Ալեքսեյ Սանդիկով

Հայ–ռուսական վահան` արտաքին սպառնալիքի դեմ. ի՞նչ է առաջարկում ՀՀ ԱԺ ռուս պատգամավորը

99
(Թարմացված է 17:39 04.05.2021)
Ալեքսեյ Սանդիկովն ամբիոնից հանդես եկավ ռուսերենով և անդրադարձավ Հայաստանի անվտանգության ապահովման հարցում Ռուսաստանի հետ հարաբերություններին:

ԵՐԵՎԱՆ, 4 մայիսի -Sputnik. Ռուսաստանի հետ հարաբերությունների ամրապնդումը Հայաստանին թույլ կտա արտաքին սպառնալիքների դեմ ստեղծել հուսալի վահան։ Այսօր խորհրդարանում ելույթի ժամանակ ասել է Հայաստանի ԱԺ ռուս համայնքի պատգամավոր Ալեքսեյ Սանդիկովը: Մայիսյան տոներին ընդառաջ, պատգամավորը խորհրդարանի ամբիոնից հանդես է եկել ռուսերենով՝ պատմական փոքր անդրադարձ կատարելով հայ-ռուսական հարաբերություններին և Հայաստանի անվտանգության ապահովման գործում դրա դերին:

«Այս ամբիոնից ելույթ ունենալով ռուսերեն` ուզում եմ նշել, որ Հայաստանում շատ հայերի համար այս լեզուն շարունակում է մնալ եթե ոչ հարազատ, ապա շփման հիմնական լեզուն: Խոսքը մեր հայրենակիցների մասին է, որոնք ողբերգական  հանգամանքների և ֆիզիկական բնաջնջման սպառնալիքի պատճառով ավելի քան երեսուն տարի առաջ ստիպված էին լքել իրենց տները Բաքվում, պատմական Գանձակում և Ադրբեջանի վերահսկողության տակ գտնվող այլ տարածքներում: Կարևոր է դա չմոռանալը», - նշել է Սանդիկովը։

Պատգամավորի խոսքով ՝ այսօր արևելյան և արևմտյան սահմաններից եկող ազգային անվտանգության սպառնալիքը Հայաստանի համար պահպանվում է, ուստի արդիական է, որ Թուրքիայի և Ադրբեջանի հետ սահմանին ծածանվեն հայկական և ռուսական պետական դրոշները:

Անցած աշնան դասերից հետո, երբ հայ զինծառայողները Լեռնային Ղարաբաղում պատերազմեցին միջազգային ռազմական կոալիցիայի դեմ, պետք է գիտակցել, որ Ռուսաստանի հետ ռազմաքաղաքական հարաբերությունների համատեղ ձևաչափը պետք է վերափոխվել պաշտպանական միասնության, որը կարող է դառնալ հուսալի վահան, իսկ անհրաժեշտության դեպքում ՝ նաև սուր արտաքին սպառնալիքների առաջ։

Սանդիկովը հիշեցրել է վարչապետի պաշտոնակատար Նիկոլ Փաշինյանի հարցազրույցներից մեկը, որում նա հայտարարել է, որ եվրոպական քաղաքակրթությունը Արևելյան բռնապետությունների կողմից  Հայաստանի ստրկացման հարյուրամյակներից հետո, այստեղ է եկել հենց Ռուսաստանի միջոցով:

«Հայաստանում դա հիշում են ու գնահատում։ Հիշում են նաև, որ Մոսկվան դարձավ համաշխարհային առաջին մայրաքաղաքներից մեկը, որը 1915-ին թուրք դահիճների իրականացրած արարքները ցեղասպանություն անվանեց, և այդ նույն քաղաքում կայացվեց խորհրդային ղեկավարության որոշումը` Երևանում Հայոց ցեղասպանության զոհերի հիշատակը հավերժացնող Ծիծեռնակաբերդի հուշահամալիր կառուցելու մասին»,-ասաց նա։

Ռուսաստանցիները նախընտրում են հանգստանալ Հայաստանում. ուրիշ որտեղի՞ց սպասել զբոսաշրջիկների

Սանդիկովը խորհրդանշական համարեց այն, որ իր ելույթը հնչում է Մեծ հաղթանակի հերթական տարեդարձի նախաշեմին. Հայրենական մեծ պատերազմում զոհվել, վիրավորվել և անհետ կորել են ավելի քան մեկ միլիոն հայեր: Նրա խոսքով՝ տարիներ անց` նախորդ աշնանը տեղի ունեցած արցախյան պատերազմում իրենց կյանքը հերոսաբար տվեցին հայկական բանակի մարտիկներ Եվգենի Գորոդնիչին Երևանից, Միշա Չեչենցովը Ամասիայից, Պյոտր Իվանովը Պրիվոլնոյե գյուղից, Ալեքսանդր Նեչաևը Լերմոնտովոյից, Դմիտրի Նովիկովը Ֆիոլետովոյից: Իսկ ՀՀ ԶՈւ գնդապետ Ստանիսլավ Երյոմինը փրկեց շարքայինին, բայց ինքն ընկավ անօդաչու սարքի հարվածի տակ և ծանր վիրավորվեց։ Նա դեռ լիովին չի ապաքինվել, բայց հավատում է, որ անպայման վերադառնալու է շարքեր։

Ռուսաստանը և Հայաստանը կհամագործակցեն տիեզերական տեխնոլոգիաների մշակման հարցում

Ռուս համայնքի ներկայացուցիչը հիշեցրեց, որ մայիսը հայ ժողովրդի պատմության մեջ եղել և մնում է հաղթական ամիս: Եվ ոչինչ չի ստվերի Ավարայրի ճակատամարտում, Սարդարապատի, Բեռլինի և Արցախի մարտերում գրանցված ռազմական սխրագործությունները։

Երբ հետխորհրդային տարածքի որոշ երկրներում փորձում են վերաշարադրել պատմությունը և ավերել Հայրենական մեծ պատերազմում զոհվածների հուշարձանները, Հայաստանում հիշում ու շնորհակալություն են հայտնում Ստալինգրադը չզիջած և գերմանամետ Թուրքիայի` Անդրկովկասին հարվածելու պլանները ձախողած հերոսներին, որպեսզի վերջնականապես լուծեն Հայկական հարցը։

99
թեգերը:
ԱԺ, Ալեքսեյ Սանդիկով, Սահման, Ռուսաստան, Հայաստան
Ըստ թեմայի
Մակրոնն ու Պուտինը քննարկել են Ղարաբաղի թեման. ի՞նչ են պայմանավորվել նախագահները
Մոսկալկովայի թեժ գիծը մոտ 5 հազար զանգ է ստացել, այդ թվում՝ Հայաստանից
«Պոբեդան» հունիսից կվերսկսի Գյումրու ուղղությամբ թռիչքներ իրականացնել երեք քաղաքից
Վլադիրմի Գասպարյան

Վովա Գասպարյանի Սևանի առանձնատանը կրկին ապամոնտաժման աշխատանքներ են արվելո՞ւ. «Ժողովուրդ»

3
(Թարմացված է 10:44 11.05.2021)
Շքեղ ամառանոցը գտնվում է Սևանի արևելյան ափում՝ Սևան-Շորժա ճանապարհի հարևանությամբ՝ Ծիծեռնակ և Դրախտիկ գյուղերի միջև ընկած հատվածում։

ԵՐԵՎԱՆ, 11 մայիսի – Sputnik. «Ժողովուրդ» օրաթերթն իր այսօրվա համարում անդրադարձել է ՀՀ նախկին ոստիկանապետ Վլադիմիր Գասպարյանի՝ Սևանում գտնվող առանձնատան տարածքում իրականացվող չափագրումներին։

Թերթը գրում է, որ դա նշանակում է, որ առաջիկայում այդ տարածքում կրկին ապամոնտաժման աշխատանքներ են իրականացվելու:

ъԻնչպես հայտնի է, դեռ 2020թ. սեպտեմբերի 6-ին Սևանում ապամոնտաժվեցին նախկին ոստիկանապետ Վլադիմիր Գասպարյանի առանձնատան տարածքում գտնվող այն շինությունները, որոնք տեղակայված են սահմանված նիշից (1903 մ-խմբ.) ներքև։ Այդ ժամանակ հայտարարվեց, թե ապամոնտաժումը արվում է Վլադիմիր Գասպարյանի համաձայնությամբ ու գիտությամբ: Սակայն այժմ, փաստորեն, չափագրման նոր աշխատանքներ են կատարվելու, և կրկին ապամոնտաժում կկատարվի»,–գրում է թերթը։

«Ժողովուրդը» հիշեցնում է, որ տարածքը Գասպարյանի զոքանչի՝ Հեղուշ Գալստյանի անունով է գրանցված։ Շքեղ ամառանոցը գտնվում է Սևանի արևելյան ափում՝ Սևան-Շորժա ճանապարհի հարևանությամբ՝ Ծիծեռնակ և Դրախտիկ գյուղերի միջև ընկած հատվածում։ Երկու պարսպով պաշտպանված, ներսում փոքր մատուռով հսկա տարածքն առաջին անգամ կառուցապատվել է 2004-ին։

«Փաստորեն՝ հետպատերազմական Հայաստանում միակ խնդիրը, որ մնացել է լուծելու, Գասպարյանի առանձնատան որոշ մասերն են. դա որ քանդվի, մնացած հարցերը ինքնաբերաբար կկարգավորվեն»,–գրում է թերթը:

Նյութն ամբողջությամբ կարդացեք թերթի այսօրվա համարում։

Զոհված ոստիկանների իրական թիվը թաքցրել են ու գաղտագողի հուղարկավորել. Վլադիմիր Գասպարյան

Հիշեցնենք, որ 2020-ի սեպտեմբերի 6–ին «Ջրային կոմիտեում» խորհրդական աշխատող Սասուն Միրոյանը գրել էր, որ ապամոնտաժվում են ՀՀ նախկին ոստիկանապետ Վլադիմիր Գասպարյանի Սևանի առանձնատան այն հատվածները, որոնք գտնվում են ծովի մակերևույթից մինչև 1903 մ նիշից ներքև:

Դրան հաջորդեց փաստաբան Տիգրան Աթանեսյանի արձագանքը, որն էլ իր ֆեյսբուքյան էջում գրեց, թե ոչ ոք չի եկել և չի քանդում Գասպարյանի ամառանոցը: Նրա խոսքով` հին և վաղուց չօգտագործվող շինությունը քանդվում է Գասպարյանի ցուցումով ՝ լողափի տարածքը բարեկարգելու համար։

3
թեգերը:
առանձնատուն, Սևան, Վլադիմիր Գասպարյան
Ըստ թեմայի
Կուսակցաշինության բումը, կամ ո՞ր տեղի համար կպայքարեն ՀԱԿ-ն ու ԼՀԿ-ն. «Հրապարակ»
Վարազդատ Հարոյան

Վարազդատ Հարոյանը «Աստանայից» կտեղափոխվի եվրոպական ակումբ

31
(Թարմացված է 10:15 11.05.2021)
Մեր հավաքականի կենտրոնական պաշտպան Վարազդատ Հարոյանն այս մրցաշրջանում «Աստանայի» կազմում անցկացրել է 8 հանդիպում։

ԵՐԵՎԱՆ, 11 մայիսի – Sputnik. Հայաստանի ազգային հավաքականի պաշտպան Վարազդատ Հարոյանը «Աստանայից» կտեղափոխվի եվրոպական ակումբ։ Տեղեկությունն իր  Տելեգրամ-ալիքում հայտնել է լրագրող Արարատ Մամբրեյանը։

«Ըստ իմ աղբյուրների, Հայաստանի ազգային հավաքականի կենտրոնական պաշտպան Վարազդատ Հարոյանը շուտով կփոխի իր ակումբը:

«Աստանայի» և Հայաստանի ազգային հավաքականի պաշտպան Վարազդատ Հարոյանը շուտով կհայտնվի եվրոպական մեկ այլ ակումբում: Սպասեք հաճելի անակնկալի»,- գրել է Մամբրեյանը:

Մեր հավաքականում մի բան կա, որ չկա ոչ մի այլ տեղ. Բայրամյանը` ֆուտբոլի և ընտանիքի մասին

Նշենք, որ մեր հավաքականի կենտրոնական պաշտպան Վարազդատ Հարոյանն այս մրցաշրջանում «Աստանայի» կազմում անցկացրել է 8 հանդիպում։ «Աստանան» միանձնյա գլխավորում է մրցաշարային աղյուսակը։

31
թեգերը:
Եվրոպա, Ղազախստան, ֆուտբոլիստ, ֆուտբոլ, Վարազդատ Հարոյան
Ըստ թեմայի
«Ուրարտուն» հյուրընկալել է Արթուր Աբրահամին. 11-մետրանոցներ են եղել
Մոուրինյոն նոր ակումբի պատվին փոխել է հեռախոսի պատյանը
Ճակատագրի հեգնանք. Մխիթարյանը վերադարձավ «Օլդ Թրաֆֆորդ», իսկ Մոուրինյոն կգլխավորի «Ռոման»