Չինաստան

Կորոնավիրուսի դեմ չինական պատվաստանյութը հասանելի կլինի 18-ից բարձր քաղաքացիների համար

38
(Թարմացված է 12:28 29.04.2021)
Որոշ տվյալներով` չինական պատվաստանյութի արդյունավետությունը հասնում է 50-60 %-ի։ ԱՆ նախարարը շեշտում է, որ այդ արդյունավետությունը վերաբերվում է հիվանդության ասիմպտոմ դեպքերին, բոլոր պատվաստանյութերը 100 տոկոսով պաշտպանում են հիվանդության ծանր և ծայրահեղ ծանր ընթացքից:

ԵՐԵՎԱՆ, 29 ապրիլի - Sputnik. Կորոնավիրուսի դեմ չինական պատվաստանյութը հասանելի կլինի 18 տարեկանից բարձր քաղաքացիների համար:

 Տեղեկությունը լրագրողների հետ զրույցում հայտնեց առողջապահության նախարարի պաշտոնակատար Անահիտ Ավանեսյանը:

Նշենք, որ հաջորդ շաբաթ Հայաստանը կստանա կորոնավիրուսի դեմ չինական պատվաստանյութի 100 000 դեղաչափ՝ նախատեսված 50 000 պացիենտի համար:

«18 տարեկանից բարձր բոլոր քաղաքացիները կարող են հայտ ներկայացնել պատվաստվելու համար», - ասաց նա:

Նախարարի խոսքով՝ պատվաստանյութի արդյունավետությունը վերաբերվում է հիվանդության ասիմպտոմ դեպքերին։ Սակայն բոլոր պատվաստանյութերը 100 տոկոսով պաշտպանում են հիվանդության ծանր և ծայրահեղ ծանր ընթացքից:

Ավանեսյանը շեշտեց, որ Հայաստանում այս պահին մեծ է ռուսական «Սպուտնիկ V» պատվաստանյութի նկատմամբ հետաքրքրությունը: Այն ևս հասանելի է քաղաքացիների համար: Մեկ-երկու շաբաթը մեկ ակնկալվում է պատվաստանյութի նոր խմբաքանակներ ստանալ:

«Պատվաստանյութերն անհրաժեշտություն են և ոչ թե ընտրության կամ շքեղության միջոց։ Մեր բժիշկների աշխատանքն ու նվիրվածությունը գնահատելով` պիտի խնդրեմ, որ նրանց էլ այս շատ բարդ իրավիճակից ազատենք: Իսկապես նրանք հոգնել են: Մարդիկ արդեն տարուց ավելի է՝ օր ու գիշեր պայքար են մղում մարդկանց կյանքերը փրկելու համար», - ասաց նախարարը:

 Նա շեշտեց, որ բոլոր երկրների կառավարություններն էլ առաջին դեմքերը սեփական օրինակով ցույց են տալիս, թե ինչքան կարևոր է օր առաջ պատվաստվել։

Հաջորդ շաբաթվանից Հայաստանում կգործեն պատվաստման շարժական թիմեր. նախարար

Հիշեցնենք, որ երեկ փոխվարչապետի պաշտոնակատար Տիգրան Ավինյանը և առողջապահության նախարարի պաշտոնակատար Անահիտ Ավանեսյանը պատվաստվեցին կորոնավիրուսի դեմ «AstraZeneca»-ի պատվաստանյութով:

38
թեգերը:
Անահիտ Ավանեսյան, Չինաստան, Հայաստան, պատվաստանյութ, պատվաստումներ
Ըստ թեմայի
Հնարավո՞ր է «Սպուտնիկ V» պատվաստանյութն արտադրել նաև Հայաստանում. Ավինյանի պատասխանը
Փաշինյանը հանձնարարեց, որ կառավարության նիստին ներկա բոլոր անձինք պատվաստվեն
656 նոր դեպք, 16մահ` մեկ օրում. կորոնավիրուսային հիվանդության ընթացքը Հայաստանում
Ձերբակալում

Հարվածել են վարչության պետի գլխին. Երևանի կենտրոնի ղեկավարի պաշտոնակատարը ձերբակալվել է

2
(Թարմացված է 15:52 12.05.2021)
Մանվել Մարգարյանի աշխատասենյակ մտած անձանցից մեկը կոտրել է Մարգարյանին պատկանող համակարգիչը և ստեղնաշարը` պատճառելով 1.5 մլն դրամի գույքային վնաս:

ԵՐԵՎԱՆ, 12 մայիսի- Sputnik. Կենտրոն վարչական շրջանի ղեկավարի պաշտոնակատար Արմեն Ազիզյանին և կոմունալ բաժնի գլխավոր մասնագետին մեղադրանք է առաջադրվել։ Տեղեկությունը հայտնում է ՀՀ քննչական կոմիտեն` անդրադառնալով երեկ տեղի ունեցած ծեծկռտուքին։

Հայտնել էինք, որ Կենտրոնի թաղապետարանում ծեծկռտուք է տեղի ունեցել, որի հետևանքով հողօգտագործման բաժնի պետ Մանվել Մարգարյանի ինքնազգացողությունը վատացել է։

«Նախնական տվյալներով՝ 2021թ. մայիսի 11-ին, ժամը 10:00-ի սահմաններում, Կենտրոնի ղեկավարի պաշտոնակատարը, կոմունալ բաժնի գլխավոր մասնագետի և շուրջ 10 այլ աշխատակիցների հետ մուտք է գործել քաղաքաշինության և հողօգտագործման բաժնի պետի աշխատասենյակ։ Աշխատանքային խնդիրների շուրջ առաջացած վիճաբանության ժամանակ վարչական շրջանի ղեկավարի պաշտոնակատարը և նրա հետ աշխատասենյակ մտած այլ անձինք հարվածել են նշված բաժնի պետին, կոմունալ բաժնի գլխավոր մասնագետը համակարգչի ստեղնաշարով հարվածել է նրա գլխին»,–նշված է հաղորդագրության մեջ։

Ավելին, Մանվել Մարգարյանի աշխատասենյակ մտած անձանցից մեկը կոտրել է Մարգարյանին պատկանող համակարգիչը և ստեղնաշարը` պատճառելով 1.5 մլն դրամի գույքային վնաս:

Նույն օրը վարչական շրջանի ղեկավարը և կոմունալ բաժնի գլխավոր մասնագետը ձերբակալվել են: Վարչական շրջանի ղեկավարի պաշտոնակատարին մեղադրանք է առաջադրվել՝ պաշտոնեական լիազորություններն անցնելու, իսկ կոմունալ բաժնի գլխավոր մասնագետին՝ որպես զենք օգտագործվող առարկաների գործադրմամբ խուլիգանություն կատարելու համար:

Նախաքննությունը շարունակվում է:

2
թեգերը:
Ծեծկռտուք, թաղապետ, Ձերբակալություն, Երևան
Ըստ թեմայի
Զինծառայողին սպանելու կասկածանքով ձերբակալվել է նրա ծառայակիցը. ՔԿ
«Օրենքով գողի» են ձերբակալել. «Նուբարաշեն» և «Արմավիր» ՔԿ–ներում «զոն նայողներ» են եղել
Զինծառայող Արտյոմ Մելքոնյանի մահվան գործով ձերբակալված ծառայակիցը կալանավորվել է
Հաշմանդամի սայլակ

Հայաստանում հաշմանդամությունը կորոշեն նոր սկզբունքով․ Ստեփանյանը` բարեփոխումների մասին

4
Սոցծառայությունների փաթեթը կտրամադրվի քաղաքացու գործունակության աստիճանից ելնելով։

ԵՐԵՎԱՆ, 12 մայիսի – Sputnik. Հայաստանում մասնագետների ռեեստր կստեղծվի, որոնք կզբաղվեն հաշմանդամություն ունեցող անձանց կարիքների գնահատմամբ։ Այսօր հրավիրված ասուլիսի ժամանակ ասաց աշխատանքի և սոցիալական հարցերի նախարարի տեղակալ Տաթևիկ Ստեփանյանը։

Մայիսի 5-ին խորհրդարանը երկրորդ և վերջնական ընթերցմամբ ընդունել էր «Հաշմանդամություն ունեցող անձանց իրավունքների մասին» և «Անձի ֆունկցիոնալության գնահատման մասին» օրենքներում համապատասխան փոփոխությունների փաթեթը:

«Այս փուլում մենք ունենք խմբեր, որոնք բժշկասոցիալական փորձաքննություն են իրականացնում։ Նրանց կազմում ընդգրկված են հաշմանդամությունը հաստատող բժիշկներ»,- ասաց Ստեփանյանը։

Գործող ձևաչափը կփոխարինի ռեեստրով, որում կընդգրկվեն ոչ միայն բժիշկներ, այլև հարակից ոլորտների մասնագետներ։ Քաղաքացու առողջական վիճակի գնահատման խումբը կձևավորվի այցից մեկ օր առաջ՝ ներկայացված գանգատների հիման վրա:

Ստեփանյանի խոսքով` նախատեսվում է նաև մի շարք միջոցներ ձեռնարկել կոռուպցիոն ռիսկերը նվազեցնելու համար: Հետագայում, կախված քաղաքացուն տրամադրած հաշմանդամության կարգից, նրան անհատական ծրագիր կառաջարկվի։ Հնարավոր է` որոշ դեպքերում գործի դրվեն անհատական օգնականի ինստիտուտն ու մի շարք այլ հանրային ծառայություններ:

Քաղաքացին մահից հետո պրոթեզավորվել է, դիմում գրել. Հաշվեքննիչ պալատի ցնցող բացահայտումները

«Մենք վերացնում ենք «հաշմանդամության կարգ» հասկացությունը, այսուհետ հաշմանդամություն ունեցող քաղաքացիները խմբերի կբաժանվեն ըստ ֆունկցիոնալության աստիճանի՝ թույլ, միջին, ծանր և խորը»,– ասաց Ստեփանյանը:

Սոցծառայությունների փաթեթը կտրամադրվի քաղաքացու գործունակության աստիճանից ելնելով։

Գնահատումը կկատարեն ռեեստրում գրանցված մասնագետները՝ պատահականության սկզբունքով։

Պատերազմի հետքը և՛ հոգում է, և՛ մարմնի վրա. լուսանկարներ

 

4
թեգերը:
հաշմանդամ, Հայաստան