Արման Թաթոյան

Գլխատումներ, մահացածների նկատմամբ անարգանք․ ՄԻՊ-ը 297 տեսանյութ ու լուսանկար է վերլուծել

169
(Թարմացված է 13:30 04.05.2021)
Տեսանյութերից ու լուսանկարներից 98-ը վերաբերում են գերիներին խոշտանգելուն ու արժանապատվությունը նվաստացնելուն։

ԵՐԵՎԱՆ, 3 մայիսի – Sputnik. ՀՀ մարդու իրավունքների պաշտպանի գրասենյակն այսօր ավարտել է 297 տեսանյութի և լուսանկարի վերլուծություն հայկական կողմի զինծառայողների և քաղաքացիական անձանց նկատմամբ ադրբեջանական վայրագությունների, հայկական պատմամշակութային ու կրոնական ժառանգության ոչնչացման ու անարգանքի վերաբերյալ: Տեղեկությունը հրապարակվել է գրասենյակի Facebook–յան էջում։  Այդ տեսանյութերն ու լուսանկարները, մասնավորապես, վերաբերում են․

  • 98-ը՝ ողջ վիճակում գերիներին խոշտանգելուն ու արժանապատվությունը նվաստացնելուն,
  • 17-ը՝ գլխատումներին ու սպանություններին,
  • 32-ը՝ զոհվածների մարմինների նկատմամբ անարգանքին և մարմնի մասերի անդամահատումներին (օրինակ՝ ձեռք կամ ականջ կտրել),
  • 54-ը՝ գերեվարվածների սոցիալական ցանցերի էջերի կառավարմանը, այդ թվում՝ ատելության տարածմանը և գլխատված զինծառայողի լուսանկարը վերջինիս էջով տարածելուն,
  • 49-ը՝ Արցախի քաղաքացիական բնակավայրերի ու անտառածածկ տարածքների դեմ արգելված, այդ թվում՝ քիմիական տարրեր պարունակող զանվածային ոչնչացման զինատեսակների կիրառությանը,
  • 26-ը՝ հայկական պատմամշակութային ու կրոնական ժառանգության, այդ թվում՝ հուշարձանների և եկեղեցիների ոչնչացմանն ու վանդալիզիմին,
  • 12-ը՝ այն կայքերի ու սոցիալական ցանցերի (Telegram, Instagram և այլն) էջերի, որոնցով տարածվում էին ատելություն, թշնամանք բորբոքող, ինչպես նաև հայկական կողմի գերիների նկատմամբ ադրբեջանական դաժանությունների տեսանյութեր կամ լուսանկարներ,
  • 9-ը՝ պատերազմին վարձկան ահաբեկիչների ներգրավմանը կամ մասնակցությանը:

Պաշտպանի գրասենյակից տեղեկացնում են, որ տեսանյութերը թարգմանվել են անգլերեն, մի մասը՝ նաև ռուսերեն: Ողջ մարդկանց կամ զոհվածներին վերաբերող գրեթե բոլոր տեսանյութերում արված են նույնականացումները: Բոլոր տեսանյութերն ու լուսանկարների հավաստիությունը հաստատված է ՀՀ մարդու իրավունքների պաշտպանի պաշտոնական լոգոյով:
«Հավաքագրված տեսանյութերի ու լուսանկարների ուսումնասիրությունը ցույց է տալիս, որ ադրբեջանական զինված ուժերի կողմից հայկական կողմի գերիների նկատմամբ խոշտանգումներն ու դաժանությունները, անմարդկային վերաբերմունքը կատարված են էթնիկ ատելության շարժառիթներով: Այսինքն՝ դրանք կատարվել են միայն այն պատճառով, որ զոհերը հայ են եղել»,- նշված է հաղորդագրության մեջ։

«Մենք նույնիսկ իրենց գերեզմաններն ենք պահել». Սոթքում ադրբեջանցիների շիրիմները կանգուն են


ՄԻՊ-ը պնդում է՝ նույն սկզբունքով ոչնչացվել ու վանդալիզիմի է ենթարկվել հայկական պատմամշակութային ու կրոնական ժառանգությունը։

Պաշտպանը շեշտում է՝ Ադրբեջանի իշխանությունները չեն մնալու անպատիժ մարդու իրավունքների կոպիտ խախտումների, պատերազմական հանցանքների, հայատյացության համակարգված քարոզի ու ցեղասպան քաղաքականության համար:

Նա ևս մեկ անգամ անդրադառնում է Ադրբեջանի կողմից ձգձգվող հայ գերիների ազատ արձակման ու հայրենիք վերադարձի խնդրին, ընդգծում է՝ ադրբեջանցիները միտումնավոր չեն հայտնում գերիների իրական թիվը:

Բոլոր տեսանյութերն ու լուսանկարները կուղարկվեն միջազգային համապատասխան կառույցներին։

Թաթոյանն Ադրբեջանի հանցագործությունները ներկայացրել է Ֆրանսիայի խորհրդարանականներին

ՀՀ մարդու իրավունքների պաշտպանի աշխատակազմը շարունակում է ադրբեջանական վայրագությունների վերաբերյալ ապացույցների հավաքագրումն ու հետազոտումը:

Արցախի ԱԺ նախագահը պատասխանել է Սահիդովի` «Ստեփանակերտն անցնելու է Ադրբեջանին» գրառմանը

169
թեգերը:
տեսանյութ, զինծառայող, Ադրբեջան, Արման Թաթոյան, Հայաստան
Ըստ թեմայի
Հայաստանի և Ադրբեջանի ԱԱԾ ղեկավարները գերիների հարցով կապի մեջ են
Փաշինյանը Կազանում խոսել է գերիների, խաղաղապահների ու Ադրբեջանի պահվածքի մասին
«Եթե այս տեմպով արվի, կարող է տարիներ տևել». Քոչարյանը՝ գերիների վերադարձի մասին
«Նորք» ԲԿ

243 նոր դեպք, 7 մահ` մեկ օրում. կորոնավիրուսային հիվանդության ընթացքը Հայաստանում

25
(Թարմացված է 10:58 11.05.2021)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները:

ԵՐԵՎԱՆ, 11 մայիսի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 243–ով և դարձել  219596: Տեղեկությունը հայտնում է Հիվանդությունների վերահսկման և կանխարգելման ազգային կենտրոնը։

Այս պահին փաստացի բուժում է ստանում 8620 մարդ (-243), կատարվել է 1019359 թեստավորում (+2678), առողջացել են վարակվածներից 205675-ը (+475): Գրանցվել է մահվան 4256 դեպք (+7)։ Կորոնավիրուսով վարակված, բայց այլ պատճառով մահացածների թիվը ավելացել է 4-ով ու դարձել 1045։

Հիշեցնենք` 2020թ.–ի մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների ենթարկվեցին։

Տնտեսական շատ գործունեություններ թույլատրվեցին, բայց սահմանվեցին պարտադիր պահանջներ։

Հանրային բաց տարածքներում դիմակ դնելը պարտադիր էր։ Դիմակ կարող էին չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները։

2020թ.–ի սեպտեմբերի 11–ին ՀՀ կառավարությունը որոշեց, որ երկրում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Որոշ սահմանափակումներ մեղմացվեցին, բայց հասարակական վայրերում դիմակ դնելու պահանջը շարունակեց գործել։

Կորոնավիրուսային համավարակի կարանտինի սահմանափակումներից մի քանիսը հանվեցին

Հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ` 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։ Այն կտևի մինչև 2021թ.–ի հուլիսի 11–ը։

25
թեգերը:
Մահ, թեստ, Հայաստան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
«Արսեն Թորոսյանը ճիշտ էր». ԱԺ պատգամավորները պատվաստվեցին COVID-19-ի դեմ AstraZenaca–ով
Որքան գումար է ծախսել ՀՀ առողջապահության նախարարությունը Covid-19–ի դեմ պայքարի շրջանակում
Հայաստանում արդեն մոտ 11 հազար մարդ է պատվաստվել Covid-19-ի դեմ
Վլադիրմի Գասպարյան

Վովա Գասպարյանի Սևանի առանձնատանը կրկին ապամոնտաժման աշխատանքներ են արվելո՞ւ. «Ժողովուրդ»

19
(Թարմացված է 10:44 11.05.2021)
Շքեղ ամառանոցը գտնվում է Սևանի արևելյան ափում՝ Սևան-Շորժա ճանապարհի հարևանությամբ՝ Ծիծեռնակ և Դրախտիկ գյուղերի միջև ընկած հատվածում։

ԵՐԵՎԱՆ, 11 մայիսի – Sputnik. «Ժողովուրդ» օրաթերթն իր այսօրվա համարում անդրադարձել է ՀՀ նախկին ոստիկանապետ Վլադիմիր Գասպարյանի՝ Սևանում գտնվող առանձնատան տարածքում իրականացվող չափագրումներին։

Թերթը գրում է, որ դա նշանակում է, որ առաջիկայում այդ տարածքում կրկին ապամոնտաժման աշխատանքներ են իրականացվելու:

ъԻնչպես հայտնի է, դեռ 2020թ. սեպտեմբերի 6-ին Սևանում ապամոնտաժվեցին նախկին ոստիկանապետ Վլադիմիր Գասպարյանի առանձնատան տարածքում գտնվող այն շինությունները, որոնք տեղակայված են սահմանված նիշից (1903 մ-խմբ.) ներքև։ Այդ ժամանակ հայտարարվեց, թե ապամոնտաժումը արվում է Վլադիմիր Գասպարյանի համաձայնությամբ ու գիտությամբ: Սակայն այժմ, փաստորեն, չափագրման նոր աշխատանքներ են կատարվելու, և կրկին ապամոնտաժում կկատարվի»,–գրում է թերթը։

«Ժողովուրդը» հիշեցնում է, որ տարածքը Գասպարյանի զոքանչի՝ Հեղուշ Գալստյանի անունով է գրանցված։ Շքեղ ամառանոցը գտնվում է Սևանի արևելյան ափում՝ Սևան-Շորժա ճանապարհի հարևանությամբ՝ Ծիծեռնակ և Դրախտիկ գյուղերի միջև ընկած հատվածում։ Երկու պարսպով պաշտպանված, ներսում փոքր մատուռով հսկա տարածքն առաջին անգամ կառուցապատվել է 2004-ին։

«Փաստորեն՝ հետպատերազմական Հայաստանում միակ խնդիրը, որ մնացել է լուծելու, Գասպարյանի առանձնատան որոշ մասերն են. դա որ քանդվի, մնացած հարցերը ինքնաբերաբար կկարգավորվեն»,–գրում է թերթը:

Նյութն ամբողջությամբ կարդացեք թերթի այսօրվա համարում։

Զոհված ոստիկանների իրական թիվը թաքցրել են ու գաղտագողի հուղարկավորել. Վլադիմիր Գասպարյան

Հիշեցնենք, որ 2020-ի սեպտեմբերի 6–ին «Ջրային կոմիտեում» խորհրդական աշխատող Սասուն Միրոյանը գրել էր, որ ապամոնտաժվում են ՀՀ նախկին ոստիկանապետ Վլադիմիր Գասպարյանի Սևանի առանձնատան այն հատվածները, որոնք գտնվում են ծովի մակերևույթից մինչև 1903 մ նիշից ներքև:

Դրան հաջորդեց փաստաբան Տիգրան Աթանեսյանի արձագանքը, որն էլ իր ֆեյսբուքյան էջում գրեց, թե ոչ ոք չի եկել և չի քանդում Գասպարյանի ամառանոցը: Նրա խոսքով` հին և վաղուց չօգտագործվող շինությունը քանդվում է Գասպարյանի ցուցումով ՝ լողափի տարածքը բարեկարգելու համար։

19
թեգերը:
առանձնատուն, Սևան, Վլադիմիր Գասպարյան
Ըստ թեմայի
Կուսակցաշինության բումը, կամ ո՞ր տեղի համար կպայքարեն ՀԱԿ-ն ու ԼՀԿ-ն. «Հրապարակ»