական կառույցները, սարքերը, ինչպես նաև ոչ նյութական ժառանգությունը։

Հայաստանից ցանկում ընդգրկվելու համար ներկայացվելու են հայկական հնագույն օրացույցն ու ժամանակագրությունը, աստղագիտական բովանդակության հայկական ժայռապատկերները, Զորաց Քարեր (Քարահունջ) հնագույն աստղադիտարան-հուշարձանը, Մեծամորի բլրի աստղագիտական հարթակը, Անանիա Շիրակացու աստղագիտական ժառանգությունը և Բյուրականի աստղադիտարանի ճարտարապետական համալիրը։

Բյուրականի աստղադիտարանի տարածքում դենդրոպարկ կստեղծվի

Հանձնաժողովի կողմից մշակված վերջնական ցանկում ներառված արժեքները հետագայում ներկայացվելու են նաև ՅՈւՆԵՍԿՕ-ի համաշխարհային արժեքների մեջ ներառվելու համար։

Ավագյան. «Զորաց քարերի աստղադիտարան լինելն ուղղակի վարկած է»

6
թեգերը:
Բյուրականի աստղադիտարան, Զորաց քարեր, Մեծամոր