ընտրություններ, իմ քայլը, հայասատան, արմոն Սարգսյան, armen sargsyan, im qayly, yntrutyunner, novosty armenii
Արմեն Սարգսյանն ու Նիկոլ Փաշինյանը

ՀՀ նախագահը խառնեց պլանները. Հայաստանում հնարավոր է` ընտրությունների երկրորդ փուլ անցկացվի

445
(Թարմացված է 16:46 11.05.2021)
Անցյալ շաբաթ ընդունած Ընտրական օրենսգրքի փոփոխություններով «Իմ քայլն» փորձում էր փոփոխել նաև կոալիցիաների վերաբերյալ օրենսդրական պահանջը մինչև հունիսի 20-ի ընտրությունները։ Բայց նախագահը չշտապեց ստրագրել օրենքը։

ԵՐԵՎԱՆ, 10 մայիսի - Sputnik. Հայաստանում նախանշված արտահերթ ընտրությունները կարող են մեկ փուլով չավարտվել։ ԱԺ–ում խորհրդարանական ճեպազրույցների ժամին «Իմ քայլը» խմբակցության անդամ Համազասպ Դանիելյանը մեկնաբանեց, թե որ դեպքում դա կարող է տեղի ունենալ։

«Եթե ԱԺ արտահերթ ընտրությունների արդյունքում քաղաքական ուժերից որևէ մեկին չհաջողվի ստանալ խորհրդարանի մանդատների առնվազն 54 տոկոսը և 6 օրվա ընթացքում հնարավոր չլինի 3 ուժերի միջև կազմել կոալիցիա, որը կունենա խորհրդարանի տեղերի 54 տոկոսը, ապա Հայաստանում տեղի կունենա ընտրությունների երկրորդ փուլ»,– ասաց Դանիելյանը։

Նա նաև շեշտեց, որ այս նորմը նախատեսված է ընտրական գործող օրենսգրքով, մինչդեռ «Իմ քայլն» անցյալ շաբաթ ընդունած Ընտրական օրենսգրքի փոփոխություններով փորձում էր փոփոխել նաև կոալիցիաների վերաբերյալ օրենսդրական պահանջը մինչև հունիսի 20-ի ընտրությունները։

Բայց, քանի որ ՀՀ նախագահը սահմանված ժամկետում չստորագրեց նոր օրենքը, այն հունիսի 20-ի ընտրությունների ժամանակ չի կիրառվի։

Նշենք, որ նոր ընդունված օրենքով փոխվում է քաղաքական կոալիցիաներ ձևավորելու կարգը. առաջնահերթություն է տրվում այն կուսակցությանը կամ դաշինքին, որը ընտրությունների արդյունքով ձայների մեծամասնություն է ստացել:

Վերջինս 14 օրվա ընթացքում կարող է քաղաքական կոալիցիա կազմել մանդատների բաշխմանը մասնակցած մյուս կուսակցությունների (կուսակցությունների դաշինքների) հետ, եթե նրանց օգտին տրված ձայների գումարը բավարար է բաշխված մանդատների ընդհանուր թվի 52 տոկոսը ստանալու համար և նրանք եկել են համաձայնության վարչապետի թեկնածուի վերաբերյալ։

Դա քաղաքական բլեֆ է. քաղտեխնոլոգը խոսել է Փաշինյանի ելույթի և ընտրությունների մասին

445
թեգերը:
«Իմ քայլը» դաշինք, Նիկոլ Փաշինյան, Արմեն Սարգսյան, Ընտրություններ
Ըստ թեմայի
ՔՊ–ն արտահերթ ընտրություններին կմասնակցի առանձին՝ առանց դաշինքի. Մակունց
Ընտրողները 2 հոգու են տեսնում վարչապետի պաշտոնում. քաղտեխնոլոգը` ընտրությունների մասին
Մասնակցելո՞ւ եք ընտրություններին և ինչո՞ւ. հարցախույզ Երևանում
Նիկոլ Փաշինյանը հայտնեց` ինչ կարգախոսով է «Իմ քայլը» մասնակցելու ընտրություններին
Մայր Աթոռ Սուրբ Էջմիածին

Մայր աթոռը հորդորում է անհապաղ ազատ արձակել Արմեն Չարչյանին

7
(Թարմացված է 18:55 24.06.2021)
Մայր Աթոռից շեշտում են, որ ստեղծված իրավիճակում բժշկի նկատմամբ իրականացված գործողությունները առերևույթ դժվար է բնութագրել այլ կերպ, քան հալածանք և անհիմն հետապնդում

ԵՐԵՎԱՆ, 24 հունիսի - Sputnik. Մայր աթոռից հայտնում են, որ խորը մտահոգությամբ տեղեկացել են Սուրբ Էջմիածնի «Իզմիրլյան» բժշկական կենտրոնի տնօրեն, պրոֆեսոր Արմեն Չարչյանի կալանավորման մասին ու նշում, որ անվանի բժշկին առաջադրված մեղադրանքները մեծապես տարակուսելի են, կալանավորման կայացված որոշումը՝ խիստ անհամաչափ, ինչի մասին փաստում են բազմաթիվ հեղինակավոր իրավագետներ։

«Ստեղծված իրավիճակում բժշկի նկատմամբ իրականացված գործողությունները առերևույթ դժվար է բնութագրել այլ կերպ, քան հալածանք և անհիմն հետապնդում, ինչը միանշանակորեն դատապարտելի է։

Պատկան կառույցներին հորդորում ենք անհապաղ ազատ արձակել պրոֆեսոր Արմեն Չարչյանին՝ նկատի ունենալով նրա առողջական ոչ բարվոք վիճակը և նրա խնամքի տակ գտնվող անչափահաս երեխայի հանգամանքը»,-նշված է հաղորդագության մեջ։

Վաստակաշատ բժիշկ Արմեն Չարչյանը ամենածանր և դժվարին իրավիճակներում փրկել է հազարավոր կյանքեր և այսօր էլ, գլխավորելով Մայր Աթոռի «Իզմիրլյան» բժշկական կենտրոնը, շարունակում է իր անմնացորդ ծառայությունը բերել մեր ժողովրդին և հայրենիքին։ Այժմ, կալանքի ծայրահեղ միջոցի կիրառմամբ, վտանգված է նրա առողջությունը, ինչպես նաև բացառվել է նրա օժանդակությունը մարդկանց կյանքի և առողջության պաշտպանության հարցերում։

«Վստահ ենք, որ քրեական գործով նախաքննությունը կարելի է անցկացնել առանց բժիշկ Արմեն Չարչյանին հասարակությունից մեկուսացնելու»,-շեշտում են Մայր Աթոռից:

Հավելենք, որ քիչ առաջ Գլխավոր դատախազության մոտ ավարտվեց «Հայաստան» դաշինքի բողոքի ակցիան՝ ի պաշտպանություն Արմեն Չարչյանի։

Հիշեցնենք՝ հունիսի 18-ին համացանցում հրապարակվեց մի ձայնագրություն, որում Չարչյանն իր աշխատակիցներին ասում էր, որ տնօրինությունը շատ կոշտ վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։

Նույն օրը հայտնի դարձավ, որ Չարչյանը ձերբակալվել է իր ղեկավարած կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՀ ՀՔԾ-ում քննվող քրեական գործի շրջանակում։

Հունիսի 20-ի գիշերը Երևան քաղաքի Ավան և Նոր Նորք վարչական շրջանների ընդհանուր իրավասության դատարանի դատավոր Շահվերդյանը բավարարեց պաշտպանների բողոքը, ու Արմեն Չարչյանն առավոտյան դուրս եկավ «Շենգավիթ» ԲԿ-ից, ուր տեղափոխվել էր գիշերը՝ առողջական խնդիրների պատճառով։

Սա քաղաքական տեռոր է․ Արմեն Չարչյանը՝ իր դեմ հարուցված քրեական գործի մասին

Հունիսի 21-ին ԿԸՀ–ն թույլատրեց Արմեն Չարչյանին քրեական հետապնդման ենթարկել։ Հատուկ քննչական ծառայությունը որոշեց նրան որպես մեղադրյալ ներգրավել, իսկ քննիչը Չարչյանի նկատմամբ կալանավորումը որպես խափանման միջոց ընտրելու վերաբերյալ միջնորդություն ներկայացրեց։  Հունիսի 23-ին դատարանը նրան կալանավորելու որոշում կայացրեց։ Նույն օրը հայտնի դարձավ, որ Չարչյանին շտապօգնության մեքենայով տեղափոխել են հիվանդանոց։

Հիշեցնենք նաև, որ պրոֆեսոր Չարչյանը ՀՀ երկրորդ նախագահ Ռոբերտ Քոչարյանի գլխավորած «Հայաստան» դաշինքի անդամ ու պատգամավորության թեկնածու է։

7
Ըստ թեմայի
Արման Թաթոյանն այցելել է «Շենգավիթ» ԲԿ` Արմեն Չարչյանին տեսակցելու
Արմեն Չարչյանի փաստաբանները դիմել են գլխավոր դատախազին և 50 մլն դրամ գրավ առաջարկել
Կապրենք, կտեսնենք. Ավանեսյանը չի բացառում, որ երաշխավորագիր կներկայացնի Չարչյանի համար
Արմեն Չարչյան

«Նստվածքը մնացել է». հրապարակվել է Չարչյանի հանդիպման ամբողջական ձայնագրությունը

16
(Թարմացված է 18:41 24.06.2021)
Արմեն Չարչյանն իր աշխատակիցներին ասում է, որ ընտրության չգնալը նշանակում է երեխաների, թոռների և ապագա սերունդների ապագան զիջել ինչ–որ մեկին։

ԵՐԵՎԱՆ, 24 հունիսի - Sputnik. Համացանցում հայտնվել է «Իզմիրլյան» բժշկական կենտրոնի տնօրեն Արմեն Չարչյանի՝ բժշկական հաստատության անձնակազմի հետ հանդիպմանն ունեցած ելույթի ամբողջական ձայնագրությունը: Տեսանյութը հրապարակել է 168.am կայքը:
Ելույթի հենց սկզբում Չարչյանը նշում է, որ ինքն արձակուրդում է, բայց եկել է աշխատակիցների առաջ իր քաղաքացիական պարտքը կատարելու, նրանց հետ խոսելու «այն արհավիրքի մասին, որում այսօր գտնվում է երկիրը»։

«Դուք գիտեք, որ ես «Հայաստան» դաշինքի ընտրական ցուցակում 20-րդ համարն եմ: Սա անցողիկ տեղ է, բայց ես ձեզ մոտ եկել եմ ոչ որպես քաղաքական գործիչ։ Ես հիմա ներկայացնում եմ ոչ թե «Հայաստան» դաժշինքը, այլ ինքս ինձ` Արմեն Չարչյան` ձեր կոլեգա, բժիշկ, քաղաքացի, Հայ առաքելական եկեղեցու գործընկեր, քաղաքացի և հետևորդ: Ես եկել եմ ձեզ խնդրելու ու պահանջելու բոլորիցդ, որ գնաք ընտրությունների։ Թողնել, որ ինչ–որ մեկը ձեր փոխարեն ինչ–որ բան ընտրի, նշանակում է ձեր երեխաների, թոռների և ապագա սերունդների ապագան զիջել ինչ–որ մեկին»,-ասում է նա:

Չարչյանը նաև նշում է, որ ընտրության չգնացողներին դիտարկելու է որպես իր խնդրանքը, իր պահանջը չկատարողի։

«Իսկ եթե որևէ մեկն այստեղ նստածներից չի կատարելու իր տնօրենի խնդրանքը, հորդորը, պահանջը, տնօրենը և ողջ տնօրինությունը բացարձակ նույն, շատ ավելի կոշտ վերաբերմունքն է ունենալու այդ մարդու նկատմամբ»,– ասում է տնօրենը։

Պրոֆեսորը շեշտում է, որ ինքը բժշկական կենտրոնում քարոզչություն չի իրականացնում, քանի որ գիտի, որ դա քրեորեն պատժելի արարք է, և հորդորում է իր խոսքերը չընկալել որպես շահագրգռություն։ Բայց և հիշեցնում է, թե բժշկական կենտրոնի սեփականատեր Հայ Առաքելական եկեղեցին ինչ քաղաքական դիրքորոշում ունի ընտրություններում։

Չագուճ և բիզնեսի վրա հարձակումներ. Նիկոլ Փաշինյանի հռետորաբանության հետքերով

Միաժամանակ նա նշում է, որ եթե պարզի, որ որևէ մեկը «գնացել և ընտրել է ներկա ապաշնորհ իշխանություններին, այսինքն` Մայր աթոռին ու մեր բաժնետիրոջ հորդորներին հակառակ», այդ աշխատակցի նկատմամբ անմիջապես ընտրություններից կետո որևէ ռեպրեսիա չի լինելու։ Բայց և անմիջապես էլ հիշեցնում է մի հին պատմություն այն մասին, թե ինչպես է տան տերը հյուրին մեղադրում իրենց ոսկե գդալը գողանալու մեջ։ Իսկ հաջորդ անգամ հանդիպելիս ասում, որ այն գտնվել է։ «Գդալը գտնվել է, բայց նստվածքը մնացել է», - ասում է պատմության հերոսը։

Չարչյանն այս պատմությւոնը եզրափակում է հետևյալ խոսքերով. «Կյանքում ոչ մի բան անհետևանք չի մնում»։

Փաշինյանի քարոզարշավին մասնակցելն արգելելու համար Գորիսում պաշտոնյա է ձերբակալվել

16
թեգերը:
տեսանյութ, քարոզարշավ, ձայնագրություն, Արմեն Չարչյան
Ըստ թեմայի
Պահանջը մեկն է՝ անհապաղ ազատ արձակել. բողոքի ակցիա՝ ի պաշտպանություն Արմեն Չարչյանի
Կապրենք, կտեսնենք. Ավանեսյանը չի բացառում, որ երաշխավորագիր կներկայացնի Չարչյանի համար
Արմեն Չարչյանի փաստաբանները դիմել են գլխավոր դատախազին և 50 մլն դրամ գրավ առաջարկել
Արման Թաթոյանն այցելել է «Շենգավիթ» ԲԿ` Արմեն Չարչյանին տեսակցելու