ՀՀ ՊՆ

Ադրբեջանական կողմից 8-10 հոգի անցել են միջդիրքային տարածք. ՀՀ ՊՆ

405
(Թարմացված է 19:22 29.04.2021)
Քաղաքացիական հագուստով անձինք, նկատելով ՀՀ ԶՈւ առաջապահ դիրքերի զինծառայողներին, շտապ հեռացել են դեպի Ալիբեյլի բնակավայր։

ԵՐԵՎԱՆ, 29 ապրիլի – Sputnik. Ապրիլի 28-ին` ժամը 11.40-ի սահմանում, ՀՀ պետական սահմանի հյուսիսարևելյան հատվածում, N զորամասի պահպանության տեղամասում, ադրբեջանական Ալիբեյլի բնակավայրի կողմից խախտելով շփման գիծը, քաղաքացիական հագուստով 8-10 անձ անցել են միջդիրքային տարածք` իրենց հետ բերելով 30-40մ երկարությամբ խողովակներ, հավանաբար նշված տարածքից մոտակա ադրբեջանական հենակետ ջուր հասցնելու նպատակով: Տեղեկությունը հայտնում է ՀՀ պաշտպանության նախարարությունը։

«Նկատելով ՀՀ ԶՈւ առաջապահ դիրքերի զինծառայողներին, քաղաքացիական հագուստով անձինք շտապ հեռացել են դեպի Ալիբեյլի բնակավայր՝ թողնելով խողովակները միջդիրքային տարածքում: ՀՀ ԶՈւ զինծառայողները ցուցաբերել են զսպվածություն և չեն ենթարկվել սադրանքների: Հակառակորդի աշխատանքները դադարեցվել են»,– նշված է հաղորդագրության մեջ:

ՀՀ ԱԱԾ-ից ստացված տեղեկատվության համաձայն՝ ԱԱԾ սահմանապահ զորքերի պատասխանատվության տակ գտնվող Գորիս-Կապան միջպետական ավտոճանապարհի Որոտան-Դավիթ Բեկ հատվածում սահմանային միջադեպեր չեն արձանագրվել:

«Կրակոց չկա, բայց ադրբեջանցիները մոտ 20 գլուխ անասուն չեն վերադարձրել». Բախշիյան

ՀՀ զինված ուժերի և ԱԱԾ սահմանապահ զորքերի ստորաբաժանումները վերահսկում են սահմանային իրավիճակը սահմանագոտու ամբողջ երկայնքով և կատարում առաջադրված խնդիրները:

Ադրբեջանցիները Մարտակերտի Նոր Ղազանչի գյուղի տարածքում կրկին առաջ են եկել

 

405
թեգերը:
ՀՀ Պաշտպանության նախարարություն (ՊՆ), Ադրբեջան, Հայաստան
Ըստ թեմայի
Ադրբեջանցիները կրակել են Ստեփանակերտի բնակելի տան վրա. Շուշիի՞ց են թիրախավորել
Երեք ադրբեջանցի պայթել են ականի վրա. երկուսը եղբայրներ են
Արավուսի նույն հովվի նկատմամբ ադրբեջանցիները երկու անգամ են ոտնձգություն կատարել. ՄԻՊ
Վրաստանի վարչապետը ժամանեց Հայաստան

Վրաստանի վարչապետը ժամանեց Հայաստան

7
(Թարմացված է 14:50 12.05.2021)
Վրաստանի վարչապետ Իրակլի Ղարիբաշվիլին մի շարք հանդիպումներ կունենա Հայաստանում։

ԵՐԵՎԱՆ, 12 մայիսի - Sputnik. Վրաստանի վարչապետ Իրակլի Ղարիբաշվիլին պաշտոնական այցով ժամանեց Հայաստան:

«Զվարթնոց» միջազգային օդանավակայանում վրացական պատվիրակությանը դիմավորեց Հայաստանի փոխվարչապետի պաշտոնակատար Տիգրան Ավինյանը:

Премьер-министр Грузии Ираклий Гарибашвили прибыл в Армению с официальным визитом (12 мая 2021). Еревaн
© Sputnik / Asatur Yesayants
Վրաստանի վարչապետը ժամանեց Հայաստան

Վրաստանի վարչապետ Իրակլի Ղարիբաշվիլին հայաստանյան այցի շրջանակում հանդիպումներ են նախատեսված ՀՀ վարչապետի պաշտոնակատար Նիկոլ Փաշինյանի, ՀՀ արտաքին գործերի նախարարի պաշտոնակատար Արա Այվազյանի հետ: Տեղեկությունը հայտնում է ՀՀ կառավարության մամուլի ծառայությունը։

Ծիծեռնակաբերդի հուշահամալիրում Վրաստանի վարչապետը հարգանքի տուրք կմատուցի Հայոց ցեղասպանության զոհերի հիշատակին:

Վարչապետի պաշտոնակատար Նիկոլ Փաշինյանի անունից ի պատիվ Վրաստանի վարչապետ Իրակլի Ղարիբաշվիլիի կտրվի պաշտոնական ընթրիք:

Ղարիբաշվիլին նախկինում Հայաստան է այցելել ինչպես Վրաստանի վարչապետի կարգավիճակով` 2014-ին և 2019-ին, այնպես էլ 2020–ին` որպես պաշտպանության նախարար:

7
թեգերը:
Իրակլի Ղարիբաշվիլի, Երևան, Հայաստան
Флаг Армении в Сюнике

ԱԱԾ–ն Սյունիքի իրավիճակի հետ կապված հայտարարություն է տարածել

107
(Թարմացված է 14:48 12.05.2021)
ՀՀ ԱԱԾ–ն զ գուշացնում է, որ նմանատիպ երևույթներն ունենալու են համապատասխան իրավական հետևանքներ՝ ամենախիստ գործիքակազմերի կիրառմամբ։

ԵՐԵՎԱՆ, 12 մայիսի -Sputnik. ՀՀ ազգային անվտանգության ծառայությունը պաշտոնապես տեղեկացնում է, որ Սյունիքի մարզի տարածքում մեկնարկած ու ընթացող մարտերի վերաբերյալ զանգվածային լրատվության միջոցներով և սոցիալական ցանցերում տարածվող տեղեկություններն իրականությանը չեն համապատասխանում: 

«Նկատի ունենալով հիշյալ տեղեկությունների տարածման արդյունքում հանրության շրջանում ձևավորված անհանգստությունները՝ ՀՀ ազգային անվտանգության ծառայությունը խստորեն զգուշացնում է զերծ մնալ ապատեղեկատվություն տարածելու, ազգաբնակչության շրջանում խուճապ առաջացնելու և անհարկի լարվածություններ հրահրելու գործելաոճից ու տեղեկացնում, որ նմանատիպ երևույթներն ունենալու են համապատասխան իրավական հետևանքներ՝ ամենախիստ գործիքակազմերի կիրառմամբ»,–նշված է ԱԱԾ հաղորդագրության մեջ:

Ազգային անվտանգության մարմինները հորդորում են զերծ մնալ ոչ պաշտոնական ու չճշտված տեղեկությունների տարածումից և ապավինել բացառապես պաշտոնական լրահոսին։

Հիշեցնենք` լրատվամիջոցներում ու սոցկայքերում լուրեր են տարածվել, թե Սյունիքի մարզի Իշխանասար գյուղի հատվածում թշնամին մարտական գործողություններ է սկսել։

Գորիսի փոխհամայնքապետ Իրինա Յոլյանը Facebook-ում գրել է, որ թշնամին Իշխանասարի հատվածում պետական սահմանն անցել է և ևս երեք կիլոմետր առաջ եկել դեպի Վերիշեն բնակավայր։

107