Ռոբերտ Քոչարյանի դատ. արխիվային լուսանկար

Փաշինյանը Քոչարյանի հետ հաշտվելու ցուցում չի տվել. 2 մլն դրամի պահանջը մնում է ուժի մեջ

100
(Թարմացված է 15:56 06.05.2021)
Քոչարյանը դատարան էր դիմել 2020թ-ի ապրիլի 3-ին՝ ՀՀ վարչապետ Նիկոլ Փաշինյանի հրապարակային արտահայտությունը զրպարտություն որակելով։ Նա դատարանից պահանջել էր պաշտպանել իր պատիվն ու արժանապատվությունը:

ԵՐԵՎԱՆ, 6 մայիսի – Sputnik. Երևանի ընդհանուր իրավասության դատարանում այսօր ընթացող Ռոբերտ Քոչարյանն ընդդեմ Նիկոլ Փաշինյանի դատական գործով դատավոր Ալեքսեյ Սուքոյանը կողմերից հետաքրքրվեց` կան արդյոք հաշտության եզրեր։

ՀՀ վարչապետի պաշտոնակատար Նիկոլ Փաշինյանի ներկայացուցիչ Գևորգ Գյոզալյանը հայտնեց, որ իր վստահորդից նման ցուցում չունի։

ՀՀ 2–րդ նախագահ Ռոբերտ Քոչարյանի փաստաբան Հայկ Ալումյանն էլ հայտարարեց. «Ես եկել եմ այստեղ, որպեսզի ցույց տամ, որ ձեր վստահորդը այդ մտքերն արտահայտելիս որևէ փաստական հիմք չի ունեցել»։

Հիշեցնենք` Սահմանադրական փոփոխությունների քարոզարշավի ընթացքում Նիկոլ Փաշինյանը մարտ ամսին իր ելույթներից մեկում անդրադարձել էր պաշտպանության բյուջեն 2․4 մլրդ դոլարով ավելացնելու խնդրին ու հայտարարել, որ այդ գումարի կեսը՝ 1․2 մլրդը պետք է ապահովվի Սերժ Սարգսյանի, Ռոբերտ Քոչարյանի, Գագիկ Խաչատրյանի, Գագիկ Բեգլարյանի, Արամ Հարությունյանի թալանածը կոպեկ առ կոպեկ հետ բերելու արդյունքում:

Նշենք, որ դատական նիստին ո՛չ Փաշինյանը, ո՛չ Քոչարյանը չէին ներկայացել։

Փաշինյանի փաստաբանը դատական նիստի ժամանակ Քոչարյանի ներկայացուցչից ճշտեց, թե արդյոք իր վստահորդն այդ հայտարարությունն արել է ժողովրդից թալանված գումարները հետ վերադարձնելու ենթատեքստով, թե դա զուտ Քոչարյանին է վերաբերում, ինչին Ալումյանը պատասխանեց. «Լավ չի, որ մարդն արտահայտվում է այնպես, որ հետո սկսենք մտածել՝ ինչ է նկատի ունեցել»։

Ռոբերտ Քոչարյանի և Արմեն Գևորգյանի գործով դատը հետաձգվեց. հայտնի է պատճառը

Գյոզալյանն էլ Ալումյանին հորդորեց պրոֆեսիոնալ  մոտեցում ցուցաբերել և դատարանում գնահատականներ չհնչեցնել։

Կողմերի դիրքորոշումները լսելուց հետո դատական նիստն ավարտվեց։ Հաջորդ նիստը նշանակվեց սեպտեմբերի 14-ին, ժամը 11։00-ին։

Հիշեցնենք նաև, որ Հայաստանի երկրորդ նախագահ Ռոբերտ Քոչարյանը դատարան էր դիմել 2020թ-ի ապրիլի 3-ին՝ ՀՀ վարչապետ Նիկոլ Փաշինյանի հրապարակային արտահայտությունը զրպարտություն որակելով։ Նա դատարանից պահանջել է պաշտպանել իր պատիվն ու արժանապատվությունը: Քոչարյանը դրա դիմաց Փաշինյանից 2 միլիոն դրամ փոխհատուցում է պահանջում:

100
թեգերը:
զրպարտություն, Դատարան, դատ, Նիկոլ Փաշինյան, Ռոբերտ Քոչարյան
Ըստ թեմայի
Սարգսյանն ու Քոչարյանը գենետիկորեն վախ են ներարկել ազգի մեջ պատերազմի նկատմամբ. Փաշինյան
Գարնանային սրացման և դավաճանի բարդույթ. Քոչարյանի գրասենյակը պատասխանել է Փաշինյանին
Կոռեկտ չէ. Քոչարյանի գրասենյակի ղեկավարը պատասխանել է Լևոն Տեր–Պետրոսյանին
Երեխա, արխիվային լուսանկար

Ողբերգական ավտովթար Արարատում. 16-ամյա տղան մահացել է, 13-ամյա երեխային փորձում են փրկել

18
(Թարմացված է 19:02 22.06.2021)
Մահացած երեխան Վեդիի բնակիչ է, իսկ մյուսը, որի կյանքը փրկելու համար պայքարում են բժիշկները, Երևանի բնակիչ։

ԵՐԵՎԱՆ, 22 հունիսի – Sputnik. Այսօր ողբերգական ավտովթար է տեղի ունեցել Արարատի մարզում, որի հետևանքով 16-ամյա տղա է մահացել։ Տեղեկությունը հայտնում է shamshayn.com-ը։

Ըստ կայքի` ժամը 17:30-ի սահմանում KIA մակնիշի ավտոմեքենան Վեդի-Գոռավան–Արարատ ավտոճանապարհի Գոռավան գյուղի վարչական տարածքում դեռևս անհայտ հանգամանքներում կողաշրջվել է: Վթարի հետևանքով 2 հոգի տեղափոխվել են Վեդու բժշկական կենտրոն:

Մինչ դեպքի վայրում աշխատել են հետաքննիչները, հիվանդանոցից հայտնել են, տուժածներից մեկը մահացել է:

Գցել է գետնին ու կտրել կնոջ պարանոցը. Արտաշատի սարսափելի սպանության մանրամասները

Փաստի առթիվ հարուցվել է քրեական գործ ՀՀ քրեական օրենսգրքի 242–րդ հոդվածի 2-րդ մասի հատկանիշներով (ճանապարհային երթևեկության և տրանսպորտային միջոցների շահագործման կանոնները խախտելը):

Կայքը գրում է, որ մահացածը Վեդի քաղաքի բնակիչ, 16-ամյա Մ. Վարդանյանն է, իսկ տուժածը՝ Երևանի բնակիչ, 13-ամյա Է. Մարտիրոսյանը։

Երևանի կենտրոնում մեքենա է այրվել

 

18
թեգերը:
Մահ, վթար, երեխա, Հայաստան
Ըստ թեմայի
Հավի եփած թևիկներ և հավի մսով փլավ. Լոռիում էքսկուրսիան ավարտվել է ինֆեկցիոն հիվանդանոցում
Վթար Ճամբարակ–Շորժա ճանապարհին. 1 երեխա մահացել է, կա 7 վիրավոր
Վթար Արմավիրի մարզում. 16–ամյա վարորդը և նրա անչափահաս ուղևորները տեղափոխվել են հիվանդանոց
Միհրան Հակոբյանի մեքենայի տակ նռնակ են նետել
ԿԸՀ

ԿԸՀ–ն համաձայնություն է տվել, որ պատգամավորի թեկնածուին զրկեն ազատությունից

30
(Թարմացված է 18:42 22.06.2021)
Ընտրություններին մասնակցող դաշինքներից մեկի պատգամավորության թեկնածուն Շիրակի մարզի 70 ընտրողներին 10.000-ական դրամ ընտրակաշառք է տվել:

ԵՐԵՎԱՆ, 22 հունիսի - Sputnik․ Կենտրոնական ընտրական հանձնաժողովն այսօր ևս մեկ պատգամավորության թեկնածուի նկատմամբ քրեական հետապնդում հարուցելու ու նրան ազատությունից զրկելու համաձայնության մասին որոշում է կայացրել։ Որոշման համար հիմք է հանդիսացել ՀՀ գլխավոր դատախազության միջնորդությունը։

Ինչպես հայտնում են դատախազությունից, ՀՀ ԱԱԾ Շիրակի մարզային վարչությունում նախապատրաստված նյութերով պարզվել է, որ դաշինքի Արթիկի տարածքային գրասենյակի ղեկավարը, որը նաև տվյալ դաշինքի պատգամավորության թեկնածու է, ԱԺ արտահերթ ընտրություններին մասնակցելու և այդ դաշինքի օգտին կողմ քվեարկելու համար, նույն համայնքի ընտրական ցուցակներում ընդգրկված ավելի քան 70 ընտրողներին հունիսի 14-ից 16-ն ընկած ժամանակահատվածում անձամբ ու միջնորդների միջոցով առաջարկել, խոստացել և տրամադրել են 10.000-ական ՀՀ դրամ կաշառք:

Այս փաստերով ՀՀ գլխավոր դատախազությունում ՀՀ քրեական օրենսգրքի 154.2-րդ հոդվածի 1-ին մասով, 4-րդ մասի 1-ին և 2-րդ կետերով (ընտրողներին կաշառք տալը, կաշառք ստանալը, ընտրությունների ժամանակ բարեգործության արգելքի խախտումը կամ ընտրողի ազատ կամքի իրականացմանը խոչընդոտելը), 154.9-րդ հոդվածի 1-ին մասով (ընտրակաշառքի միջնորդությունը) հարուցվել է քրեական գործ, որը նախաքննություն կատարելու նպատակով ուղարկվել է ՀՔԾ:

Գործի շրջանակներում հունիսի 21-ին ընտրողներին կաշառք տալու կասկածանքով ձերբակալվել էին 5 անձ, այդ թվում՝ դաշինքի պատգամավորության թեկնածուների ցուցակում ընդգրկված անձը:

Պատգամավորի թեկնածուն կալանավորվել է ընտրակաշառք տալու համար․ ՀՔԾ

30
թեգերը:
ընտրակաշառք, Կենտրոնական ընտրական հանձնաժողով (ԿԸՀ), Հայաստան