Փաշինյան–Ալիև հանդիպում. արխիվային լուսանկար

Ադրբեջանը փորձում է ազդել Հայաստանում նախատեսված ընտրությունների արդյունքի վրա. Փաշինյան

165
(Թարմացված է 15:14 30.05.2021)
Նիկոլ Փաշինյանը վստահեցնում է, որ Բաքուն շահագրգռված չէ խորհրդարանական ընտրություններում ՔՊ–ի հաղթանակով:

ԵՐԵՎԱՆ, 30 մայիսի - Sputnik. Ադրբեջանն իր գործողություններով, սահմանային սադրանքներով փորձում է ազդել Հայաստանում արտահերթ խորհրդարանական ընտրությունների արդյունքների վրա և «որոշակի ընտրություն» պարտադրել ՀՀ քաղաքացիներին։ Ապարանում իր կողմնակիցների հետ հանդիպման ժամանակ այսօր ասաց ՀՀ վարչապետի պաշտոնակատար Նիկոլ Փաշինյանը։

«Ադրբեջանի քայլերը նշանակում են, որ նա ցանկանում է ընտրություններում Հայաստանի քաղաքացիներին որոշակի արդյունք պարտադրել։ Հայաստանի քաղաքացին պետք է հակազդի դրան, ոտքի կանգնի և հասկանա, որ Հայաստանում կա ապագա»,–ասաց Փաշինյանը։

Նրա խոսքով` Բաքուն շահագրգռված չէ խորհրդարանական ընտրություններում ՔՊ–ի հաղթանակով: Ընդ որում, Փաշինյանը խոստովանեց, որ ժողովրդի կողմից ստացած մանդատը պատերազմի արդյունքում «թուլացել» է։

Փաշինյանը Տեր-Պետրոսյանին և Քոչարյանին հրավիրում է ուղիղ եթերով բանավեճի

Հիշեցնենք, որ հունիսի 20-ին Հայաստանում սպասվում են արտահերթ խորհրդարանական ընտրություններ։

165
թեգերը:
Ազգային ժողովի ընտրություններ, Հայաստան, Ադրբեջան, Նիկոլ Փաշինյան
թեմա:
ԱԺ արտահերթ ընտրություններ 2021 (231)
Ըստ թեմայի
Լևոն Քոչարյանը նույնպես կմասնակցի ընտրություններին. «Հայաստան» դաշինքի 50–հոգանոց ցուցակը
Հնարավոր է՝ Հրանտ Բագրատյանի կուսակցությունը չկարողանա մասնակցել ընտրություններին
Սոֆլուն, Բարխուդարլուն և Վերին Ոսկեպարը դեռ 1929-ին հանձնվել են Դիլիջանի գավառին. ՄԻՊ
Սերժ Սարգսյան

Հանուն հասարակության հաշտեցման. Սերժ Սարգսյանը կատարեց իր ընտրությունը

8
(Թարմացված է 13:33 20.06.2021)
Սերժ Սարգսյանը չպատասխանեց հնարավոր դաշինքների մասին հարցին. այդ մասին կխոսեն ընտրություններից հետո։

ԵՐԵՎԱՆ, 20 հունիսի – Sputnik. Առանց հասարակության համերաշխության հնարավոր չէ հասնել ո՛չ անվտանգության, ո՛չ տնտեսական զարգացման։ Այսօր ընտրատեղամասից դուրս գալուց հետո լրագրողների հետ զրույցում հայտնեց ՀՀ երրորդ նախագահ Սերժ Սարգսյանը։

«Ես քվեարկել եմ հանուն անվտանգ, ինքնիշխան, տնտեսապես զարգացած Հայաստանի և Արցախի հանրապետությունների, հանուն հզոր հայկական բանակի, հանուն մեր սահմանների անձեռնմխելիության և հանուն մեր հասարակության հաշտեցման»,– ասաց Սարգսյանը։

Նա նշեց, որ քարոզարշավի ողջ ընթացքում իրավապահ համակարգը քաղաքական ճնշումների է ենթարկել «Պատիվ ունեմ» դաշինքի անդամներին ու համակիրներին։

Սարգսյանը նշեց, որ իրենք ուշադիր հետևում են ընտրության արդյունքներին, և օրվա երկրորդ կեսին «Պատիվ ունեմ» դաշինքը հանդես կգա միջանկյալ հայտարարությամբ, իսկ քվեարկության ավարտից հետո` վերջնական։

Սարգսյանը չպատասխանեց հնարավոր դաշինքների մասին հարցին. այդ մասին կխոսեն ընտրություններից հետո։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

8
թեգերը:
քվեարկություն, Սերժ Սարգսյան, Հայաստան
թեմա:
ԱԺ արտահերթ ընտրություններ 2021 (231)
Ըստ թեմայի
Նիկոլ Փաշինյանը սպասում է ընտրելու իր հերթին. լուսանկարներ և տեսանյութ
Թաց ընտրաթերթիկներ, ընտրողի անվան բացակայություն. Գյումրիում ևս ընտրական ակտիվություն է
Հայաստանում քվեարկության առաջին 3 ժամերին ընտրությանը մասնակցել է ընտրողների 12.2 տոկոսը
Վահե Հակոբյան

Սյունիքում իշխանությունը ջախջախիչ պարտություն է տանելու. Վահե Հակոբյան

8
(Թարմացված է 13:32 20.06.2021)
Վահե Հակոբյանը նա չի բացառում, որ անելանելի վիճակից իշխանությունը կփորձի բախումների գնալ։

ԵՐԵՎԱՆ, 20 հունիսի – Sputnik. Գործող իշխանությունը պատրաստ է ամեն տեղ պարտվել, բայց ոչ Սյունիքում։ Լրագրողների հետ զրույցում հայտնեց «Հայաստան» դաշինքի անդամ Վահե Հակոբյանը` արտահերթ խորհրդարանական ընտրություններին կատարելով իր քվեարկությունը։

«Սյունիքում իրենք ջախջախիչ պարտություն են տանելու։ Սյունիքում զինվորականներին ուղղորդում են ընտրելու «Քաղաքացիական պայմանագիր» կուսակցությանը, բայց բոլոր խախտումներն արձանագրվում են, ու դաշինքի իրավաբանները արդեն զբաղվում են այդ հարցերով»,–ասաց Հակոբյանը։

Նրա խոսքով` «Հայաստան» դաշինքի հաղթանակը լինելու է շատ համոզիչ ու տպավորիչ, սակայն նա չի բացառում, որ անելանելի վիճակից իշխանությունը կփորձի բախումների գնալ, բայց իրենք սադրանքների չեն գնալու:

Հակոբյանը նշեց նաև, որ Սիսիանում անհիմն խուզարկություններ են կատարվել «Հայաստան» դաշինքի՝ Սիսիանի գրեթե բոլոր շտաբներում, և 4 շտաբների ղեկավարներ հրավիրվել են Երևան բացատրություն տալու:

© Sputnik
Վահե Հակոբյանը ընտրատեղամասում ընտրելու իր հերթին է սպասում

Հիշեցնենք, որ «Հայաստան» դաշինքի շտաբի ղեկավարը ՀՀ մարդու իրավունքների պաշտպանին բողոք է ներկայացրել, որ Երևանի ընդհանուր իրավասության դատարանը տվել է խուզարկություններ կատարելու որևէ հիմնավորում չունեցող թույլտվություն: Արման Թաթոյանը խումբ է ուղարկել Սիսիան` տեղում ստուգելու բողոքի հետ կապված բոլոր հանգամանքները:

8
թեգերը:
Ընտրություններ, Պարտություն, Իշխանություն, Սյունիք, Վահե Հակոբյան, «Հայաստան» դաշինք, Հայաստան
թեմա:
ԱԺ արտահերթ ընտրություններ 2021 (231)
Ըստ թեմայի
Ծառուկյանի վրա ո՞վ կարող է ազդել. ԲՀԿ առաջնորդը քվեարկեց հանուն անվտանգ հայրենիքի
Հայաստանում քվեարկության առաջին 3 ժամերին ընտրությանը մասնակցել է ընտրողների 12.2 տոկոսը
Ի՞նչ խախտումների մասին են ահազանգում քաղաքացիները. ոստիկանությունը տվյալներ հայտնեց