Ընտրություններ, արխիվային լուսանկար

Ինչու միլիոնավոր քվեաթերթիկները չեն վերամշակվում, կամ ինչքան վնաս է հասցվում բնությանը

89
(Թարմացված է 14:57 04.06.2021)
Ամբողջ աշխարհը ներգրավված է բնապահպանական խնդիրների լուծման գործում, զբաղված է աղբի վերամշակմամբ և անտառները փրկելով, իսկ Հայաստանում ընտրությունները կանցնեն «ուլտրա-ոչ բնապահպանական» ձևաչափով. յուրաքանչյուր ընտրող աղբարկղը կնետի ավելի քան 20 թղթե քվեաթերթիկ:

Ժաննա Պողոսյան, Sputnik Արմենիա

«Ակներև է, որ դա սխալ և բացարձակ անթույլատրելի է»․ բնապահպան Կարինե Դանիելյանը հենց այսպես պատասխանեց հունիսի 20-ին կայանալիք արտահերթ խորհրդարանական ընտրությունների քվեարկության ձևի մասին Sputnik Արմենիայի հարցին։

Այս ընտրություններին ընտրողները քվեաթերթիկներում նշումներ չեն անի։ Տարածքում գրիչներ նույնպես չեն լինի։ Փոխարենը յուրաքանչյուր ընտրողի տրվելու է այնքան թերթիկ, որքան ընտրություններին մասնակցող կուսակցություններ ու դաշինքներ կան, իսկ ընտրողն այդ թղթերից կընտրի իր նախընտրելի քվեաթերթիկը և կդնի ծրարի մեջ։

Մյուս թղթերը կհայտնվեն աղբարկղում։ Պատկերացում կազմելու համար, թե ինչ քանակի թղթի մասին է խոսքը, նշենք, որ ընտրություններին մասնակցելու է 22 կուսակցություն և 4 դաշինք, այսինքն` յուրաքանչյուր ընտրողի 26-ական թերթիկ է տրվելու։ Այսպիսով, ամբողջ Հայաստանում աղբարկղում կհայտնվի ավելի քան 25 միլիոն թղթե քվեաթերթիկ։

«Դա հսկայական վնաս է էկոլոգիային, և մենք՝ բնապահպաններս, իմանալով, որ քվեարկության նման ձևի կիրառման քննարկումներ են ընթանում, մի քանի անգամ դիմել ենք` խնդրելով վերանայել որոշումը։ Մեկ այլ դժբախտություն էլ կա․ այդ բոլորը թղթերը հետո խոտան են համարվելու և ոչնչացվելու են։ Վերամշակման մասին խոսք անգամ չկա, դա նույնպես ճիշտ չէ»,-ասաց Դանիելյանը Sputnik Արմենիայի հետ զրույցում։

««Այ Էս Էս Դի» Համայնքների կայուն զարգացման նորարարական լուծումներ» ՀԿ-ի համահիմնադիր Իրինա Մկրտչյանը Sputnik Արմենիայի հետ զրույցում ասաց, որ առաջ ընտրություններից հետո բոլոր չօգտագործված թղթերն այրվում էին։

«Եվ ոչնչացվում էին ոչ թե հենց այդպես, այլ պլաստիկե տարաների մեջ»,- ասում է նա` ընդգծելով, որ այդպիսով բնությանը հսկայական վնաս էին հասցնում։

ԿԸՀ-ն հաստատեց ընտրության մասնակիցներին. որոշ թեկնածուներ հանվեցին ցուցակներից

Նրա խոսքով՝ իրենց կազմակերպությունն ու բնապահպանությամբ զբաղվող գործընկերները մի քանի անգամ դիմել են իշխանություններին՝ խնդրելով բոլոր չօգտագործված քվեաթերթիկներն իրենց փոխանցել՝ վերամշակման համար։

«Բայց միշտ միևնույն պատասխանն ենք ստացել` քվեաթերթիկները գաղտնի տեղեկություն են պարունակում։ Ոչ ոք չգիտի, թե որտեղ է ոչնչացվում այդ ամբողջ թուղթը։ Եթե Երևանում մենք գոնե աղբավայրեր ունենք, ապա մարզերում դա էլ չկա, այնպես որ, ըստ երևույթին, նրանք ուղղակի բաց տարածքում են ոչնչացնում թուղթը»,-ասում է Մկրտչյանը։

Նրա խոսքով՝ մեկ կգ թուղթը հնարավոր է վերամշակել և վերամշակված հումքից 800 գրամ նյութ ստանալ։ Թուղթը սկզբում տեսակավորում են, այնուհետև մաքրում ու մանրացնում, ապա վերածում են թելերի, ինչից հետո արդեն կարելի է նոր թղթի կամ այլ նյութի վերածել։ Հայաստանում թուղթը վերամշակումից հետո հիմնականում վերածվում է արկղերի, ստվարաթղթի, զուգարանի թղթի, քրաֆթ-թղթի,  ջերմամեկուսացնող և ձայնամեկուսացնող նյութերի, ավելի հազվագյուտ՝ գրագրական թղթի, անձեռոցիկների, թղթե սրբիչների, մեկանգամյա օգտագործման սպասքի, հագուստի կտորի։

«Միայն պատկերացնել կարելի է, թե ինչի կարող էր վերածվել այդքան քվեաթերթիկը»,-դառնությամբ ասում է Իրինա Մկրտչյանը։

Sputnik Արմենիայի հետ հարցազրույցում ԿԸՀ-ի նախագահ Տիգրան Մուկուչյանը համաձայնեց, որ ընտրությունների վրա մեծ քանակությամբ թուղթ է ծախսվելու, բայց նկատեց, որ սա անհրաժեշտ փոփոխություն է։

«Նախկինում քվեաթերթիկում նշվում էր բոլոր թեկնածուների անունները կամ կուսակցությունների անվանումները, և քաղաքացիները գրիչով նշում էին։ Սակայն բազմիցս զվարճալի դեպքեր են գրանցվել, երբ մարդիկ քվեաթերթիկի վրա գրում էին` ինչ մտքներով անցնում էր։ Հիմա մենք կխուսափենք նման գործընթացից»,-ասաց Մուկուչյանը։

Որքա՞ն է Հայաստանում ընտրողների թիվը

Բացի այդ, նրա խոսքով, ընտրությունների այսպիսի ձևը թույլ չի տա «կարուսելային» կեղծումներ իրականացնել․ դա ընտրակեղծիքի ձև է, երբ ընտրողը քվեաթերթիկն իր մոտ է պահում և փոխանցում է մյուսին` անհրաժեշտ պատգամավորի համար ևս մեկ ձայն ապահովելով։

«Բոլոր քվեաթերթիկները կխոտանվեն և կոչնչացվեն։ Առայժմ այլ գործընթաց նախատեսված չէ»,-ասաց Մուկուչյանը։

Հաշվի առնելով, որ յուրաքանչյուր տոննա վերամշակված թղթի թափոնը 24 ծառ է փրկում, եթե հունիսի 20-ին ընտրություններին 20 կուսակցություն և դաշինք մասնակցի, Հայաստանում կոչնչացվի ավելի քանի 50 ծառ։

89
թեգերը:
թուղթ, քվեարկություն, Ազգային ժողովի ընտրություններ, Հայաստան
թեմա:
ԱԺ արտահերթ ընտրություններ 2021 (227)
Ըստ թեմայի
«Սա պայքար է». Ռոբերտ Քոչարյանը վստահեցնում է` այս իշխանությանը մնացել է 22 օր
Ինչ օրենսդրական նախաձեռնությամբ հանդես կգա Վանեցյանը հաղթելու դեպքում
Փաշինյանի ասածներին գլխով էր անում. Այվազյանի հրաժարականը զարմացրել է Մարուքյանին
Депутат Арман Бабаджанян перед началом совместного заседания Постоянной комиссии по внешним связям НС Армении и Комитета СФ по международным делам ФС России (18 декабря 2019). Еревaн

Արման Բաբաջանյանի մեքենայի վրա կրակել է իր թիմի անդամը. «Ժողովուրդ»

8
(Թարմացված է 12:51 20.06.2021)
Նշվում է, որ հրազենով դաշինքի ղեկավարի մեքենայի վրա կրակելու նպատակը եղել է դաշինքի ուղղությամբ հավելյալ ուշադրություն գրավելը։

ԵՐԵՎԱՆ, 20 հունիսի - Sputnik. Արման Բաբաջանյանի մեքենայի վրա կրակել է «Շիրինյան-Բաբաջանյան» դաշինքի անդամը։ Տեղեկությունը հայտնում է «Ժողովուրդը»՝ վկայակոչելով դաշինքի աղբյուրին։

Թերթի տեղեկություններով՝ կրակոց արձակած անձը քիչ առաջ հայտնաբերվել է իրավապահների կողմից։

«Նա Շիրինյան-Բաբաջանյան դաշինքի անդամ է, ով կրակելով կայանված դատարկ մեքենայի վրա՝ ցանկացել է դաշինքի նկատմամբ լրացուցիչ ուշադրություն գրավել»,- գրում է թերթը։

Նշենք, որ «Շիրինյան-Բաբաջանյան» ժողովրդավարների դաշինքի ընտրացուցակի առաջին համար Արման Բաբաջանյանը Facebook-ի իր էջում հայտնել էր կրակոցի մասին և լուսանկարներ հրապարակել։ Դրանցում երևում էր մեքենայի դիմապակու վրա հրազենի թողած հետքը։

8
թեգերը:
Հայաստան, կրակոց, ավտոմեքենա, Արման Բաբաջանյան
Երևանի ընտրատեղամասերից մեկում

Հայաստանում քվեարկության առաջին 3 ժամերին ընտրությանը մասնակցել է ընտրողների 12.2 տոկոսը

12
(Թարմացված է 12:45 20.06.2021)
ԿԸՀ–ն մասնակցության արդյունքներն ամփոփում է յուրաքանչյուր 3 ժամը մեկ։

ԵՐԵՎԱՆ, 20 հունիսի – Sputnik. Հայաստանում ժամը 11։00-ի դրությամբ ընտրելու իրավունք ունեցող 2 593 572 քաղաքացիներից ընտրությանը մասնակցել են 316 291–ը կամ 12.2 տոկոսը։

Այս մասին այսօր ԿԸՀ–ում կայացած ասուլիսում հայտնեց ԿԸՀ նախագահի տեղակալ Լաուրա Գալստյանը։

Պաշտոնական տվյալներով` Երևանում ընտրելու իրավունք ունեցող 859 000 ընտրելու իրավունք ունեցող քաղաքացիներից ժամը 11։00-ի դրությամբ քվեարկությանը մասնակցել են 120.166–ը կամ 13.99%, Արագածոտնի մարզում 117 472–ին ընտրությանը մասնակցել է 12.318–ը կամ 10.49%–ը, Արարատի մարզում 223 360 ընտրողներից արդեն ընտրություն է կատարել 7.676–ը կամ 12.39%–ը, Արմավիրի մարզում 235 840 ընտրողներից քվեարկությանը մասնակցել է 23.488–ը կամ 9.96%–ը, Գեղարքունիքում 189 527 ընտրողներից քվեարկել է 18.556–ը կամ 9.79%–ը, Լոռիում գրանցված 233 552–ից քվեարկել է 26.086–ը կամ 11.17%–ը, Կոտայքում 242 022 ընտրողներից ընտրությանը մասնակցել են 30.242–ը կամ 12.54%–ը, Շիրակի մարզում գրանցված 226 763 ընտրողներից քվեարկել է 19.106–ը կամ 8.46%–ը, Սյունիքում` 109 726 ընտրողներից ընտրությանը մասնակցել է 17.269–ը կամ 16.74%–ը, Վայոց Ձորի մարզում` 46 620 ընտրողներից քվեարկել է 5 699–ը կամ 12.27%–ը և Տավուշի մարզում գրանցված 109 690 ընտրողներից քվեարկել են 15.585–ը կամ 14.21%–ը։

ԿԸՀ–ն մասնակցության արդյունքներն ամփոփում է յուրաքանչյուր 3 ժամը մեկ։

Նշենք, որ այսօր առավոտյանը ժամը 08։00–ին Հայաստանում մեկնարկել են ԱԺ արտահերթ ընտրությունները 2008 ընտրատեղամասերում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ծառուկյանի վրա ո՞վ կարող է ազդել. ԲՀԿ առաջնորդը քվեարկեց հանուն անվտանգ հայրենիքի

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջագային և օտարերկրյա դիտորդական առաքելություն իրականացնող կազմակերպությունների 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ընտրությունները կավարտվեն ժամը 20։00-ին։

12
թեգերը:
Կենտրոնական ընտրական հանձնաժողով (ԿԸՀ), քվեարկություն, Ընտրություններ
թեմա:
ԱԺ արտահերթ ընտրություններ 2021 (227)
Ըստ թեմայի
Նիկոլ Փաշինյանը սպասում է ընտրելու իր հերթին. լուսանկարներ և տեսանյութ
Իշխանությունը հոգեվարքի մեջ է. Վանեցյանը քվեարկել է ու խոսել ընտրախախտումների մասին
Քաղաքապետարանը հավաքում է Քոչարյանի նկարով թերթիկները