Վրաստան, Հայաստան, Իրակլի Ղարիբաշվիլի, Ծիծեռնակաբերդ, irakli xaribashvili-tsitsernakaberd, novosti armenii
Իրակլի Ղարիբաշվիլին Ծիծեռնակաբերդում

Վրաստանի վարչապետն այցելեց Ծիծեռնակաբերդ. լուսանկարներ

37
(Թարմացված է 17:39 12.05.2021)
Վրաստանի կառավարության ղեկավար Իրակլի Ղարիբաշվիլին ջրեց իր և Վրաստանի կաթողիկոսի տնկած եղևնիները։

ԵՐԵՎԱՆ, 12 մայիսի – Sputnik. Վրաստանի վարչապետ Իրակլի Ղարիբաշվիլին հարգանքի տուրք մատուցեց Հայոց ցեղասպանության զոհերի հիշատակին և ծաղիկներ խոնարհեց Ծիծեռնակաբերդի հուշահամալիրի անմար կրակի մոտ:

Премьер-министр Грузии Ираклий Гарибашвили во время возложения цветов в Цицернакаберде (12 мая 2021). Еревaн
© Sputnik / Aram Nersesyan
Ղարիբաշվիլին Ծիծեռնակաբերդում

Այնուհետև Հիշատակի ծառուղում ջրեց 2014 թվականին իր տնկված եղևնին, չմոռացավ նաև Վրաստանի կաթողիկոս Իլյա 2–րդի տնկած ծառի մասին։

Премьер-министр Грузии Ираклий Гарибашвили поливает именную ель во время посещения Мемориала Цицернакаберд (12 мая 2021). Еревaн
© Sputnik / Aram Nersesyan
Ղարիբաշվիլին Ծիծեռնակաբերդում

Հիշեցնենք` Ղարիբաշվիլին պաշտոնական այցով Հայաստան է ժամանել այսօր։

Նա արդեն հանդիպում է ունեցել ՀՀ վարչապետի պաշտոնակատար Նիկոլ Փաշինյանի հետ, հանդիպում է նախատեսված նաև ՀՀ արտաքին գործերի նախարարի պաշտոնակատար Արա Այվազյանի հետ: 

Վարչապետի պաշտոնակատար Նիկոլ Փաշինյանի անունից ի պատիվ Վրաստանի վարչապետ Իրակլի Ղարիբաշվիլիի կտրվի պաշտոնական ընթրիք:

Ղարիբաշվիլին նախկինում Հայաստան է այցելել ինչպես Վրաստանի վարչապետի կարգավիճակով` 2014-ին և 2019-ին, այնպես էլ 2020–ին` որպես պաշտպանության նախարար:

37
թեգերը:
Վրաստանի Հանրապետություն, Հայաստան
Ըստ թեմայի
Մեր համագործակցությունը տարածաշրջանի անվտանգության կարևորագույն երաշխիքներից է. Փաշինյան
Հայաստանի կայունությունը և զարգացումը մեծ նշանակություն ունի Վրաստանի համար. Ղարիբաշվիլի
Գերիների հարազատները նստացույց են սկսել կառավարության շենքի առջև

Գերիների հարազատները նստացույց են սկսել կառավարության շենքի առջև

14
(Թարմացված է 01:05 24.06.2021)
Հարազատները մինչ այդ հանդիպել են ՀՀ վարչապետի պաշտոնակատար Նիկոլ Փաշինյանի հետ։ Հանդիպումը նրանց չի բավարարել։

ԵՐԵՎԱՆ, 24 հունիսի - Sputnik. Այս գիշեր ՀՀ կառավարության գլխավոր մասնաշենքի առջև կանցկացնեն հայ գերիներից մի քանիսի հարազատները։ Sputnik Արմենիայի հետ զրույցում Շիրակի մարզից գերիներից մեկի եղբայրը՝ Տիգրանը, ասաց, որ ցերեկը հանդիպել են ՀՀ վարչապետի պաշտոնակատար Նիկոլ Փաշինյանի հետ։ Հանդիպումը նրանց չի բավարարել, ինչի համար էլ, այլ ելք չունենալով, որոշել են նստացույց անցկացնել կառավարության մոտ։

«Պահանջում ենք գերիների վերադարձն առանց նախապայմանների,-ասաց նա,-այլ տեղ չունենք գնալու»։

Նրան են միացել նաև այլ գերիների հարազատներ։

Հիշեցնենք` հունիսի 12-ին հայտնի դարձավ, որ Բաքուն Ակնայի (Աղդամ) ականապատ տարածքների քարտեզի դիմաց Հայաստանին է փոխանցել 15 հայ ռազմագերի։ Այդպիսով, Հայաստան վերադարձած գերիների թիվը դարձավ 88։

Դրանից հետո ՀՀ վարչապետի պաշտոնակատար Նիկոլ Փաշինյանը հայտարարել էր, որ Ադրբեջանում պահվող հայ գերիների ճշտված թիվը 60 է, չճշտվածներինը՝ 110։

Ոչ պաշտոնական տվյալներով՝ Ադրբեջանում շարունակում են մնալ մոտ 200 հայ գերիներ։

 

14
թեգերը:
նստացույց, Հայաստան, գերի
Արման Թաթոյան

Ակնկալվում է, որ հայհոյախոսությանը վերջ դնելու կոչին պետք է հետևեին պաշտոնյաները. Թաթոյան

28
(Թարմացված է 00:28 24.06.2021)
Արմեն Թաթոյանն անդրադարձել է Էդուարդ Աղաջանյանի գրառմանը` նշելով, որ Նիկոլ Փաշինյանի հորդորին չեն հետևում հենց իշխանության ներկայացուցիչները։

ԵՐԵՎԱՆ, 24 հունիսի – Sputnik. ՀՀ մարդու իրավունքների պաշտպան Արման Թաթոյանը ողջունում է վարչապետի պաշտոնակատար Նիկոլ Փաշինյանի հունիսի 21-ի հավաքի ժամանակ արված՝ հայհոյախոսությանն ու թշնամանքին վերջ դնելու կոչը։

«Ակնկալվում է, որ այս կոչին պետք է առաջին հերթին հետևեին իշխանության ներկայացուցիչներն ու նրանք, ովքեր զբաղեցրել կամ զբաղեցնում են բարձրաստիճան պաշտոններ: Ցավոք, նրանցից որոշները հակառակն են ցույց տալիս: Այդպիսի պահվածք է ցուցաբերում վարչապետի աշխատակազմի նախկին ղեկավար Էդուարդ Աղաջանյանը, որը գրառում է արել` օգտագործելով «ինտելեկտուալ ապուշներ», «հայ ժողովուրդը ծնկի է բերել», «միշտ է ծնկի բերելու» արտահայտություններով դատապարտելի բառապաշար»,–նշված է Թաթոյանի գրառման մեջ։

Բացի այդ, Թաթոյանը նշում է, որ ընտրությունների օրվանից անմիջապես հետո հանրային տիրույթ են բերվել մարդկանց խմբերի բաժանող վտանգավոր դրսևորումներ: Խոսքը հասարակության բևեռացումը խորացնող արհեստական բաժանումների մասին է՝ «գյուղաբնակներ ու քաղաքաբնակներ», «գրագետներ և անգրագետներ», «հետամնացներ և զարգացածներ», որը կապվում է քվեարկության արդյունքների հետ:

Նրա խոսքով` ընդդիմության առանձին շրջանակներ, նրանց աջակիցները նշում են, թե իրենց օգտին քվեարկել են քաղաքաբնակները, ինտելեկտուալներն ու կրթվածները: Իշխանության առանձին ներկայացուցիչներն ու համակիրները ընդդիմությանն ու նրանց աջակիցներին հակադարձում են վիրավորական արտահայտություններով։

Մի «չագուճի» պատմություն, կամ ինչպե՞ս են այլ երկրներում վերաբերվում առաջին դեմքի սխալներին

Մարդու իրավունքների պաշտպանը կոչ է անում ձեռնպահ մնալ հասարակությունը բևեռացնող ու լարվածությունն ավելացնող արարքներից, վիրավորանք կամ ատելություն պարունակող կամ դրան նպաստող բառապաշարից: Բացի այդ, ըստ նրա, պետք է բացառվեն բոլոր տեսակի ֆեյքային բանակների հարձակումները:

Հիշեցնենք, որ Աղաջանյանը գրառում էր արել «ինտելեկտուալ ապուշների մասին»` Նասիմ Թալեբի բնորոշումներով սահմանելով, թե ինչ է դա։

28
թեգերը:
կոչ, հայհոյանք, Արման Թաթոյան
Ըստ թեմայի
Հայհոյանքի ու սպառնալիքների չափաբաժինը շատ վտանգավոր սահմանի է հասել. Թաթոյան
Փոխադարձ մեղադրանք և հայհոյանք. ՄԻՊ-ն ասել է` ինչպես պետք է լինի քաղաքակիրթ ընտրապայքարը
Փաշինյանը հարբած զանգել է Էջմիածնի քաղաքապետին ու վերջին հայհոյանքները տվել. մանրամասներ