Արման Թաթոյան

Հայ գերիներին պահել էին ապակյա խցում. ՄԻՊ-ն արձանագրում է մարդու իրավունքների խախտումները

394
(Թարմացված է 00:20 04.06.2021)
ՀՀ ՄԻՊ-ի աշխատակազմի ուսումնասիրությունները վկայում են, որ այդ տեսարանի հրապարակայնացումը ադրբեջանական սոցիալական մեդիայում արժանացել է գովասանքի, իսկ գերիների վերաբերյալ հնչել են մահապատժի ենթարկելու և խոշտանգելու կոչեր:

ԵՐԵՎԱՆ, 4 հունիսի – Sputnik. ՀՀ ՄԻՊ-ի աշխատակազմի ուսումնասիրությունները վկայում են, որ այդ տեսարանի հրապարակայնացումը ադրբեջանական սոցիալական մեդիայում արժանացել է գովասանքի, իսկ գերիների վերաբերյալ հնչել են մահապատժի ենթարկելու և խոշտանգելու կոչեր:

Գերիների նկատմամբ ցանկացած տեսակի հետապնդում կամ դատավարություն միջազգային իրավունքի կոպիտ խախտում է։ Այս արձանագրումն է արել ՀՀ մարդու իրավունքների պաշտպան Արման Թաթոյանն Ադրբեջանում երեկ՝ հունիսի 2-ին տեղի ունեցած հայ գերիներ Լյուդվիկ Մկրտչյանի և Ալյոշա Խոսրովյանի քրեական գործով դատական նիստից հետո: Նա իր արձանագրումները ներկայացրել է Facebook–ի իր էջում։

Նշենք, որ Ադրբեջանի Պետական անվտանգության ծառայությունը և Գլխավոր դատախազությունը երեկ հայտարարություն տարածեցին , որում ասվում էր, որ Հադրութի հյուսիս-արևմտյան շրջանից ադրբեջանցի զինվորականների ու քաղաքացիական անձանց դեմ դիվերսիա, ահաբեկչություն և այլ հանցագործություններ իրականացրած ընդհանուր առմամբ 14 հայ ռազմագերիների դեմ հարուցված քրեական գործի նախաքննություն ավարտվել է և ուղարկվել դատարան։

«Նախ, Ադրբեջանում ապօրինի պահվող հայկական կողմի բոլոր զինծառայողներն ու քաղաքացիական անձինք կարգավիճակով գերի են. նրանք գերեվարվել են զինված հակամարտության ժամանակ և հիմա էլ այդ հակամարտությունը չի ավարտվել:

Ավելին, ադրբեջանական իշխանությունները հայկական կողմի գերիների նկատմամբ հետապնդումներ են հարուցում, ըստ էության, հենց նրանց այսպես կոչված «խոստովանական ցուցմունքների» հիման վրա»,–նկատում է Թաթոյանը:

ՀՀ ՄԻՊ–ն ընդգծում է, որ ակնհայտ է, որ նման պայմաններում Ադրբեջանում նրանք պահվում են ակնհայտ ապօրինի և գերիներից ցանկացածի նկատմամբ քրեական հետապնդումը կամ դատավարությունը, նրանց կալանքի տակ պահելը միջազգային մարդասիրական իրավունքի, այդ թվում` Ժնևի երրորդ կոնվենցիայի պահանջների կոպիտ խախտումներ են:

«ՀՀ մարդու իրավունքների պաշտպանի աշխատակազմը ուսումնասիրությամբ արձանագրել է, որ, ինչպես երևում էր երեկ ադրբեջանական աղբյուրներով հրապարակված տեսանյութերից ու լուսանկարներից, դատական նիստերի դահլիճում գերիներ Լյուդվիկ Մկրտչյանի և Ալյոշա Խոսրովյանի նկատմամբ դրսևորվում էր մարդու արժանապատվությունը բացահայտ նվաստացնող վերաբերմունք՝ նրանց պահելով ապակյա խցում ու մեկուսացած վիճակում: Մշտադիտարկումը ցույց է տվել, որ այդ վերաբերմունքն ու հրապարակումներն արվել են այն նպատակով, որ լրացուցիչ հոգեկան տառապանքներ պատճառեն գերիների ընտանիքների անդամներին և լարվածություն առաջացնեն հայկական հասարակությունում»,–ասված է ՄԻՊ–ի գրառման մեջ:

ՀՀ մարդու իրավունքների պաշտպանի աշխատակազմի ուսումնասիրությունները վկայում են, որ այդ տեսարանի հրապարակայնացումը ադրբեջանական սոցիալական մեդիայում արժանացել է գովասանքի, իսկ Լյուդվիկ Մկրտչյանի և Ալյոշա Խոսրովյանի վերաբերյալ հնչել են մահապատժի ենթարկելու և խոշտանգելու, ինչպես նաև նրանց նկատմամբ բռնության տարածված կոչեր:

ՀՀ և ՌԴ գլխավոր դատախազները քննարկել են գերիների վերադարձման թեման

«Ուստի, Ադրբեջանում ապօրինի պահվող հայ գերիների նկատմամբ դատավարություններն ամբողջությամբ հակասում են միջազգային իրավունքի հիմքերին և կոպտորեն խախտում են գերիների ու նրանց ընտանիքների իրավունքները, քաղաքականացնում են մարդասիրական հարցերը»,–արձանագրել է Թաթոյանը:

ՀՀ ՄԻՊ–ը նշել է, որ հայկական կողմի բոլոր գերիները պետք է անհապաղ ազատ արձակվեն ու վերադարձվեն հայրենիք՝ առանց որևէ նախապայմանի:

394
թեգերը:
Ադրբեջան, ռազմագերի, գերի, ՀՀ ՄԻՊ, Արման Թաթոյան
Ըստ թեմայի
ՀՀ պետական ինստիտուտները ոչնչացված են. գերիների հարազատները ՌԴ նախագահին խնդրում են օգնել
«Դատական գործերս ավարտվեն, կգամ». ինչ է պատմել ընտանիքին Բաքվում պահվող լիբանանահայ գերին
Մուրադովը կգա Հայաստան. ինչ է քննարկվել Մոսկվայում գերիների վերադարձի վերաբերյալ. ԶԼՄ
Ընտրական տեղամաս. արխիվային լուսանկար

Բադասյանն ընտրական 9 հանցագործություն է ներկայացրել, որոնք սահմանված են գործող օրենքով

12
Քրեական օրենսգրքի մի շարք հոդվածներ անդրադառնում են ընտրական հանցագործություններին` սահմանելով դրանք։

ԵՐԵՎԱՆ, 12 հունիսի - Sputnik. ՀՀ արդարադատության նախարարի պաշտոնակատար Ռուստամ Բադասյանը ներկայացրել է, թե ընտրական ո՞ր հանցագործություններն են սահմանված քրեական գործող օրենսգրքով։ Նա Facebook–ի իր էջում գրառում է արել` անդրադառնալով գործող օրենսգրքով կարգավորվող 9 ընտրական հանցագործություններին։

Այսպիսով, ընտրական հանցագործություն է համարվում ընտրակաշառք տալը կամ ստանալը։ Արգելվում է ինչպես դրամական միջոցներ, այնպես էլ որևէ գույք կամ գույքի նկատմամբ իրավունք, արժեթղթեր և ցանկացած այլ առավելություն (ինչպես, օրինակ, աշխատանքի ընդունելը կամ որոշակի ծառայություններ մատուցելը) տրամադրելը, խոստանալը և առաջարկելը, ինչպես նաև դրանք ստանալը կամ պահանջելը։

Կաշառք ստացող անձն ազատվում է պատասխանատվությունից, եթե մինչև կաշառք ստանալու մասին իրավապահներին հայտնի դառնալը (բայց ոչ ուշ, քան եռօրյա ժամկետում) այդ մասին կամովին հայտնել է քրեական հետապնդման մարմիններին (154.2-րդ հոդվածի 1-ին և 2-րդ մասեր)։

Հանցագործություն է համարվում նաև ընտրակաշառքի միջնորդությունը. սա դրսևորվում է ընտրակաշառք տվողի և ընտրակաշառք ստացողի միջև ընտրակաշառքի շուրջ համաձայնության գալուն կամ արդեն կայացած համաձայնության իրականացմանը նպաստելով (154.9-րդ հոդված)։

Պատասխանը լինելու է կոշտ․ Փաշինյանը՝ ընտրակաշառք բաժանելու մասին

Ընտրական հանցագործություն է նաև նախընտրական քարոզարշավը բարեգործության հետ համատեղելը։ Արգելվում է թեկնածուի, կուսակցության անդամի կամ լիազորված անձի կողմից անձամբ կամ նրա անունից կամ որևէ այլ եղանակով կամ բարեգործության անվան տակ ընտրողներին անհատույց կամ արտոնյալ պայմաններով դրամ, սննդամթերք տալը կամ ծառայություններ մատուցելը (154.2-րդ հոդվածի 5-րդ մաս)։

Նախընտրական քարոզչությանը մասնակցելուն կամ մասնակցելուց հրաժարվելուն հարկադրելը կամ նախընտրական քարոզչությանը մասնակցելուն խոչընդոտելը նույնպես չի թույլատրվում (149.1-րդ հոդված): Բացի այդ, արգելվում է նաև ընտրողին հարկադրել, որ վերջինս կողմ կամ դեմ քվեարկի կուսակցություններից (դաշինքներից) որևէ մեկի օգտին, կամ մասնակցի/հրաժարվի մասնակցել ընտրություններին (154.2-րդ հոդվածի 3-րդ մաս)։

Ընտրական հանցագործություն է համարվում նաև քվեարկության գաղտնիությունը խախտելը, որը կարող է կատարվել ընտրողին քվեարկության արդյունքը հայտնելուն հարկադրելու, քվեարկության խցիկ մուտք գործելու միջոցով, ինչպես նաև ցանկացած այլ եղանակով։

Հանցանք են համարվում նաև ընտրողի կողմից երրորդ անձանց համար տեսանելի եղանակով քվեարկելը (154-րդ հոդված), ինչպես նաև քաղաքացու ընտրական իրավունքի ազատ իրականացմանը կամ ընտրական հանձնաժողովի աշխատանքին խոչընդոտելը (149-րդ հոդված)։

Մեկից ավելի անգամ կամ այլ անձի փոխարեն քվեարկել չի կարելի (153-րդ հոդված)։

Եվ, վերջապես, ընտրական հանցանք է համարվում ընտրությունների կամ քվեարկության արդյունքները կեղծելը (150-րդ հոդված):

Ոչ մեկի մտքով չպետք է անցնի իշխանության «տիրանալ» ընտրակաշառքով. Ռոմանոս Պետրոսյան

Նշենք, որ Հայաստանում հունիսի 7–ից մեկնարկել է պաշտոնական քարոզարշավը։

Արտահերթ խորհրդարանական ընտրությունները տեղի են ունենալու հունիսի 20–ին։ Դրանց մասնակցում է 21 կուսակցություն և 4 դաշինք։

12
թեգերը:
Ռուստամ Բադասյան, հանցագործություն, Ընտրություններ
Ըստ թեմայի
Քննությունը կպարզի ՔՊ-ի քարոզարշավին խոչընդոտելու դեպքի հանգամանքները
Ծեծկռտուք քարոզարշավի ժամանակ. մասնակիցների մեջ են եղել Հակոբ Արշակյանը և ՔՊ–ի 4 անդամներ
«Հանրապետության» համար քարոզարշավը լավ է ընթանում. կուսակցությունը նորամուծություն է արել
ԼՀԿ

Կան քաղաքական ուժեր, որոնք հատուկ շրջում և 3 սուտ են տարածում ԼՀԿ–ի մասին. Անի Սամսոնյան

28
(Թարմացված է 15:10 12.06.2021)
Անի Սամսոնյանն ահազանգում է, որ ոչ միայն ստեր են տարածում իրենց ուղղված, այլ նաև նախընտրական պաստառներն են շարքից հանում։

ԵՐԵՎԱՆ, 12 հունիսի - Sputnik. ԱԺ «Լուսավոր Հայաստան» խմբակցության պատգամավոր Անի Սամսոնյանը վստահեցնում է, որ կան քաղաքական ուժեր և մարդիկ, որոնք հատուկ շրջում են և անհատական զրույցներում 3 սուտ են տարածում ԼՀԿ–ի մասին։ Սամսոնյանն այդ մասին հայտարարեց այսօր Երևանում քարոզարշավի ժամանակ։

«Սուտ համար առաջին` ասում են, որ մեզ ձայն չտան, քանի որ ԼՀԿ–ն ընտրական շեմը չի հաղթահարելու։ Երկրորդ սուտն էլ այն է, որ ասում են` ԼՀԿ-ին ձայն չտաք, քանի որ օգնելու ենք վերարտադրվել իշխող ուժին։ Եվ, վերջապես, սուտ համար երրորդ` շրջանակներում, որտեղ դեմ են Ռոբերտ Քոչարյանին, ասում են, թե ԼՀԿ–ն նպաստելու է նախկինների վերադարձին»,–ասաց Սամսոնյանը։

Նրա խոսքով` իրենք մրցակից են որոշ ուժերի, ինչի հետևանքով էլ մարդիկ չեն ալարում և բարձրանում ու ավտոճանապարհներին փակցված պաստառները դիտավորյալ վնասում են։

Սամսոնյանը հայտնեց, որ Շատին գյուղի մոտակայքում` բավական բարձր հատվածում տեղադրված իրենց պաստառն են վնասել հենց այն հատվածում, որտեղ պատկերված է ԼՀԿ առաջնորդ Էդմոն Մարուքյանը։

Մարուքյանը Փաշինյանին հրավիրում է բանավեճի. խոստանում է` քաբաբի մասին չեն խոսի

Նշենք, որ Հայաստանում հունիսի 7–ից մեկնարկել է պաշտոնական քարոզարշավը։

Արտահերթ խորհրդարանական ընտրությունները տեղի են ունենալու հունիսի 20–ին։ Դրանց մասնակցում է 21 կուսակցություն և 4 դաշինք։

28
թեգերը:
Ընտրություններ, քարոզարշավ, «Լուսավոր Հայաստան» կուսակցություն, Անի Սամսոնյան
թեմա:
ԱԺ արտահերթ ընտրություններ 2021
Ըստ թեմայի
Քննությունը կպարզի ՔՊ-ի քարոզարշավին խոչընդոտելու դեպքի հանգամանքները
Ծեծկռտուք քարոզարշավի ժամանակ. մասնակիցների մեջ են եղել Հակոբ Արշակյանը և ՔՊ–ի 4 անդամներ
«Հանրապետության» համար քարոզարշավը լավ է ընթանում. կուսակցությունը նորամուծություն է արել
Սիրանուշ Սահակյան

Հայ գերիների դատավարության արդյունքները միջազգայնորեն չեն կարող ընդունվել. իրավապաշտպան

0
ՄԻԵԴ-ում ռազմագերիների շահերի ներկայացուցիչ, իրավապաշտպան Սիրանուշ Սահակյանը Sputnik Արմենիայի եթերում անդրադարձել է 26 հայ ռազմագերիների հետ կապված հարցին, որոնց գործերն արդեն ուղարկվել են վարույթ և քննվելու են Բաքվի ծանր հանցագործությունների դատարանում:

Սիրանուշ Սահակյանի դիտարկմամբ` ադրբեջանական կողմի հարուցած դատավարությունները շինծու բնույթ են կրում։ Դրանց ընթացքում խախտվել են մեր քաղաքացիների հիմնաքարային իրավունքները, հետևաբար այդ դատավարությունների արդյունքները միջազգայնորեն չեն կարող լինել ընդունելի։

Ըստ նրա` հայ ռազմագերիներից որևէ մեկը ներկայացված չէ իր կողմից ընտրված պաշտպանի միջոցով, իսկ պաշտպանության իրավունքը առանցքն է. եթե անձին պաշտպանվելու իրավունք և հնարավորություններ չեն տրվում, ապա դատապարտման օրինականությունն արդեն իսկ կասկածի տակ է առնվում։

«Որևէ մեկը միամտորեն չի հավատում, որ ադրբեջանական իշխանությունների կողմից ֆինանսավորվող և նշանակված հանրային պաշտպանները հայատյացության այս մթնոլորտում կարող են ապահովել պաշտպանության իրավունքի իրացումը։ Սա ընդամենը մի ասպեկտն է։ Մենք գործ ունենք նաև խոշտանգումների արդյունքում ձեռք բերված ապացույցների օգտագործման հետ, ինչը ևս անթույլատրելի է, էլ չեմ խոսում առհասարակ այս գործը քննող դատավորների անաչառության և անկախության մասին, որովհետև քաղաքական պատվերով գործեր քննելը հիմնախնդիրներից մյուսն է»,– նշեց իրավապաշտպանը։

Այդուհանդերձ, Սահակյանը լավատեսորեն է տրամադրված, որովհետև բոլոր հայ ռազմագերիների գործերը գտնվում են ՄԻԵԴ–ում, որն իր հերթին վերահսկողություն է իրականացնում նաև ներպետական դատարանների կողմից իրականացված արդարադատության նկատմամբ և կարող է գնահատական տալ, թե արդյո՞ք անձի դատապարտումը չի խախտում կոնվենցիայի արդար դատաքննության իրավունքը։

Սահակյանի կարծի​քով` կարճ ժամանակ անց բոլոր գանգատների առարկաները փոխվելու են և մենք ունենալու ենք վեճ միջազգային դատական ատյանում, որը պահանջելու է ադրբեջանական քրեական գործի և դատավարության նյութերը, ուստի այս փուլում ադրբեջանական իշխանությունների ողջ դեմքը պարզվելու է միջազգային հանրության առջև, հենց միջազգային հարթակներում մերկացվելու է ադրբեջանական կողմի զեղծարարությունը, ինչը բնորոշ է բազում այլ գործերին։

Իրավապաշտպանի պնդմամբ` ՀՀ իշխանությունների ռեսուրսները պետք է ուղղվեն Ադրբեջանի պաշտոնատար անձանց առնչությամբ պատժամիջոցներ կիրառելու մեխանիզմների գործարկմանը, և միջազգային հանրությունն իսկապես կարող է իրավիճակը փոխել, շտկել, առավել ևս, որ Ադրբեջանը միջազգային ճնշումներին դիմակայելու բավարար ռեսուրս չունի։

Չմոռանանք Բաքվի քայլերը. Արման Աբովյանը` գերիների հարցի և «գլխատված» ԱԳՆ–ի մասին

Նշենք, որ ղարաբաղյան հակամարտության գոտում հրադադարի հաստատումից հետո Ադրբեջանում պահվող գերիների և պատանդների վերադարձի հարցը վերջնականապես չի լուծվում։ Ադրբեջանը չի շտապում վերադարձնել բոլոր գերիներին։

Ավելին` 26 հայ ռազմագերիների ներկայացրել է որպես դիվերսանտներ և համապատասխան մեղադրանք առաջադրել։

Անցած ժամանակահատվածում փոխանակման ընդամենը մի քանի դեպք է եղել, և հայրենիք են վերադարձել 69 հայ զինվորականներ և քաղաքացիական անձինք: Ըստ իրավապաշտպանների` Ադրբեջանում ավելի քան 200 հայ գերի կա։

Ռուսաստանը ձգտում է ռազմագերիների խնդրի փակմանը «բոլորին բոլորի դիմաց» սկզբունքով. դեսպան

0
թեգերը:
Հայաստան, հայ, Ադրբեջան, գերի
Ըստ թեմայի
Գերիների վերադարձը կարող է 1-2 տարի տևել. Սահակյանը ներկայացրեց գործընթացի մանրամասները
Աժ-ում փակ դռների հետևում քննարկել են գերիների վերադարձի հարցը
Արտակ Զեյնալյանը հավանական գերիների վերաբերյալ տեսանյութ է հրապարակել. 16+