Զինծառայող, արխիվային լուսանկար

Ամեն րոպե հայերի և ադրբեջանցիների բախման վտանգ կա. ի՞նչ է կատարվում Վերին Շորժայում

503
Վերին Շորժա համայնքի ղեկավարը Sputnik Արմենիայի հետ զրույցում խոսել է ադրբեջանցիների հարևանությամբ ապրող գյուղացիների առօրյայի մասին, անդրադարձել սահմանային լարվածության ուղղությամբ իրականացվող աշխատանքներին։
«Վտանգ միշտ կա. հասել են մեր ցանքատարածություններիին». Երանոսյան

Վերին Շորժա համայնքի ղեկավար Արտյոմ Երանոսյանը Հայաստանի սահմաններին տեղի ունեցող իրադարձություններից գլուխ չի հանում։ Ասում է` մինչև հիմա ուշքի չի գալիս, թե ինչպես մեկ օրում ադրբեջանցիները առաջ եկան, ու արդեն 3 շաբաթ է` նրանք մեր պետական սահմաններից չեն հեռանում։

«Արոտավայրերի երկայնքով առաջ են եկել, հասել են մեր ցանքերի գլխին։ Որտեղ մենք ցանքս ենք կատարում, եկել–հասել են մի 300-400 մետրի վրա։ Անասուններին քաշել են դեպի Վարդենիսի հատվածը։ Ես ոչ մի բան չեմ հասկանում սրանց արածից, թե ինչ են անում, ինչ են մտածում, չեմ հասկանում` ինչ է կատարվում»,- Sputnik Արմենիայի հետ զրույցում ասաց նա։

Թե ինչ արդյունք կտան երեկ Մոսկվայում կայացած եռակողմ բանակցությունները, Երանոսյանը դժվարանում է պատասխանել, բայց դա չի խանգարում, որ գյուղացիները շարունակեն իրենց առօրյա գործերով զբաղվել` նոր պատերազմի վտանգն աչքի տակ ունենալով։

«Ես լավատես եմ, գյուղատնտեսական աշխատանքներով եմ զբաղված, բայց չենք կարող ասել թեկուզ հենց հիմա, երբ մենք զրուցում ենք, թե ինչ կարող է կատարվել։ Ամեն րոպե հայերի և ադրբեջանցիների բախման վտանգ կա, եթե թշնամին դիմացդ է կարող է լավ բան մտածես, բայց մենք ոչ ընկճվում ենք, ոչ էլ վատն ենք մտածում»,- նշեց Երանոսյանը։

Նրա խոսքով` չնայած վտանգին` այս պահին գյուղացիներին զինելու անհրաժեշտություն չկա. ինչ պետք է, փորձառու զինվորականներն անում են։

Հիշեցնենք` երեկ ՀՀ պաշտպանության նախարարությունից Sputnik Արմենիային հայտնել էին, որ առավոտյան Գեղարքունիքում կրկին միջադեպ է տեղի ունեցել հայ և ադրբեջանցի զինծառայողների մասնակցությամբ։ Դրա հետևանքով երկու հայ զինծառայող թեթև մարմնական վնասվածք են ստացել։

503
թեգերը:
Ադրբեջան, Գեղարքունիքի մարզ, Հայաստան
Ըստ թեմայի
Ինչու է Ադրբեջանն ակտիվացել ՀՀ սահմանին, և որն է մեր առաջնային խնդիրը. Ավետիսյանի տեսակետը
ԽՍՀՄ տարիներին ադրբեջանցիները զավթում էին հայերի հողերը, ապա դարձնում քննարկման առարկա
Ադրբեջանի նախագահը խոսում է ուժի ու սպառնալիքի լեզվով. ՄԻՊ-ը նամակներ է ուղարկել ԵԱՀԿ, ՄԱԿ
Սոթք․ սահման

Քոչարյանը նշել է բանակի մարտունակության բարձրացման և սպառազինության համալրման ժամկետները

36
(Թարմացված է 19:56 13.06.2021)
ՀՀ երկրորդ նախագահի խոսքով՝ իրենց թիմում ընդգրկված են այն մարդիկ, որոնք ամենալավը գիտեն մեր բանակը։

ԵՐԵՎԱՆ, 13 հունիսի – Sputnik․ ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանն Իջևանում ընտրողների հետ հանդիպման ժամանակ նշել է հայկական բանակի մարտունակության բարձրացման, սահմանների ամրապնդման և սպառազինության համալրման ժամկետները:

Նա վստահություն է հայտնել, որ բանակի մարտունակությունը՝ անձնակազմի, կարգապահության և սահմանի մասով, իրենց թիմը կարողանալու է բարձրացնել մեկ տարվա ընթացքում։

«Սպառազինության կորուստները համալրելու համար կպահանջվի երեք տարի։ Սրանք մեր ժամկետներն են»,- նշեց Քոչարյանը։

Նա ընդգծեց՝ ոչ ոք ավելի լավ չգիտի բանակը, քան իրենց թիմում ընդգրկված մարդիկ։

Նշենք, որ Հայաստանում հունիսի 7-ից պաշտոնապես մեկնարկել է խորհրդարանական ընտրությունների նախընտրական քարոզարշավը:
Արտահերթ խորհրդարանական ընտրություններին կմասնակցեն 21 կուսակցություն և 4 դաշինք, որոնք պայքարում են Հայաստանի ընտրողների ռեգիստրում ընդգրկված 2 581 093 ընտրողների ձայների համար։

Մերժել կապիտուլյացիոն փաստաթուղթը, խափանել Արցախի հանձնումը․ «Ազգային օրակարգի» ծրագրերը

Հիշեցնենք, որ խորհրդարանական արտահերթ ընտրությունները կայանալու են հունիսի 20-ին։

36
թեգերը:
Ընտրություններ, Հայաստան, Զինված ուժեր, Բանակ, Ռոբերտ Քոչարյան
թեմա:
ԱԺ արտահերթ ընտրություններ 2021
Տիգրան Մուկուչյան

ԿԸՀ-ն մերժեց․ Փաշինյանն ու «Քաղաքացիական պայմանագիրը» կմասնակցեն ընտրություններին

45
(Թարմացված է 19:27 13.06.2021)
Հիմնավորումներց մեկն այն էր, որ դիմումը չի ներկայացվել իրավասու անձի կողմից, այսինքն՝ ընտրություններին մասնակցող կուսակցության կողմից։

ԵՐԵՎԱՆ, 13 հունիսի – Sputnik․ Կենտրոնական ընտրական հանձնաժողովն այսօր կայացած նիստում մերժեց Նիկոլ Փաշինյանի գրանցումն ու «Քաղաքացիական պայմանագիր» կուսակցության ցուցակն անվավեր ճանաչելու մասին դիմումները։

Դիմումներից մեկը ներկայացրել էր Սահմանադրական դատարանի աշխատակազմի նախկին ղեկավար Էդգար Ղազարյանը։ Նա ԿԸՀ-ից պահանջելում էր անվավեր ճանաչել «Քաղաքացիական պայմանագիր» կուսակցության ընտրական ցուցակում վարչապետի թեկնածու Նիկոլ Փաշինյանի գրանցումը և վարչական վարույթ հարուցել:

Ղազարյանի դիմումի հիմնավորումներից մեկն այն է, որ հունիսի 7-ից նախընտրականքարոզարշավի ընթացքում Նիկոլ Փաշինյանը «իբրև թե պաշտոնապես արձակուրդում գտնվելով՝ քարոզարշավի է մեկնում ՀՀ վարչապետին հատկացված տրանսպորտային միջոցներով՝ օգտագործելով հանրային միջոցներ, մեքենա, վառելանյութ, վարորդի ծառայություններ և այլն, խախտելով «Ընտրական օրենսգրքի» 19-րդ հոդվածի պահանջները․․․»։

Էդգար Ղազարյաի պնդմամբ՝ սրանով արդեն իսկ անհավասար պայմաններ են ստեղծվում ընտրություններին մասնակցող մյուս թեկնածուների նկատմամբ։

ԿԸՀ-ն նախագահ Տիգրան Մուկուչյանի գլխավորությամբ մերժեց վարչական վարույթի հարուցումը։ Նա ընդգծեց, որ դիմումը չի ներկայացվել իրավասու անձի կողմից, այսինքն` նման դիմում կարող է ներկայացնել միայն ընտրություններին մասնակցող կուսակցությունը:

ԱԺ պատգամավոր Նաիրա Զոհրաբյանը ևս դիմում էր ներկայացրել ԿԸՀ՝ առաջարկելով վերջինիս դիմել Վարչական դատարան` «Քաղաքացիական պայմանագիր» կուսակցության ընտրական ցուցակի գրանցումն անվավեր ճանաչելու համար։ Զոհրաբյանի հիմնավորմամբ՝ կուսակցության քարոզարշավներն ընթանում են վիրավորանքներ հնչեցնելով:

Փաշինյանի մուրճի թեմայով Զոհրաբյանը դիմել է ԵԱՀԿ/ԺՀՄԻԳ դիտորդական առաքելության ղեկավարին

Մուկուչյանը այս դեպքում ևս ընդգծեց, որ դիմումը ենթակա է մերժման։ Ի թիվս մի շարք այլ հանգամանքների՝ նաև դիմումն իրավասու անձի կողմից չի ներկայացվել։ Հիշեցրեց՝ ընտրություններին մասնակցող կուսակցությունն է իրավասու նման դիմում ներկայացնել։

Երկու դիմումներն էլ ԿԸՀ խորհուրդը մերժեց 5 կողմ, 0 դեմ ձայներով։
Մերժման որոշումները կարող են եռօրյա ժամկետում բողոքարկվել Վարչական դատարան:

45
թեգերը:
Ընտրություններ, «Քաղաքացիական պայմանագիր» կուսակցություն, Նիկոլ Փաշինյան, Տիգրան Մուկուչյան, Կենտրոնական ընտրական հանձնաժողով (ԿԸՀ)
թեմա:
ԱԺ արտահերթ ընտրություններ 2021
Ըստ թեմայի
«Հայաստան» դաշինքը նախընտրական ամփոփիչ հանրահավաք կանցկացնի Երևանի կենտրոնում
Մերժել կապիտուլյացիոն փաստաթուղթը, խափանել Արցախի հանձնումը․ «Ազգային օրակարգի» ծրագրերը
Սորոսական գրասենյակները կա՛մ կարգելվեն, կա՛մ խիստ կվերահսկվեն Հայաստանում․ Քոչարյան