Չինական «Կորոնավակն» արդեն Հայաստանում է

Չինական «Կորոնավակն» արդեն Հայաստանում է. լուսանկարներ

103
(Թարմացված է 12:38 02.05.2021)
Կորոնավիրուսի դեմ չինական պատվաստանյութը հասանելի կլինի 18 տարեկանից բարձր քաղաքացիների համար:

ԵՐԵՎԱՆ, 2 մայիսի - Sputnik. Հայաստան է ներկրվել Չինաստանի Ժողովրդական Հանրապետության կառավարության կողմից տրամադրված COVID-19-ի դեմ «Կորոնավակ» պատվաստանյութը` 100 հազար դեղաչափ` 50 հազար անձի համար: Տեղեկությունը հայտնում է ՀՀ առողջապահության նախարարության մամուլի ծառայությունը` նշելով, որ պատվաստանյութը ՀՀ է ներկրվել  մայիսի 1-ի գիշերը։

Первая партия китайской вакцины от коронавируса Коронавак прибыла в Армению (1 мая 2021). Еревaн
Չինական «Կորոնավակն» արդեն Հայաստանում է

Ավելի վաղ, լրագրողների հետ զրույցում առողջապահության նախարարի պաշտոնակատար Անահիտ Ավանեսյանը նշել էր, որ կորոնավիրուսի դեմ չինական պատվաստանյութը հասանելի կլինի 18 տարեկանից բարձր քաղաքացիների համար:

ՀՀ–ում նոր ռեժիմ կգործի. պատվաստված անձինք մեկնելիս կամ ժամանելիս ՊՇՌ թեստ չեն հանձնի

Որոշ տվյալներով` չինական պատվաստանյութի արդյունավետությունը հասնում է 50-60 %-ի։ ԱՆ նախարարի պաշտոնակատարը շեշտում է, որ այդ արդյունավետությունը վերաբերվում է հիվանդության ասիմպտոմ դեպքերին, բոլոր պատվաստանյութերը 100 տոկոսով պաշտպանում են հիվանդության ծանր և ծայրահեղ ծանր ընթացքից:

Первая партия китайской вакцины от коронавируса Коронавак прибыла в Армению (1 мая 2021). Еревaн
Չինական «Կորոնավակն» արդեն Հայաստանում է

Նշենք, որ Հայաստանում արդեն սկսվել են մասսայական պատվաստումները։ Հաջորդ շաբաթվանից երկրում կգործեն պատվաստման շարժական թիմեր։ Մեր երկրում պատվաստումն իրականացվում է ռուսական «Սպուտնիկ V»–ով, «AstraZeneca»–ով և չինական պատվաստանյութով։

103
թեգերը:
պատվաստանյութ, Չինաստան, Հայաստան, կորոնավիրուս
Ըստ թեմայի
Փաշինյանը հանձնարարեց, որ կառավարության նիստին ներկա բոլոր անձինք պատվաստվեն
«Կորոնավիրուսի դեմ պատվաստումից հետո կար թուլություն, մկանային ցավ»․ Ավանեսյան
«Ես ձեզ շատ կկարոտեմ». 93֊ամյա կինը հաղթահարել է Covid-19-ը և տուն վերադարձել. տեսանյութ
267 նոր դեպք, 11 մահ` մեկ օրում. կորոնավիրուսային հիվանդության ընթացքը Հայաստանում
Նիկոլ Փաշինյան. արխիվային լուսանկար

Վարչապետի աշխատակազմում պարգևավճարները գերազանցել են աշխատավարձի չափերը

5
(Թարմացված է 19:41 11.05.2021)
Ամենամեծ պարգևավճարները տրվել են դեկտեմբերին, երբ 500 աշխատակցի վճարվել է 235 441 900 դրամ։

ԵՐԵՎԱՆ, 11 մայիսի – Sputnik. ՀՀ վարչապետի աշխատակազմում 2020թ–ի ընթացքում 363 178 700 դրամի պարգևավճար է վճարվել։ Ընդ որում, որոշ աշխատաիկիցներ իրենց աշխատավարձը գերազանցող պարգևավճարներ են ստացել։

Նման բացահայտւմ է արել ՀՀ Հաշվեքննիչ պալատը` վարչապետի աշխատակազմի 2020թ–ի հունվարի 1-ից դեկտեմբերի 31-ի պետբյուջեի կատարման հաշվեքննության արդյունքում։

Ըստ այդմ, վարչապետի աշխատակազմին 2020 թ–ին «աշխատավարձեր և հավելավճարներ» հոդվածով վճարվել է 2 566 055 800 դրամ, որի շուրջ կեսը` 1 234 181 400 դրամը` որպես աշխատավարձ, 363 178 700–ը` պարգևավճար, մնացածը` եկամտահարկ, արձակուրդային, տարբեր նպաստներ ու սոցվճարներ և այլն։

Հետաքրքրական է, որ ամենամեծ պարգևավճարները տրվել են դեկտեմբերին, երբ 500 աշխատակցի վճարվել է 235 441 900 դրամ։

«Բա ճիշտ ենք արել, հլը ավելի շատ պարգևավճար պետք ա տանք ոստիկաններին». Ալեն Սիմոնյան

Համեմատության համար նշենք, որ սեպտեմբերին 504 աշխատողների վճարվել է 56 735 900 դրամ։

Հենց դեկտեմբերյան պարգևավճարների այս չափն էլ, ամենայն հավանականությամբ, գրավել է նաև հաշվեքննողների ուշադրությունը։ Իսկ արդեն մանրակրկիտ հաշվարկը պարզել է, որ վարչապետը որոշել է որոշ աշխատակիցների պարգևատրել իրենց աշխատավարձը գերազանցող գումարներով։

«Աշխատավարձի ֆոնդի տնտեսված միջոցներից հատկացված պարգևատրման ժամանակ ՀՀ վարչապետի` 2020 թվականի դեկտեմբերի 25–ի թիվ 1428-Ա որոշմամբ բարեխիղճ աշխատանքի համար խրախուսված որոշ աշխատակիցների պարգևատրման գումարը գերազանցել է մեկ ամսվա պաշտոնային դրույքաչափը»,– ասված է հաշվեքննության մեջ:

Հաշվեքննության հեղինակները միաժամանակ արձանագրում են, որ վարչապետի այս որոշումը հակասում է «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» ՀՀ օրենքին։

Հաշվեքննությունը փաստում է, որ այդ օրենքի 22–րդ հոդվածի 10-րդ մասի համաձայն՝ «պետական ծառայողը հատուկ առաջադրանքների և/կամ որակյալ աշխատանքի կատարման համար պարգևատրվում է իր մինչև մեկ ամսվա պաշտոնային դրույքաչափով»:

Վարչապետի աշխատակազմում, սակայն, ՀՊ–ի այս դիտարկման հետ չեն համաձայնում` բացատրելով, որ վարչապետի հիշյալ որոշման մեջ հղում է արվել օրենքի ոչ թե 22–րդ հոդվածի 10-րդ մասին, ինչպես նշել է ՀՊ–ն, այլ 6-րդ հոդվածի 6-րդ մասին, այսինքն` աշխատավարձը գերազանցող պարգևավճարը տրվել է ոչ թե «հատուկ առաջադրանքների և (կամ) որակյալ աշխատանքի» համար, այլ «բարեխիղճ աշխատանքի», հետևաբար, այդ պարգևատրման չափը սահմանափակված չէ։

Պարգևավճարների չափերից բացի, հաշվեքննության արդյունքում նաև պարզվել է, որ ՀՀ վարչապետի աշխատակազմի ղեկավարի 2019 թվականի դեկտեմբերի 1-ի հրամանով հաստատված 700 հաստիքից 143-170–ը 2020թ–ի ընթացքում համալրված չեն եղել։

Արդյունքում` 700 աշխատակցի համար նախատեսված աշխատավարձի ֆոնդից վճարումներն իրականացվել են 530-557 աշխատակցի։

5
թեգերը:
Վարչապետ, աշխատավարձ, պարգևավճար, Նիկոլ Փաշինյան
ՀՀ նախագահ Արմեն Սարգսյանն ու ՌԴ նախագահ Վլադիմիր Պուտինը. արխիվային լուսանկար

ՀՀ նախագաh Արմեն Սարգսյանը ցավակցական հեռագիր է հղել Վլադիմիր Պուտինին

34
(Թարմացված է 19:01 11.05.2021)
Կազանի թիվ 175 դպրոցում տեղի ունեցած ողբերգության հետևանքով զոհվածների ու վիրավորների գերակշիռ մասը երեխաներ են։

ԵՐԵՎԱՆ, 11 մայիսի – Sputnik. Հայաստանի Հանրապետության նախագաh Արմեն Սարգսյանը Կազանում տեղի ունեցած ողբերգության կապակցությամբ ցավակցական հեռագիր է հղել Ռուսաստանի Դաշնության նախագահ Վլադիմիր Պուտինին: Տեղեկությունը հայտնում է ՀՀ նախագահի մամուլի ծառայությունը։

Նշվում է, որ նախագահ Սարգսյանն իր խորին ցավակցությունն է հայտնել Կազանի դպրոցներից մեկում տեղի ունեցած սարսափելի ողբերգության կապակցությամբ, կարեկցանքի խոսքեր ուղղել զոհվածների հարազատներին ու մտերիմներին, իսկ տուժածներին շուտափույթ ապաքինում մաղթել: 

Ավելի վաղ կազանյան ողբերգության առթիվ ՌԴ նախագահին ցավակցել էր նաև ՀՀ վարչապետի պաշտոնակատար Նիկոլ Փաշինյանը։

Հիշեցնենք` այսօր Կազանի թիվ 175 դպրոցում կրակոցներ են հնչել, երեխաներ են մահացել, տասնյակ վիրավորներ կան։ Թաթարստանի իշխանությունների տվյալներով` մահացածներից յոթը երեխաներ են, մեկը` ուսուցչուհի, 21 վիրավոր կա:

Իսկ Ազգային հակաահաբեկչական կոմիտեի տվյալներով` հրաձգության հետևանքով 7 երեխա է մահացել, 16 վիրավոր կա։ Թաթարստանի նախագահ Ռուստամ Միննիխանովը հայտարարել է, որ հրաձգությունը կազմակերպել է 19-ամյա մի երիտասարդ, որի անունով զենք կա գրանցված: ՌԴ ՔԿ-ն քրեական գործ է հարուցել ՌԴ ՔՕ 105-րդ հոդվածի 2-րդ մասով (երկու և ավելի անձանց սպանություն):

Կազանի դպրոցում տեղի ունեցած հրաձգությունից հետո Պուտինը հրատապ հանձնարարություն է տվել

Մայիսի 12-ը Թաթարստանում սգո օր է հայտարարվել։ Ռուսաստանի նախագահ Վլադիմիր Պուտինը ցավակցություն է հայտնել զոհված երեխաների ծնողներին և շուտափույթ ապաքինում մաղթել տուժածներին:

34
թեգերը:
Կազան, Հայաստան, ցավակցություն, Նախագահ, Վլադիմիր Պուտին
Ըստ թեմայի
ՀՀ ԱԳՆ–ն ցավակցություն է հայտնել Կազանի դպրոցում տեղի ունեցած ողբերգության կապակցությամբ
Կազանի դպրոցում տեղի ունեցած հրաձգությունից հետո Պուտինը հրատապ հանձնարարություն է տվել
Կազանի դպրոցում սպանդ կազմակերպած երիտասարդի հարցաքննությունից հատվածներ են հրապարակվել