Համաշխարհային բանկ

2018-ին Ադրբեջանից Հայաստան է փոխանցվել 211 մլն դոլար. ՀԲ–ի զեկույցը հարցեր է առաջացրել

495
(Թարմացված է 17:11 28.04.2021)
Մինչ հարցի վերջնական պարզաբանումը ԱԺ տնտեսական հարցերի հանձնաժողովի նախագահը հայտարարեց, որ 2017 կամ 2018թ–ին Հայաստանից Ադրբեջան և հակառակը գումար չի փոխանցվել, այս տվյալներն էլ արժանահավատ չեն։

ԵՐԵՎԱՆ, 27 ապրիլի - Sputnik. 2018-ին Ադրբեջանից Հայաստան է փոխանցվել 211 մլն դոլար։ Այսօր ԱԺ տնտեսական հարցերի մշտական հանձնաժողովի նիստում հայտարարեց «Լուսավոր Հայաստան» խմբակցության պատգամավոր Արմեն Եղիազարյանը` հավելելով, որ տվյալները ներկայացված են եղել Համաշխարհային բանկի տարեկան զեկույցում։

«Առաջին հերթին ես դիմել եմ մեր ԿԲ–ին, ԿԲ–ն պարզաբանել է, որ ըստ իրենց տեղեկատվության` դրա բազային հիմքը այն ադրբեջանցիներն են, որոնք 90-ականներին գնացին հետ` Ադրբեջան, իսկ այնտեղի մեր հայերը եկան Հայաստան։ Ասվեց, որ բանաձևի հիմքում այդ թվերն են, և այդ 211 մլն–ը դուրս է բերվել ըստ այդ բանաձևի»,– ասաց պատգամավորը։

Եղիազարյանը նաև հայտնեց, որ իր դիմումից հետո զեկույցի այդ հատվածը կայքից ուղղակի հեռացվել է, բայց ինքը պահպանել է զեկույցի սքրինշոթը։

«Ինչ վերաբերում է Կենտրոնական բանկին, ես մեր Կենտրոնական բանկի գործընկերների հետ քննարկել եմ, մենք ուսումնասիրել ենք ամեն ինչ, և պարզ է, որ մեր բանկային համակարգով որևէ փոխանցում չի գրանցվել»,– ասաց Եղիազարյանը։

ԱԺ տնտեսական հարցերի մշտական հանձնաժողովի նախագահ, «Իմ քայլը» խմբակցության պատգամավոր Բաբկեն Թունյանն էլ մանրամասնեց, որ ըստ ՀԲ–ի հիշյալ զեկույցի` 2018թ–ին Ադրբեջանից Հայաստան է փոխանցվել 211 մլն դոլար, Հայաստանից Ադրբեջան` 84 մլն դոլար, իսկ 2017թ–ին Ադրբեջանից Հայաստան փոխանցվել է 7 մլն դոլար, Հայաստանից Ադրբեջան` 174 մլն դոլար։

«Այսինքն` ստացվում է, որ մենք էլ 2017թ–ին ենք այնտեղ ինչ–որ պրոցեսներ իրականացրել։ Ակնհայտ է, որ այստեղ կա՛մ մեթոդաբանության, կա՛մ մեթոդաբանության կիրառման հետ որոշակի խնդիր կա։ Փաստ է, որ տեխնիկապես բոլորիս համար հասկանալի է` դա չի կարող տեղի ունենալ, երկրորդը` եղել է խնդիր, որն անուղղակիորեն ընդունել է նաև ԿԲ–ն, ըստ այդմ` զեկույցը հեռացվել է։ Երրորդ` եթե այս հարցը շարունակում է հետաքրքրել, իսկ ինձ հետաքրքրում է, մենք իրար հետ կփորձենք ՀԲ–ից ստանալ այն հարցի պատասխանը` եթե բազային տվյալները նույնն են մնացել, ապա այդ շեղումներն ինչով են պայմանավորված»,– ասաց Թունյանը։

Այդուհանդերձ, մինչ հարցի վերջնական պարզաբանումը հանձնաժողովի նախագահը հայտարարեց, որ 2017 կամ 2018թ–ին Հայաստանից Ադրբեջան և հակառակ ուղղությամբ գումար չի փոխանցվել, այս տվյալներն արժանահավատ չեն։

Ընդդիմադիր պատգամավորը համաձայնեց Բաբկեն Թունյանի դիտարկման հետ` հավելելով, որ այս հարցով ՀՀ ԿԲ–ի հետ քննարկումները շարունակվում են։

495
թեգերը:
Կենտրոնական բանկ (ԿԲ), Համաշխարհային բանկ (ՀԲ), Ադրբեջան, Հայաստան
Пожар у здания парламента Армении (9 ноября 2019). Еревaн

Հրդեհ է բռնկվել Երևանի երեքհարկանի շենքերից մեկի տանիքում. տեսանյութ

9
(Թարմացված է 17:44 18.05.2021)
Հայտարարվել է հրդեհի բարդության «1 ԲԻՍ» կանչ․ դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս երկու մարտական հաշվարկ և մեկ ավտոսանդուղք։

ԵՐԵՎԱՆ, 18 մայիսի– Sputnik. Երևանի Պուշկին-Սարյան փողոցների խաչմերուկի երեքհարկանի շենքի տանիքում հրդեհ է բռնկվել։ Տեղեկությունը հայտնում է ՀՀ ԱԻՆ մամուլի ծառայությունը։

Հայտնում են, որ Ճգնաժամային կառավարման ազգային կենտրոն ահազանգը ստացվել է մայիսի 18-ին, ժամը 17:04-ին։ Տեղեկացրել են, որ երեքհարկանի շենքի տանիքում, հրդեհ է բռնկվել։

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ, Ճգնաժամային կառավարման ազգային կենտրոնի և Հրդեհաշիջման և փրկարարական աշխատանքների կազմակերպման բաժնի օպերատիվ խմբերը։

Չինաստանում երկնաքերը հանկարծ թեքվել է, մարդիկ սարսափահար փախել են. տեսանյութեր

Հայտարարվել է հրդեհի բարդության «1 ԲԻՍ» կանչ․ դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս երկու մարտական հաշվարկ և մեկ ավտոսանդուղք։

Ըստ նախնական տվյալների՝ հրդեհը բռնկվել է շենքի տանիքում (240 քմ)։

9
թեգերը:
շենք, Երևան, ՀՀ արտակարգ իրավիճակների նախարարություն (ԱԻՆ), հրդեհ
ՄԻԵԴ

Հայաստանն ընդդեմ Թուրքիայի ՄԻԵԴ է դիմել

75
(Թարմացված է 17:23 18.05.2021)
ՄԻԵԴ–ի կայքում հրապարակված հաղորդագրության համաձայն` «Հայաստանն ընդդեմ Թուրքիայի» միջպետական գանգատը վարույթ է ընդունվել:

ԵՐԵՎԱՆ, 18 մայիսի –Sputnik. Հայաստանի Հանրապետությունը միջպետական գանգատ է ներկայացրել Մարդու իրավունքների եվրոպական դատարան` ընդդեմ Թուրքիայի Հանրապետության։ Տեղեկությունը հայտնում են ՄԻԵԴ–ում ՀՀ ներկայացուցչի գրասենյակից։

Նշվում է, որ գանգատը վերաբերում է արցախյան 44 օրյա պատերազմի ընթացքում Թուրքիայի կողմից սիրիացի վարձկաններ հավաքագրելու և Ադրբեջան տեղափոխելու, ադրբեջանական զինված ուժերին ռազմական տեխնիկա, զենք և զինամթերք մատակարարելու փաստերին, ինչը հանդիսանում է միջազգային կոնվենցիաների խախտում։

Մասնավորապես, Թուքիան խախտել է Արցախի և ՀՀ-ի բնակչության կյանքի, խոշտանգումներից և անմարդկային վերաբերմունքից զերծ մնալու, անձեռնմխելիության, սեփականության, անձնական և ընտանեկան կյանքի, և մի շարք այլ իրավունքներ:

Թուրքիան Հարավային Կովկաս է եկել, բայց մեկ է` խաղի կանոնները Ռուսաստանն է թելադրում

Կառավարության կողմից գանգատին կից ներկայացվել են Թուրքիայի այս գործողությունների մասին վկայող բազմաթիվ ծավալուն ապացույցներ։

ՄԻԵԴ–ի կայքում հրապարակված հաղորդագրության համաձայն` «Հայաստանն ընդդեմ Թուրքիայի» միջպետական գանգատն ընդունվել է վարույթ:

Թուրքիան տեղեկացվել է ՀՀ–ից իր դեմ ներկայացված գանգատի մասին։

Լավրովի կողմից Զանգեզուրի միջանցքին անդրադարձը մեսիջ է Ադրբեջանին և Թուրքիային. Դանիելյան

75
թեգերը:
Թուրքիա, Հայաստան, Մարդու Իրավունքների Եվրոպական դատարան (ՄԻԵԴ)
Ըստ թեմայի
Թուրքիայի ընդդիմությունը քննադատել է Էրդողանին Բայդենի հայտարարության համար
«Է՜յ, Էրդողան». թուրք բասկետբոլիստ Կանտերի և այլ հայտնիների արձագանքը Բայդենի ելույթին
Բայդենն ու Էրդողանը պայմանավորվե՞լ էին. Լոքմագյոզյանը կասկածներ ունի
Էրդողանը խորապես վշտացած է Բայդենի կողմից Հայոց ցեղասպանության ճանաչման առնչությամբ
Պուտինն ու Էրդողանը խոսել են ղարաբաղյան կարգավորման մասին
Արայիկ Հարությունյան

ՊԲ-ն կա և մնալու է. Արցախի նախագահը բարձրագույն հրամկազմի հետ խորհրդակցություն է անցկացրել

0
(Թարմացված է 17:53 18.05.2021)
Արայիկ Հարությունյանն ասել է, որ Արցախը հանդես է գալիս արժանապատիվ ու կայուն խաղաղության օրակարգով։

ԵՐԵՎԱՆ, 18 մայիսի – Sputnik. Արցախի Հանրապետության նախագահ Արայիկ Հարությունյանը մայիսի 18-ին այցելել է պաշտպանության նախարարություն, որտեղ պաշտպանության բանակի բարձրագույն հրամկազմի հետ խորհրդակցություն է անցկացրել: Տեղեկությունը հայտնում է Արցախի նախագահի աշխատակազմը:

Քննարկվել են բանակաշինությանը, երկրի պաշտպանունակությանը, ինչպես նաև զինծառայողների սոցիալական պայմանների բարելավմանը վերաբերող հարցեր:

Նախագահը խորին երախտագիտություն է հայտնել ՊԲ բանակի ողջ անձնակազմին իր առաքելությունը անձնվիրաբար իրականացնելու ու ուժերի ներածին չափով թուրք-ադրբեջանական տանդեմի ագրեսիայից հայրենիքը պաշտպանելու համար:

«Մենք հանդես ենք գալիս արժանապատիվ ու կայուն խաղաղության օրակարգով, սակայն դրա համար անհրաժեշտ են նաև անվտանգային երաշխիքներ: Ուստի ՊԲ-ն կա, մնալու է և կդառնա ավելի մարտունակ: Նախատեսված բարեփոխումների արդյունքում ձևավորվելու է պրոֆեսիոնալ բանակ, որտեղ կարևոր դերակատարություն են ունենալու պայմանագրային զինծառայողները»,- ասել է երկրի ղեկավարը՝ հավելելով, որ առավելագույն ջանք է ներդրվելու Արցախի անվտանգային համակարգի հետևողական ու արագ բարելավման համար:

Խոսելով զինծառայողների սոցիալ-կենցաղային պայմանների բարելավման մասին՝ Հարությունյանն ընդգծել է, որ ՀՀ կառավարության գործուն աջակցությամբ մինչև 2023 թվականը ամբողջությամբ լուծվելու է գործող և թոշակառու սպաների բնակարանային ապահովման խնդիրը, ինչպես նաև լրացուցիչ աշխատանքներ են տարվելու զինծառայողներին սոցիալական երաշխիքների տրամադրման, զոհված, մահացած, հաշմանդամ դարձած զինծառայողների և նրանց ընտանիքների անդամների սոցիալական վիճակի բարելավման ուղղությամբ:

Արցախի ՄԻՊ-ը դիմել է ԵԽ մարդու իրավունքների հանձնակատարին

0
թեգերը:
Արցախի նախագահ Արայիկ Հարությունյան, Արցախ
Ըստ թեմայի
Ո՞րն է Արցախյան պատերազմում կրած պարտության իրական պատճառը. Լևոն Տեր–Պետրոսյանի վարկածը
Միրզոյանն ու Վոլոդինը Մոսկվայում քննարկել են Արցախի թեման ու երկկողմ հարաբերությունները
Սերգեյ Շոյգուն Վաղարշակ Հարությունյանի հետ քննարկել է արցախյան խնդիրը