Վաղարշակ Հարությունյանն ու Սերգեյ Շոյգուն

Հարությունյանը և Շոյգուն խոսել են սահմանի հարցով պայմանավորվածության կատարման ուղիներից

69
(Թարմացված է 13:42 31.05.2021)
Հայաստանի ու Ռուսաստանի պաշտպանության նախարարներն անդրադարձել են նաև ՀՀ զինված ուժերում սկիզբ առած բարեփոխումների հիմնական ուղղություններին։

ԵՐԵՎԱՆ, 31 մայիսի - Sputnik. Հայ-ադրբեջանական սահմանին ստեղծված իրավիճակը քննարկել են ՀՀ պաշտպանության նախարարարի պաշտոնակատար Վաղարշակ Հարությունյանը և Ռուսաստանի պաշտպանության նախարար, բանակի գեներալ Սերգեյ Շոյգուն։ Տեղեկությունը հայտնում է ՀՀ պաշտպանության նախարարությունը` հավելելով, որ տեղի է ունեցել հեռախոսազրույց։

«Ռազմավարական դաշնակից երկու երկրների պաշտպանական գերատեսչությունների ղեկավարները քննարկել են սահմանին ստեղծված իրավիճակի հանգուցալուծման շուրջ նախորդ շաբաթ Մոսկվայում կայացած հանդիպման ընթացքում ձեռք բերված պայմանավորվածությունների կատարման ճանապարհները»,–նշված է հաղորդագրության մեջ։

Բացի այդ, կողմերն անդրադարձել են նաև ՀՀ զինված ուժերում սկիզբ առած բարեփոխումների հիմնական ուղղություններին, Արցախում ռուսական խաղաղապահ զորախմբի կողմից իրականացվող առաքելության ընթացքին։

Ադրբեջանին դրդել են Սյունիքում ու Գեղարքունիքում սադրանքի գնալ. Փաշինյան

Անդրադարձ է կատարվել նաև տարածաշրջանային անվտանգության հիմնախնդիրներին և դրանց դիմակայելու միասնական գործողություններին վերաբերող մի շարք հարցերի։

Հիշեցնենք, որ մայիսի 28-ին Սերգեյ Շոյգուն ու Վաղարշակ Հարությունյանն աշխատանքային հանդիպում էին անցկացրել Մոսկվայում։ Նրանք քննարկել էին ինչպես ԼՂ–ում ստեղծված իրավիճակը, այնպես էլ հայ–ադրբեջանական սահմանին տիրող իրադրությունը։

69
թեգերը:
Սահման, Հայաստան, Սերգեյ Շոյգու, Վաղարշակ Հարությունյան
Ըստ թեմայի
ԼՂ իրավիճակի հարցը Վաղարշակ Հարությունյանը քննարկել է Սերգեյ Շոյգուի հետ
«Սահմանի ճշգրտման» կեղծ հիմնավորմամբ. Շոյգու–Հարությունյան հանդիպման մանրամասները
Սերգեյ Շոյգուն ու Վաղարշակ Հարությունյանը սուր խնդիրներ են քննարկել Մոսկվայում
Տիգրան Ավինյան. արխիվային լուսանկար

5–ի փոխարեն 15 մլն դրամ` «Սիվիլնեթի» տեսանյութերի համար. Ավինյանը փոխել է որոշումը

0
(Թարմացված է 18:20 16.06.2021)
Գումարի եռակի ավելացումը «Ավրորայում» մեկնաբանում են հիմնադրամի ծրագրերի ու «Սիվիլնեթի» պատվերների ավելացմամբ։

ԵՐԵՎԱՆ, 16 հունիսի - Sputnik. ՀՀ փոխվարչապետ Տիգրան Ավինյանն այսօր որոշում է ստորագրել, որով փոփոխություններ են կատարվել 4 ամիս առաջ` 2021 թվականի փետրվարի 5-ին իր ընդունած մեկ այլ որոշման մեջ։

Դրանով 3 անգամ ավելացվել է «Ավրորա մարդասիրական նախաձեռնություն» բարեգործական հիմնադրամի կողմից Սիվիլիթաս հիմնադրամին տրամադրվող գումարը։ Եթե 2021 թվականի հունվարի 25-ին երկու կազմակերպությունների միջև կնքված պայմանագրով նախատեսված էր 5 մլն դրամ, 2021 թվականի փետրվարի 1-ից մինչև հուլիսի 31-ը ընկած ժամանակահատվածում ֆիլմերի և տեսահոլովակների նկարահանումների և լուսանկարչական ծառայությունների մատուցման դիմաց, ապա Ավինյանի նոր որոշմամբ նախատեսվում է 15 մլն դրամ` բայց արդեն մինչև 2022 թվականի հունիսի 3–ը նույն ծառայություները մատուցելու դիմաց։

«Ավրորա մարդասիրական նախաձեռնություն» բարեգործական հիմնադրամից Sputnik Արմենիային հայտնեցին, որ ծրագիրը վերաբերում է «Ավրորայի» գործունեության մասին տեսանյութերի` ֆիլմերի, տեսահոլովակների պատրաստմանն ու լուսանկարներին։

Ինչ վերաբերում է գումարի 3 անգամ ավելացմանը, «Ավրորայում դա մեկնաբանեցին ծրագրի ժամկետի 1 տարով ավելացմամբ ու այդ ընթացքում հիմնադրամի ծրագրերի ավելացմամբ։

«Ավրորայի» հարյուրավոր հերոսներից ընտրվել են 5–ը. 1 մլն դոլարի հավակնորդները հայտնի են

«Այդ ժամանակահատվածում «Ավրորայի» բարեգործական ծրագրերն ավելացվել են, դրա հետ կապված ավելացել են նաև տեսանյութերի պատրաստման, լուսանկարների պատվերները «Սիվիլնեթին»»,– ասաց մեր զրուցակիցը։

Ընդ որում, նրա խոսքով, նշված 15 մլն–ը «Ավրորայի»` այդ ծրագրի համար հատկացված գումարի վերին շեմն է։ Բայց վճարումը կատարվելու է ըստ պատվերների չափի, ուստի չի բացառվում, որ պատվերները 15 մլն–ի չհասնեն։

Դե, իսկ ՀՀ կառավարությունը, «Ավրորայի» մեկնաբանմամբ, երկու հիմնադրամների գործարքին առնչվում է այնքանով, որ որպես բարեգործական ծրագիր` այն պետական մակարդակով ու իրավական կարգավորումներով ազատվում է հարկերից։

Նշենք, որ «Սիվիլնեթ» առցանց հեռուստատեսությունը Հայաստանում գործում է 2011-ի սեպտեմբերի 21-ից։ Այն հանդիասնում է «Սիվիլիթաս» հիմնադրամի ծրագիրը։

«Սիվիլնեթը» «Ավրորա մարդասիրական նախաձեռնությունից» բացի հայկական կազմակերպություններից համագործակցում է նաև Հայկական բարեգործական ընդհանուր միության, Գալուստ Գյուլբենկյան հիմնադրամի, IDeA հիմնադրամի հետ։

Աչքերում ցավ է ու հույս․ «Ավրորայի» մրցանակակիր Միրզա Դինային կշարունակի փրկել աշխարհը

0
թեգերը:
բարեգործություն, Ավրորա, որոշում, տեսանյութ, Տիգրան Ավինյան
Ըստ թեմայի
Փրկում են կյանքեր` առանց զենքի և վախի. «Ավրորայի» հերոսների անհավանական պատմությունները
«Չեմ ընդունում զոհի ապրելակերպը». Վարդանյանը խոսել է «Ավրորայի» ստեղծման պատճառների մասին
«Ավրորան» 200 000 ԱՄՆ դոլար կնվիրաբերի Բեյրութում աղետի հետևանքները հաղթահարելու համար
Демонстрация в столице Швейцарии в поддержку Армении и Карабаха (16 июня 2021). Женева

Ժնևում հայ և օտարերկրացի ցուցարարները դիմել են Պուտինին ու Բայդենին. տեսանյութ

8
(Թարմացված է 18:16 16.06.2021)
Ցուցարարները Ռուսաստանի և ԱՄՆ-ի առաջնորդներին կոչ են արել հիշել ռազմավարական ու բարոյական պատասխանատվության մասին, որը իրենց երկրները ստանձնել են Ղարաբաղյան հակամարտության կարգավորման գործում:

ԵՐԵՎԱՆ, 16 հունիսի - Sputnik. Ժնևում ցույց է կայացել ՝ ի աջակցություն Հայաստանի և Արցախի։ Բողոքի ակցիան նվիրված է եղել Վլադիմիր Պուտին–Ջո Բայդեն հանդիպմանը, որը մեկնարկել է Ժնևում:

Ցուցարարների թվում էին Շվեյցարիայում ապրող հայեր, տեղի բնակիչներ, ինչպես նաև Ժնևի քաղաքային խորհրդի անդամներ Սեբաստիեն Դեֆայեն, Լուիզա Թրոթեն, Պատրիկ Դիմյեն և Սիլվեն Տևոն:

«Շվեյցարիայի հայերը երկու առաջնորդներին հիշեցնում են բարոյական և ռազմավարական պատասխանատվության մասին, որը նրանք ստանձնել են հայկական պետության և Արցախի հայ բնակչության անվտանգությունն ապահովելու համար։ Հայաստանի ու հայ ժողովրդի անվտանգությունը չի կարող սակարկության առարկա լինել», - ցույցի ժամանակ հայտարարել է շվեյցարահայ համայնքի ղեկավարներից մեկը՝ Հայաստան-Շվեյցարիա խորհրդարանական բարեկամության խմբի քարտուղար Սարգիս Շահինյանը։

Հավաքվածների ձեռքերում էին Հայաստանի, Արցախի և Շվեյցարիայի դրոշները և պաստառներ` «ԵԱՀԿ-ն պետք է պատասխանատվություն ստանձնի Հայաստանի և Ղարաբաղի անվտանգության համար», «Մի հաստատեք բռնապետի կազմած քարտեզները․ ո՛չ ստալինյան քարտեզներին» գրություններով։

«Ադրբեջանը շարունակում է պահել հայ գերիներին՝ խախտելով միջազգային իրավունքը։ Ադրբեջանը շարունակում է Թուրքիայի լիակատար աջակցությամբ սպառնալ Հայաստանին», - իր ելույթում հայտարարել է Սիլվեն Տևոն։

Նա հիշեցրել է, որ 2020 թվականի դեկտեմբերին քաղաքային խորհրդի մի քանի ներկայացուցիչներով նրանք նախագիծ են ուղարկել Ժնևի խորհրդարան՝ դատապարտելով Ադրբեջանի ագրեսիան Արցախի ու Հայաստանի դեմ:

«Ցավոք, որոշ պատգամավորներ հրաժարվում են աջակցել այդ բանաձևին՝ վկայակոչելով երկրի չեզոքությունը, սակայն դրանով նրանք փրկում են Շվեյցարիայի տնտեսական կապերը Ադրբեջանի պետական նավթագազային ընկերության (SOCAR) հետ», - նշել է Տևոն:

Նշենք, որ նման ցույցեր եվրոպական քաղաքներում պարբերաբար են անցկացվում։

8