Ռոբերտ Քոչարյան. արխիվային լուսանկար

Քոչարյանն ասաց՝ որն է լինելու իրենց N1 անելիքը հաղթելու դեպքում և ինչով է զբաղվելու ԱԱԾ–ն

647
(Թարմացված է 20:55 29.05.2021)
Քոչարյանի խոսքով՝ դաշնակից երկրների, հատկապես Ռուսաստանի հետ Հայաստանը պետք է նոր օրակարգով աշխատի։

ԵՐԵՎԱՆ, 29 մայիսի - Sputnik. Ընտրություններում հաղթելու դեպքում առաջին գործը լինելու է զինված ուժերի մարտունակության վերականգնումը։ Այս մասին այսօր` մայիսի 29–ին կազմակերպված հատուկ հավաքի ժամանակ ասաց «Հայաստան» դաշինքի ղեկավար, Հայաստանի երկրորդ նախագահ Ռոբերտ Քոչարյանը։

«Ոչ միայն արժանապատիվ պատերազմ, այլ արժանապատիվ խաղաղություն ունենալու համար մեզ պետք է ուժեղ բանակ։ Պարտությունը ծանր հարված է, և մենք պետք է օգնենք մեր ժողովրդին հաղթել այն բարդույթը, որ ձևավորվել է դրանից հետո», - ասաց նա։

Նա նշեց, որ դաշնակից երկրների հետ նոր օրակարգով է պետք աշխատել։

«Պետք է նոր գաղափարներ առաջարկել. չի կարելի հին մտքերով շարժվել։ Խոսքն առաջին հերթին գնում է Ռուսաստանի մասին։ Մենք նաև կվերականգնենք մեր դիրքերը միջազգային կազմակերպություններում։ Ես ունեմ խորը համոզմունք, որ մենք ի վիճակի ենք շատ արագ այնպիսի լուծումներ տալ, որ մեր երկիրն այսպիսի իրավիճակներում երբեք չհայտնվի», - ասաց ՀՀ երկրորդ նախագահը։

Նա նաև նշեց, որ «Հայաստան» դաշինքի հաղթանակի դեպքում ԱԱԾ-ն կրկին կզբաղվի լուրջ գործերով, ոչ թե ՀԴՄ կտրոններ կամ սատանա փնտրելով։

Հիշեցնենք` Հայաստանում արտահերթ խորհրդարանական ընտրությունները կայանալու են հունիսի 20-ին։ Նախընտրական քարոզարշավը պաշտոնապես կմեկնարկի հունիսի 7-ին։

«Համբերեք 3 շաբաթ, հրաժարական մի տվեք». Մարուքյանը զգուշացրեց` ինչ կարող է լինել

647
թեգերը:
ՀՀ ազգային անվտանգության ծառայություն. ԱԱԾ, Հայաստան, «Հայաստան» դաշինք, Ռոբերտ Քոչարյան
Ըստ թեմայի
Լևոն Քոչարյանը նույնպես կմասնակցի ընտրություններին. «Հայաստան» դաշինքի 50–հոգանոց ցուցակը
«Ազգովի կանգնած ենք պետականությունը փրկելու հրամայականի առջև». Ռոբերտ Քոչարյանի ուղերձը
«Որքան էլ պարզունակ է հնչում...». Քոչարյանի գրասենյակը պատասխանել է Փաշինյանին
«Ռոբերտ Քոչարյանը դեռ 1999-ին քննարկել է Մեղրին Ադրբեջանին տալու հարցը». Նիկոլ Փաշինյան
Հեռուստաաշտարակ

Հ1-ը չի կարող ստանալ ՄԻՊ-ի աջակցությունը․ Թաթոյանը՝ «Պատիվ ունեմ»-ի բողոքի վերաբերյալ

30
(Թարմացված է 14:17 13.06.2021)
Պաշտպանը հոլովակը չհեռարձակելու գործի վերաբերյալ հարցումներ է ուղարկում Հանրային հեռուստանկերությանն ու ՀՌԱՀ-ին։

ԵՐԵՎԱՆ, 13 հունիսի – Sputnik․ Հանրային հեռուստաընկերությունը՝ որպես կառավարության հիմնադրած հեռուստաընկերություն, չի կարող ստանալ Մարդու իրավունքների պաշտպանի աջակցությունը «Պատիվ ունեմ» դաշինքի հետ կապված գործով: ՄԻՊ գրասենյակն արձագանքել է երեկ Հանրային հեռուստաընկերությունից ու «Պատիվ ունեմ» դաշինքից ստացված դիմումներին՝ նախընտրական հոլովակի հեռարձակման հարցով։

Նշենք, որ երեկ Հանրային հեռուստաընկերությունը դիմել էր ՄԻՊ-ին՝ նշելով, որ «Առաջին ալիքի նկատմամբ քաղաքական ճնշումների փորձեր» են արվում և հեռուստաընկերությունն ակնկալում է պաշտպանի «հրատապ արձագանքը» և «կոչ անում պաշտպանել Հանրայինի՝ անաչառության և ոչ խտրական վերաբերմունքի հանձնառությունը»՝ նկատի ունենալով «տարբեր քաղաքական ուժերի» հայտարարութունները, թե հեռուստաընկերությունը նախընտրական հոլովակների ցուցադրման հարցում ցուցաբերում է խտրական մոտեցումներ: Պաշտպանին ուղղված բողոքում Հանրայինն ընդգծել է, որ խոսքը վերաբերում է տարբեր քաղաքական ուժերի տրամադրած և օրենքի տեսանկյունից վիճելի հոլովակների ցուցադրմանը:

«Այլ կերպ՝ ՀՀ կառավարության հիմնադրած կազմակերպությունը, այն է` Հանրային հեռուստաընկերությունը ակնկալում է Մարդու իրավունքների պաշտպանից պաշտպանություն ոչ պետական կազմակերպության՝ քաղաքական ուժի արարքներից»,- ընդգծում է պաշտպանի գրասենյակը։

«Դու նամուս, թասիբ, պատիվ ունե՞ս». Վանեցյանը բացեց «Պատիվ ունեմ» դաշինքի քարոզարշավը

Մյուս կողմից, ՄԻՊ-ին բողոքով դիմել է «Պատիվ ունեմ» դաշինքի պաշտոնական ներկայացուցիչը և նշել, որ Հանրայինն առաջնորդվում է խտրական մոտեցմամբ, մերժել է իրենց նախընտրական քարոզչական հոլովակի հեռարձակումը՝ նշելով, թե այն պարունակում է վիրավորանք և զրպարտություն: Դիմումում նշվել է, որ այս արարքն ունի քաղաքական դրդապատճառներ, դրա հիմքում կառավարության կոնկրետ հրահանգն է։

«Պատիվ ունեմ»-ի ներկայացուցիչը նաև ընդգծել է, որ հեռուստաընկերությունն իրավասություն չունի որոշելու, թե ինչն է վիրավորանք կամ ինչը զրպարտություն, իրականացվել է գրաքննություն։ Դիմում-բողոքում նաև նշվում է, որ դրանից առաջ հեռարձակել է ակնհայտ վիրավորական ու զրպարտչական արտահայտություններով այլ քաղաքական ուժերի քարոզչական հոլովակներ, այդ թվում՝ իրենց վերաբերյալ:

Պաշտպանի գրասենյակը հիշեցնում է, որ «Մարդու իրավունքների պաշտպանի մասին» ՀՀ սահմանադրական օրենքը կոնկրետ գործով «մասնավոր, այն էլ քաղաքական կազմակերպության նկատմամբ պաշտպանի իրավասություն չի սահմանում»: Ուստի կառավարության հիմնադրած հեռուստաընկերությունը չի կարող այս գործով ստանալ պաշտպանի աջակցությունը, քանի որ ՄԻՊ-ի իրավասությունը կոնկրետ գործերով պետական կազմակերպությունների պաշտպանությունը չէ։

«Կոնկրետ դեպքում «Պատիվ ունեմ» դաշինքի ներկայացուցչի բողոքն ուղղված է կառավարության հիմնադրած հեռուստաընկերության դեմ, որն, ըստ դաշինքի բողոքի, գործել է հենց կառավարության հրահանգով»,- ընդգծում է ՄԻՊ գրասենյակը։

Ուստի «Պատիվ ունեմ» դաշինքի հոլովակի չհեռարձակելու դեպքի գործով Մարդու իրավունքների պաշտպանը գրավոր հարցումներ կուղարկի Հանրային հեռուստաընկերություն և Հեռուստատեսության և ռադիոյի հանձնաժողով (ՀՌԱՀ)։ ՄԻՊ-ն ընդգծում է, որ դրանից հետո միայն հնարավոր կլինի գնահատել Հանրային հեռուստաընկերության արարքը։

30
թեգերը:
«Պատիվ ունեմ» դաշինք, ՀՀ ՄԻՊ, Արման Թաթոյան, Հեռուստատեսության և ռադիոյի հանձնաժողով (ՀՌԱՀ), Հայաստանի հանրային հեռուստաընկերություն, Հեռուստատեսություն
թեմա:
ԱԺ արտահերթ ընտրություններ 2021
Ըստ թեմայի
Ադրբեջանցիները հետ կքաշվե՞ն. Կութում խոստացել են խնդիրը լուծել մինչև ընտրությունները
Ընտրությունների հաջորդ օրվանից սկսած Փաշինյանը 4 օրով ամրագրել է Հանրապետության հրապարակը
Քոչարյանը ավտոմատը ձեռքին մասնակցել է Շուշիի ազատագրմանը․ Սեյրան Օհանյան
Վլադիմիր Պուտին

Պուտինն ասել է՝ որոնք են Բայդենի հետ հանդիպման գլխավոր նպատակները

34
(Թարմացված է 13:53 13.06.2021)
ՌԴ նախագահը անհրաժեշտ է համարում Մոսկվայի և Վաշինգտոնի փոխգործակցության մեխանիզմների մշակումը։

ԵՐԵՎԱՆ, 13 հունիսի – Sputnik. Ռուսաստանի նախագահ Վլադիմիր Պուտինը անհրաժեշտ է համարում ԱՄՆ ղեկավարի հետ անձնական կապերի վերականգնումը, անմիջական երկխոսության հաստատումն ու երկու երկրների փոխգործակցության մեխանիզմների ստեղծումը։ Բայդենի հետ հանդիպման ակնկալիքների մասին խոսելով՝ ասել է ՌԴ առաջնորդը «Սմոտրիմ» մեդիահարթակին տված հարցազրույցի ժամանակ։

«Վերականգնել մեր անձնական շփումները, հարաբերությունները, անմիջական երկխոսություն հաստատել, փոխգործակցության իրապես գործող մեխանիզմներ ստեղծել, այն ուղղություններով, որոնք փոխադարձ հետաքրքրություն են ներկայացնում` այդպիսիք կան, այդ մասին արդեն խոսել եմ, ինձ թվում է, կրկնելու անհրաժեշտություն չկա», – ասել է Պուտինը։

Ըստ նրա` այդ մասին է խոսում նաև ամերիկյան կողմը. մի շարք հարցեր կան, որոնք երկուստեք հետաքրքրություն են ներկայացնում։ Դրանք և՛ ռազմավարական կայունությունն է, և՛ տարածաշրջանային հակամարտությունները, և՛ բնապահպանական միջոցառումները։

Ռուսաստան–ԱՄՆ գագաթնաժողովը նախատեսված է անցկացնել հունիսի 16-ին Ժնևում։

34
թեգերը:
Ջո Բայդեն, Վլադիմիր Պուտին, ԱՄՆ, Ռուսաստան
թեմա:
ԱԺ արտահերթ ընտրություններ 2021
Ըստ թեմայի
Անվտանգության ոլորտում Ռուսաստանի հետ հարաբերությունների խորացումն առաջնահերթ է․Փաշինյան
Փաշինյանը նախատեսում է բարեփոխումներ իրականացնել ԱԳՆ-ում
Պատերազմ չի սկսվի․ Յուրի Խաչատուրովն ասաց՝ ինչու