Աշոտ Մելիքյան

Հայաստանը զիջել է դիրքերը «Մամուլի ազատության ինդեքսում». Մելիքյանն ասաց` որն է պատճառը

38
(Թարմացված է 15:20 03.05.2021)
Խոսքի ազատության պաշտպանության կոմիտեի նախագահ Աշոտ Մելիքյանի կարծիքով` կորոնավիրուսի համավարակն ու ժողովրդավարության ցուցանիշի անկումը մեծապես վտանգում են լրատվամիջոցների անկախ գործունեությունը։

ԵՐԵՎԱՆ, 3 մայիսի - Sputnik. Այսօրվա իրավիճակում, երբ աշխարհով մեկ տարածված է կորոնավիրուսի համավարակը, իսկ ժողովրդավարական արժեքները նահանջ են ապրում, էլ ավելի է կարևորվում լրատվամիջոցների գործունեությունը։ Միաժամանակ լրագրությունը շարունակում է մնալ ամենավտանգավոր մասնագիտություններից մեկը։ Այս կարծիքը «Մեդիա կենտրոն» նախաձեռնությունների կենտրոնի հրավիրած առցանց քննարկման ժամանակ հայտնեց Խոսքի ազատության պաշտպանության կոմիտեի նախագահ Աշոտ Մելիքյանը։

Նրա դիտարկմամբ` համավարակի պայմաններում տեղեկատվությունը որպես հանրային բարիք մեծ պահանջարկ ունի, սակայն Հայաստանում հատկապես վերջին շրջանում լայն տարածում են գտել ապատեղեկատվությունը, ֆեյք լուրերը, մանիպուլյացիանները։

«Վիրավորանքն ու զրպարտանքն ամենամեծ խնդիրն է այսօրվա լրատվական գործունեության մեջ։ Հենց համավարակով պայմանավորված նահանջ ապրեց ԶԼՄ-ների ֆինանսավորումը, այդ վիճակը լրատվամիջոցներին մղեց այլ տեղերում փնտրել ֆինանսավորման աղբյուրներ»,- նշեց նա։

Մելիքյանի խոսքով` ինչպես աշխարհում, այնպես էլ ՀՀ-ում որքան լրատվամիջոցներն ընկնում են քաղաքական և բիզնես շրջանակների ազդեցության տակ, այնքան նվազում է նրանց անկախությունը։

Պաշտպանե՛ք Լատվիայի ռուսական լրագրողների խոսքի ազատությունը. տեսաուղերձ՝ Գուտերեշին

Անդրադառնալով «Մամուլի ազատության ինդեքսի» հրապարակած ամենամյա զեկույցի ցուցանիշներին, որտեղ Հայաստանը զբաղեցնում է 63-րդ տեղը` Մելիքյանը նշեց, որ սա հետհեղափոխական շրջանում առաջին տարին է, երբ մեր դիրքերը զիջում ենք, և այդ նահանջը մեր լրագրողների և ԶԼՄ-ի համար պետք է լուրջ ազդակ հանդիսանա։ Նահանջի հիմնական պատճառներից մեկը, ըստ Մելիքյանի, ռեգրեսիվ և ռեպրեսիվ օրենսդրական նախաձեռնություններն են։

«Խոսքը և՛ ԶԼՄ օրենսգրքում փոփոխության մասին է, և՛ Քաղաքացիական օրենսգրքի 1087.1 հոդվածում վիրավորանքի և զրպարտության համար  փոխհատուցման եռապատկման, և՛ պետական պաշտոնյաներին քննադատությունից զերծ պահելու և նրանց հասցեին վիրավորանքն ու զրպարտությունը քրեականացնելու փորձերի մասին է, և՛ մի շարք այլ այդպիսի նախաձեռնությունների, որոնք  առհասարակ հակասում են ժողովրդավարական մոտեցումներին։ Այս ամենը չէր կարող չնկատվել միջազգային կառույցների կողմից»,- նշեց Մելիքյանը։

Նրա կարծիքով` դրան գումարվեցին նաև վերջին քաղաքական զարգացումների հետևանքով անցկացվող բողոքի ակցիաների ժամանակ լրագրողների նկատմամբ հարձակումները։

Նշենք, որ «Լրագրողներ առանց սահմանների» միջազգային իրավապաշտպան կազմակերպության «Մամուլի ազատության ինդեքս» ամենամյա զեկույցի համաձայն` 180 երկրների շարքում մամուլի ազատության ցուցանիշով Հայաստանը զբաղեցնում է 63-րդ տեղը, Թուրքիան` 153-րդ տեղը, Ադրբեջանը 167-րդ տեղում է։

Ցուցակում առաջին հորիզոնականը զբաղեցնում է Նորվեգիան, 2-րդը՝ Ֆինլանդիան, իսկ 3-րդը՝ Դանիան, վերջին` 180-րդ տեղում Հյուսիսային Կորեան է։

38
թեգերը:
Աշոտ Մելիքյան (ԽԱՊԿ նախագահ), լրագրություն, Լրագրող, ԶԼՄ, Հայաստան
Արարատ Միրզոյան

Արարատ Միրզոյանը շնորհակալական նամակ է հղել Լատվիայի Սաեյմայի նախագահին

4
Ազգային ժողովի նախագահը շեշտել է, որ Լատվիայի կողմից Հայոց ցեղասպանության ճանաչումը զորակցություն է հայ ժողովրդին։

ԵՐԵՎԱՆ, 7 մայիսի – Sputnik. ՀՀ Ազգային ժողովի նախագահ Արարատ Միրզոյանը շնորհակալական նամակ է հղել Լատվիայի Հանրապետության Սաեյմայի նախագահ Ինարա Մուրնիեցեին Լատվիայի խորհրդարանի կողմից Հայոց ցեղասպանությունը ճանաչող և դատապարտող հայտարարության ընդունման կապակցությամբ։ Տեղեկությունը հայտնում է ԱԺ մամուլի ծառայությունը։

Միրզոյանի խոսքով`դա վկայում է արդարության, մարդասիրության, համերաշխության և մարդու իրավունքների համընդհանուր արժեքների նկատմամբ մեծագույն հանձնառության մասին:

«Լատվիայի կողմից Հայոց ցեղասպանության ճանաչումը զորակցություն է հայ ժողովրդին՝ հատկապես հաշվի առնելով այն անվտանգային սպառնալիքները, որոնց առերեսվեցինք Արցախի դեմ սանձազերծված ադրբեջանաթուրքական 44-օրյա պատերազմի ընթացքում»,–գրել է Միրզոյանը:

Խորհրդարանի խոսնակը հավելել է՝ Արցախի ժողովրդի դեմ իրականացված զանգվածային վայրագությունները, պատերազմական հանցագործություններն ու միջազգային մարդասիրական իրավունքի կոպտագույն խախտումները ևս մեկ անգամ ապացուցեցին, որ անպատժելիությունը պարարտ հող է ստեղծում անցյալի հանցանքների կրկնության համար:

Հիշեցնենք` մայիսի 6-ին Լատվիան պաշտոնապես ճանաչեց և դատապարտեց Հայոց ցեղասպանությունը։ Որոշմանը կողմ էին արտահայտվել Լատվիայի խորհրդարանի 100 անդամներից 58-ը։

 

 

4
թեգերը:
Լատվիա, Արարատ Միրզոյան, Հայաստան
Ըստ թեմայի
Էրդողանը կօգտագործի Հայոց ցեղասպանության ճանաչման փաստը` ԱՄՆ-ից ինչ–որ բան կորզելու համար
Լիտվայի ԱԳ նախարարը Բաքվում խոսել է Հայոց ցեղասպանության մասին. տեսանյութ
«Հայաստանը ժողովրդավար երկիր է». Փաշինյանը` Բայդենի կողմից Ցեղասպանության ճանաչման մասին
ՀՀ նախագահի նստավայր

ՀՀ նախագահը չի աջակցում և չի պատրաստվում աջակցել կամ սատարել որևէ քաղաքական ուժի

40
(Թարմացված է 20:22 07.05.2021)
Հայաստանի Հանրապետության նախագահի աշխատակազմի հասարակայնության հետ կապերի վարչությունը հայտարարություն է տարածել։

ԵՐԵՎԱՆ, 7 մայիսի - Sputnik. Վերջին շրջանում սոցցանցերում, տարբեր լրատվական կայքերում և տելեգրամ ալիքներում տարածվում են տեղեկություններ, համաձայն որոնց՝ Հանրապետության նախագահ Արմեն Սարգսյանն իբր հետապնդում է քաղաքական նպատակներ, հովանավորում է տարբեր ուժերի, ինչպես նաև կոչ է անում բոյկոտել ընտրությունները։ 

Հանրապետության նախագահի աշխատակազմի հասարակայնության հետ կապերի վարչությունը տարածվող լուրերի կապակցությամբ հայտարարում է, որ բոլոր այդ տեղեկությունները կեղծ են և չեն համապատասխանում իրականությանը։
Նախագահ Արմեն Սարգսյանի տեսակետները, մտքերը, խոսքերը կամ ելույթները ներկայացված են բացառապես նախագահի պաշտոնական էջերում`www.president.amFacebookTwitterTelegramTelegramInstagramYouTube

Բազմիցս հայտարարվել է, որ Հանրապետության նախագահն առաջնորդվում է համապետական և համազգային շահերով:

«Նախագահը, իր գործառույթներն իրականացնելով բացառապես ՀՀ Սահմանադրությամբ իրեն ընձեռված լիազորությունների շրջանակում, չի կարող զբաղվել, չի զբաղվում և նպատակ չունի զբաղվել քաղաքականությամբ, որևէ կուսակցության անդամ չէ, չի ներկայացրել և չի ներկայացնում որևէ քաղաքական ուժ,-նշված է հայտարարության մեջ:

Նախագահականում մեկնարկել է «Զարթոնք» ծրագիրը վիրավորում ստացած զինծառայողների համար

Հանրապետության նախագահը չի աջակցում և չի պատրաստվում աջակցել կամ սատարել որևէ քաղաքական ուժի:

40
թեգերը:
Նախագահ, Հայաստան
Ըստ թեմայի
Նախագահը շնորհակալություն է հայտնել հայկական կաթողիկոսությունների ԱՄՆ թեմերի առաջնորդներին
ՀՀ նախագահը շնորհակալական ուղերձ է հղել «Ավրորայի» համահիմնադիրներին
Արմեն Սարգսյանն ընդունել է ՖԻԴԵ-ի նախագահին. տեսանյութ