Լիլիթ Մակունց. արխիվային լուսանկար

Ռազմական դրություն հայտարարելու քննարկում չկա, ընտրությունները կկայանան. Մակունց

97
(Թարմացված է 13:16 26.05.2021)
ԱԺ «Իմ քայլը» խմբակցության ղեկավարը հույս հայտնեց, որ Սյունիքում տեղի ունեցող դեպքերի պատճառով ընտրությունները չեն չեղարկվի։

ԵՐԵՎԱՆ, 26 մայիսի - Sputnik. Այս պահին որևէ քննարկում չկա, որ Հայաստանում ռազմական դրություն հայտարարվի։ ԱԺ–ում լրագրողների հետ ճեպազրույցում տեղեկությունը հայտնեց «Իմ քայլը» խմբակցության ղեկավար Լիլիթ Մակունցը` պատասխանելով հարցին, թե հնարավո՞ր է Սյունիքում տիրող իրավիճակով պայմանավորված` չեղարկվեն ընտրությունները և ռազմական դրություն հայտարարվի։

«Կարծում եմ, որ բոլորս մեր ազդեցության գոտում հնարավորինս կայուն պահենք իրավիճակը։ Այս պահին չի քննարկվում երկրում ռազմական դրություն հայտարարելու և ընտրությունները չեղարկելու վերաբերյալ»,–ասաց Մակունցը։

Նա նշեց` հույս ունի, որ պատկան մարմիններն առավելագույն ջանքեր են գործադրում, որ նման իրավիճակ չլինի և ընտրությունները տեղի ունենան։

Հավելենք, որ Հայաստանում արտահերթ խորհրդարանական ընտրություններ են նախանշված հունիսի 20–ին։

97
թեգերը:
«Իմ քայլը» դաշինք, Հայաստան, ռազմական դրություն, Ընտրություններ, Լիլիթ Մակունց
Ըստ թեմայի
Հայաստանից դուրս գտնվող 650 քաղաքացի կկարողանա օնլայն մասնակցել ընտրություններին
«Որոշել եմ արտահերթ ընտրություններին չառաջադրվել». Սասուն Միքայելյան
Ընտրություններին Արա Աբրահամյանի կուսակցությունը կմասնակցի «Ալյանսի» հետ դաշինքով
Բյուջեից 7 մլն դրամ է հատկացվել ընտրությունների դիտորդ պատվիրակությունների համար
Դավիթ Սանասարյան

«Ինքնիշխան Հայաստանի» ընտրողին հրաժարվել են 26 համարի քվեաթերթիկ տալ. Սանասարյան

10
(Թարմացված է 14:32 20.06.2021)
Իրենց կուսակցության քվեաթերթիկի բացակայության մասին ավելի վաղ հայտնել էր  ՀԴԿ-ի վարչապետի թեկնածու Տիգրան Արզաքանցյանը։

ԵՐԵՎԱՆ, 20 հունիսի - Sputnik. 3/11 Կ. Ուլնեցու փ. 76 16 ընտրատեղամասում հանձնաժողովի անդամները «Ինքնիշխան Հայաստան» կուսակցության ընտրողին հրաժարվել են տրամադրել 26 համարի քվեաթերթիկը, այս մասին ֆեյսբուքյան էջում տեղեկացրել է «Ինքնիշխան Հայաստան» կուսակցության նախագահ,  վարչապետի թեկնածու Դավիթ Սանասարյանը։

«Երկրորդ անգամ քվեաթերթիկը պահանջելուց հետո պատճառաբանել են, որ 25 ուժ է մասնակցում, և 26 համար չկա։ Քաղաքացին պատրաստ է բացատրություն տալ։ Հրավիրում ենք իրավապահ մարմինների ուշադրությունը»,-նշել է Սանասարյանը։

Հիշեցնենք, որ իրենց կուսակցության քվեաթերթիկի բացակայության մասին ավելի վաղ հայտնել էր  ՀԴԿ-ի վարչապետի թեկնածու Տիգրան Արզաքանցյանը։

Նշենք, որ այսօր առավոտյանը ժամը 08։00–ին Հայաստանում մեկնարկել են ԱԺ արտահերթ ընտրությունները 2008 ընտրատեղամասերում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջագային և օտարերկրյա դիտորդական առաքելություն իրականացնող կազմակերպությունների 833 միջազգային դիտորդներ։

«Լռության օր է». Լևոն Տեր-Պետրոսյանը լուռ քվեարկեց ու հեռացավ. տեսանյութ

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

10
թեգերը:
Ընտրություններ, Դավիթ Սանասարյան
Ըստ թեմայի
Հանուն հասարակության հաշտեցման. Սերժ Սարգսյանը կատարեց իր ընտրությունը
Դատախազությունը հիշեցնում է` քվեարկության գաղտնիությունը խախտելը հանցագործություն է
Ամենայն հայոց կաթողիկոսը կատարեց իր ընտրությունը
ՊՆ

Զինվորների` ուղղորդված քվեարկության մասին լուրերն անհիմն են. ՊՆ

9
(Թարմացված է 14:36 20.06.2021)
Պաշտպանության նախարարությունը վստահեցնում է, որ նմանօրինակ բոլոր տեղեկությունները մանրամասն ուսումնասիրության են ենթարկվում։

ԵՐԵՎԱՆ, 20 հունիսի – Sputnik. Սոցիալական ցանցերում և մի շարք լրատվամիջոցներով տեղեկություններ են շրջանառվում 2021 թվականի հունիսի 20-ի արտահերթ խորհրդարանական ընտրությունների քվեարկության ընթացքում զինծառայողների՝ հրամանատարների կողմից որոշակի քաղաքական ուժի օգտին քվեարկելու ուղղորդումների վերաբերյալ։ Պաշտպանության նախարարությունը վստահեցնում է, որ մինչ այս պահը եղած լուրերը, թե զինվորներին ուղղորդում են քվեարկել այս կամ այն ուժի օգտին, չեն համապատասխանում իրականությանը։ ՊՆ–ն պաշտոնական հայտարարություն է տարածել` անդրադառնալով շրջանառվող լուրերին։

Գերատեսչությունը հայտնում է, որ նմանօրինակ բոլոր տեղեկությունները պաշտպանության նախարարությունում մանրամասն ուսումնասիրության են ենթարկվում։

«Ակնհայտ է, որ ուղղորդումների մասին պնդումները հիմնվում են բացառապես զինծառայողներին ընտրական տեղամասեր համակարգված կերպով բերելու փաստի վրա, իսկ հրապարակումներին կից տեսանյութերն ասվածի վկայությունն են։ Այդ տեսանյութերում ընդամենը պատկերված են ընտրական տեղամասերի մոտ գտնվող զինծառայողներ, իսկ ուղղորդումների մասին պնդումներն այդ տեսանյութերի հեղինակների ենթադրություններն են, որոնք զուրկ են որևէ հիմնավոր փաստարկից»,–նշված է հաղորդագրության մեջ։

Ավելին, այս պահին առկա՝ ուղղորդումների վերաբերյալ հրապարակումներում նշված ընտրատեղամասերում, ընտրական հանձնաժողովների կողմից, զինծառայողների քվեարկության հետ կապված խախտումներ չեն արձանագրվել։ Նշվում է նաև, որ ժամկետային զինծառայողներին քվեարկության համար խմբերով ընտրատեղամասեր բերելը պայմանավորված է նրանց տեղաշարժը համակարգված կերպով իրականացնելու ծառայողական անհրաժեշտությամբ։

ՊՆ–ն կոչ է անում ձեռնպահ մնալ զինծառայողների քվեարկության վերաբերյալ անհիմն, չփաստարկված պնդումներից։

Հիշեցնենք, որ լրագրողների հետ զրույցում «Հայաստան» դաշինքի անդամ Վահե Հակոբյանը հայտնել էր` Սյունիքում զինվորականներին ուղղորդում են ընտրելու «Քաղաքացիական պայմանագիր» կուսակցությանը։ Բացի այդ, սոցցանցերում տեսանյութեր են շրջանառվում, որտեղ երևում են խմբերով կանգնած զինվորականներ։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

9
թեգերը:
զինծառայող, Ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
Արզաքանցյանն ահազանգում է, որ ընտրատեղամասերից մեկում բացակայում են ՀԴԿ ընտրաթերթիկները
Արման Թաթոյանը խումբ է ուղարկել Սիսիան` «Հայաստան» դաշինքի ահազանգի հետքերով
Փաշինյանի կուսակցությունը կբողոքարկի ԿԸՀ որոշումը