«Հայփոստի» կազմակերպած աճուրդը

Մակրոնի ստորագրությամբ փոստային ծրարը հանվել է աճուրդի. «Հայփոստը» զարգացնում է ֆիլատելիան

148
(Թարմացված է 20:08 30.04.2021)
Աճուրդի նպատակը, «Հայփոստի» գլխավոր տնօրեն Հայկ Կարապետյանի խոսքով, գումար ստանալը չէ, այլ Հայաստանում գրեթե անհետացող հոբբիի` ֆիլատելիայի մոռացվող ավանդույթները վերականգնելը։

ԵՐԵՎԱՆ, 30 ապրիլի – Sputnik. 2018թ–ին Հայաստանում անցկացված Ֆրանկոֆոնիայի գագաթնաժողովի շրջանակում Ֆրանսիայի նախագահ Էմանուել Մակրոնն իր ստորագրությունն էր թողել Շառլ Ազնավուրի հիշատակին նվիրված նամականիշով փոստային ծրարի վրա։ Ֆրանսիայի նախագահի ստորագրությամբ ծրարը 2.5 տարի իր ֆոնդում պահելուց հետո «Հայփոստը» որոշել է այն դարձնել հանրության սեփականությունը` վաճառել աճուրդով։

Компания «Айпост» провела филателистический аукцион
© Sputnik / Asatur Yesayants
«Հայփոստի» կազմակերպած աճուրդը

Մակրոնի ստորագրությամբ ծրարի մեկնարկային արժեքը գնահատվել էր 15 000 դրամ։ Աճուրդում այն 70 000 դրամով ձեռք է բերել հայաստանցի նամականիշներ հավաքողներից` ֆիլատելիստներից մեկը։

Компания «Айпост» провела филателистический аукцион
© Sputnik / Asatur Yesayants
«Հայփոստի» կազմակերպած աճուրդը

Փոստային ծրարից բացի «Հայփոստի» կազմակերպած աճուրդում վաճառվել են նաև նամականիշների` Տիգրան Մեծին նվիրված հավաքածուն, հայոց այբուբենի տառերով հավաքածուն և այլ նամականիշներ։

Компания «Айпост» провела филателистический аукцион
© Sputnik / Asatur Yesayants
«Հայփոստի» կազմակերպած աճուրդը

Աճուրդի նպատակը, «Հայփոստի» գլխավոր տնօրեն Հայկ Կարապետյանի խոսքով, վաճառքը կամ գումար ստանալը չէ, այլ Հայաստանում գրեթե անհետացող հոբբիի` ֆիլատելիայի մոռացվող ավանդույթները վերականգնելը։

«Որոշեցինք երեկոներ կազմակերպել, թեկուզ ամեն երեք ամիսը` մեկ, համեմենք դա ջազով, հայկական լավ գինով, դա դառնա երևանյան ևս մեկ ավանդույթ, որտեղ մարդիկ գնում են նամականիշներ, էքսկլյուզիվ նամականիշները աճուրդով են գնում և այլն»,– ասաց Կարապետյանը։

Այսօր կազմակերպված աճուրդն այս շարքի հանդիպումներից առաջինն էր, բայց «Հայփոստում» համոզված են` ոչ վերջինը։

«Նամականիշները միայն փոստային ծառայությունների համար չեն։ Դրանք հատելով Հայաստանի սահմանները` մեր մշակույթը տարածում են ամբողջ աշխարհում։ Ֆիլատելիան վերջիվերջո մշակույթի պոպուլիզացիան է նամականիշների միջոցով»,–նշեց Կարապետյանը։

Компания «Айпост» провела филателистический аукцион
© Sputnik / Asatur Yesayants
«Հայփոստի» կազմակերպած աճուրդը

Ֆիլատելիայով Հայաստանում, Հայկ Կարապետյանի խոսքով, զբաղվում է մի քանի հարյուր մարդ։

«Նույնիսկ հիմա երեխաների համար հատուկ նամականիշներ ենք նախատեսում թողարկել, որ փոքրուց սովորեն նամականիշ հավաքել։ Առաջին փուլում մանկական նամականիշներն իրական նամականիշներ չեն լինի, դրանք ուղղակի կպչուն սթիքերներ են լինելու, բայց նամականիշի ձևով, որպեսզի երեխաներին սովորեցնենք, որ կարելի է նամականիշներ հավաքել, որ կա նման ուղղություն` ֆիլատելիա»,– ասաց Կարապետյանը։

Компания «Айпост» провела филателистический аукцион
© Sputnik / Asatur Yesayants
«Հայփոստի» կազմակերպած աճուրդը

«Հայփոստի» նամականիշների ֆոնդը բավական մեծ է։ Դրանում առկա են 1992թ–ից առայսօր ՀՀ–ում թողարկված բոլոր նամականիշները։

Խորհրդային տարիներին մեծ տարածում ունեցող այս հոբբին անկախ Հայաստանում գրեթե մոռացության է մատնվել։ Ֆիլատելիստների թիվը Հայաստանում այսօր մի քանի հարյուր մարդ է, մինչդեռ աշխարհի շատ երկրներում այն բավական լայն տարածում ունի։ «Հայփոստը» լրջորեն մտադիր է նոր շունչ տալ այս զբաղմունքին, ու նաև հայաստանցիներին սովորեցնել ձեռագիր նամակներ գրել ու դրանց վրա նամականիշներ փակցնել։

Компания «Айпост» провела филателистический аукцион
© Sputnik / Asatur Yesayants
«Հայփոստի» կազմակերպած աճուրդը

«Երևանի կենտրոնական հատվածներում առաջիկայում նախատեսվում է տեղադրել շուրջ 20 փոստային արկղեր, որտեղից հնարավոր կլինի Երևանի տեսարժան վայրերի նկարներով փոստքարտեր գնել ու ուղարկել արտերկիր։ Աշխարհում նման ավանդույթ կա. Չինաստանից եկած հյուրերը այդ երկրից փոստքարտեր են ուղարկում Չինաստան, Ֆրանսիայից եկածները` Ֆրանսիա։ Մենք, ցավոք, այդ մշակույթը կորցրել ենք։ Բայց հիմա նորից փոստարկղեր ենք տեղադրելու, որպեսզի այդ ավանդույթը վերստեղծենք մեր զբոսաշրջիկների համար։ Վերցնում ես փոստքարտը, ձեռագիր ինչ–որ հաղորդագրություն գրում ու ուղարկում»,– ասաց Կարապետյանը։

«Հայփոստի» տնօրենի դիտարկմամբ` Էլեկտրոնային նամակներն ու հաղորդագրությունները ժամանակակից աշխարհում այնքան առօրեական են դարձել, որ դադարել են հուզել և՛ ուղարկողներին և՛ ստացողներին, մինչդեռ ձեռագիր նամակները շատ ավելի հույզեր են առաջացնում։

ՀՀ զինված ուժերին ուղարկվող ծանրոցներն անվճար կառաքվեն. «Հայփոստ»

148
թեգերը:
աճուրդ, նամականիշ, Էմանուել Մակրոն, ՀայՓոստ
Ըստ թեմայի
«Ադրբեջան 2020» փոստային նամականիշներից մեկն արցախահայության բնաջնջման քարոզ է. ՀՀ ՄԻՊ
Հռոմի պապի հայաստանյան այցին նվիրված նոր նամականիշ է թողարկվել
«Հայփոստը» Սինգապուրի հայկական եկեղեցուն նվիրված նամականիշ է թողարկել
WCIT 2019. շրջանառության մեջ է դրվել մեկ նամականիշով գեղաթերթիկ
Ռուստամ Մուրադով. արխիվային լուսանկար

Սյունիքում բանակցություններն սկսվել են. դրանք կոորդինացնում է Ռուստամ Մուրադովը

70
(Թարմացված է 15:43 15.05.2021)
Sputnik Արմենիայի տեղեկություններով` Ռուստամ Մուրադովը ևս 6 ամիս կղեկավարի խաղաղապահ զորախումբը։

ԵՐԵՎԱՆ, 15 մայիսի- Sputnik. Սյունիքի սահման ներխուժած ադրբեջանցիների հետ քաշվելու թեմայով Սյունիքում մեկնարկել են բանակցությունները։ Տեղեկությունը Sputnik Արմենիային հայտնեց Գորիսի փոխհամայնքապետ Մենուա Հովսեփյանը։

Նշենք, որ երեկ վարչապետի պաշտոնակատար Նիկոլ Փաշինյանը հայտարարել էր, որ բանակցությունները կանգ են առել և շարունակվելու են այսօր։

«Բանակցությունները սկսել են արդեն ժամը 3-ից։ Այն կոորդինացնում է ռուսական խաղաղապահ զորախմբի հրամանատար, գեներալ Ռուստամ Մուրադովը»,–ասաց Հովսեփյանը։

Նա հայտնեց նաև, որ մարզի բնակչությունը մարտական է տրամադրված` պատրաստ պաշտպանելու իրենց հողերը։

Հովսեփյանը հիշեցրեց, որ երեկ ադրբեջանցիները Ակներ գյուղի վերևի մաս են առաջացել, որի հետևանքով Գորիս քաղաքն ընկնում է անմիջական նշանառության տակ։

Ի դեպ, Sputnik Արմենիայի տեղեկություններով` Ռուստամ Մուրադովը ևս 6 ամիս կղեկավարի խաղաղապահ զորախումբը։

Հիշեցնենք` ՀՀ ՊՆ մամուլի ծառայությունը հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

ԱՄՆ-ը սադրանք է համարում Ադրբեջանի գործողությունները Հայաստանի սահմանների մոտ. Պետդեպ

Նույն օրը ՀՀ վարչապետի պաշտոնակատար Նիկոլ Փաշինյանն Անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

70
թեգերը:
ադրբեջանցի, Սյունիք, բանակցություն, Ռուստամ Մուրադով
թեմա:
Սահմանային խախտումներ. իրադրությունը Սյունիքում և Գեղարքունիքում
Ըստ թեմայի
ՀՀ–ն բարձր է գնահատում միջազգային գործընկերների ջանքերը Սյունիքի հարցով. հայտարարություն
«Եկել ենք գործուղման». ռուս զինվորականները Սյունիքում են
Իշխանասարում ադրբեջանցիների ներկայությունը վտանգում է Սյունիքի խմելու ջրի հասանելիությունը
ՀԱՊԿ–ն առաջիկա օրերին Սյունիքի իրավիճակի վերաբերյալ խորհրդակցություններ կանցկացնի
Արխիվային լուսանկար

Պատվաստված քաղաքացիներն առանց թեստ հանձնելու կարող են մուտք գործել Հայաստան

5
(Թարմացված է 15:45 15.05.2021)
Մինչև 1 տարեկան երեխաների համար երկիր մուտք գործելիս ՊՇՌ թեստավորման պահանջը հանվել է:

ԵՐԵՎԱՆ, 15 մայիսի- Sputnik. Այն քաղաքացիները, որոնք կունենան պատշաճ պատվաստման հավաստագիրը (կանաչ անձնագիրը), այսինքն երկու դեղաչափ ստացած կլինեն, այսուհետ Հայաստան գալու համար լրացուցիչ ՊՇՌ թեստ հանձնելու կարիք չեն ունենա: Այս մասին տեղեկանում ենք սփյուռքի գլխավոր հանձնակատարի գրասենյակի ֆեյսբուքյան էջում արված գրառումից։

«Պատվաստում չստացած քաղաքացիները ՀՀ մուտք գործելիս պետք է ներկայացնեն առավելագույնը 72 ժամ վաղեմության կորոնավիրուսի բացասական թեստի արդյունքը հաստատող փաստաթուղթ»,–նշված է գրառման մեջ։

Ի դեպ, մինչև 1 տարեկան երեխաների համար երկիր մուտք գործելիս ՊՇՌ թեստավորման պահանջը հանվել է:

Հիշեցնենք, որ հաշվի առնելով կորոնավիրուսի 3–րդ ալիքի գոյությունն աշխարհում և այն փաստը, որ Հայաստանում վարակակիրների թիվը շարունակում է բարձր մնալ, 2021թ.–ի հունվարի 11–ին ՀՀ կառավարությունը որոշեց երկրում կարանտինային ռեժիմը երկարաձգել ևս 6 ամսով։

Այն կտևի մինչև 2021թ.–ի հուլիսի 11–ը։

ՀՀ տարածք օդային և ցամաքային սահմանային անցման կետերով մուտք գործելիս ներկայացվում է կորոնավիրուսային հիվանդության (COVID-19) ախտորոշման ՊՇՌ հետազոտության բացասական արդյունքը հավաստող առավելագույնը 72 ժամ վաղեմության սերտիֆիկատ:

«Սպուտնիկ-V» պատվաստանյութի երկրորդ խմբաքանակը հասել է Հայաստան

5
թեգերը:
թեստ, Հայաստան, պատվաստումներ, կորոնավիրուս
Ըստ թեմայի
Կորոնավիրուսի դեմ պատվաստումից առաջ պե՞տք է թեստ հանձնել. պատասխանում է նախարարությունը
Ինչ արժեն Covid թեստերը ՀՀ-ում, և ինչ կարող է անել կառավարությունը գներն իջեցնելու համար
ՀՀ–ում նոր ռեժիմ կգործի. պատվաստված անձինք մեկնելիս կամ ժամանելիս ՊՇՌ թեստ չեն հանձնի