Արման Աբովյան

«Չհամարձակվեք մեզ ցուցում տալ` երբ գանք նիստին, ինչ անենք». լեզվակռիվ ԱԺ–ում

87
(Թարմացված է 12:56 04.06.2021)
Իմքայլական պատգամավորի և ԲՀԿ–ական պատգամավորների միջև լեզվակռիվ սկսվեց այն պատճառով, որ փոխարտգործնախարարները չեն ներկայանում հանձնաժողովների նիստերին։

ԵՐԵՎԱՆ, 4 հունիսի - Sputnik. Այսօր Ազգային ժողովում պատգամավորների միջև լեզվակռիվ սկսվեց. պատճառն այն էր, որ արտգործնախարարի որևէ տեղակալ երեկ չէր ներկայացել 3 հանձնաժողովների բյուջետային քննարկմանը։ Խնդիրը բարձրաձայնեց ԲՀԿ–ական պատգամավոր Միքայել Մելքումյանը` ասելով, որ երեկ քննարկումներին ներկա էր միայն ֆինանսական վարչության պետը, որը բավականին տհաճ վիճակում էր հայտնվել, քանի որ կոմպետենտ չէր` ինչ է կատարվում ԱԳՆ–ում։

«Սա անհետևանք չպետք է թողնել, և հենց հիմա պետք է պահանջել, որ ԱԳՆ–ից բացատրություն տան։ Այս ամենը խոսում է այն մասին, որ պետական կառավարման համակարգը գնում է այսպես ասած «на нет»»,–ասաց Մելքումյանը։

Իմքայլական պատգամավոր Վլադիմիր Վարդանյանն էլ հակադարձեց Մելքումյանին` ասելով, որ «на нет»-ի, ըստ էության պետության կործանում չի լինելու։ Վարդանյանը հետաքրքրվեց, թե վերջին անգամ ե՞րբ են ԲՀԿ–ական պատգամավորները մասնակցել պետաիրավական հանձնաժողովի նիստերին։

ԲՀԿ–ական պատգամավոր Արման Աբովյանն էլ որոշեց պատասխանել Վարդանյանին` նշելով, թե չհամարձակվի իրենց ցուցում տալ` երբ գնան նիստի, ինչ քվեարկեն։

ԱԺ նախագահ Արարատ Միրզոյանն էլ հանդարտեցրեց կողմերին` ասելով, թե պատգամավորները հետո կխոսեն իրար հետ, հիմա պետք է անցնեն քվեարկվող նախագծերին։

Հիշեցնենք` արտաքին գործերի չորս փոխնախարարները երեկ ներկա չէին նաև կառավարության նիստին։ ԱԳՆ–ից Sputnik Արմենիային հայատնել էին, որ նրանցից երկուսը հանդիպման են, երկուսը՝ գործուղման։

Լրատվամիջոցներում տեղեկություն էր տարածվել, որ փոխնախարարների բացակայության պատճառն այն է, որ ազատման դիմումներ են ներկայացրել։

Ավելի վաղ ազատման դիմումներ էին գրել ԱԳՆ ղեկավար Արա Այվազյանը, արտաքին գործերի փոխնախարար Գագիկ Ղալաչյանը, ԱԳՆ մամուլի քարտուղար Աննա Նաղդալյանը։

«Մենք էլ ենք մարդ». Լենա Նազարյանը` Թագուհի Թովմասյանին «իդիոտկա» անվանելու մասին

87
թեգերը:
Արման Աբովյան, Միքայել Մելքումյան, Բարգավաճ Հայաստան կուսակցություն (ԲՀԿ), Հայաստան
Ըստ թեմայի
«Ներողություն չեմ խնդրելու, թող ինքը խնդրի». Նազարյանը` Թովմասյանին «իդիոտկա» ասելու մասին
Քանի՞ միլիոն դոլարի պարգևավճար են ստացել պետական համակարգում. Թունյանը տվյալներ հայտնեց
Խորհրդարանն իմը չէ, վերադառնում եմ թատրոն. ի՞նչ են անելու ՔՊ–ի ցուցակից դուրս մնացածները
Հեռուստաաշտարակ

Հ1-ը չի կարող ստանալ ՄԻՊ-ի աջակցությունը․ Թաթոյանը՝ «Պատիվ ունեմ»-ի բողոքի վերաբերյալ

69
(Թարմացված է 14:17 13.06.2021)
Պաշտպանը հոլովակը չհեռարձակելու գործի վերաբերյալ հարցումներ է ուղարկում Հանրային հեռուստանկերությանն ու ՀՌԱՀ-ին։

ԵՐԵՎԱՆ, 13 հունիսի – Sputnik․ Հանրային հեռուստաընկերությունը՝ որպես կառավարության հիմնադրած հեռուստաընկերություն, չի կարող ստանալ Մարդու իրավունքների պաշտպանի աջակցությունը «Պատիվ ունեմ» դաշինքի հետ կապված գործով: ՄԻՊ գրասենյակն արձագանքել է երեկ Հանրային հեռուստաընկերությունից ու «Պատիվ ունեմ» դաշինքից ստացված դիմումներին՝ նախընտրական հոլովակի հեռարձակման հարցով։

Նշենք, որ երեկ Հանրային հեռուստաընկերությունը դիմել էր ՄԻՊ-ին՝ նշելով, որ «Առաջին ալիքի նկատմամբ քաղաքական ճնշումների փորձեր» են արվում և հեռուստաընկերությունն ակնկալում է պաշտպանի «հրատապ արձագանքը» և «կոչ անում պաշտպանել Հանրայինի՝ անաչառության և ոչ խտրական վերաբերմունքի հանձնառությունը»՝ նկատի ունենալով «տարբեր քաղաքական ուժերի» հայտարարութունները, թե հեռուստաընկերությունը նախընտրական հոլովակների ցուցադրման հարցում ցուցաբերում է խտրական մոտեցումներ: Պաշտպանին ուղղված բողոքում Հանրայինն ընդգծել է, որ խոսքը վերաբերում է տարբեր քաղաքական ուժերի տրամադրած և օրենքի տեսանկյունից վիճելի հոլովակների ցուցադրմանը:

«Այլ կերպ՝ ՀՀ կառավարության հիմնադրած կազմակերպությունը, այն է` Հանրային հեռուստաընկերությունը ակնկալում է Մարդու իրավունքների պաշտպանից պաշտպանություն ոչ պետական կազմակերպության՝ քաղաքական ուժի արարքներից»,- ընդգծում է պաշտպանի գրասենյակը։

«Դու նամուս, թասիբ, պատիվ ունե՞ս». Վանեցյանը բացեց «Պատիվ ունեմ» դաշինքի քարոզարշավը

Մյուս կողմից, ՄԻՊ-ին բողոքով դիմել է «Պատիվ ունեմ» դաշինքի պաշտոնական ներկայացուցիչը և նշել, որ Հանրայինն առաջնորդվում է խտրական մոտեցմամբ, մերժել է իրենց նախընտրական քարոզչական հոլովակի հեռարձակումը՝ նշելով, թե այն պարունակում է վիրավորանք և զրպարտություն: Դիմումում նշվել է, որ այս արարքն ունի քաղաքական դրդապատճառներ, դրա հիմքում կառավարության կոնկրետ հրահանգն է։

«Պատիվ ունեմ»-ի ներկայացուցիչը նաև ընդգծել է, որ հեռուստաընկերությունն իրավասություն չունի որոշելու, թե ինչն է վիրավորանք կամ ինչը զրպարտություն, իրականացվել է գրաքննություն։ Դիմում-բողոքում նաև նշվում է, որ դրանից առաջ հեռարձակել է ակնհայտ վիրավորական ու զրպարտչական արտահայտություններով այլ քաղաքական ուժերի քարոզչական հոլովակներ, այդ թվում՝ իրենց վերաբերյալ:

Պաշտպանի գրասենյակը հիշեցնում է, որ «Մարդու իրավունքների պաշտպանի մասին» ՀՀ սահմանադրական օրենքը կոնկրետ գործով «մասնավոր, այն էլ քաղաքական կազմակերպության նկատմամբ պաշտպանի իրավասություն չի սահմանում»: Ուստի կառավարության հիմնադրած հեռուստաընկերությունը չի կարող այս գործով ստանալ պաշտպանի աջակցությունը, քանի որ ՄԻՊ-ի իրավասությունը կոնկրետ գործերով պետական կազմակերպությունների պաշտպանությունը չէ։

«Կոնկրետ դեպքում «Պատիվ ունեմ» դաշինքի ներկայացուցչի բողոքն ուղղված է կառավարության հիմնադրած հեռուստաընկերության դեմ, որն, ըստ դաշինքի բողոքի, գործել է հենց կառավարության հրահանգով»,- ընդգծում է ՄԻՊ գրասենյակը։

Ուստի «Պատիվ ունեմ» դաշինքի հոլովակի չհեռարձակելու դեպքի գործով Մարդու իրավունքների պաշտպանը գրավոր հարցումներ կուղարկի Հանրային հեռուստաընկերություն և Հեռուստատեսության և ռադիոյի հանձնաժողով (ՀՌԱՀ)։ ՄԻՊ-ն ընդգծում է, որ դրանից հետո միայն հնարավոր կլինի գնահատել Հանրային հեռուստաընկերության արարքը։

69
թեգերը:
«Պատիվ ունեմ» դաշինք, ՀՀ ՄԻՊ, Արման Թաթոյան, Հեռուստատեսության և ռադիոյի հանձնաժողով (ՀՌԱՀ), Հայաստանի հանրային հեռուստաընկերություն, Հեռուստատեսություն
թեմա:
ԱԺ արտահերթ ընտրություններ 2021
Ըստ թեմայի
Ադրբեջանցիները հետ կքաշվե՞ն. Կութում խոստացել են խնդիրը լուծել մինչև ընտրությունները
Ընտրությունների հաջորդ օրվանից սկսած Փաշինյանը 4 օրով ամրագրել է Հանրապետության հրապարակը
Քոչարյանը ավտոմատը ձեռքին մասնակցել է Շուշիի ազատագրմանը․ Սեյրան Օհանյան
Վլադիմիր Պուտին

Պուտինն ասել է՝ որոնք են Բայդենի հետ հանդիպման գլխավոր նպատակները

40
(Թարմացված է 13:53 13.06.2021)
ՌԴ նախագահը անհրաժեշտ է համարում Մոսկվայի և Վաշինգտոնի փոխգործակցության մեխանիզմների մշակումը։

ԵՐԵՎԱՆ, 13 հունիսի – Sputnik. Ռուսաստանի նախագահ Վլադիմիր Պուտինը անհրաժեշտ է համարում ԱՄՆ ղեկավարի հետ անձնական կապերի վերականգնումը, անմիջական երկխոսության հաստատումն ու երկու երկրների փոխգործակցության մեխանիզմների ստեղծումը։ Բայդենի հետ հանդիպման ակնկալիքների մասին խոսելով՝ ասել է ՌԴ առաջնորդը «Սմոտրիմ» մեդիահարթակին տված հարցազրույցի ժամանակ։

«Վերականգնել մեր անձնական շփումները, հարաբերությունները, անմիջական երկխոսություն հաստատել, փոխգործակցության իրապես գործող մեխանիզմներ ստեղծել, այն ուղղություններով, որոնք փոխադարձ հետաքրքրություն են ներկայացնում` այդպիսիք կան, այդ մասին արդեն խոսել եմ, ինձ թվում է, կրկնելու անհրաժեշտություն չկա», – ասել է Պուտինը։

Ըստ նրա` այդ մասին է խոսում նաև ամերիկյան կողմը. մի շարք հարցեր կան, որոնք երկուստեք հետաքրքրություն են ներկայացնում։ Դրանք և՛ ռազմավարական կայունությունն է, և՛ տարածաշրջանային հակամարտությունները, և՛ բնապահպանական միջոցառումները։

Ռուսաստան–ԱՄՆ գագաթնաժողովը նախատեսված է անցկացնել հունիսի 16-ին Ժնևում։

40
թեգերը:
Ջո Բայդեն, Վլադիմիր Պուտին, ԱՄՆ, Ռուսաստան
թեմա:
ԱԺ արտահերթ ընտրություններ 2021
Ըստ թեմայի
Անվտանգության ոլորտում Ռուսաստանի հետ հարաբերությունների խորացումն առաջնահերթ է․Փաշինյան
Փաշինյանը նախատեսում է բարեփոխումներ իրականացնել ԱԳՆ-ում
Պատերազմ չի սկսվի․ Յուրի Խաչատուրովն ասաց՝ ինչու

Ռուսաստանը լայնածավալ զորավարժություններ է սկսել Խաղաղ օվկիանոսում․ տեսանյութ

0
(Թարմացված է 14:38 13.06.2021)
Զորավարժություններին մասնակցում են շուրջ 20 մարտական նավեր, սուզանավեր և այլն։ Մասնակցում են նաևավիացիոն ուժերը։

Ռուսաստանը լայնամասշտաբ զորավարժություններ է սկսել Խաղաղ օվկիանոսում։ ՌԴ պաշտպանական գերատեսչությունը տեսանյութ է հրապարակել, թե ինչպես է Խաղաղօվկիանոսյան նավատորմը «դուրս շպրտում» պայմանական հակառակորդին։

Զորավարժությունների ընթացքում նավերի և հականավային ուղղաթիռների անձնակազմերը մշակել են հրետանային կրակ վարելը, նաև պայմանական հակառակորդի սուզանավի որոնումը, հետապնդումն ու դուրս մղումը:

Զորավարժություններին մասնակցում են շուրջ 20 մարտական նավեր, սուզանավեր և այլն։ Մասնակցում են նաևավիացիոն ուժերը։ Մարտական առաջադրանքների մշակմանը մասնակցում են հեռահար հականավային ինքնաթիռներ, ՄիԳ-31ԲՄ կործանիչներ և ՌԴ օդատիեզերական ուժերի այլ ինքնաթիռներ:

0
թեգերը:
օվկիանոս, Զորավարժություններ, Ռուսաստան