Ռուստամ Մուրադով. արխիվային լուսանկար

Սյունիքում բանակցություններն սկսվել են. դրանք կոորդինացնում է Ռուստամ Մուրադովը

1170
(Թարմացված է 15:43 15.05.2021)
Sputnik Արմենիայի տեղեկություններով` Ռուստամ Մուրադովը ևս 6 ամիս կղեկավարի խաղաղապահ զորախումբը։

ԵՐԵՎԱՆ, 15 մայիսի- Sputnik. Սյունիքի սահման ներխուժած ադրբեջանցիների հետ քաշվելու թեմայով Սյունիքում մեկնարկել են բանակցությունները։ Տեղեկությունը Sputnik Արմենիային հայտնեց Գորիսի փոխհամայնքապետ Մենուա Հովսեփյանը։

Նշենք, որ երեկ վարչապետի պաշտոնակատար Նիկոլ Փաշինյանը հայտարարել էր, որ բանակցությունները կանգ են առել և շարունակվելու են այսօր։

«Բանակցությունները սկսել են արդեն ժամը 3-ից։ Այն կոորդինացնում է ռուսական խաղաղապահ զորախմբի հրամանատար, գեներալ Ռուստամ Մուրադովը»,–ասաց Հովսեփյանը։

Նա հայտնեց նաև, որ մարզի բնակչությունը մարտական է տրամադրված` պատրաստ պաշտպանելու իրենց հողերը։

Հովսեփյանը հիշեցրեց, որ երեկ ադրբեջանցիները Ակներ գյուղի վերևի մաս են առաջացել, որի հետևանքով Գորիս քաղաքն ընկնում է անմիջական նշանառության տակ։

Ի դեպ, Sputnik Արմենիայի տեղեկություններով` Ռուստամ Մուրադովը ևս 6 ամիս կղեկավարի խաղաղապահ զորախումբը։

Հիշեցնենք` ՀՀ ՊՆ մամուլի ծառայությունը հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

ԱՄՆ-ը սադրանք է համարում Ադրբեջանի գործողությունները Հայաստանի սահմանների մոտ. Պետդեպ

Նույն օրը ՀՀ վարչապետի պաշտոնակատար Նիկոլ Փաշինյանն Անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

1170
թեգերը:
Ռուստամ Մուրադով, բանակցություն, Սյունիք, ադրբեջանցի
թեմա:
Սահմանային խախտումներ. իրադրությունը Սյունիքում և Գեղարքունիքում (209)
Ըստ թեմայի
ՀՀ–ն բարձր է գնահատում միջազգային գործընկերների ջանքերը Սյունիքի հարցով. հայտարարություն
«Եկել ենք գործուղման». ռուս զինվորականները Սյունիքում են
Իշխանասարում ադրբեջանցիների ներկայությունը վտանգում է Սյունիքի խմելու ջրի հասանելիությունը
ՀԱՊԿ–ն առաջիկա օրերին Սյունիքի իրավիճակի վերաբերյալ խորհրդակցություններ կանցկացնի
Վարչապետ Նիկոլ Փաշինյանն այցելել է ՀՀ աշխատանքի և սոցիալական հարցերի նախարարություն և աշխատակազմին ներկայացրել նորանշանակ նախարարին

Երկու կարևոր առաքելություն կա. Փաշինյանը սոցապնախարարին հաջողություն է մաղթել

21
(Թարմացված է 19:53 03.08.2021)
Վարչապետ Նիկոլ Փաշինյանն այցելել է ՀՀ աշխատանքի և սոցիալական հարցերի նախարարություն և աշխատակազմին ներկայացրել նորանշանակ նախարարին։

ԵՐԵՎԱՆ, 3 օգոստոսի – Sputnik. ՀՀ վարչապետ Նիկոլ Փաշինյանը շնորհավորել է ՀՀ աշխատանքի և սոցիալական հարցերի նորանշանակ նախարար Նարեկ Մկրտչյանին և մաղթել հաջողություններ պատասխանատու աշխատանքում: Տեղեկությունը հայտնում են ՀՀ վարչապետի մամուլի ծառայությունից։

Փաշինյանը նշել է, որ այս գործընթացը ֆորմալ է, որովհետև տևական ժամանակ է, ինչ Մկրտչյանը դե-ֆակտո այդպիսի կարգավիճակում է՝ զբաղեցնելով նախարարի առաջին տեղակալի պաշտոնը:

Премьер-министр Никол Пашинян представил аппарату министерства труда и социальных вопросов новоназначенного министра Нарека Мкртчяна (3 августа 2021). Еревaн
© Photo / official site of the Prime minister of RA
Նարեկ Մկրտչյանը

Վարչապետի խոսքով`նախարարությունը շատ կարևոր երկու առաքելություն ունի: Առաջինը՝ պատերազմում հաշմանդամություն ստացած զինծառայողների սոցիալական աջակցության խնդիրն է։ «Խոսքը վերաբերում է նաև պրոթեզավորման գործընթացին: Իհարկե, հաշմանդամություն ստացած զինծառայողների, զոհվածների հարազատների, ընտանիքների անդամների սոցիալական երաշխիքների որոշակի համակարգ ձևավորված է»,–ասել է նա։

Փաշինյանը երկրորդ կարևոր առաքելությունը համարել է ՀՀ քաղաքացիների արժանապատիվ աշխատանքի հնարավորությունը։
«Մարդը լավագույնս սոցիալապես պաշտպանված է, երբ ունի պատշաճ աշխատանք: Եվ հենց սա պետք է լինի մեր նպատակադրման ուղղությունը: Սոցիալական իրադրության, իրավիճակի փոփոխության մեր ընկալումը պետք է լինի քաղաքացիների համար աշխատանքի պատշաճ պայմաններ ստեղծելը»,–ասել է վարչապետը:

Նրա խոսքով`21-րդ դարում աշխատունակություն հասկացությունն էլ իր սահմանները որոշակի փոխել է: Այսօր շատ ծանր հաշմանդամության վիճակ ունեցող մարդիկ կարող են ունենալ լավ վարձատրվող աշխատանք:

Նարեկ Մկրտչյանն իր հերթին շնորհակալություն է հայտնել վարչապետին խիստ պատասխանատու և զգայուն ոլորտի կառավարումն իրեն վստահելու համար: Նրա խոսքով` ջանք ու եռանդ չի խնայելու՝ գտնելու ծառացած խնդիրների լուծումները։

«Մի շարք բարեփոխումներ արդեն իսկ ընթացքի մեջ են, և մենք շարունակում ենք ամեն ինչ անել, որպեսզի դրանք հասնեն իրենց տրամաբանական ավարտին: Ինչ վերաբերում է հաշմանդամների պրոթեզավորման գործընթացին, ապա այն պատշաճ կերպով իրականացվում է: Այժմ հասել ենք վերջնական, ավարտական փուլին և մեկնարկել է վերին վերջույթների ամպուտացված զինվորների պրոթեզավորման գործընթացը: Հենց այս պահին էլ մեր միջազգային փորձագետներն ավելի քան 70 մասնագետների վերապատրաստում են նոր գերժամանակակից տեխնոլոգիաների կիրառումը Հայաստանին ներկայացնելու ուղղությամբ»,- ասել է Նարեկ Մկրտչյանը:

Հիշեցնենք`օգոստոսի 2–ին ՀՀ նախագահի հրամանագրերով Նարեկ Մկրտչյանը նշանակվեց աշխատանքի և սոցիալական հարցերի նախարար։

21
թեգերը:
Հայաստան, Նիկոլ Փաշինյան, Նախարար, ՀՀ աշխատանքի և սոցիալական հարցերի նախարարություն, Նարեկ Մկրտչյան
Ըստ թեմայի
ՀՀ-ում Իրանի դեսպանն այցելել է Վերին Շորժայի հատվածի սահմանագիծ
Իշխանականներ vs լրագրողներ, կամ Հայաստանի պատմության մեջ աննախադեպ բան է կատարվում
Մակրոնը կարևորել է Հայաստանի և Ադրբեջանի միջև սահմանագծումը. նա խոսել է Փաշինյանի հետ
Արթուր Ալեքսանյան

«Մեր թիմն այսօր քարուքանդ արեցին». Արթուր Ալեքսանյանը հրաժարվել է կրել արծաթե մեդալը

360
(Թարմացված է 19:41 03.08.2021)
Ըմբիշը համաձայն չէ մրցավարների որոշմանը իր և իր հակառակորդ Մուսա Եվլոևի պայքարի շուրջ։

ԵՐԵՎԱՆ, 3 օգոստոսի – Sputnik. Հայաստանի հավաքականի անդամ, հունահռոմեական ոճի ըմբշամարտիկ Արթուր Ալեքսանյանը Տոկիոյում կայացած պարգևատրման արարողության ժամանակ հրաժարվել է արծաթե մեդալից։ Այս մասին գրում է ՌԻԱ Նովոստին։

Նշվում է, որ Ալեքսանյանը տեղում գտնվող լրագրողներին հարցազրույց տալու խնդրանքին պատասխանել է. «Պետք է Ռուսաստանից լինել հաղթելու համար»:

Ըմբիշը համաձայն չէ մրցավարների որոշմանը իր և իր հակառակորդի` Ռուսաստանը ներկայացնող Մուսա Եվլոևի պայքարի շուրջ։

Vnews.am-ը գրում է, որ Արթուր Ալեքսանյանի անձնական մարզիչ Գևորգ Ալեքսանյանը oլիմպիական խաղերը Տոկիոյից լուսաբանող լրագրողների հետ զրույցում ասել է` Հայաստանի հունահռոմեական ոճի ըմբշամարտի հավաքականի նկատմամբ կողմնակալություն կար։

«Ասելու շատ բան ունեմ, բայց դա հավանաբար կթողնեմ ասուլիսին։ Այսօր Հայաստանի հունահռոմեական ոճի ըմբշամարտի հավաքականի նկատմամբ կողմնակալություն կար։ Տեսեք՝ ինչ արեցին. փոխվեց մեկ մեդալի գույնը, 3 մեդալից էլ զրկվեցինք։ Երեքն էլ պատրաստ էին այսօր հաղթելուն։ Մեզ հաստատ զրկեցին մեդալներից։ Մեր թիմն այսօր քարուքանդ արեցին։ Հիմա դա ում մտահղացումն էր` չեմ կարող ասել։ Հարցեր կան, որ պետք է հասկանամ դեռ։ Բայց այսօր էմոցիոնալ եմ։ Լինում են սխալներ, բայց այսքան ակնհայտ կողմնակալ որոշումներով հնարավոր չէ։ Արթուրը մեկ ոտքով գորգ բարձրացավ ու այդպես դատեցին։ Խախտում չկար, բայց գտան մի բան, 1-1 դեպքում Արթուրը կարող էր չեմպիոն դառնալ։ Այդպիսի մի քանի գոտեմարտ եղավ», – ասել է մարզիչը։

Մկանն ընդհանուր առմամբ վնասված չէ․ մանրամասներ Արթուր Ալեքսանյանի վիճակից

Անդրադառնալով ռուսական մամուլում տեղ գտած խոսքերին՝ ռուսների հետ կապված, մարզիչն ասել է, որ Արթուրը նման բան չի ասել։

«Արթուրն ընդամենը իր հետևից եկող լրագրողներին ասել է` միացրեք, գոտեմարտը նայեք, ինքներդ կտեսնեք», – ասել է մարզիչը։

Նշենք, որ այսօր ավելի վաղ` եզրափակիչ փուլում, Արթուր Ալեքսանյանը 97 կգ քաշային կարգի եզրափակիչում 1։5 հաշվով պարտվեց Ռուսաստանի ներկայացուցիչ Մուսա Եվլոևին։

Երեկ` կիսաեզրափակչում, մեր մարտիկը վնասվածք էր ստացել իրանցի Մոհամադհադի Սարավի հետ մարտում։ Չնայած դրան` նա շարունակեց գոտեմարտը ու հաղթեց 4։1 հաշվով։

Հիշեցնենք` Արթուր Ալեքսանյանը Լոնդոնի oլիմպիական խաղերում նվաճել է բրոնզե մեդալ մինչև 96 կգ քաշային կարգում, իսկ Ռիո դե Ժանեյրոյում կայացած ամառային խաղերում դարձել է 98 կգ քաշային կարգի հաղթող:

Արթուր Ալեքսանյանը կրկին հաղթեց Տոկիոյում ու դուրս եկավ եզրափակիչ

360
թեգերը:
Արթուր Ալեքսանյան, Տոկիո, օլիմպիադա, Օլիմպիական խաղեր, մեդալ
Ըստ թեմայի
Արթուր Ալեքսանյանը հաղթեց առաջին գոտեմարտում և դուրս եկավ քառորդ եզրափակիչ․ լուսանկարներ
Ո՞ւմ հետ կմրցեն Ալեքսանյանն ու Չալյանը. հայտնի են վիճակահանության արդյունքները
Արթուր Ալեքսանյանը երկրորդ հաղթանակը տոնեց օլիմպիական խաղերում. լուսանկարներ
Ի՞նչ վնասվածք է ստացել Արթուր Ալեքսանյանը. մանրամասներ
Աճյունների որոնման աշխատանքներ

Ադրբեջանի վերահսկողության տակ անցած տարածքներից տարհանվել է ևս 6 աճյուն

0
(Թարմացված է 20:04 03.08.2021)
Աճյուններից 3–ը ռուսական խաղաղապահ առաքելության զորակազմի միջնորդությամբ հայկական կողմին է փոխանցել Մարտունու շրջանի Կարմիր Շուկա-Շեխեր համայնքների հատվածում:

ԵՐԵՎԱՆ, 3 օգոստոսի – Sputnik. Ադրբեջանի վերահսկողությանն անցած Վարանդայի (Ֆիզուլի) շրջանում այսօր իրականացված որոնողական աշխատանքների ընթացքում հայտնաբերվել և տարհանվել է 3 հայ զինծառայողի աճյուն: Տեղեկությունը հայտնում է Արցախի Հանրապետության ներքին գործերի նախարարության արտակարգ իրավիճակների պետական ծառայությունը։

Եվս 3 աճյուն ադրբեջանական կողմը ռուսական խաղաղապահ առաքելության զորակազմի միջնորդությամբ հայկական կողմին է փոխանցել Մարտունու շրջանի Կարմիր Շուկա-Շեխեր համայնքների հատվածում:

«Ընդհանուր առմամաբ, այսօր Ադրբեջանի վերահսկողության տակ անցած տարածքներից տարհանվել է 6 աճյուն: Նրանց ինքնությունը կհաստատվի դատաբժշկական փորձաննությունից հետո»,–նշված է հաղորդագրության մեջ:

Վարանդայում հայտնաբերվել է 4 զինծառայողի աճյուն

Հիշեցնենք, որ զինադադարից հետո մինչ օրս Ադրբեջանի կողմից Արցախի գրավյալ տարածքներից որոնողական աշխատանքների ընթացքում տարհանվել է 1629 աճյուն:

0
թեգերը:
Արցախ, Արցախյան պատերազմ, զինծառայող, Զոհ, Դիակ, աճյուն
Ըստ թեմայի
Պատկերացնում եմ՝ ինչպես եմ Հադրութ մտնում, գերեզման վազում․ արցախցիների կյանքը կռվից հետո
Արցախի դիրքերից մեկի մոտակայքում 23–ամյա զինծառայողի դի է հայտնաբերվել
Խաղաղապահներն Արցախում ժամանակակից մարտ վարելու մարտավարություն են մշակել