Նիկոլ Փաշինյան

Նիկոլ Փաշինյանը որոշել է ավելացնել ՀՀ աշխատանքի և սոցիալական հարցերի փոխնախարարների թիվը

70
Հետաքրքրական է, որ փոխնախարարի հաստիքը որոշվել է ավելացնել այն պահին, երբ տվյալ նախարարությունում նույնիսկ նախարար չկա։

ԵՐԵՎԱՆ, 27 ապրիլի - Sputnik. ՀՀ վարչապետի ժամանակավոր պաշտոնակատար Նիկոլ Փաշինյանն այսօր փոփոխություն է կատարել 2018 թվականի հունիսի 11-ին ընդունած իր նախկին որոշումներից մեկի մեջ։

Խոսքը «Պետական իշխանության մարմիններում հաստիքների առավելագույն թիվը սահմանելու» որոշման մասին է, որով «թավշյա հեղափոխությունից» հետո իշխանության եկած վարչապետը որոշ կրճատումներ էր արել պետական ապարատում։

Այսօր փաստորեն Փաշինյանը նոր փոփոխություն է արել` 1-ով ավելացնելով ՀՀ աշխատանքի և սոցիալական հարցերի նախարարների տեղակալների թիվը` ներկայիս 4-ի փոխարեն դարձնելով 5-ը։

Թե ինչով է պայմանավորված այս որոշումը, կառավարությունում չեն մեկնաբանում։

Հետաքրքրական է, որ փոխնախարարի հաստիքը որոշվել է ավելացնել այն պահին, երբ տվյալ նախարարությունը նույնիսկ ղեկավար չունի։ Նախարար Մեսրոպ Առաքելյանը ապրիլի 23-ին ազատվել էր զբաղեցրած պաշտոնից` սեփական դիմումի համաձայն։

Հիշեցնենք` իշխանափոխությունից հետո վարչապետ դարձած Փաշինյանն ու նրա ղեկավարած քաղաքական թիմը պարբերաբար հայտարարում էին պետական ուռճացված ապարատի կրճատման անհրաժեշտության մասին։

2019թ–ի ՀՀ կառավարությունը փոփոխություններ իրականացրեց «Կառավարության կառուցվածքի ու գործունեության մասին» օրենքում, որով 17 նախարարությունները թիվը կրճատվեց 5-ով։ Նախկին 17-ի փոխարեն նախարարությունների թիվը սահմանվեց 12–ը։ Կրթության, սպորտի և մշակույթի նախարարությունները միավորվեցին մեկ գերատեսչության կազմում։ Գյուղատնտեսության նախարարությունը միացվեց էկոնոմիկայի նախարարությանը։

88 հաստիք ունեցող սփյուռքի նախարարությունը լուծարվեց։ Փոխարենը վարչապետի աշխատակազմում ստեղծվեց Սփյուռքի հարցերով հանձնակատարի գրասենյակ՝ 25 հաստիքով:

2020 թվականի տվյալներով` արդարադատության նախարարությունից օպտիմալացման ամբողջ պրոցեսի ընթացքում կրճատվել է 5 աշխատակից։ ԿԳՄՍ նախարարության կազմավորման արդյունքում միավորված 3 նախարարություններից միասին կրճատվել է 13 աշխատող։

Բարձր տեխնոլոգիական արդյունաբերության նախարարությունում, հակառակը, կրճատումների փոխարեն նոր աշխատատեղեր են բացվել։ Տրանսպորտի, կապի և ՏՏ նախկին նախարարությունը, որի հիմքի վրա հետագայում ձևավորվեց ՀՀ բարձր տեխնոլոգիական արդյունաբերության նախարարությունը, 2018թ.–ին 130 աշխատակից ուներ։ Իսկ նոր ձևավորված գերատեսչությունը` 198։

Աշխատանքի և սոցիալական հարցերի նախարարությունում ևս 2019թ.–ին կրճատումներ չեն եղել։ 2018թ.–ից ի վեր այս գերատեսչությունում հաստիքների թիվն անփոփոխ է` 700։ Տարածքային կառավարման ու ենթակառուցվածքների նախարարության աշխատակիցների թիվը թե՛ հեղափոխությունից առաջ, թե՛ 2020–ին եղել է 313։

70
թեգերը:
պաշտոն, Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան (1197)
Ըստ թեմայի
Նիկոլ Փաշինյանը վարչապետի պաշտոնակատար չպետք է լինի. հրաժարականի իմաստը հենց դա է
«Իմ քայլը» խմբակցությունը վարչապետի պաշտոնում առաջադրեց Փաշինյանի թեկնածությունը
Փաշինյանի համար կարևոր է օրինական հաղթելը. Մարկեդոնովը` քաղաքական դասավորության մասին
Սահմանային գոտի, արխիվային լուսանկար

ՊՆ–ն հաստատեց` հայ և ադրբեջանցի զինվորականների միջև վիճաբանություն է եղել

91
(Թարմացված է 17:01 18.05.2021)
Ըստ տրամադրված մեկնաբանության, միջադեպը տեղի է ունեցել Գեղարքունիքում, երեկ` մայիսի 17–ին, և արագ հարթվել է։

ԵՐԵՎԱՆ, 18 մայիսի –Sputnik. Հայկական և ադրբեջանական ուժերի շփման գծի Վարդենիսի հատվածում հայ և ադրբեջանցի զինվորականների միջև երեկ վիճաբանություն է եղել։

Լուրը Sputnik Արմենիայի հետ զրույցում հասատեցին ՀՀ պաշտպանության նախարարությունից։

Ըստ տրամադրված մեկնաբանության, միջադեպը տեղի է ունեցել երեկ և արագ հարթվել է։  Այլ մանրամասներ ՊՆ–ը չի հայտնում։

Հիշեցնենք` մայիսի 12-ի առավոտյան ադրբեջանական զինուժը «սահմանների ճշգրտման» հիմնավորմամբ փորձել է որոշակի աշխատանքներ իրականացնել Սյունիքի և Գեղարքունիքի սահմանային հատվածներիում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Ինչո՞ւ են Հայաստանի սահմանային հարցերը քննարկում ՀԱՊԿ-ը և Ադրբեջանը

Նույն օրը ՀՀ վարչապետի պաշտոնակատար Նիկոլ Փաշինյանն անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

Մայիսի 14–ին Փաշինյանը հայտարարեց, որ կեսօրին պաշտոնապես դիմել են ՀԱՊԿ և ռազմական աջակցության հարցով դիմել ՌԴ նախագահ Վլադիմիր Պուտինին։

Մայիսի 13-ից ադրբեջանցիների հետ բանակցություններ են անցկացվում։

91
թեգերը:
Վարդենիս, Ծեծկռտուք, սահմանապահ, Սահման, Գեղարքունիքի մարզ, ադրբեջանցի, Ադրբեջան, ՀՀ Պաշտպանության նախարարություն (ՊՆ)
թեմա:
Սահմանային խախտումներ. իրադրությունը Սյունիքում և Գեղարքունիքում
Ըստ թեմայի
ԱԽ քարտուղարն ասել է, թե ինչու Հայաստանի սահմանը խախտած ադրբեջանցիները չեն գերեվարվել
Ինչո՞ւ են Հայաստանի սահմանային հարցերը քննարկում ՀԱՊԿ-ը և Ադրբեջանը
Գրիգորյանը սահմանային իրավիճակը քննարկել է ՀԱՊԿ ԱԽ քարտուղարների կոմիտեի նախագահի հետ
ՌԴ ԱԳՆ

Հայաստանի և Ադրբեջանի սահմանին անհրաժեշտ է սահմանազատման գործընթաց սկսել. ՌԴ ԱԳՆ

57
(Թարմացված է 16:40 18.05.2021)
Ռուսաստանը ուշադիր հետևում է հայ-ադրբեջանական սահմանին տիրող իրավիճակին և օպերատիվ կապ է պահպանում սահմանապահ ծառայությունների հետ։

ԵՐԵՎԱՆ, 18 մայիսի - Sputnik. Հայ-ադրբեջանական սահմանին միջադեպերից խուսափելու համար անհրաժեշտ է սահմանազատման գործընթաց սկսել։ Այս մասին ասված է ՌԴ ԱԳՆ տարածած հայտարարության մեջ։

Ընդգծվում է, որ Ռուսաստանն ուշադիր հետևում է հայ-ադրբեջանական սահմանին տիրող իրավիճակին և օպերատիվ կապ է պահպանում ռազմական և սահմանապահ ծառայությունների հետ:

Ավելի վաղ ՌԴ ԱԳ նախարար Սերգեյ Լավրովը հայտարարել էր, որ Մոսկվան պատրաստ է աջակցել Երևանին և Բաքվին հայ-ադրբեջանական սահմանի սահմանազատման հարցում, այդ թվում՝ քարտեզագրական նյութեր և խորհրդատվական ծառայություններ տրամադրելով:

«Հիմք ենք ընդունում այն, որ բոլոր նման միջադեպերը պետք է լուծել բացառապես խաղաղ, բանակցային ճանապարհով։ Երկարաժամկետ լուծում կարող է լինել հայ-ադրբեջանական սահմանի դելիմիտացիայի գործընթացի մեկնարկը՝ դրան հաջորդած սահմանագծմամբ ։ Ռուսաստանի Դաշնությունը պատրաստ է այսուհետ ևս ամեն կերպ աջակցել Հարավային Կովկասի իրադրության կարգավորմանը», - նշվում է հաղորդագրության մեջ:

Նշվում է, որ ռուսական կողմը Երևանին և Բաքվին աջակցություն է ցուցաբերում լարվածության թուլացման հարցում:

Հիշեցնենք` մայիսի 12-ի առավոտյան ադրբեջանական զինուժը «սահմանների ճշգրտման» հիմնավորմամբ փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Ինչո՞ւ են Հայաստանի սահմանային հարցերը քննարկում ՀԱՊԿ-ը և Ադրբեջանը

Նույն օրը ՀՀ վարչապետի պաշտոնակատար Նիկոլ Փաշինյանն անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

Մայիսի 14–ին Փաշինյանը հայտարարեց, որ կեսօրին պաշտոնապես դիմել են ՀԱՊԿ և ռազմական աջակցության հարցով դիմել ՌԴ նախագահ Վլադիմիր Պուտինին։

Մայիսի 13-ից ադրբեջանցիների հետ բանակցություններ են անցկացվում։

57
թեգերը:
Ադրբեջան, Արտաքին գործերի նախարարություն (ԱԳՆ), Սյունիք, Զանգեզուր, Սահման, Հայաստան, Ռուսաստան
թեմա:
Սահմանային խախտումներ. իրադրությունը Սյունիքում և Գեղարքունիքում
Ըստ թեմայի
Լավրովը հայտարարել է, որ Սյունիքի վերաբերյալ պայմանավորվածություն է ձեռք բերել
Սյունիքյան դեպքերը կազդեն նախընտրական տրամադրությունների վրա. քաղտեխնոլոգն ասաց` ինչպես
Այսօր որոշ ադրբեջանցիներ հետ են գնացել. ՀԱՊԿ–ում կքննարկվի Սյունիքում ստեղծված իրավիճակը