Սերգեյ Լավրովը Երևանում

Հայաստանի և Ռուսաստանի միջև զարգանում է ակտիվ քաղաքական երկխոսությունը. Լավրով

89
(Թարմացված է 13:37 06.05.2021)
2022թ–ին լրանում է ՀՀ—ՌԴ դիվանագիտական հարաբերությունների հաստատման 30– ամյակը , որի շրջանակներում նախանշված երկկողմ միջոցառումները հերթական անգամ կընդգծեն երկու երկրների ռազմավարական, գործընկերային հարաբերությունները։

ԵՐԵՎԱՆ, 6 մայիսի – Sputnik. Հայաստանն ու Ռուսաստանը երկար ժամանակով ստուգված ռազմավարական գործընկերներ են։ Այսօր Երևանում հայտարարել է ՀՀ–ում աշխատանքային այցով գտնվող ՌԴ արտգործնախարար նախարար Սերգեյ Լավրովը` ՀՀ ԱԳ նախարարի պաշտոնակատար Արա Այվազյանի հետ հանդիպմանը հաջորդած մամուլի ասուլիսի ժամանակ։

«Բանակցությունների ընթացքում մենք փաստեցինք, որ մեր միջև ակտիվ զարգանում է քաղաքական երկխոսությունը, առաջին հերթին` ամենաբարձր մակարդակով։ Մեր երկրների ղեկավարները միայն այս տարվա ընթացքում արդեն 2 լիարժեք հանդիպում են ունեցել, 8 հեռախոսազրույց անցկացրել , 2 անգամ հանդիպել են կառավարության ղեկավարները, և իհարկե, կարգավորված են համապատասխան գերատեսչությունների ու ստորաբաժանումների միջև երկկողմ ինտենսիվ հարաբերությունները»,– ասաց Լավրովը` հիշեցնելով, որ ՌԴ խորհրդարանական պատվիրակությունն ապրիլի 24-ին այցելել էր Հայաստան` մասնակցելու Հայոց ցեղասպանության տարելիցին նվիրված հիշատակի արարողություններին։

Մայիսի 16-18–ը նախատեսվում է ՀՀ ԱԺ նախագահ Արարատ Միրզոյանի գլխավորած խորհրդարանական պատվիրակության այցը Մոսկվա։ Լավրովը հայտնեց նաև, որ 2022թ–ին լրանում է ՀՀ—ՌԴ դիվանագիտական հարաբերությունների հաստատման 30– ամյակը , որի շրջանակներում  նախանշված երկկողմ միջոցառումները  հերթական անգամ կընդգծեն երկու երկրների ռազմավարական, գործընկերային հարաբերությունները։

«Ռուսաստանը մնում է Հայաստանի տնտեսական գործընկերն ու առաջատար ներդրողը, չնայած անցյալ տարվա ընթացքում ապրանքաշրջնառության որոշակի աննշան անկման։ Հուսով ենք` վերականգնել մեր տնտեսական կապերի աճի միտումը` տնտեսական գործակցության միջկառավարական հանձնաժողովի հերթական նիստի արդյունքում, որը նախանշված է անցկացնել այս տարի»,–ասաց Լավրովը։

Պատասխանելով լրագրողների հարցերին` ՌԴ ԱԳ նախարարը հայտնեց, որ Հայաստանի ու ՌԴ–ի միջև ապրանքաշրջանառությունը նվազել է 9.6 տոկոսով` 2 մլրդ 300 մլն դոլարով, որը, նրա բնորոշմամբ, բավական սոլիդ ծավալ է։

«Բայց կասկած չկա, որ համաճարակային իրավիճակից դուրս գալուն զուգահեռ այն դարձյալ կաճի, ընդ որում` արագ տեմպերով»,– ասաց Լավրովը։

Նա նաև շեշտեց, որ տարածաշրջանի ապաշրջափակման արդյունքում մեծապես կավելանան ոչ միայն հայ-ռուսական, այլև Հայաստանի ու հարևան երկրների միջև տնտեսական փոխգործակցության ցուցանիշները։

Որպեսզի ամրապնդենք բիոլոգիական անվտանգությունը. Լավրովն ու Այվազյանը հուշագիր են ստորագրել

Հիշեցնենք, որ ՌԴ արտգործնախարարը աշխատանքային այցով Հայաստան է ժամանել մայիսի 5-ի երեկոյան։

Այսօր վաղ առավոտյան Սերգեյ Լավրովը հարգանքի տուրք է մատուցել Ցեղասպանության զոհերի հիշատակին՝ այցելելով Ծիծեռնակաբերդ, ապա ԱԳՆ-ում հանդիպել է Արա Այվազյանի հետ։

Նախատեսվում է նաև հանդիպում ՀՀ վարչապետի պաշտոնակատար Նիկոլ Փաշինյանի հետ։

89
թեգերը:
Ռուսաստան, Լեռնային Ղարաբաղ, Արա Այվազյան, Հայաստան, Սերգեյ Լավրով
թեմա:
Հայաստան-Ռուսաստան համագործակցություն (176)
Ըստ թեմայի
Այվազյանը Լավրովի հետ հանդիպմանը խոսել է գերիների մասին
Ռուսաստանը քննարկում է ՀՀ–ին 1 մլն դեղաչափ «Սպուտնիկ V» մատակարարելու հնարավորությունը
Աննա Հակոբյանը դուստրերի հետ

Ուրախ առիթով հյուր էինք. Աննա Հակոբյանը լուսանկարներ է հրապարակել «Շիշ բռնողի» հարսանիքից

403
(Թարմացված է 23:18 25.07.2021)
Աննա Հակոբյանի հետ լուսանկարներում դուստրերից երկուսն են։ Ընտանիքի մյուս անդամները չեն երևում։

ԵՐԵՎԱՆ, 25 հուլիսի – Sputnik. ՀՀ վարչապետի ժամանակավոր պաշտոնակատար Նիկոլ Փաշինյանի տիկին Աննա Հակոբյանը Facebook–ի էջում տոնական լուսանկարներ է հրապարակել դուստրերից երկուսի հետ: 

«Երկար ամիսներ անց առաջին անգամ ուրախ առիթով հյուր էինք»,–լուսանկարին կից գրել է Հակոբյանը։

Ամենայն հավանականությամբ`Աննա Հակոբյանը և դուստրերը մասնակցել են իմքայլական պատգամավոր Հայկ Սարգսյանի («Շիշ բռնողի») հարսանյաց հանդեսին:

Հարսանիքի քավորը, ըստ շրջանառվող լուրերի, եղել է Նիկոլ Փաշինյանը:

Հիշեցնենք` ԱԺ «Իմ քայլը» խմբակցության պատգամավոր, «Շիշ բռնող» մականունն ունեցող Հայկ Սարգսյանը երեկ ամուսնացել է։ Նրա հարսնացուն գործարար Հայրապետյան եղբայրներից մեկի թոռնուհին է՝ Օլյա Հայրապետյանը: Հարսանիքը տեղի է ունեցել Երևանի «Դվին» ռեստորանային համալիրում։

«Բա ես պետք է ճոխ անեմ, հո դո՞ւ չէիր անելու». Ծառուկյանը` որդու հարսանիքի մասին

403
թեգերը:
Հայկ Սարգսյան, հարսանիք, Լուսանկար, Աննա Հակոբյան
Ըստ թեմայի
«Հեռախոսը վերցրել եմ և ջնջել հոլովակը». Հայկ Սարգսյանը խոսել է աղմկահարույց միջադեպի մասին
Ո՞վ է Հայկ Սարգսյանի նշանածը․ մանրամասներ
Ոստիկանությունը նյութեր է նախապատրաստում Հայկ Սարգսյանի հրապարակած լուսանկարի փաստով
Արխիվային լուսանկար

COVID-ը բացասաբար է ազդում ինտելեկտի վրա․ հետազոտություն

24
(Թարմացված է 22:52 25.07.2021)
Վարակից հետո վերջնականապես վերականգնվելու գործընթացը կարող է ամիսներ տևել։

ԵՐԵՎԱՆ, 25 հուլիսի – Sputnik․ COVID-19–ը հաղթահարած մարդկանց մոտ կարող է նկատվել ինտելեկտի մակարդակի զգալի նվազում։ Նման եզրակացության են հանգել բրիտանացի գիտնականները, որոնք զբաղվում են մարդկանց ճանաչողական ունակությունների վրա կորոնավիրուսի ազդեցության ուսումնասիրությամբ: Նրանց հետազոտությունը հրապարակվել է The Lancet պարբերականում։

Ընդհանուր առմամբ` փորձարկումներին մասնակցել է ավելի քան 80 հազար մարդ, որոնցից 12 հազարը COVID են տարել: Ինչպես ցույց են տվել հետազոտության արդյունքները, արհեստական շնչառական սարքերին միացված հիվանդների մոտ հետագայում նկատվել է ճանաչողական ունակությունների նվազում:

Մասնագետների խոսքով ՝ ճանաչողական ֆունկցիաները կարող են վերականգնվել ամիսներով։

Պետք է պատվաստվել մինչև համավարակի նոր ալիքի ուժգնացումը. կորոնավիրուսի թվերն աճում են

24
թեգերը:
բժիշկ, հիվանդ, համավարակ, կորոնավիրուս
թեմա:
Կորոնավիրուսը աշխարհում
Ըստ թեմայի
Ինչ պետք է իմանալ «Դելտա» մանրէահիմքի մասին, և երբ Հայաստանը կբախվի COVID-19–ի 4-րդ ալիքին
«Մենք դեֆեկտներ ունենք». ինչու մարդիկ չեն պատվաստում Covid-19-ի դեմ. հարցախույզ Երևանում
Գիտնականն ասել է, թե որքան ժամանակ կպահանջվի COVID-ի առաջացման բնույթը պարզելու համար