Ատոմ Ջանջուղազյան

Պետական համակարգում աշխատավարձերն ու պարգևավճարները կազմել են միջինը 360 000 դրամ

73
(Թարմացված է 11:48 02.06.2021)
ՀՀ ֆինանսների նախարարի պաշտոնակատարը կարծում է, որ պետական կառավարման մոդելը պետք է լինի պետական ծառայողի կատարած աշխատանքին համարժեք։

ԵՐԵՎԱՆ, 2 հունիսի - Sputnik. ՀՀ պետական կառավարման համակարգում ամսական աշխատավարձերի ու պարգևավճարների միջին ցուցանիշը 2020թ–ին կազմել է 360 000 դրամ։ Այսօր Ազգային ժողովում այդ մասին հայտնեց ՀՀ ֆինանսների նախարարի պաշտոնակատար Ատոմ Ջանջուղազյանը` պատասխանելով ԱԺ տնտեսական հարցերի մշտական հանձնաժողովի նախագահ Բաբկեն Թունյանի` պարգևավճարների մասին հարցին։

Ներդրումային ի՞նչ ծրագրեր են հետաքրքրում ռուսական բիզնեսին Հայաստանում

Իսկ թե պետական կառավարման համակարգի քանի աշխատակից որքան աշխատավարձ ու որքան պարգևավճար է ստացել, նախարարի պաշտոնակատարը չհնչեցրեց։

«Մինչև 2019թ–ը մենք ունեինք զարգացման տարբեր փուլերում ձևավորված վարձատրության ոչ միասնական համակարգ։ Օրինակ` կար ֆինանսների նախարարություն, որտեղ մոտավորապես 20 տարի բյուջեի մասին օրենքով նախատեսվում էր պարգևատրման համար առանձին տող, և կային պետական մարմիններ, որոնք չունեին պարգևատրման համար առանձին նախատեսված ֆոնդեր»,– ասաց Ջանջուղազյանը։

Բացի այդ, պետական մարմիններն ունեին արտաբյուջետային հաշիվներ։ Օրինակ` ֆինանսների նախարարության կամ ՊԵԿ–ի աշխատողին լրացուցիչ հատուցում էր հատկացվում ֆինանսական բացահայտումների համար` որպես աշխատանքի մոտիվացիա։ Նույն նպատակով ճանապարհային ոստիկանության ծառայողներին խախտումներ արձանագրելու համար պարգևատրման սխեմա է ներդրվել։

«Բայց ամբողջ խնդիրն այն է, որ համակարգը միասնական չէր։ Կային մարմիններ, որտեղ պարգևատրման չափը X չափի էր, մեկ այլ տեղ` Y չափի։ Իսկ կային մարմիններ, որտեղ ընդհանրապես հատուցման որևէ հնարավորություն չկար»,– ասաց Ջանջուղազյանը` հավելելով, որ 2019-ին ԱԺ–ի կողմից արտաբյուջետային հաշիվների դադարեցման շնորհիվ այս իրավիճակը փոխվեց։ Այսօր, ըստ նրա, մոտեցումը միասնական է` անկախ այն հանգամանքից, թե պետական ծառայողը ՃՈ–ի, ՊԵԿ–ի, թե այլ կառույցի աշխատակից է։

Աբսուրդ է, որ խոշոր ընկերությունների աշխատուժի 70%-ն ի սկզբանե ձևակերպված չլիներ. Մակարյան

Իսկ ապագայի համար պետական կառավարման մոդելը, ըստ Ջանջուղազյանի պետք է լինի պետական ծառայողի կատարած աշխատանքին համարժեք։ Նրա խոսքով` միայն նրա համար, որ մարդը ներկայանում է աշխատավայր, նա չպիտի վարձատրվի, այլ պետք է վարձատրվի կատարած աշխատանքին համարժեք։

Նշենք, որ այսօր ՀՀ–ում գործող օրենսդրական կարգավորմամբ` պետական համակարգի ամսական պարգևավճարի չափը չպիտի գերազանցի պետաշխատողի ամսական աշխատավարձի 30 տոկոսը։

Ջանջուղազյանը բացատրեց` ինչու է ավելացել պետական պարտքը

73
թեգերը:
պարգևավճար, Ատոմ Ջանջուղազյան, Հայաստան
Դավիթ Սանասարյան

«Ինքնիշխան Հայաստանի» ընտրողին հրաժարվել են 26 համարի քվեաթերթիկ տալ. Սանասարյան

10
(Թարմացված է 14:32 20.06.2021)
Իրենց կուսակցության քվեաթերթիկի բացակայության մասին ավելի վաղ հայտնել էր  ՀԴԿ-ի վարչապետի թեկնածու Տիգրան Արզաքանցյանը։

ԵՐԵՎԱՆ, 20 հունիսի - Sputnik. 3/11 Կ. Ուլնեցու փ. 76 16 ընտրատեղամասում հանձնաժողովի անդամները «Ինքնիշխան Հայաստան» կուսակցության ընտրողին հրաժարվել են տրամադրել 26 համարի քվեաթերթիկը, այս մասին ֆեյսբուքյան էջում տեղեկացրել է «Ինքնիշխան Հայաստան» կուսակցության նախագահ,  վարչապետի թեկնածու Դավիթ Սանասարյանը։

«Երկրորդ անգամ քվեաթերթիկը պահանջելուց հետո պատճառաբանել են, որ 25 ուժ է մասնակցում, և 26 համար չկա։ Քաղաքացին պատրաստ է բացատրություն տալ։ Հրավիրում ենք իրավապահ մարմինների ուշադրությունը»,-նշել է Սանասարյանը։

Հիշեցնենք, որ իրենց կուսակցության քվեաթերթիկի բացակայության մասին ավելի վաղ հայտնել էր  ՀԴԿ-ի վարչապետի թեկնածու Տիգրան Արզաքանցյանը։

Նշենք, որ այսօր առավոտյանը ժամը 08։00–ին Հայաստանում մեկնարկել են ԱԺ արտահերթ ընտրությունները 2008 ընտրատեղամասերում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջագային և օտարերկրյա դիտորդական առաքելություն իրականացնող կազմակերպությունների 833 միջազգային դիտորդներ։

«Լռության օր է». Լևոն Տեր-Պետրոսյանը լուռ քվեարկեց ու հեռացավ. տեսանյութ

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

10
թեգերը:
Ընտրություններ, Դավիթ Սանասարյան
Ըստ թեմայի
Հանուն հասարակության հաշտեցման. Սերժ Սարգսյանը կատարեց իր ընտրությունը
Դատախազությունը հիշեցնում է` քվեարկության գաղտնիությունը խախտելը հանցագործություն է
Ամենայն հայոց կաթողիկոսը կատարեց իր ընտրությունը
ՊՆ

Զինվորների` ուղղորդված քվեարկության մասին լուրերն անհիմն են. ՊՆ

9
(Թարմացված է 14:36 20.06.2021)
Պաշտպանության նախարարությունը վստահեցնում է, որ նմանօրինակ բոլոր տեղեկությունները մանրամասն ուսումնասիրության են ենթարկվում։

ԵՐԵՎԱՆ, 20 հունիսի – Sputnik. Սոցիալական ցանցերում և մի շարք լրատվամիջոցներով տեղեկություններ են շրջանառվում 2021 թվականի հունիսի 20-ի արտահերթ խորհրդարանական ընտրությունների քվեարկության ընթացքում զինծառայողների՝ հրամանատարների կողմից որոշակի քաղաքական ուժի օգտին քվեարկելու ուղղորդումների վերաբերյալ։ Պաշտպանության նախարարությունը վստահեցնում է, որ մինչ այս պահը եղած լուրերը, թե զինվորներին ուղղորդում են քվեարկել այս կամ այն ուժի օգտին, չեն համապատասխանում իրականությանը։ ՊՆ–ն պաշտոնական հայտարարություն է տարածել` անդրադառնալով շրջանառվող լուրերին։

Գերատեսչությունը հայտնում է, որ նմանօրինակ բոլոր տեղեկությունները պաշտպանության նախարարությունում մանրամասն ուսումնասիրության են ենթարկվում։

«Ակնհայտ է, որ ուղղորդումների մասին պնդումները հիմնվում են բացառապես զինծառայողներին ընտրական տեղամասեր համակարգված կերպով բերելու փաստի վրա, իսկ հրապարակումներին կից տեսանյութերն ասվածի վկայությունն են։ Այդ տեսանյութերում ընդամենը պատկերված են ընտրական տեղամասերի մոտ գտնվող զինծառայողներ, իսկ ուղղորդումների մասին պնդումներն այդ տեսանյութերի հեղինակների ենթադրություններն են, որոնք զուրկ են որևէ հիմնավոր փաստարկից»,–նշված է հաղորդագրության մեջ։

Ավելին, այս պահին առկա՝ ուղղորդումների վերաբերյալ հրապարակումներում նշված ընտրատեղամասերում, ընտրական հանձնաժողովների կողմից, զինծառայողների քվեարկության հետ կապված խախտումներ չեն արձանագրվել։ Նշվում է նաև, որ ժամկետային զինծառայողներին քվեարկության համար խմբերով ընտրատեղամասեր բերելը պայմանավորված է նրանց տեղաշարժը համակարգված կերպով իրականացնելու ծառայողական անհրաժեշտությամբ։

ՊՆ–ն կոչ է անում ձեռնպահ մնալ զինծառայողների քվեարկության վերաբերյալ անհիմն, չփաստարկված պնդումներից։

Հիշեցնենք, որ լրագրողների հետ զրույցում «Հայաստան» դաշինքի անդամ Վահե Հակոբյանը հայտնել էր` Սյունիքում զինվորականներին ուղղորդում են ընտրելու «Քաղաքացիական պայմանագիր» կուսակցությանը։ Բացի այդ, սոցցանցերում տեսանյութեր են շրջանառվում, որտեղ երևում են խմբերով կանգնած զինվորականներ։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

9
թեգերը:
զինծառայող, Ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
Արզաքանցյանն ահազանգում է, որ ընտրատեղամասերից մեկում բացակայում են ՀԴԿ ընտրաթերթիկները
Արման Թաթոյանը խումբ է ուղարկել Սիսիան` «Հայաստան» դաշինքի ահազանգի հետքերով
Փաշինյանի կուսակցությունը կբողոքարկի ԿԸՀ որոշումը