Հանդիպել են Արմեն Գրիգորյանն ու Դմիտրի Ռոգոզինը

Ռուսաստանը և Հայաստանը կհամագործակցեն տիեզերական տեխնոլոգիաների մշակման հարցում

60
(Թարմացված է 19:57 27.04.2021)
«Ռոսկոսմոս» պետական կորպորացիայի գլխավոր տնօրեն Դմիտրի Ռոգոզինը այս ամառ կայցելի Հայաստան։

ԵՐԵՎԱՆ, 27 ապրիլի – Sputnik. Ռուսաստանը և Հայաստանը կհամագործակցեն տիեզերական տեխնոլոգիաների նախագծման և մշակման շրջանակներում։ Պայմանավորվածությունը ձեռք է բերվել Մոսկվայում ՀՀ անվտանգության խորհրդի քարտուղար Արմեն Գրիգորյանի և «Ռոսկոսմոս» պետական կորպորացիայի գլխավոր տնօրեն Դմիտրի Ռոգոզինի միջև հանդիպման ժամանակ։ Տեղեկությունը տրամադրել է ԱԽ մամուլի ծառայությունը։

Նշվում է, որ հանդիպման մեկնարկին քարտուղար Գրիգորյանը շնորհավորել է պարոն Ռոգոզինին Տիեզերագնացության  միջազգային օրվա առթիվ, որի 60-ամյակն էր բոլորովին վերջերս՝ ապրիլի 12-ին:

«Ռուսաստանն առաջատար դիրքեր է գրավում տիեզերագնացության ոլորտի մի շարք ուղղություններում, և այս առումով կարևոր է հայ-ռուսական համագործակցությունը։ Հայաստանում տիեզերական գործունեության ոլորտի զարգացման համատեքստում առաջնային կարևորություն են տալիս Ռուսաստանի հետ փոխշահավետ համագործակցությանը», - ասել է Գրիգորյանը հանդիպմանը։

Խոսելով Հայաստանում տիեզերական գործունեության զարգացման հեռանկարների և այս ոլորտում հայ-ռուսական համագործակցության մասին` ԱԽ քարտուղար Գրիգորյանը կարևորել է այն հանգամանքը, որ Հայաստանում ընդունվել է   «Տիեզերական գործունեության մասին» օրենք, որի արդյունքում ընկերությունները, որոնք Հայաստանում կզբաղվեն տիեզերական գործունեությամբ, կստանան մի շարք հարկային արտոնություններ:

Դմիտրի Ռոգոզինն իր կողմից բարձր է գնահատել հայ-ռուսական համագործակցությունը տիեզերական մոնիթորինգի ուղղությամբ կատարվող աշխատանքների մասով և առաջարկել է ընդլայնել Ռուսաստանի և Հայաստանի միջև փոխգործակցությունը տիեզերական տեխնոլոգիաների նախագծման և մշակման շրջանակներում:

Կողմերը պայմանավորվածություն են ձեռք բերել ստեղծելու աշխատանքային խումբ՝ Հայաստանի և Ռուսաստանի միջև տիեզերական գործունեության ոլորտում ուղղությունները հստակեցնելու և անելիքները որոշակիացնելու նպատակով:

Հանդիպման ավարտին Դմիտրի Ռոգոզինը հրավիրել է հայկական կողմին սույն տարվա հունիսի 14-18 Սանկտ Պետերբուրգում կայանալիք Տիեզերական տարածության հետազոտում (GLEX-2021) խորագիրը կրող միջազգային համաժողովին: Պարոն Ռոգոզինը ընդգծել է, որ նման հարթակներում Հայաստանի ներկայացվածությունը հնարավորություն կտա ձեռք բերել համագործակցության նոր պայմանավորվածություններ այս ոլորտում:

Տիեզերքը վերադառնում է կառավարության օրակարգ. կանոնակարգվում է տիեզերական գործունեությունը

Կողմերը պայմանավորվել են ամառվա ընթացքում Դմիտրի Ռոգոզինի Հայաստան այցի ընթացքում ամփոփել աշխատանքային խմբի գործունեության արդյունքները:

60
թեգերը:
տիեզերք, Հայաստան, Ռուսաստան, Անվտանգության խորհուրդ, Արմեն Գրիգորյան
Ըստ թեմայի
ԱԽՔ-ի պաշտոնանկության համար հող է նախապատրաստվում. ԶԼՄ
Ապաշրջափակման անվան տակ խորը շրջափակում է լինելու. Օհանյանը` ԱԽՔ–ի հայտարարության մասին
Երևանը հույս ունի հզոր բանակ կառուցել Ռուսաստանի օգնությամբ. ԱԽՔ
Արամ Սարգսյանն ու Տիգրան Արզաքանցյանը

ՀԴԿ առաջնորդն ընտրություններին կմասնակցի Տիգրան Արզաքանցյանի հետ

7
(Թարմացված է 18:14 18.05.2021)
Շուտով տեղի կունենա Հայաստանի դեմոկրատական կուսակցության համագումարը, որում կներկայացվի ընտրական ցուցակը։

ԵՐԵՎԱՆ, 18 մայիսի - Sputnik. Հայաստանի դեմոկրատական կուսակցության առաջնորդ Արամ Սարգսյանն ու նախկին պատգամավոր, գործարար Տիգրան Արզաքանցյանը համագործակցության ու առաջիկա խորհրդարանական ընտրություններին մասնակցելու հուշագիր են ստորագրել:

Лидер Армянской демократической партии Арам Саркисян и основатель благотворительного фонда Тигран Арзаканцян пожимают друг другу руки во время церемонии подписания меморандума (18 мая 2021). Еревaн
© Sputnik / Asatur Yesayants
Արամ Սարգսյանն ու Տիգրան Արզաքանցյանը

Սարգսյանը նշել է, որ ընտրություններին համատեղ մասնակցելու վերաբերյալ որոշումը պայմանավորված է մի քանի գործոններով, ինչպես նաև մի շարք նախագծեր իրականացնելու ցանկությամբ։ Այդ նախագծերն ուղղված են լինելու Հայաստանը ճգնաժամային իրավիճակից հանելուն։ Մասնավորապես, խոսքը երկրի անվտանգության ապահովման, դրա տնտեսական զարգացման և արտաքին գործընկերների հետ որակապես նոր հարաբերությունների հաստատման մասին է։

Лидер Армянской демократической партии Арам Саркисян на церемонии подписания меморандума (18 мая 2021). Еревaн
© Sputnik / Asatur Yesayants
Արամ Սարգսյան

«Մենք մտադիր ենք հաղթել և կյանքի կոչել երկիրը ստեղծված իրավիճակից դուրս բերելուն ուղղված մեր ծրագիրը։ Մենք հինգ տոկոսի համար չենք ընտրությունների գնում, մենք այլ ծրագրեր ունենք», - նշել է քաղաքական գործիչը։

Лидер Армянской демократической партии Арам Саркисян на церемонии подписания меморандума (18 мая 2021). Еревaн
© Sputnik / Asatur Yesayants
Արամ Սարգսյան

Արզաքանցյանն իր հերթին ընդգծել է, որ որոշել է համագործակցել հենց դեմոկրատական կուսակցության հետ, քանի որ դրա գաղափարախոսությունը մոտ է իրեն: Բացի այդ, նախկինում Արամ Սարգսյանի հետ համագործակցության փորձ արդեն եղել է, և Արզաքանցյանն այն հաջողված է համարում։ Նա հայտարարել է, որ ընտրություններին վճռական է տրամադրված, մտադիր չէ հրաշքների սպասել:

Основатель благотворительного фонда Тигран Арзаканцян на церемонии подписания меморандума (18 мая 2021). Еревaн
© Sputnik / Asatur Yesayants
Տիգրան Արզաքանցյան

«Ես անձամբ եղել եմ Ադրբեջանի հետ շփման գծում՝ Գեղարքունիքի մարզում, Վերին Շորժայում, տեսել եմ, թե ինչպես է հակառակորդն առաջ գալիս մեր հողով։ Անհրաժեշտ է միջոցներ ձեռնարկել նրան դիմակայելու համար», - ասել է գործարարը։

Основатель благотворительного фонда Тигран Арзаканцян на церемонии подписания меморандума (18 мая 2021). Еревaн
© Sputnik / Asatur Yesayants
Տիգրան Արզաքանցյան

Օրերս կայանալու է Հայաստանի դեմոկրատական կուսակցության համագումարը, որում ներկայացվելու է ընտրական ցուցակը, ինչպես նաև հայտնի է դառնալու, թե ով է այն գլխավորելու։ Վարչապետի թեկնածու ընտրելիս հաշվի կառնվի նրա հնարավորություններն ու ներուժը։

Лидер Армянской демократической партии Арам Саркисян и основатель благотворительного фонда Тигран Арзаканцян на церемонии подписания меморандума (18 мая 2021). Еревaн
© Sputnik / Asatur Yesayants
Արամ Սարգսյանն ու Տիգրան Արզաքանցյանը

Ազգային ժողովի արտահերթ ընտրությունները տեղի կունենան հունիսի 20-ին: ՀՀ նախագահ Արմեն Սարգսյանը ստորագրել է հրամանագիրը մայիսի 10-ին:

7
թեգերը:
Հայաստան, Ընտրություններ, Տիգրան Արզաքանցյան, Արամ Սարգսյան
Ըստ թեմայի
4 «օրենքով գողի» ազատություն է տրվել` ընտրությունների վրա ազդեցություն ունենալու համար
Կառավարությունը կգործադրի բոլոր ջանքերը. Արսեն Թորոսյանը խոսել է ընտրությունների մասին
Լևոն Տեր–Պետրոսյանը կլինի վարչապետի թեկնածուն, եթե ՀԱԿ–ը մասնակցի ընտրություններին
Սերժ Սարգսյանի և Քոչարյանի շահերից է բխում, որ ՀԱԿ-ը մասնակցի ընտրություններին․ «Հրապարակ»
(0:43 / 4.53Mb / просмотров видео: 41)

Հրդեհ է բռնկվել Երևանի երեքհարկանի շենքերից մեկի տանիքում. տեսանյութ

16
(Թարմացված է 17:59 18.05.2021)
Հայտարարվել է հրդեհի բարդության «1 ԲԻՍ» կանչ․ դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս երկու մարտական հաշվարկ և մեկ ավտոսանդուղք։

ԵՐԵՎԱՆ, 18 մայիսի– Sputnik. Երևանի Պուշկին-Սարյան փողոցների խաչմերուկի երեքհարկանի շենքի տանիքում հրդեհ է բռնկվել։ Տեղեկությունը հայտնում է ՀՀ ԱԻՆ մամուլի ծառայությունը։

Հայտնում են, որ Ճգնաժամային կառավարման ազգային կենտրոն ահազանգը ստացվել է մայիսի 18-ին, ժամը 17:04-ին։ Տեղեկացրել են, որ երեքհարկանի շենքի տանիքում, հրդեհ է բռնկվել։

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ, Ճգնաժամային կառավարման ազգային կենտրոնի և Հրդեհաշիջման և փրկարարական աշխատանքների կազմակերպման բաժնի օպերատիվ խմբերը։

Չինաստանում երկնաքերը հանկարծ թեքվել է, մարդիկ սարսափահար փախել են. տեսանյութեր

Հայտարարվել է հրդեհի բարդության «1 ԲԻՍ» կանչ․ դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս երկու մարտական հաշվարկ և մեկ ավտոսանդուղք։

Ըստ նախնական տվյալների՝ հրդեհը բռնկվել է շենքի տանիքում (240 քմ)։

16
թեգերը:
շենք, Երևան, ՀՀ արտակարգ իրավիճակների նախարարություն (ԱԻՆ), հրդեհ