Տիգրան Ուրիխանյան

Ամեն պատգամավոր ամսական լրացուցիչ 50 000 դրամ է ստանում. ի՞նչ է առաջակում Ուրիխանյանը

266
(Թարմացված է 11:29 04.05.2021)
ԱԺ նախագահ Արարատ Միրզոյանը հայտարարեց, որ միայն 2020թ–ին ԱԺ–ը պետական բյուջե է վերադարձրել 400 մլն դրամ, որից իր համոզմամբ, գումար կհատկացվի նաև Արցախյան պատերազմի մասնակիցներին։

ԵՐԵՎԱՆ, 4 մայիսի – Sputnik. Յուրաքանչյուր պատգամավոր ամեն ամիս ստանում է 50 000 դրամ` որպես պատգամավորական գործունեության ծախսերի հատուցում։ Այս մասին այսօր ԱԺ–ի ամբիոնից իր գործընկերներին հիշեցրեց անկախ պատգամավոր Տիգրան Ուրիխանյանը` շեշտելով, որ գումարը ստանում են բոլորը, բայց ոչ բոլորն են ծավալում պատգամավորական գործունեություն ու ոչ բոլորն են այդ գումարը նպատակային ծախսում։

Ուստի պատգամավորն իր գործընկերներին առաջարկում է փոփոխություն կատարել «Պետական պաշտոններ ու պետական ծառայության պաշտոններ զբաղեցնող անձանց վարձատրության մասին» ՀՀ օրենքում ու այդ գումարներն ուղղել Արցախյան վերջին պատերազմում հաշմանդամ դարձած զինծառայողներին։

«Դա տարեկան կտրվածքով կազմում է 79 մլն դրամից ավելի գումար, այսինքն` մոտ 80 մլն դրամ, և վստահաբար առաջին կարգի հաշմանդամություն ունեցող 114 անձինք դրա կարիքն ավելի շատ ունեն»,– ասաց Ուրիխանյանը` հույս հայտնելով, որ արդեն լուծարման շեմին կանգնած ԱԺ պատգամավորները կկատարեն այդ բարոյական քայլը։

Խորհրդարանը, սակայն, չանսաց գործընկերոջ կոչին։ ԱԺ Առողջապահության ու սոցիալական հարցերի մշտական հանձնաժողովի անդամ Հերիքնազ Տիգրանյանը հայտնեց, որ հանձնաժողովը նախագծին միաձայն բացասական եզրակացություն է տվել։

ՀՀ ԱԺ անկախ պատգամավորները պահանջում են ուսումնասիրել Փաշինյանի աներորդու հայտարարությունը

«Որն էր մեր հիմնավորումը։ Այն, որ առաջարկվող նախագծով հետապնդվող նպատակը դուրս է «Պատգամավորի գործունեության երաշխիքների մասին» օրենքի և «Պետական պաշտոններ ու պետական ծառայության պաշտոններ զբաղեցնող անձանց վարձատրության մասին» օրենքի կարգավորումների շրջանակից»,– ասաց Տիգրանյանը։

«43 օր խաբեց, ասաց` հաղթելու ենք». պատգամավորն առաջարկում է պատժել ստախոս պաշտոնյաներին

ԱԺ նախագահ Արարատ Միրզոյանն էլ հայտնեց, որ միայն 2020թ–ին ԱԺ–ը պետական բյուջե է վերադարձրել 400 մլն դրամ, որից իր համոզմամբ, գումար կհատկացվի նաև Արցախյան պատերազմի մասնակիցներին։

Քննարկմանը հետևած քվեարկության արդյունքում ԱԺ պատգամավորները մերժեցին Տիգրան Ուրիխանյանի առաջարկած նախագիծը։

266
թեգերը:
Տիգրան Ուրիխանյան, հաշմանդամ, զինծառայող, աշխատավարձ, Պատգամավոր, ԱԺ, Հայաստան
Ըստ թեմայի
Պատգամավորի կողմից խոշոր չափերով գույք թաքցնելու վերաբերյալ քրգործն ուղարկվել է դատարան
Մեղրիի համայնքապետի բիզնեսը կփակեն. «Իմ քայլի» պատգամավորները նոր օրինագիծ են ներկայացրել
«Իմ քայլի» պատգամավորը պետք է հերքի նախկին փոխվարչապետ Արմեն Գևորգյանի մասին ասածները
Երևան

Վրաստանի վարչապետը ժամանեց Հայաստան

5
(Թարմացված է 14:49 12.05.2021)
Վրաստանի վարչապետ Իրակլի Ղարիբաշվիլին մի շարք հանդիպումներ կունենա Հայաստանում։

ԵՐԵՎԱՆ, 12 մայիսի - Sputnik. Վրաստանի վարչապետ Իրակլի Ղարիբաշվիլին պաշտոնական այցով ժամանեց Հայաստան:

«Զվարթնոց» միջազգային օդանավակայանում վրացական պատվիրակությանը դիմավորեց Հայաստանի փոխվարչապետի պաշտոնակատար Տիգրան Ավինյանը:

Վրաստանի վարչապետ Իրակլի Ղարիբաշվիլին հայաստանյան այցի շրջանակում հանդիպումներ են նախատեսված ՀՀ վարչապետի պաշտոնակատար Նիկոլ Փաշինյանի, ՀՀ արտաքին գործերի նախարարի պաշտոնակատար Արա Այվազյանի հետ: Տեղեկությունը հայտնում է ՀՀ կառավարության մամուլի ծառայությունը։

Ծիծեռնակաբերդի հուշահամալիրում Վրաստանի վարչապետը հարգանքի տուրք կմատուցի Հայոց ցեղասպանության զոհերի հիշատակին:

Վարչապետի պաշտոնակատար Նիկոլ Փաշինյանի անունից ի պատիվ Վրաստանի վարչապետ Իրակլի Ղարիբաշվիլիի կտրվի պաշտոնական ընթրիք:

Ղարիբաշվիլին նախկինում Հայաստան է այցելել ինչպես Վրաստանի վարչապետի կարգավիճակով` 2014-ին և 2019-ին, այնպես էլ 2020–ին` որպես պաշտպանության նախարար:

5
թեգերը:
Իրակլի Ղարիբաշվիլի, Երևան, Հայաստան
Флаг Армении в Сюнике

ԱԱԾ–ն Սյունիքի իրավիճակի հետ կապված հայտարարություն է տարածել

74
(Թարմացված է 14:48 12.05.2021)
ՀՀ ԱԱԾ–ն զ գուշացնում է, որ նմանատիպ երևույթներն ունենալու են համապատասխան իրավական հետևանքներ՝ ամենախիստ գործիքակազմերի կիրառմամբ։

ԵՐԵՎԱՆ, 12 մայիսի -Sputnik. ՀՀ ազգային անվտանգության ծառայությունը պաշտոնապես տեղեկացնում է, որ Սյունիքի մարզի տարածքում մեկնարկած ու ընթացող մարտերի վերաբերյալ զանգվածային լրատվության միջոցներով և սոցիալական ցանցերում տարածվող տեղեկություններն իրականությանը չեն համապատասխանում: 

«Նկատի ունենալով հիշյալ տեղեկությունների տարածման արդյունքում հանրության շրջանում ձևավորված անհանգստությունները՝ ՀՀ ազգային անվտանգության ծառայությունը խստորեն զգուշացնում է զերծ մնալ ապատեղեկատվություն տարածելու, ազգաբնակչության շրջանում խուճապ առաջացնելու և անհարկի լարվածություններ հրահրելու գործելաոճից ու տեղեկացնում, որ նմանատիպ երևույթներն ունենալու են համապատասխան իրավական հետևանքներ՝ ամենախիստ գործիքակազմերի կիրառմամբ»,–նշված է ԱԱԾ հաղորդագրության մեջ:

Ազգային անվտանգության մարմինները հորդորում են զերծ մնալ ոչ պաշտոնական ու չճշտված տեղեկությունների տարածումից և ապավինել բացառապես պաշտոնական լրահոսին։

Հիշեցնենք` լրատվամիջոցներում ու սոցկայքերում լուրեր են տարածվել, թե Սյունիքի մարզի Իշխանասար գյուղի հատվածում թշնամին մարտական գործողություններ է սկսել։

Գորիսի փոխհամայնքապետ Իրինա Յոլյանը Facebook-ում գրել է, որ թշնամին Իշխանասարի հատվածում պետական սահմանն անցել է և ևս երեք կիլոմետր առաջ եկել դեպի Վերիշեն բնակավայր։

74