Արա Աբրահամյան, հայաստան, ընտրություններ, փաշինյան, novosti armenii, ara abrahamyan, yntrutyunner
Արա Աբրահամյան

Տղամարդ լինելը գործով է ապացուցվում, որ քաղաքացիներդ գերի չընկնեն. Արա Աբրահամյան

111
(Թարմացված է 12:31 02.06.2021)
Աբրահամյանը ՀՀ ընտրող քաղաքացիներին խորհուրդ տվեց «իրենց երեխաների վրա չարիք չբերել» և ձայն չտալ Փաշինյանին։

ԵՐԵՎԱՆ, 2 հունիսի - Sputnik. Միավորվելը չի ստացվում, որովհետև բոլորն իրենց լիդեր են համարում։ Այս կարծիքն այսօր Sputnik Արմենիա մուլտիմեդիոն մամուլի կենտրոնում կայացած ասուլիսի ժամանակ հայտնեց Ռուսաստանի հայերի միության նախագահ Արա Աբրահամյանը, որը խորհրդարանական ընտրություններում սատարում է Տիգրան Ուրիխանյանի «Մեր տունը Հայաստանն է» կուսակցությանը։

«Ես էլ ասում եմ` բոլորդ թագավորների թագավորն եք, բայց միասին աշխատեք։ Միավորվելը դա նույն շահի շուրջ համախմբվելն է»,–ասաց Աբրահամյանը` հավելելով, որ եթե մեր ժողովրդի մեջ վստահությունը վերականգնվի, շատ բանի կհասնենք։ Նրա խոսքով` բոլորը պետք է միանան և ամեն մեկն իր տեղն աշխատի։ «Եկեք ցույց տանք միացման բռունցքը, ոչ թե մարդկանց ասֆալտին փռելու բռունցքը»,–ասաց նա։

Անդրադառնալով տղամարդ լինելու Փաշինյանի խոսքին` Աբրահամյանն ասաց, որ տղամարդ լինելը գործով է ապացուցվում, որ քաղաքացիներդ գերի չընկնեն, մարդիկ լավ  ապրեն։

Նաիրա Զոհրաբյանն ու ևս 4 հանրային գործիչ «Ընտրությունների վերահսկման կոմիտե» են հիմնել

«Տղամարդկությունը ժամանակին որոշում կայացնելն է, մեր վարչապետը տղամարդկություն չունեցավ ժամանակի պատերազմը կանգնացնելու, և մենք այս իրավիճակն ունեցանք»,–ասում է Աբրահամյանը` հավելելով, որ «կրոլիկները» վախից են գոռում։

Նա ՀՀ ընտրող քաղաքացիներին խորհուրդ տվեց իրենց երեխաների վրա չարիք չբերել և ձայն չտալ Փաշինյանին։

111
թեգերը:
Նիկոլ Փաշինյան, Ազգային ժողովի ընտրություններ, Հայաստան, Արա Աբրահամյան
թեմա:
Հայ գերիներ, անհետ կորածներ (344)
Ըստ թեմայի
Իմացեք` որ թիվն է ձեր նախընտրածը ընտրություններին քվեարկելու համար
Ուզո՞ւմ եք վարչապետի կին դառնալ՝ օգնեք նրան հաղթել ընտրություններում
ԱԺ արտահերթ ընտրությունների շրջանակում դատախազությունում թեժ գիծ է գործարկվել
Ազգային ժողով

ԱԺ «Իմ քայլը» խմբակցության պատգամավոր Լուսին Եգանյանը հրաժարվել է մանդատից

43
(Թարմացված է 15:50 25.06.2021)
ՀՀ ԱԺ նախագահ Արարատ Միրզոյանի հայտարարություն է տարածել ԱԺ պատգամավորի հրաժարականի դիմումի մասին։

ԵՐԵՎԱՆ, 25 հունիսի – Sputnik. Ազգային ժողովի պատգամավոր Լուսինե Եգանյանը հունիսի 25-ին հրաժարականի դիմում է ներկայացրել: Տեղեկությունը հայտնում է Ազգային ժողովի մամուլի ծառայությունը։

«Ազգային ժողովի կանոնակարգ» սահմանադրական օրենքի 155-րդ հոդվածի 2-րդ մասի համաձայն` եթե հրաժարականի հրապարակումից հետո՝ մեկ շաբաթվա ընթացքում, պատգամավորը գրավոր դիմումով հետ է վերցնում հրաժարականի մասին իր դիմումը, ապա Ազգային ժողովի նախագահն այդ մասին հանդես է գալիս հայտարարությամբ, եթե հետ չի վերցնում հրաժարականի մասին իր դիմումը, ապա նրա լիազորությունների դադարման մասին կազմվում է արձանագրություն, որն ստորագրում եւ հրապարակում է Ազգային ժողովի նախագահը: Արձանագրության հրապարակման պահից հրաժարականը համարվում է ընդունված»,– ասված է ԱԺ նախագահ Արարատ Միրզոյանի հայտարարության մեջ:

Ի դեպ, ԱԺ կայքում այս պատգամավորի վերաբերյալ միայն երեք փաստ է նշված` ծնվել է 1980 թվականի սեպտեմբերի 11-ին, անկուսակցական է, «Իմ քայլը» խմբակցության անդամ։ Անգամ նրա լուսանկարը չկա։

43
թեգերը:
Հրաժարական, Պատգամավոր, «Իմ քայլը» խմբակցություն, Հայաստան
Ուռուցքաբանության ազգային կենտրոն

Ուռուցքաբանության ազգային կենտրոնում հեռացվել է ձվարանի հսկայական ուռուցք` 25 կգ քաշով

75
(Թարմացված է 15:18 25.06.2021)
Հիվանդության վաղեմությունը եղել է երկու տարի, սակայն այդ ընթացքում կինը բժշկի չի դիմել։

ԵՐԵՎԱՆ, 25 հունիսի – Sputnik. Ֆանարջյանի անվան Ուռուցքաբանության ազգային կենտրոնում հեռացվել է ձվարանի հսկայական ուռուցք` 25 կգ քաշով։ Այս մասին տեղեկանում ենք կենտրոնի պաշտոնական կայքից։

«44-ամյա կինը հիվանդանոց է դիմել ծանր վիճակում` որովայնի չափերի մեծացմամբ, փսխումով, աղիքային անանցանելիությամբ, արտահայտված անեմիայով։ Հիվանդը պատրաստվել է շտապ վիրահատության։ Հիվանդության վաղեմությունը եղել է 2 տարի, սակայն այդ ընթացքում կինը բժշկի չի դիմել»,–նշված է կայքում։

В Национальном центре онкологии им.Фанарджяна удалена гигантская опухоль яичника весом 25 кг
Կնոջ որովայնը վիրահատությունից առաջ

Նշվում է, որ կատարվել է արգանդի էքստիրպացիա (հեռացում) և մեծ ճարպոնի հեռացում։ Վիրահատությունն իրականացրել է ՈւԱԿ-ի Օնկոգինեկոլոգիական բաժանմունքի վարիչ, պրոֆեսոր Գագիկ Ջիլավյանը։

В Национальном центре онкологии им.Фанарджяна удалена гигантская опухоль яичника весом 25 кг
Կնոջ որովայնը վիրահատությունից հետո

Հետվիրահատական շրջանն անցել է հարթ, առանց բարդությունների։

Պրոֆեսոր Գագիկ Ջիլավյանը նշել է, որ նման վիրահատություններ Ուռուցքաբանության ազգային կենտրոնում բավականին հաճախ են կատարվում, և դրանք չեն դասվում բարդ վիրահատությունների շարքին։

Բացառիկ վիրահատություն «Էրեբունի» ԲԿ-ում. ավտովթարից պարանոցը կոտրած տղայի կյանքը փրկվել է

75
թեգերը:
Ֆանարջյանի անվան ուռուցքաբանության ազգային կենտրոն, ուռուցք, վիրահատություն
Ըստ թեմայի
Լացող ու աղոթող կանայք և չընդհատվող վիրահատություն. կադրեր Ստեփանակերտի հիվանդանոցի ներսից
Չէինք հավատում, որ կփրկվի. Վահեն 1 տարում 15-ից ավել վիրահատություն է տարել և ոտքի կանգնել
Ֆրանսահայ բժիշկը պատերազմի օրերին լսողությունը կորցրած 12 զինվորի է վիրահատել. տեսանյութ